ပြည်တွင်းကုန်သွယ်မှုသတင်း

     တောင်ငူမြို့တွင် ကြက်သွန်နီဈေးနှုန်းမှာ စက်တင်ဘာလပထမအပတ်တွင် တစ်ပိဿာ လျှင် အသေး ၂၀၀၀ ကျပ်မှ ၂၅၀၀ ကျပ်အထိရှိရာ ယခုစက်တင်ဘာလနောက်ဆုံးအပတ်တွင် တစ်ပိဿာ လျှင် ၂၈၀၀ ကျပ်မှ ၃၀၀၀ ကျပ်အထိဖြင့် တစ်ပိဿာလျှင် ၃၀၀ ကျပ်မှ ၅၀၀ ကျပ်အထိ ဈေးမြင့်တက်လျက်ရှိပါသည်။

      ကြက်သွန်ဖြူဈေးနှုန်းမှာ စက်တင်ဘာလပထမအပတ်တွင် တစ်ပိဿာလျှင် အသေး ၁၀၀၀၀ ကျပ်မှ ၁၃၀၀၀ ကျပ်ရှိရာမှ ယခုစက်တင်ဘာလနောက်ဆုံးအပတ်တွင် တစ်ပိဿာလျှင် ၁၂၀၀၀ ကျပ်မှ ၁၄၀၀၀ ကျပ်ရှိသဖြင့် တစ်ပိဿာလျှင် ၁၀၀၀ ကျပ် ဈေးနှုန်းမြင့်တက်လျက်ရှိပါသည်။

      အာလူးဈေးနှုန်းမှာ စက်တင်ဘာလပထမအပတ်တွင် တစ်ပိဿာလျှင် ၃၀၀၀ ကျပ်မှ ၄၀၀၀ ကျပ် အထိရှိရာမှ ယခုစက်တင်ဘာလနောက်ဆုံးအပတ်တွင် တစ်ပိဿာလျှင် ၄၀၀၀ ကျပ်မှ ၆၀၀၀ ကျပ် အထိ ရှိသဖြင့် တစ်ပိဿာလျှင် ၂၀၀၀ကျပ်ဈေးနှုန်းမြင့်တက်လျက်ရှိကြောင်း တောင်ငူမြို့ရှိကုန်စုံဆိုင်များမှ သိရှိရပါသည်။

DOCA(ပဲခူး)

    ဖြူးမြို့နယ် ကညွတ်ကွင်းမြို့မှ ပုန်းရည်ကြီးလုပ်ငန်းသည် မိသားစုတပိုင်တနိုင်လုပ်ငန်းဖြစ်ကာ အပိုဝင်ငွေကိုရရှိစေပါသည်။ ပုန်းရည်ကြီးပြုလုပ်ရာတွင် ပဲပိစပ်ဖြင့် ပြုလုပ်၍ ပဲပိစပ်ကို ရေစိမ်ပြီး ပြုတ်ရပါသည်။ ပဲပိစပ်သည် အနူးနှေးသောကြောင့် အချိန် ၇ နာရီခန့်ကြာအောင် ပြုတ်ပေးရပါသည်။

     ပြုတ်ပြီးသောပဲပိစပ်များကို ဆုံတွင်ထောင်း၍ အရည်ခံပြီး စစ်ချရပါသည်။ ပြုတ်ပြီးသားပဲပိစပ်များကို ဇကာဖြင့်ထပ်မံစစ်၍ ညက်နေအောင်ပြုလုပ်၍ ရရှိလာသော ပဲအနှစ်များကို ပိတ်စိမ်းပါးဖြင့်ထပ်မံစစ်ချကာ ထပ်မံကျိုရပါသည်။ ဖုံ၊ သဲများမဝင်စေရန် အထူးဂရုစိုက်ရကြောင်းသိရသည်။

