ပြည်တွင်းကုန်သွယ်မှုသတင်း

     ၂၀၂၄ ခုနှစ်၊ သြဂုတ်လ(၆)ရက်နေ့အထိ တနင်္သာရီတိုင်းဒေသကြီး၊ ထားဝယ်ခရိုင်ရှိ ဘိလပ်မြေဈေးနှုန်းများမှာ ကြံ့နှစ်ကောင်အမှတ်တံဆိပ်(50)k (၁)အိတ်လျှင် ကျပ်(၁၄၃၀၀)၊ ဆင်နီ(ထိုင်း)အမှတ်တံဆိပ်(50)k (၁)တစ်အိတ်လျှင် ကျပ်(၁၃၅၀၀)၊ Apacheအမှတ်တံဆိပ်(50)k (၁)အိတ်လျှင် ကျပ်(၁၃၅၀၀)ရှိကြောင်း သိရပါသည်။ ယခုအပတ်အတွင်း ဘိလပ်မြေဈေးနှုန်းများမှာ တည်ငြိမ်လျက်ရှိကြောင်း သိရပါသည်။ ထို့အပြင် ဈေးကွက်အတွင်း ဘိလပ်မြေပြတ်လပ်မှုမရှိကြောင်း အိမ်ဆောက်ပစ္စည်းအရောင်းဆိုင်များမှ သိရပါသည်။

    ၂၀၂၄ ခုနှစ်၊ သြဂုတ်လ၊ ပထမပတ်အတွင်း ဓါတ်မြေသြဇာဈေးနှုန်းများမှာ ယူရီယား(မြင်းပျံ၊ အာမို၊သြဘာ)အမှတ်တံဆိပ် (50)k တစ်အိတ်လျှင် ကျပ်(၁၀၅၀၀၀)၊ တီစူပါ(သံကွင်း) အမှတ်တံဆိပ်(50)k တစ်အိတ်လျှင် ကျပ်(၁၂၈၀၀၀)၊ ပိုတက်ရှ်(တိုတာ၊ဂျာမနီ)အမှတ်တံဆိပ်(50)k တစ်အိတ်လျှင် ကျပ်(၁၄၀၅၀၀)ရှိပြီး ယခင်အပတ်ဈေးနှုန်းနှင့်နှိုင်းယှဉ်ပါက ဈေးနှုန်းတည်ငြိမ်လျက်ရှိကြောင်း ဓါတ်မြေသြဇာအရောင်းဆိုင်များမှသိရပါသည်။

DOCA(တနင်္သာရီ)

     မကွေးတိုင်းဒေသကြီး၊ အောင်လံမြို့၊ အောင်လံကုန်စည်ဒိုင်တွင် နှမ်းနှင့်ပဲမျိုးစုံသီးနှံများ နေ့စဉ်အရောင်းအဝယ်ဖြစ်လျက်ရှိရာ ၂၀၂၄ ခုနှစ်၊ ဇူလိုင်လ(စတုတ္ထပတ်)အတွင်းတွင် နှမ်းနက်(စမုံ)မှာ (၄၅)ပိဿာပါဝင် (၁)အိတ်လျှင် အနိမ့်ဈေး ကျပ်(၃၇၅၀၀၀)၊ အမြင့်ဈေး ကျပ်(၃၈၀၀၀၀)ဈေးနှုန်းဖြင့် (၄၅)ပိဿာဝင် အိတ်(၉၀) အိတ်အရောင်းအဝယ်ဖြစ်ခဲ့ပါကြောင်းနှင့် နှမ်းသီးနှံမှာ ကုန်သည်များ၏ လက်ဝယ်တွင် အနည်းငယ်မျှသာ ကျန်ရှိနေပါသဖြင့် အရောင်းအဝယ်ခပ်ပါးပါးမျှသာရှိပါကြောင်း သိရပါသည်။

