စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သံပုရာသီးနှင့် ရှောက်သီးများစိုက်ပျိုးထားပြီး ယခုအချိန်တွင် လှိုင်လှိုင်ထွက်ပေါ်နေပြီဖြစ်ကြောင်းသိရပါသည်။ သံပုရာသီးများအား ဖျော်ရည်၊ သံပုရာချဉ်ဖက်၊ အသုပ်မျိုးစုံနှင့်  သရေစာတို့တွင်ထည့်သွင်းစားသုံးခြင်းသာမက ရှောက်သီးများကိုလည်း ကျန်းမာရေးအတွက် ဆေးဖော်စပ်ရာတွင်လည်း အသုံးပြုကြသဖြင့် သုံးစွဲမှု များသည့် သီးနှံများဖြစ်ကြောင်း သိရသည်။

         ၂၀၂၅ခုနှစ်၊ ဩဂုတ်လ တတိယပတ်အတွင်းဖြစ်ပေါ်လျက်ရှိသော သံပုရာသီးဈေးနှုန်းများမှာ သံပုရာသီး(အကြီး)(၁)လုံးလျှင် (၁၅၀)ကျပ်၊ သံပုရာသီး(အသေး)(၁)လုံးလျှင် (၁၀၀)ကျပ်ဖြင့်လည်းကောင်း၊ ရှောက်သီး(အကြီး)(၁)လုံးလျှင် (၅၀၀)ကျပ်နှင့် ရှောက်သီး(အသေး) (၁)လုံးလျှင် (၃၀၀) ကျပ်ဖြင့်အရောင်းအဝယ်ဖြစ်လျက်ရှိပြီး ယခုအခါ ကန့်ဘလူမြို့မဈေးတွင် အသီးအရွယ်အစားအလိုက် ဈေးအနည်းငယ်ကွာခြားမှုရှိကြောင်း ကုန်စိမ်းရောင်းချသူထံမှ သိရပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီး ကန့်ဘလူခရိုင်၊ ကန့်ဘလူမြို့နယ်၌ သီးနှံမျိုးစုံစိုက်ပျိုးလျက်ရှိရာ  နေ့စဉ်မိသားစုအပိုဝင်ငွေရရှိစေရန် ခရမ်းသီး၊ ရုံးပတီသီး၊ သခွားသီး ၊ ဘူးသီး၊ ဆူးပုတ်ရွက်စသည့် စားဖိုဆောင်သီးနှံများ  စိုက်ပျိုးရောင်းချလျက်ရှိကြောင်း၊ ကန့်ဘလူမြို့၊ အမှတ်(၂)ရပ်ကွက်တွင် ခရမ်းသီးပင်စိုက်ပျိုးသူများ အောင်မြင်ဖြစ်ထွန်းကာ နေ့စဉ်ခူးဆွတ်ရောင်းချရပြီး မိသားစုအပိုဝင်ငွေ ရရှိနေကြောင်း သိရသည်။

     ၂၀၂၅ ခုနှစ်၊ ဩဂုတ်လ တိယပတ်အတွင်း ကန့်ဘလူမြို့မဈေးတွင် ဆင်စွယ်ခရမ်းအစိမ်း ရောင်(၂၅)ကျပ်သားလျှင် (၁၀၀၀)ကျပ်၊ အစိမ်းသီးတစ်ပိဿာလျှင်  (၃၈၀၀)ကျပ် ဆင်စွယ်ခရမ်း ခရမ်းရောင်(၂၅)ကျပ်သားလျှင် (၅၀၀)ကျပ်၊ တစ်ပိဿာလျှင် (၁၈၀၀)ကျပ်တို့ဖြင့်ရောင်းချကြောင်း၊ အစိမ်းရောင်၊ အဖြူရောင်ခရမ်းသီးကို လူကြိုက်ပိုများကြောင်း၊ ကုန်စိမ်းရောင်းချသူများထံမှ သိရှိရ သည်။

DOCA (စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင်သာမက အခြားသောဒေသ များတွင်လည်း ပန်းစိုက်ပျိုးရေးလုပ်ငန်းများကို မိသားစုတစ်နိုင်တစ်ပိုင်မှ စီးပွားဖြစ်စိုက်ပျိုးလျက် ရှိကြကြောင်း သိရသည်။ သပြေပန်းကို ယခင်က တောတောင်များ၌သာ တွေ့ရလေ့ရှိပြီး ယခုအခါ မိမိတို့ခြံဝင်းများ၊ ယာခင်းများ၌ သပြေပင်များကို ခြံဖွဲ့၍စိုက်ပျိုးလျက်ရှိပြီး မိသားစုဝင်ငွေ ရရှိနေ ကြောင်း သိရသည်။

         သပြေပန်းသည် အပွင့်မျိုးမဟုတ်၊ ရိုးတံအသစ်များမှ အရွက်နုကလေးများသည် ပန်းရောင်း၊ အနီရောင်အဆင်းရှိသောကြောင့် လူကြိုက်များကြောင်း၊ သပြေပန်းကို အခက်စည်းနှင့် အငုတ်ဟူ၍ (၂)မျိုးရောင်းချလျက်ရှိကြောင်း၊ ၂၀၂၅ ခုနှစ်၊ ဩဂုတ်လ တတိယပတ်အတွင်း ကန့်ဘလူမြို့ပန်းဈေး ကွက်တွင် သပြေပန်းခက်(၁)စီးလျှင် (၁၀၀၀မှ ၁၅၀၀)ကျပ်၊ သပြေငုတ်အကြီး(၁)ငုတ်လျှင် (၅၀၀၀) ကျပ်နှင့် အသေး(၁)ငုတ်လျှင် (၂၀၀၀မှ ၃၀၀၀)ကျပ် တို့ဖြင့်ရောင်းချကြောင်း၊ ဂန္ဓမာပန်း(၁)စည်း လျှင် (၂၀၀၀မှ ၂၅၀၀)ကျပ်၊ (၃)စည်းလျှင် (၇၀၀၀)ကျပ်ဖြင့် ရောင်းချလျက်ရှိကြောင်း၊ ယခုပတ် အတွင်း သပြေပန်း(၁)စည်းလျှင်(၅၀၀မှ ၁၀၀၀)ကျပ်မြင့်တက်လာကြောင်း  ပန်းရောင်းချသူများထံမှ သိရှိရသည်။