     စက်တင်ဘာလနောက်ဆုံးအပတ်တွင် ပုန်းရည်ကြီး တစ်ဆယ်ကျပ်သားလျှင် ၈၀၀ ကျပ်ဖြင့် ရပ်ကွက်အတွင်း လှည့်လည်ရောင်းချသကဲ့သို့ ကညွတ်ကွင်းဈေးနှင့် ဖြူးဈေးများသို့လည်း ပို့ဆောင်၍ရောင်းချပါသည်။ ပုန်းရည်ကြီး တစ်ကြိမ်ပြုလုပ်လျှင် ပဲပိစပ်နှစ်ပြည်ဖြင့် ပြုလုပ်ရပါသည်။ ပဲပိစပ် တစ်ပြည်လျှင် (၅၀၀၀)ကျပ်ဖြင့် ဝယ်ယူရကြောင်း၊ ထင်းဖိုးနှင့် ဖြူးမြို့ပို့ဆောင်ခကုန်ကျစရိတ်တို့ဖြင့် တပြည်လျှင် ၁၅၀၀၀ ကျပ် အမြတ်ကျန်ကြောင်း ပုန်းရည်ကြီး ပြုလုပ်ရောင်းချသူထံမှ သိရှိရပါသည်။

DOCA(ပဲခူး)

    ဧရာဝတီတိုင်းဒေသကြီး ၊ ပုသိမ်ခရိုင်၊ ပုသိမ်မြို့ရှိ ဘူတာဈေးတွင် ရောင်းချလျက်ရှိသည့် ကြက်ဥ၊ ဘဲဥများမှာ ဒေသတွင်းကြက်ခြံ၊ ဘဲခြံများမှ ဝယ်ယူရောင်းချလျက်ရှိပြီး၊ လိုအပ်ချက် အရ ဘိုကလေးမြို့မှလည်း ဝယ်ယူရောင်းချကြောင်း သိရသည်။ ၂၀၂၄ ခုနှစ်၊ စက်တင်ဘာလ တတိယပတ်အတွင်း ဖြစ်ပေါ်နေသော ကြက်ဥ၊ ဘဲဥဈေးနှုန်းများမှာ ကြက်ဥကြီးတစ်လုံးလျှင် (၃၈၀)ကျပ်၊ ဥလတ်တစ်လုံးလျှင်(၃၅၀)ကျပ် ၊ ဥသေးတစ်လုံးလျှင်(၃၂၀)ကျပ်နှင့် ဘဲဥကြီး တစ်လုံးလျှင် (၄၅၀) ကျပ်၊ ဥသေးတစ်လုံးလျှင်(၄၀၀)ကျပ်၊ ငုံးဥ(၁၀)လုံးလျှင် (၁၀၀၀)ကျပ်ဖြင့် အရောင်းအဝယ်ဖြစ်လျက်ရှိပြီး ယခင်လကာလတူဖြစ်ပေါ်ခဲ့သော ဈေးနှုန်းများထက်အနည်းငယ် ကျဆင်းသွားပါသည်။

     ကြက်ဥ၊ ဘဲဥ၊ ငုံးဥများကို စားသောက်ဆိုင်များ၊ မုန့်လုပ်ငန်းများတွင် အများဆုံး အသုံးပြုကြပြီး အိမ်ရှင်မများမှ မိသားစုထမင်းဝိုင်းအတွက် ဟင်းလျာအဖြစ် ချက်ပြုတ်ရာတွင် လည်း အသုံးပြုလျက်ရှိပါသည်။

DOCA(ဧရာဝတီ)

      မကွေးတိုင်းဒေသကြီး၊ ပခုက္ကူခရိုင်အတွင်းရှိ ပခုက္ကူမြို့သည် မိမိဒေသမှ စိုက်ပျိုးထွက်ရှိသော ဆီထွက်သီးနှံနှင့် ပဲမျိုးစုံများအပြင် အခြားတိုင်းဒေသကြီးအတွင်းရှိ မြို့နယ်များမှထွက်ရှိသော သီးနှံမျိုးစုံ ပခုက္ကူဈေးကွက်သို့ ဝင်ရောက်အရောင်းအဝယ်ဖြစ်လျက်ရှိခြင်းကြောင့် ပခုက္ကူမြို့သည် စီးပွားရေး အချက်အချာကျ၍ ကုန်သွယ်မှုလုပ်ငန်းများဖွံ့ဖြိုးတိုးတက်လျက်ရှိသည်။ ၂၀၂၄ခုနှစ်၊ စက်တင်ဘာလ (စတုတ္ထပတ်)တွင် ပခုက္ကူမြို့ ပဲဈေးကွက်တွင် ကုလားပဲသီးနှံအရောင်းအဝယ်သွက်လျက်ရှိကြောင်း၊ ကုလားပဲလက်ကျန်နည်းသော်လည်း အမြင့်ဈေးဖြင့် ဈေးငြိမ်၍ အရာင်းအဝယ်ဖြစ်လျက်ရှိကြောင်းသိရှိရသည်။

