စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာ ကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက် လျက် ရှိရာ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့တွင် ၊ အပိုဝင်ငွေရရှိရန် အတွက် စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ ဂန္ဓမာပန်းပင်ကို တစ်နိုင်တစ်ပိုင် စိုက်ပျိုးလာ ကြသည်။
ဂန္ဓမာပန်းပင် စိုက်ပျိုးရန်အတွက် ပန်းပျိုးပင်မျာကို ပြင်ဦးလွင်မြို့မှ ပျိုးပင်သက် (၁)လခွဲသားများကို မှာယူကာ အိမ်အရောက် တစ်ပင်(၃၀)ကျပ်ဖြင့်ဝယ်ယူရပါကြောင်း၊ ယခု စိုက်ပျိုး ထား သောဂန္ဓမာပန်း အမျိုးအစားများမှာ မြနှင်းဖြူမျိုး၊ စံပယ်ဖြူမျိုး နှင့် ပဲနီမျိုးတို့ဖြစ်ပါကြောင်း၊ ဂန္ဓမာပန်းပင် စိုက်ပျိုးမှုပုံစံမှာ မြေဘောင်တင်စနစ်၊ မြေအောက်ရေတင်စနစ်တို့ဖြင့် မြေအကျယ်အဝန်းမှာ(၆၀)ပေပတ်တွင် အပင်အရေ (၂၅၀၀)ခန့် စိုက်ပျိုးထားပါကြောင်း၊ ပျိုးပင် ဝယ်ယူခြင်း၊ မြေဘောင် တင်ခြင်း မြေပြုပြင်ခြင်း၊ သွင်းအားစုထည့်ခြင်း၊ ရေပေးခြင်း တို့အတွက် ကုန်ကျစရိတ် စုစုပေါင်း (၅၀၀၀၀၀)ကျပ်ခန့် ကုန်ကြပါကြောင်း၊ ဂန္ဓမာပန်းသည် အသစ်စိုက်လျှင် စိုက်ပျိုးပြီး(၅)လအကြာတွင် စတင် ချိုးယူ ခူး ဆွတ် ရောင်းချရပြီး ပြုစုပျိုးထောင်နိုင်မှု ကောင်းလျှင် (၃)သားလောက် အထိ ချိုးယူခူးဆွတ်ရောင်းချရပါကြောင်း၊ တစ်ကြိမ်ခူးဆွတ်ပြီးသားအခင်းကို သွင်းအားစု ထည့်ပြီး ပြုစုပျိုးထောင်လျှင် (၃)လကြာသည့်အခါ ပြန်လည်ချိုးယူရောင်းချပါကြောင်း သိရသည်။
ဂန္ဓမာပန်းများကို တစ်ရက်လျှင် အစည်းအရေအတွက်(၁၀၀ မှ ၁၅၀)ထိ ရောင်းချရပြီး တစ်ခါ စိုက်လျှင် တစ်လခွဲခန့်ကြာအောင် ခူးဆွတ်ရောင်းချရပါသည်။ ၂၀၂၅ ခုနှစ်၊ ဩဂုတ်လ ပထမပတ် ဂန္ဓမာပန်း ဈေးနှုန်းအနေဖြင့် ဂန္ဓမာပန်းတစ်စည်းလျှင် လက္ကား ဈေးနှုန်းမှာ (၁၀၀၀)ကျပ်ဈေးနှုန်း လက်လီ ဈေးနှုန်းမှာ တစ်စည်းလျှင်(၁၅၀၀)ကျပ် ဈေးနှုန်း တို့ဖြင့် ရောင်းချရကြောင်း သိရှိရပါသည်။
DOCA (စစ်ကိုင်း)