ပြည်တွင်းကုန်သွယ်မှုသတင်း

         စစ်ကိုင်းတိုင်းဒေသကြီး၊ မုံရွာမြို့၊ ကန်သာယာဈေးအတွင်းတွင် မင်းကွက်သီးနှင့် သခွားမွှေးသီးများ ရောင်းချလျက်ရှိကြောင်းသိရှိရပါသည်။ ဈေးကွက်အတွင်း ရောင်းချနေ သော မင်းကွက်သီးများကို မော်လမြိုင်ဒေသထွက် မင်းဂွတ်သီးများ ဈေးကွက်အတွင်းဝင် ရောက်လျက်ရှိကြောင်းသိရှိရပါသည်။မုံရွာဒေသထွက် သခွားမွေးသီးများ ဈေးကောင်းရ လျက်ရှိနေကြောင်း သတင်းရရှိသည်။ သခွားမွေးသီးကို မုံရွာမြို့ အနီးတဝိုက် ကျေးရွာများ တွင်တနိုင် တပိုင်စိုက်ပျိုးကြသည့်အပြင် စီးပွားဖြစ်လည်း စိုက်ပျိုးကြပါသည်။ သခွားမွေးသီး များ ရောင်းချဝယ်ယူရာတွင် အရွယ်အစားလိုက်ပြီး ဈေးနှုန်းကွာဟမှုရှိပါသည်။

          ၂၀၂၅ ခုနှစ် ၊ စက်တင်ဘာလ ပထမပတ်အတွင်း ကန်သာယာဈေးရှိ  သစ်သီးဆိုင် များတွင် မင်းကွက်သီးဈေးနှုန်းမှာ မင်းကွက်သီးအသေး (၁)လုံး လျှင် (၄၀၀) ကျပ်၊ မင်းကွက်သီးအလတ်(၁)လုံးလျှင် (၇၀၀) ကျပ်နှင့် မင်းကွက်သီးအကြီး (၁)လုံးလျှင် (၁၂၀၀) ကျပ် ဖြင့်ရောင်းချပြီး သခွားမွေးသီး အလုံးကြီး တစ်လုံးလျှင် (၃၀၀၀၊၅၀၀၀) ကျပ်၊ သခွားမွေးသီး အလုံးလတ်တစ်လုံးလျှင် (၂၅၀၀၊ ၃၀၀၀) ကျပ်၊ သခွားမွေးသီး အလုံးသေး တစ်လုံးလျှင် (၈၀၀၊၁၀၀၀) ကျပ် နှုန်းဖြင့်  ရောင်းချလျက်ရှိရာ လူကြီးလူငယ်မရွေး ကြိုက် နှစ်သက်သည့်အတွက် အရောင်းအဝယ်ဖြစ်လျက်ရှိကြောင်း သစ်သီးဆိုင်များမှသိရှိရပါသည်။

DOCA(စစ်ကိုင်း)