          စက်တင်ဘာ(စတုတ္ထပတ်)တွင် ဖြစ်ပေါ်နေသော ကုလားပဲဈေးနှုန်းများမှာ  ကုလားပဲ(929) တစ်တင်းလျှင် ကျပ်(၉၈၀၀၀)၊ ကုလားပဲ(V₆) တစ်တင်းလျှင် ကျပ်(၁၁၅၀၀၀)၊ ကုလားပဲ(V₂) တစ်တင်းလျှင် ကျပ်(၁၀၆၀၀၀)၊ ကုလားပဲ(HL) တစ်တင်းလျှင် ကျပ်(၉၂၀၀၀)၊ ကုလားပဲခြမ်းတစ်တင်းလျှင် ကျပ်(၁၃၆၀၀၀)ဈေးဖြင့် အရောင်းအဝယ်ဖြစ်လျက်ရှိကြောင်းသိရသည်။ ယခုအချိန်တွင် ပြည်တွင်း၌ ပဲစားသုံးမှုမြင့်မားလျက်ရှိ၍ ကုလားပဲခြမ်းများ အရောင်းအဝယ်သွက်လျက်ရှိကြောင်း၊ ဈေးနှုန်းနှိုင်းယှဉ်ပါက တစ်လအတွင်း  ကုလားပဲတစ်တင်းလျှင် ကျပ်(၁၀၀၀)ခန့်ဈေးတက်၍ အရောင်းအဝယ်ဖြစ်လျက်ရှိကြောင်း၊ ဒေသတွင်းဈေးကွက်တွင် ကုလားပဲလက်ကျန်နည်းနေသော်လည်း လာမည့်အောက်တိုဘာလတွင် ပဲ(အသစ်)များ စိုက်ပျိုးချိန်ရာသီနီး၍ ကုလားပဲဈေးကွက်ကျဆင်းခြင်းမရှိဘဲ ဆက်လက်မြင့်တက်နိုင်ကြောင်း၊ စက်တင်ဘာလ(စတုတ္ထ)ပတ်တွင် ကုလားပဲသီးနှံမှာ ပြည်တွင်းဝယ်လိုအားကောင်း၍ အရောင်းအဝယ်သွက်ပြီး ပြည်ပတင်ပို့မှုမရှိကြောင်း ပဲမျိုးစုံရောင်းဝယ်ရေးဈေးကွက်မှသိရှိရပါသည်။

DOCA(မကွေး)

       မကွေးတိုင်းဒေသကြီး၊ ပခုက္ကူမြို့တွင် ၂၀၂၄ခုနှစ်၊ ဩဂုတ်လ(စတုတ္ထပတ်)တွင် ဖြစ်ပေါ်နေသော ဘိလပ်မြေဈေးနှုန်းများမှာ ကြံ့နှစ်ကောင် ဘိလပ်မြေ တစ်အိတ်လျှင် ကျပ်(၁၁၃၀၀)၊ အယ်လဖာ ဘိလပ်မြေတစ်အိတ်လျှင် ကျပ်(၁၁၂၀၀)၊ အပါချီ ဘိလပ်မြေတစ်အိတ်လျှင် ကျပ်(၁၂၈၀၀)ဈေးဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

