ပြည်တွင်းကုန်သွယ်မှုသတင်း

         မိတ္ထီလာဈေးကွက်သို့ ငှက်ပျောသီး(ဖီးကြမ်း)များအား ကျောက်ဆည်၊ ကူမဲဘက်မှဝင်ရောက်ကြောင်း သိရပါသည်။ ငှက်ပျောသီးကို ငှက်ပျော်သီးမှည့်အဖြစ်လည်း စားသုံးသလို ငှက်ပျောသီးကြော်၊ ငှက်ပျော်ရွေကြည်၊ ငှက်ပျောပေါင်း အစရှိသည့် သရေစာမများလုပ်၍လည်း စားသုံးနိုင်ပါသည်။ ငှက်ပျောသီးများကိုရှေးလူကြီးများအဆိုအရ (မနက်ငှက်ပျော၊ ညသင်္ဘော) ဆိုသလို မနက်စာဖီးကြမ်းမှည့်သီးတစ်လုံးကိုစားသုံးပေးခြင်းဖြင့် ကျန်းမာရေးကိုများစွာ အထောက်အကူပြုပြီး ကိုယ်ခံအားကောင်းစေပါသည်။ ငှက်ပျောသီးသည် အမျှင်ဓာတ်ပါ၍ဝမ်းချုပ်ခြင်းမှလည်းကာကွယ်ပေးပါသည်။

    ဈေးနှုန်းအနေဖြင့် နိုဝင်ဘာလ၊ ဒုတိယပတ်တွင်မြို့မဈေးနှင့် မြို့ပေါ်ရပ်ကွက်ဈေးများတွင် ငှက်ပျောသီး(ဖီးကြမ်း)တစ်ဖီးလျှင် (၄၀၀၀/၅၀၀၀/၆၀၀၀)ကျပ်ရောင်းချပြီး အဖီးအရွယ်အစားအလိုက် ဈေးနှုန်းပြောင်းလဲနိုင်ပြီး အခိုင်လိုက်လည်းရောင်းချလျက်ရှိကြောင်း စုံစမ်းသိရှိရပါသည်။

DOCA(မန္တလေး)

              မန္တလေးတိုင်းဒေသကြီးသည် လယ်မြေထက်ယာမြေများ ပိုမိုများပြားသော တိုင်းဒေသကြီး ဖြစ်သဖြင့် ယာမြေပေါ်တွင်စိုက်ပျိုးထွက်ရှိသော ပဲမျိုးစုံကို အဓိကထားစိုက်ပျိုးလျက် ရှိပါသည်။ ပဲမျိုးစုံကို နွားထိုးကြီးမြို့နယ်၊ မတ္တရာမြို့နယ်၊ ကျောက်ပန်းတောင်းမြို့နယ်၊ မလှိုင်၊ တောင်သာ၊ ရမည်းသင်း နှင့်ပျော်ဘွယ်မြို့နယ်များတွင် အများအပြား စိုက်ပျိုးလျက် ရှိပါသည်။ ယခုအချိန် အခါတွင်ဆောင်သီးနှံများဖြစ်သည့် မြေပဲ၊ မတ်ပဲ၊ ပဲတီစိမ်း၊ ပဲစဉ်းငုံနီ၊ ကုလားပဲနှင့် ပဲပုတ် သီးနှံ အသစ်များ  ဈေးကွက်သို့ စတင်ဝင်ရောက် အရောင်းအဝယ် ဖြစ်လျက်ရှိကြောင်း သိရှိရပါသည်။