DOCA (စစ်ကိုင်း)

        မကွေးတိုင်းဒေသကြီး၊ ပခုက္ကူခရိုင်အတွင်းရှိ မြို့နယ်များတွင် ပဲကြီးသီးနှံကို နှစ်စဉ်စိုက်ပျိုးလျက်ရှိပြီး စိုက်ဧက(၁၀၀၀၀)ခန့် စိုက်ပျိးရာတွင် ပခုက္ကူ၊ ပေါက်၊ ဆိပ်ဖြူမြို့နယ်များတွင် အဓိက စိုက်ပျိုးပြီး ဈေးကွက်သို့ ဝင်ရောက်ပြီး အခြား မန္တလေး၊ စစ်ကိုင်းတိုင်းဒေသကြီးအတွင်းရှိ ကျေးရွာများမှလည်း ဝင်ရောက်အရောင်းအဝယ်ဖြစ်ကြောင်း သိရှိရသည်။

          ဈေးနှုန်းအနေဖြင့် မေလအစောပိုင်းမှစတင်၍ ပဲကြီးဈေးနှုန်းမြင့်တက်လာပြီး ပဲကြီးတစ်တင်း လျှင် ကျပ်(၉၅၀၀၀-၈၇၀၀၀) ဈေးဖြင့် အရောင်းအဝယ်ဖြစ်ပြီး ၂၀၂၅ခုနှစ်၊ ဩဂုတ်လ(တတိယပတ်) တွင် ပဲကြီးတစ်တင်းလျှင် ကျပ်(၁၂၅၀၀၀-၁၂၀၀၀၀)ဖြင့် အရောင်းအဝယ်ဖြစ်ပြီး ယခင်ဇူလိုင်လ (တတိယပတ်)တွင် ပဲကြီးတစ်တင်းလျှင် ကျပ်(၁၀၅၀၀၀-၉၅၀၀၀) ဈေးဖြင့် အရောင်းအဝယ်ဖြစ်၍ ဈေးနှုန်းနှိုင်းယှဉ်ပါက တစ်လအတွင်း ပဲကြီးတစ်တင်းလျှင် ကျပ်(၂၀၀၀၀)ခန့် ဈေးနှုန်းမြင့်တက်လာ ကြောင်း၊ ပဲကြီးမှာပြည်တွင်းစားသုံးမှုများသော ပဲတစ်မျိုးဖြစ်ပြီး ဈေးကွက်ဝယ်လိုအားနှင့် ပဲလက် ကျန်အနည်းအများပေါ် မူတည်ပြီး ဈေးနှုန်းအတက်အကျရှိကြောင်း၊ ယခုအချိန်တွင် ဒေသတွင်း ပဲလက်ကျန်နည်းပြီး ဈေးကွက်ဝယ်လိုအား များလျက်ရှိခြင်းကြောင့် ပဲကြီးဈေးနှုန်း တရိပ်ရိပ်မြင့်တက်လာကြောင်း ပခုက္ကူမြို့ပေါ်ရှိ ပဲရောင်းဝယ်ရေးလုပ်ငန်းရှင်တစ်ဦးထံမှ သိရှိပါသည်။

DOCA(မကွေး)

     စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေ တို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင်ရောင်းချလျက် ရှိသည့် မြေပဲယိုများကို ကန့်ဘလူမြို့နယ်မှထွက်ရှိသလို ရွှေဘိုမြို့ရှိလက္ကားဆိုင်များမှ ဝယ်ယူရောင်း ချကြောင်း သိရသည်။

   ၂၀၂၅ ခုနှစ်၊ ဩဂုတ်လ တတိယပတ်အတွင်း ကန့်ဘလူမြို့မဈေးတွင် ရောင်းချနေသော မြေပဲယိုဈေးနှုန်းမှာ (၁)ပိဿာလျှင်(၉၀၀၀)ကျပ်၊ (၅၀)ကျပ်သားလျှင် (၄၅၀၀)ကျပ်၊ (၁၀)ကျပ်သား လျှင်(၉၀၀)ကျပ်နှင့် အသင့်ထုတ်ပြီး(၁)ထုတ်လျှင် (၁၅၀၀)ကျပ်တို့ဖြင့် ရောင်းချကြောင်း၊ ယခု အချိန်ခါသည် လယ်ယာလုပ်ငန်းများ လုပ်ကိုင်ရာသီဖြစ်သောကြောင့် တောင်သူဦးကြီးများသည် အဆာပြေ၊ အမေားပြေစေရန် ရေနွေးကြမ်းနှင့် တွဲဖက်စားသုံးကြသောကြောင့် အရောင်းအဝယ်ဖြစ် လျက်ရှိကြောင်း သိရသည်။

DOCA (စစ်ကိုင်း)