မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် သီးနှံမျိုးစုံ စိုက်ပျိုးပြီး ယခုအခါ ကြက်ဟင်းခါးသီးနှံကို နေအိမ်ခြံဝင်းများတွင်လည်းကောင်း၊ ယာတော၊ လယ်တောများတွင်လည်းကောင်း တစ်ပိုင်တစ်နိုင်စိုက်ပျိုး၍ ရောင်းချလျက်ရှိပါသည်။ ကြက်ဟင်းခါးသီးကို အစေ့မှ တိုက်ရိုက်စိုက်ပျိုးကြသလို ပျိုးပင်းလေးများပျိုး၍ စိုက်ကြပါသည်။ အများဆုံး စိုက်ပျိုးသောမျိုးမှာ ဗိုလ်တစ်ထောင် ကြက်ဟင်းခါးမျိုးဖြစ်ပြီး တစ်ဧက အထွက်နှုန်းနေဖြင့် (၃၀၀-၃၅၀)ပိဿာထွက်ရှိကြောင်း၊ တစ်ဧကကုန်ကျစရိုက်နေဖြင့်(၂၅၀၀၀၀/၃၀၀၀၀၀)ကျပ်ခန့် ကုန်ကျကြောင်း သိရှိရပါသည်။ ကျောက်ဆည်မြို့ အေးမြကြည်လင်ဈေးတွင် ကုန်စိမ်းရောင်ချသူတစ်ဦး၏ ပြောပြချက်အရ ကြက်ဟင်းခါးသီးကို ကျောက်ဆည်မြို့နယ်ရှိ ကျောင်းကုန်းကျေးရွာ၊ အင်းရောင်းကျေးရွာ၊ လက်ဝဲစုကျေးရွာများမှ ဝယ်ယူရောင်းချလျက်ရှိကြောင်း၊ ကြက်ဟင်းခါးသီး လက်လီဈေးနှုန်းမှာ ကြက်ဟင်းခါးသီး(၁)ပိဿာလျှင် (၄၀၀၀)ကျပ်၊ (၅၀)ကျပ်သားလျှင် (၂၀၀၀)ကျပ်နှင့် (၂၅)ကျပ်သားလျှင်(၁၀၀၀)ကျပ်ဖြင့် ရောင်းချလျက်ရှိကြောင်း၊ တစ်ဧက အကျိူးမြတ်အနေဖြင့် (၅၅၀၀၀၀/၆၀၀၀၀၀) ကျပ်ခန့်အမြတ်ရရှိသိအတွက် ကြက်ဟင်းခါးသီးနှံကို တိုးချဲစိုက်ပျိုးသင့်ကြောင်း သိရှိရပါသည်။
DOCA(မန္တလေး)