           မြေပဲဆံနီတစ်ပိဿာလျှင် (၉၀၀၀)ကျပ်၊ မတ်ပဲတစ်ပိဿာလျှင် (၄၆၆၇)ကျပ်၊ ပဲတီစိမ်း တစ်ပိဿာလျှင် (၅၂၄၄)ကျပ်၊ ပဲစဉ်းငုံနီတစ်ပိဿာလျှင် (၄၅၅၀)ကျပ်၊ ကုလားပဲတစ်ပိဿာလျှင် (၄၆၂၂)ကျပ်နှင့် ပဲပုတ်(ဗမာ)တစ်ပိဿာလျှင် (၆၇၆၁)ကျပ်ဖြင့် အရောင်းအဝယ်ဖြစ်လျက်ရှိပြီး Exporten သမားများ၊ ဒေသတွင်းပဲခွဲစက်နှင့် ဆီစက် ကြိတ်ခွဲထုတ်လုပ်မှုများ ပုံမှန် အရောင်းအဝယ် ဖြစ်လျက်ရှိသည်။ မြေပဲဆံနီဈေးနှုန်းသည် ယခင်လထက် အနည်းငယ် မြှင့်တက် လျက်ရှိပြီး ပဲစဉ်းငုံနီဈေးနှုန်းမှာ ငြိမ်သက်လျက် ရှိကြောင်း၊ မတ်ပဲ၊ ပဲတီစိမ်း၊ ကုလားပဲနှင့် ပဲပုတ်ဈေးနှုန်းမှာ ယခင်လထက် အနည်းငယ်ကျဆင်းသွား ကြောင်းသိရပါသည်။

Doca(မန္တလေး)

         မိတ္ထီလာမြို့ ဘူတာဟောင်းဈေးတွင် ဘုရားပန်းမျိုးစုံများဖြစ်သည့် သပြေပန်း၊ ဂန္ဓမာပန်း၊ ပန်းတိမ်ငိုပန်း၊ ဇွန်ပန်း၊ ရွှေပန်း၊ ငွေပန်းများရောင်းချကြသည့်အနက်မှ နယ်မြို့တွင် လူကြိုက်များသော ရေမွှေးပန်းကို နွေ၊ မိုး၊ ဆောင်း ရာသီမရွေးရေလောင်းစိုက်ပျိုးနိုင်သော အပင်မျိုးဖြစ်၍ မိတ္ထီလာမြို့ တောမကျေးရွာ၊ ညောင်ကိုင်းကျေးရွာများတွင် တစ်ပိုင်တစ်နိုင် စိုက်ပျိုးကြရာ မကြာသေးခင်ရက်ပိုင်းက မိုးများခဲ့၍ ပန်းခင်းများပျက်စီးခဲ့ပြီး ကျန်ပန်းများမှာလည်း ရောင်းတန်းမမှီ၊ မလှတော့ပါသဖြင့် ဈေးကွက်အတွင်း ပန်းအဝင်နည်းခဲ့ကြောင်း ပန်းရောင်းချသူများထံမှသိရပါသည်။

           ဈေးနှုန်းအနေဖြင့် နိုဝင်ဘာလဒုတိယပတ်တွင် ရေမွှေးပန်း (၅)ပင်စည်း တစ်စည်းလျှင် (၁၀၀၀) ကျပ်ဈေးဖြင့်ရောင်းချလျှက်ရှိပြီး  ယခင်လတွင်(၁၀)ပင်စည်း တစ်စည်းလျှင် (၈၀၀ - ၁၀၀၀)ကျပ်ဈေး ဖြင့်ရောင်းချခဲ့ရာ ယခင်လနှင့်နှိုင်းယှဉ်လျင်ဈေးနှုန်းအနေဖြင့် မသိသာသော်လည်း ပန်းအခတ်ပါဝင်မှုတွင် လျော့နည်းသွားကြောင်း  ဘုရားပန်းစိုက်ပျိုးရောင်းချသူများထံမှ စုံစမ်းသိရပါသည်။

DOCA(မန္တလေး)