     ပဲမျိုးစုံသီးနှံဈေးကွက်တွင် ဇူလိုင်လ(စတုတ္ထပတ်)အတွင်းတွင် မတ်ပဲ (၁)တင်းလျှင် အနိမ့်ဈေး ကျပ်(၁၀၅၅၀၀)၊ အမြင့်ဈေး ကျပ်(၁၀၇၀၀၀)ဈေးနှုန်းဖြင့် (၁)တင်းခွဲဝင် အိတ်(၁၀၀)ကိုလည်းကောင်း၊ ပဲစဉ်းငုံနီမှာ (၁)တင်းလျှင် အနိမ့်ဈေး ကျပ်(၁၃၃၀၀၀)၊ အမြင့်ဈေး ကျပ်(၁၄၀၀၀၀)ဈေးနှုန်းဖြင့် (၁) တင်းခွဲဝင်အိတ်(၁၈၀) ကိုလည်းကောင်း၊ ကုလားပဲ(HL) (၁)တင်းလျှင် အနိမ့်ဈေး ကျပ်(၈၂၅၀၀)၊ အမြင့် ဈေး ကျပ်(၈၅၀၀၀)ဈေးနှုန်းဖြင့် (၁)တင်းခွဲဝင် အိတ်(၃၅၀)ကို လည်းကောင်း၊ ကုလားပဲ (မြကြေး) (၁)တင်းလျှင် အနိမ့်ဈေး ကျပ်(၈၅၀၀၀)၊ အမြင့်ဈေး ကျပ်(၈၇၀၀၀)ဈေးနှုန်းဖြင့် (၁)တင်းခွဲဝင်အိတ် (၁၈၀)ကိုလည်းကောင်း၊ ပဲကြီး(၁)တင်းလျှင် အနိမ့်ဈေး ကျပ်(၈၀၀၀၀)၊ အမြင့်ဈေး ကျပ်(၈၅၀၀၀) ဈေးနှုန်းဖြင့် (၁)တင်းခွဲဝင် အိတ်(၁၇၀)ကိုလည်းကောင်း၊ ပဲတီစိမ်း(၁)တင်းလျှင် အနိမ့်ဈေး ကျပ် (၅၅၀၀၀)၊ အမြင့်ဈေး ကျပ်(၆၈၀၀၀)ဖြင့် အိတ်(၃၀၀)အိတ်ကိုလည်းကောင်း အသီးသီးအရောင်းအဝယ်ရှိကြောင်း၊ ၎င်းပဲမျိုးစုံသီးနှံဖြစ်သည့် ကုလားပဲ(HL)၊ ကုလားပဲ(မြကြေး)တို့ကို အောင်လံမြို့နယ် တွင်းရှိ ပဲခွဲစက်များသို့ ပေးပို့ရောင်းချခြင်းဖြစ်ပြီး ပဲကြီးကို ပဲကြော်လုပ်ငန်းဖိုသို့လည်းကောင်း၊ မတ်ပဲ၊ ပဲစဉ်းငုံနီနှင့်ပဲတီစိမ်းတို့ကို ရန်ကုန်မြို့သို့လည်းကောင်း တင်ပို့ရောင်းချခြင်းဖြစ်ကြောင်း၊ ဈေးနှုန်း ဈေးကွက်အနေဖြင့် နှမ်းသီးနှံမှာ ဈေးနှုန်းပြောင်းလဲခြင်းမရှိဘဲ လက်ကျန်အနည်းငယ်မျှသာ အရောင်းအဝယ်ရှိခဲ့ပြီး ပဲမျိုးစုံသီးနှံအနေဖြင့် ယခုရာသီမှာ စိုက်ပျိုးရာသီဖြစ်သည့်အတွက် ပဲတီစိမ်းသီးနှံမှာ သီးနှံအသစ်အနည်းငယ်ထွက်ရှိလာပြီဖြစ်၍ အရောင်းအဝယ်ဖြစ်လျက်ရှိကြောင်း၊ ယခုမိုးရာသီအချိန် တွင် ပဲတီစိမ်းစိုထိုင်းစမှာ (၁)တင်းလျှင် ကျပ်(၅၅၀၀၀)နှင့် ထိပ်စအမျိုးအစားမှာ (၁)တင်းလျှင် ယခုတစ်ပတ်အတွင်း ကျပ်(၆၂၀၀၀)ဈေးနှုန်းဖြစ်ပေါ်လျက်ရှိပါကြောင်း၊ ဝါသီးနှံမှာ ယခုတစ်ပတ်အတွင်း တွင် (၁)ပိဿာလျှင် ကျပ်(၃၀၀၀ မှ ၃၁၀၀)ဈေးနှုန်းရှိခဲ့ပြီး ဝါပိဿာချိန် (၄၀၀၀)ပိဿာခန့်အား မန္တလေးမြို့သို့တင်ပို့ ရောင်းချပါကြောင်း၊ ဝါသီးနှံမှာလည်း စိုက်ပျိုးရာသီဖြစ်သည့်အတွက် သီးနှံအသစ်ထွက်ရှိမှုမရှိပဲ လက်ကျန်များကိုသာ ကုန်သည်များထံမှ ထုတ်၍ရောင်းချခြင်းဖြစ်ပါကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ မင်းလှမြို့နယ်၌ ယခု၂၀၂၄ခုနှစ်တွင် ဝါသီးနှံစိုက်ဧက (၃၅၀၆၆)ကျော်လျာထားပြီး ဇူလိုင်လတွင် စိုက်ဧက(၅၀၀၀)ခန့် စိုက်ပျိုးထားပြီးဖြစ်ကြောင်း မင်းလှမြို့နယ် ကြေးတိုင်နှင့်မြေစာရင်းဦးစီးဌာနမှ သိရသည်။

