ပြည်တွင်းကုန်သွယ်မှုသတင်း

ပြည်ထောင်စုနယ်မြေ၊ နေပြည်‌တော်အတွင်းမွေးမြူရေးခြံများမှ ဈေးကွက်လိုအပ်ချက်အား ပြည့်စုံစွာ ရရှိနေမှုသည် ဈေးနှုန်းလျော့ကျမှုကို ရှိစေခဲ့ပါသည်။ ဒေသတွင်း မွေးမြူမှုပိုမိုလာမှုနှင့် ဖြစ်ထွန်းမှုအကောင်းဆုံး အခြေအနေများ ရရှိခဲ့မှုများသည်လည်း ဈေးနှုန်လျော့ကျခဲ့မှုကို ရှိစေခဲ့ ပါသည်။ အခြားမြို့ကြီးများရှိ ဈေးကွက်များသို့ တင်ပို့မှု မရှိခဲ့ခြင်းနှင့် အခြား ဈေးကွက်များနှင့် လည်း ဈေးနှုန်းကွာခြားမှု နည်းခဲ့သဖြင့် ဒေသတွင်း ဖြန့်ဖြူးမှု ပိုမိုခဲ့ပြီး၊ ဈေးနှုန်းလျော့ကျမှု ရှိလာခဲ့ပါသည်။ ပြည်ထောင်စုနယ်မြေ၊ နေပြည်‌တော်အတွင်း ဒေသတွင်းထွက်ရှိမှုပိုမိုလာပြီး၊ ဒေသတွင်း ဈေးကွက်များသို့ ဝင်ရောက်မှုရှိနေသည့် ရှမ်း(တောင်)မှဝင်ရောက်မှုတွင်လည်းပိုမိုခဲ့ပါသည်။ ဒေသ တွင်း မွေးမြူထွက်ရှိမှုများမှ ကျေးရွာ /ရပ်ကွက် အတွင်းရှိ လက်လီဆိုင်များသို့ အရောက် ဖြန့်ဖြူးနေမှု အနေအထားနှင့် ရှမ်း(တောင်)မှ ဝင်ရောက်မှုများတွင် ဈေးကွက်ငယ်များသို့ တိုက်ရိုက် ရောက်ရှိမှုများ ရှိခဲ့သဖြင့် ဈေးနှုန်းလျော့ကျမှုများ ရှိလာကြောင်း သိရှိရပါသည်။ DOCA(နေပြည်တော်)

စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ် ငန်းများကို အဓိကထားလုပ်ကိုင်သော ဒေသတစ်ခုဖြစ်ပြီး၊ သီးနှံမျိုးစုံစိုက်ပျိုးလျက်ရှိရာ မိုးသီးနှံ အစေ့ထုတ်ပြောင်း(၈၈၉၃၁)ဧက စိုက်ပျိုးရိတ်သိမ်းနိုင်ခဲ့ကြောင်း၊ အစေ့ထုတ်ပြောင်းကို ကန့်ဘလူ မြို့နယ် နတ်ပေးကျေးရွာနှင့် အခြားသောကျေးရွာများတွင်လည်း စိုက်ပျိုးကြောင်း သိရသည်။ ကန့်ဘလူမြို့နယ်၌ အစေ့ထုတ်ပြောင်း စိုက်ပျိုးရာတွင် မျိုးအနေဖြင့် C.P.808 နှင့် C.P.888 မျိုးတို့ကို အများဆုံးစိုက်ပျိုးကြကြောင်း၊ ၂၀၂၅ခုနှစ်၊ ဇွန်လ စတုတ္ထပတ်အတွင်း အစေ့ထုတ်ပြောင်း (၁)တင်းလျှင် (၂၂၀၀၀)ကျပ်၊ ပြောင်းအရည်အသွေးညံ့လျှင် (၂၁၅၀၀)ကျပ်ဖြင့် အရောင်းအဝယ်ဖြစ် လျက်ရှိကြောင်း၊ ယခုပတ်အတွင်း အစေ့ထုတ်ပြောင်း(၁)တင်းလျှင် (၁၂၀၀)ကျပ်ကျဆင်းသွား ကြောင်း၊ ဈေးကွက်အတွင်း အစေ့ထုတ်ပြောင်း ဝင်ရောက်မှုနည်းသော်လည်း ပုံမှန်အရောင်းအဝယ် ဖြစ်လျက်ရှိကြောင်း ဒေသတွင်းပွဲရုံလုပ်ငန်းရှင်များထံမှ သိရှိရပါသည်။ DOCA(စစ်ကိုင်း)