        မိတ္ထီလာဈေးကွက်သို့ ပင်းတယဘက်မှ ရွှေကန်စွန်းဥများကို မိတ္ထီလာမြို့မဈေးနှင့် မြို့ပေါ်ရပ်ကွက်ဈေးများတွင်တွေ့မြင်ရပြီး ဝယ်သူများလည်းကြိုက်ကြကြောင်း၊ ရွှေကန်စွန်းဥများကို (၅)ရက် ခြားတစ်ခါအချိန်ပိဿာ(၁၅၀)မှ(၂၀၀)ပိဿာခန့် ဝင်ရောက်ကြောင်းသိရပါသည်။ ရွှေကန်စွန်းဥသည် အသားနုညံ့ပြီး အနံ့ကောင်းမွန်၍ မုန့်ဖုတ်၍လည်းကောင်း၊ ကြော်ချက်စား၍လည်းကောင်း၊ ပြုတ်၍လည်းကောင်း စားသောက်ကြ၍ လူကြိုက်များသောအစားအစာတစ်မျိုး ဖြစ်ပါသည်။

      အဟာရဓာတ်အနေဖြင့် ဗီတာမင်စီ၊ ပိုတက်စီယမ်တို့ပါဝင်၍ ကိုယ်ခံအားမြှင့်တင်ပေးခြင်း၊ အစာအိမ်နှင့်အူလှုပ်ရှားမှုကောင်းစေ၍ အလေးချိန်ထိန်းလိုသူများ စားသင့်ကြောင်း သိရပါသည်။ ဈေးနှုန်းအနေဖြင့် နိုဝင်ဘာလ၊ဒုတိယပတ်တွင် တစ်ပိဿာလျှင် (၃၅၀၀)ကျပ်မှ(၄၀၀၀)ကျပ်ဈေးရှိကြောင်း မိတ္ထီလာမြို့၊ ပေါက်ချောင်းဈေးမှစုံစမ်း သိရှိရပါသည်။

DOCA(မန္တလေး)

       မိတ္ထီလာမြို့ ဈေးကွက်တွင် ယခုနိုဝင်ဘာလတတိပတ်တွင် မြေပဲဆံဈေးနှုန်းများမှာ မြေပဲလုံးဆန် တစ်ပိဿာလျှင်(၈၀၀၀-၈၂၀၀)ကျပ်၊ ဆီဆန်တစ်ပိဿာလျှင်(၇၇၀၀-၇၆၀၀)ကျပ်၊ ပဲဆီတစ်ပိဿာလျှင် (၁၅၀၀၀-၁၆၀၀၀)ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်လနှင့် ကာလတူနှိုင်းယှည်လျှင် မြေပဲလုံးဆန် တစ်ပိဿာလျှင်(၇၀၀)ကျပ်၊ ဆီဆန်တစ်ပိဿာ လျှင်(၅၀၀)ကျပ်၊ ပဲဆီတစ်ပိဿာလျှင် (၁၀၀၀)ကျပ်ထိဈေးနှုန်းမြင့်တက်လာကြောင်း၊ ဈေးနှုန်းမြင့်တက်လာရခြင်းမှာ ဈေးကွက်လက်ကျန်နည်းခြင်း၊ ပြည်ပဝယ်လတ်များခြင်းကြောင့်ဖြစ်ကြောင်း၊ ဒေသတွင်းဆီစက် လုပ်ငန်းများမှာကြိတ်ခွဲထုတ်လုပ်ရန်ကုန်ကြမ်းကို ဒေသတွင်းမှဝယ်ယူရရှိမှုနည်းသဖြင့် ကျောက်ပ တောင်း၊ မကွေး၊ပြည်၊ တပ်ကုန်းစသည့်မြို့များမှဝယ်ယူ၍ ကြိတ်ခွဲရသဖြင့် ကုန်ချောဈေးနှုန်းများ လည်းမြင့်တက်လာခြင်း၊ တိရိစ္ဆာန်အစာဈေးများ မြင့်တက်လာခြင်းကြောင့် ဆီစက်လုပ်ငန်းရှင်တစ်ဦီးထံမှ သိရပါသည်။

DOCA(မန္တလေး)