    မင်းလှမြို့နယ်တွင် ဝါသီးနှံစိုက်ပျိုးရာတွင် ရာကာ(၆၆၆)စပ်မျိုးကို အဓိကထားစိုက်ပျိုးလျက် ရှိပြီး ရွှေတောင်-၈၊ ရွှေတောင်-၁၀ နှင့် ငွေချည်-၁၁ မျိုးများလည်း စိုက်ပျိုးကြကြောင်း၊ ဝါမျိုးစေ့များကို မင်းလှမြို့နယ် စိုက်ပျိုးရေးဦးစီးဌာနမှ ဝါမျိုးစေ့တစ်ပိဿာလျှင် ကျပ်(၃၀၀၀)ဖြင့် ဝယ်ယူစိုက်ပျိုးကြောင်း၊ စိုက်ပျိုးရာတွင်  အတန်းလိုက် နှစ်ပေခွဲခြားကာ တန်းဖြူး၍စိုက်ပျိုးပြီး တစ်ဧကလျှင် မျိုးစေ့ (၃)ပိဿာ ကုန်ကျကြောင်း၊ တစ်ဧကစိုက်ပျိုးမှု ကုန်ကျစရိတ်အနေဖြင့် ကျပ်(၃၀၀၀၀၀)ကျော် ကုန်ကျကြောင်း သိရသည်။

   မင်းလှမြို့နယ်အတွင်းမှ ထွက်ရှိသည့် ဝါများကို မင်းလှမြို့ပေါ်ရှိပွဲရုံများမှတဆင့် မန္တလေးမြို့ တပ်မတော်ချည်မျှင်နှင့် အထည်စက်ရုံနှင့် ပုဂ္ဂလိကချည်မျှင်နှင့် အထည်စက်ရုံများသို့ တင်ပို့ရောင်းချကြကြောင်း၊ ယခုနှစ်ဩဂုတ်လ(ပထမပတ်)တွင် ဈေးနှုန်းမှာ ဝါတစ်ပိဿာလျှင် ကျပ်(၃၃၀၀)၊ ဝါဂွမ်းတစ်ပိဿာလျှင် ကျပ်(၇၅၀၀-၈၀၀၀) ဖြစ်ပြီး ယခင်နှစ် ဩဂုတ်လ(ပထမပတ်)တွင် ဝါတစ်ပိဿာလျှင် ကျပ်(၃၈၀၀)၊ ဝါဂွမ်းတစ်ပိဿာလျှင် (၈၅၀၀-၉၅၀၀) ဖြင့် ရောင်းချခဲ့ရ၍ နှစ်(၂)နှစ်ကို ကာလတူနှိုင်းယှဉ်ပါက ယခင်နှစ်ကထက် ဝါတစ်ပိဿာလျှင် ကျပ်(၅၀၀)၊ ဝါဂွမ်းတစ်ပိဿာလျှင် ကျပ်(၁၀၀၀-၁၅၀၀)ဈေးကျခဲ့ကြောင်း၊ တောင်သူများအနေဖြင့် ရာသီဥတု မမှန်ခြင်းနှင့် ဝါဈေးနှုန်းကျဆင်းခြင်းကြောင့် ယခုနှစ်တွင် ဝါစိုက်ဧကမှာ ယခင်နှစ်ကထက် လျော့နည်းစိုက်ပျိုးလာကြောင်း မင်းလှမြို့နယ် ဝါလုပ်ငန်းရှင်ထံမှ သိရသည်။  

DOCA(မကွေး)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါ ဆောင်ရွက်လျက်ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေးကွက်အတွင်းသို့ ရှမ်းပြည်နယ် အောင်ပန်းတို့မှထွက်ရှိသော ခရမ်းချဥ်သီးများကို မန္တလေးတိုင်းဒေသကြီးမှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