       ယခုစက်တင်ဘာလ(စတုတ္ထပတ်)တွင် ဓာတ်မြေဩဇာဈေးနှုန်းများမှာ ဩဂုတ်လ (စတုတ္ထပတ်) ထက် ဈေးနှုန်းများတက်လာသည်ကိုတွေ့ရှိရပါသည်။ ယခုလက်ရှိဈေးနှုန်းများမှာ  အာမိုယူရီးယား(50)kgပါ တစ်အိတ်လျှင် ကျပ်(၈၅၀၀၀)၊ ဩဘာယူရီးယား (50)kgပါ တစ်အိတ်လျှင် ကျပ်(၉၃၀၀၀)၊ ရွှေနဂါးယူရီးယားတစ်အိတ်လျှင် ကျပ်(၁၂၀၀၀၀)၊ တရုတ်တီစူပါ သံကွင်း (50)kgပါ တစ်အိတ်လျှင် ကျပ်(၁၆၅၀၀)၊ တရုတ်ပုလဲရွှေတောင် (50)kgပါ  တစ်အိတ်လျှင် ကျပ်(၉၅၀၀၀)၊ မြန်မာဩဘာ ရွှေကောမက် (50)kg ပါ တစ်အိတ်လျှင် ကျပ်(၁၆၅၀၀၀)၊ ဩဘာကွန်ပေါင်း (50)kg ပါ တစ်အိတ်လျှင် ကျပ်(၁၄၀၀၀၀)၊ ကောမက်ကွန်ပေါင်း ၁၅း၁၅း၁၅ (50kg)ပါ တစ်အိတ်လျှင် ကျပ်(၁၄၀၀၀၀)၊ တရုတ်အာမို ၁၆း၁၆း၁၆ (50kg)ပါ တစ်အိတ်လျှင် ကျပ်(၁၄၅၀၀၀)ဖြင့် အရောင်းအဝယ်ဖြစ်လျက်ရှိကြောင်းသိရသည်။

         ယခုစက်တင်ဘာလ(စတုတ္ထပတ်)တွင် ဖြစ်ပေါ်နေသော ပိုးသတ်ဆေးဈေးနှုန်းများမှာ ဩဂုတ်လ (စတုတ္ထပတ်)ဈေးနှုန်းများထက် ဈေးတက်နေကြောင်း တွေ့ရသည်။  အာမိုမက်နီ ဖော့(500)cc တစ်ဘူးလျှင် ကျပ်(၅၅၀၀၀)၊ အာမိုမက်နီဖော့ (၁)လီတာတစ်ဘူးလျှင် ကျပ်(၁၀၅၀၀၀)၊ အာမိုစတား(၁)လီတာတစ်ဘူးလျှင် ကျပ်(၆၉၀၀၀)၊ အာမိုအီမာ(၂၅၀)cc တစ်ဘူးလျှင် ကျပ်(၂၀၀၀၀)၊ (၅၀၀)cc တစ်ဘူးလျှင် ကျပ်(၂၈၅၀၀)၊ (၁)လီတာတစ်ဘူးလျှင် ကျပ်(၅၃၀၀၀)၊ ဂျက်ကက် မင်းမဟော် (၁၀၀)cc တစ်ဘူးလျှင် ကျပ်(၁၆၅၀၀)၊ ဩဘာအဆီဖိတ် (500)gပါ တစ်ထုပ်လျှင် ကျပ်(၃၅၅၀၀)၊ ဩဘာငှက်ကြီးတောင်(၁၀၀)cc တစ်ဘူးလျှင် ကျပ်(၂၉၀၀၀)၊ ဩဘာ ငှက်ကြီးတောင်(၂၅၀)cc တစ်ဘူးလျှင် ကျပ်(၆၇၀၀၀)၊ မင်းမဟော် ဖော်ယူဘိုး (500)cc တစ်ဘူးလျှင် ကျပ်(၄၇၀၀၀)၊ မင်းမဟော် ဖော်ယူဘိုး (250)cc တစ်ဘူးလျှင် ကျပ်(၂၅၀၀၀)၊ မင်းမဟော် ဂုတ်မက်ပ် (၂၅၀)cc တစ်ဘူးလျှင် ကျပ် (၃၈၀၀၀)၊(၅၀၀)cc တစ်ဘူးလျှင်  ကျပ်(၆၈၀၀၀) ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။

        စက်တင်ဘာလ(စတုတ္ထပတ်)တွင် ယခင်ဩဂုတ်လ(စတုတ္ထပတ်)ထက်  ပိုးသတ်ဆေးဈေးနှုန်းမှာ မြင့်တက်လာသည်ကိုတွေ့ရှိရပြီး သီနှံသိုလှောင်ချိန်ဖြစ်သောကြောင့်  ပိုးသတ်ဆေးမှာ ပို၍အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှသိရှိရပါသည်။

DOCA(မကွေး)