      ခရမ်းချဥ်သီးများသည် ယခုအချိန် မိုးရာသီတွင် ဒေသထွက် ခရမ်းချဥ်သီးများ ဈေးကွက်အတွင်းသို့ ဝင်ရောက်မှုမရှိသည့်အတွက် ရှမ်းပြည်နယ် အောင်ပန်းဒေသထွက် ခရမ်းချဥ်သီးများကို မန္တလေးမြို့မှ မှာယူရောင်းချရပါသည်။ ရှမ်းပြည်နယ်၊ အောင်ပန်းဒေသထွက် ခရမ်းချဥ်သီးများမှာ ရာသီမရွေး ဝယ်ယူစားသုံးနိုင်ပြီး အခွံလည်းထူ၍ အချဥ်အရသာနည်းသည့်အပြင် အလုံးအရွယ်အစားလှခြင်း၊ အထားခံခြင်းတို့ကြောင့် လူအများကကြိုက်နှစ်သက်ကြပါသည်။ ယခု ဇူလိုင်လ တစ်လလုံး ခရမ်းချဥ်သီး ဈေးနှုန်းများမှာ တစ်ပိဿာလျှင်(၅၅၀၀/၆၀၀၀)ကျပ်တို့ဖြင့် တည်ငြိမ်လျက်ရှိလာကြောင်း သိရှိရပါသည်။

     ကန့်ဘလူမြို့၏ ယခုဩဂုတ်လ ပထမအပတ်တွင် ခရမ်းချဥ်သီးဈေးနှုန်းအနေဖြင့် ထိုင်ဝမ်ခရမ်းချဥ်သီးဈေးမှာ အလုံးအရွယ်အစားအလိုက် တစ်ပိဿာလျှင် (၃၀၀၀/၃၅၀၀)ကျပ် ဈေးနှုန်းအထိ  ကျဆင်းလျက်ရှိကြောင်း ကန့်ဘလူမြို့ ကုန်စိမ်းသီးနှံအရောင်းအဝယ်လုပ်နေသူများထံမှ သိရှိရပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

    ဩဂုတ်လ၊ ပထမအပတ်တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာနှင့် ပိုးသတ်ဆေးဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာတစ်အိတ်လျှင်(၁၇၅၀၀ဝိ/-) ကျပ် ၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာ 50kgတစ်အိတ်လျှင် (၇၄၀၀ဝိ/-)ကျပ်နှင့် ဒီမွန် 1.8တံဆိပ် ထိသေ/စားသေ (အဆိပ်ငွေ့) 500cc တစ်ဗူးလျှင် (၁၇၀၀ဝိ/-)ကျပ်၊ ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 100ccတစ်ဗူးလျှင် (၂၂၀၀ဝိ/-)ကျပ်၊ ဇိုင်ကလုံးတံဆိပ် ပင်လုံးပြန့် ပိုးသတ်ဆေး 1litter တစ်ဗူးလျှင်(၆၄၀၀ဝိ/-)ကျပ်ဖြင့် ရောင်းချလျက်ရှိပြီး အာမို၊ ပုလဲတံဆိပ် ကွန်ပေါင်း ဓါတ်မြေဩဇာ၊ ပန်းဖူးတံဆိပ် ဓါတ်မြေဩဇာ၊ MCတံဆိပ် (၁၅:၁၅:၁၅) ကွန်ပေါင်း ဓါတ်မြေဩဇာနှင့် ရှောင်လင်တံဆိပ် ထိသေ/စားသေ (အဆိပ်ငွေ့)ပိုးသတ်ဆေးများမှာ ပစ္စည်းပြတ်လျက်ရှိကြောင်း၊ ယခုအချိန်တွင် ရွှေဘိုခရိုင်၌ မိုးစပါးများ ပျိုးထောင်ထားပြီး စိုက်ပျိုးရန်ပြင်ဆင်နေသည့်အချိန်ဖြစ်သဖြင့် ပိုးသတ်ဆေးများမှာ ပုံမှန်အရောင်းအဝယ်ဖြစ်သော်လည်း ဓါတ်မြေဩဇာမှာ ပစ္စည်းပြတ်သည့်အပြင် အရောင်းအဝယ်အေးလျက်ရှိကြောင်း ဓါတ်မြေဩဇာနှင့် ပိုးသတ်ဆေးအရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)