      ကျောက်ဆည်ခရိုင်အတွင်းရှိ ဈေးများသို့ ဂေါ်ရခါးသီးများ ဝင်ရောက်လျက်ရှိပြီး ရှမ်းပြည်၊ အောင်ပန်း ၊ ပင်းတယနှင့်ရွာငံရေဦးမြို့များမှ ဝင်ရောက်လျက်ရှိကြောင်း ဂေါ်ရခါးသီး သီးနှံသည် တစ်နှစ်ပတ်လုံးစိုက်ပျိုး၍ရကြောင်းဂေါ်ရခါးသီးကိုလူကြိုက်များသောကြောင့် ဝယ်လိုအားရှိကြောင်း၊ ယခုလက်ရှိ ဂေါ်ရခါးသီး ဈေးနှုန်းအနေဖြင့် ယခင်လတွင် လက်ကားဈေး တစ်ပိဿာကို (၄၀၀၀/-) ကျပ်၊ ယခုလတွင် လက်ကားဈေး တစ်ပိဿာကို (၄၂၀၀-၄၃၀၀) ကျပ် ရှိကြောင်း၊ ယခင်လတွင် လက်လီဈေး တစ်ပိဿာလျှင် (၄၂၀၀-၄၃၀၀)ကျပ်၊ ယခုလတွင် လက်လီဈေး တစ်ပိဿာလျှင် (၄၆၀၀-၄၇၀၀)ကျပ်၊ ယခင်လနှင့်နှိုင်းယှဉ်လျှင် ဂေါ်ရခါးသီး တစ်ပိဿာကို(၄၀၀-၃၀၀)ကျပ် ဈေးနှုန်းမြင့်တက်ရောင်းချရကြောင်း၊ အလုံးတစ်လုံးခြင်းရောင်း ချပါက လက်ကားတစ်လုံးလျှင်(၃၀၀-၃၅၀/-)ကျပ်ဈေးရှိပြီး လက်လီတစ်လုံးလျှင်(၄၀၀-၅၀၀/-)ကျပ်ဖြင့် ရောင်းဝယ်လျက်ရှိကြောင်း၊ ဂေါ်ရခါးသီး စားသုံးခြင်းဖြင့် အမျှင်ဓာတ်နှင့် ရေဓာတ်များစွာ ပါဝင်သောကြောင့် ကိုယ်အလေးချိန်ကို ထိန်းညှိပေးခြင်း၊ ဗီတာမင်ဘီနှင့် ဗီတာမင်စီဓာတ်တို့ ပါဝင်နေသဖြင့် ကိုယ်ဝန်ဆောင်မိခင်များ စားသုံးပေးခြင်းဖြင့် မွေးရာပါ ချို့ယွင်းချက်မဖြစ်အောင် ကာကွယ်ပေးနိုင်ခြင်းနှင့် ခန္ဓာကိုယ် သက်လုံကောင်းစေပြီး အမောခံနိုင်စေသောကြောင့် ဂေါ်ရခါးသီးကို အသားဟင်း ချက်ပြုတ်ရာတွင် လည်းကောင်း မုန့်နှစ်နှင့်ကြော်စားရာတွင်လည်းကောင်း ထည့်သွင်းအသုံးပြုကြပါကြောင်း ၊ ဂေါ်ရခါးသီး စားသုံးခြင်းဖြင့် ကျန်းမာရေး အကျိုးကျေးဇူးများ ရရှိစေမည်ဖြစ်ကြောင်း ရေသားတင်ပြအပ်ပါသည်။

DOCA(မန္တလေး)

          စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးနှင့် အသီးမျိုးစုံရောင်းချနေသော သစ်သီးဆိုင်များတွင် ထောပတ်သီးများကို အများအပြားရောင်းချနေကြကြောင်း သိရသည်။ ထောပတ်သီးများကို မန္တလေးမြို့ရှိ သစ်သီးပွဲရုံများမှမှာ ယူရောင်းချလျက်ရှိ‌ကြောင်း သိရသည်။

          ထောပတ်သီးသည် ကျန်းမာရေးအတွက် အထောက်အကူများစွာပြုသော အသီးဖြစ်သောကြောင့်  အဖျော်ရည်ပြုလုပ်၍လည်းကောင်း၊  သရေစာအဖြစ်လည်း စားသုံးကြကြောင်း၊ ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ထောပတ်သီးအကြီး(၁)လုံးလျှင် (၁၃၀၀)ကျပ် (၄)လုံးလျှင်(၅၀၀၀)ကျပ်၊ အလတ်(၁)လုံးလျှင် (၁၀၀၀)ကျပ်နှင့် အသေး(၁)လုံးလျှင် (၇၀၀)ကျပ် ဖြင့်အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင် ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

        စစ်ကိုင်းတိုင်းဒေသကြီး၊ ကန့်ဘလူမြို့၊ မြို့မဈေးတွင် အသားငါးအမျိုးစုံအပြင် ရေထွက် ကုန်ပစ္စည်းတစ်မျိုးဖြစ်သော ပုစွန်ထုပ်နှင့်ပုစွန်ဆိတ်များကိုလည်း ရောင်းချလျက်ရှိပါသည်။ ယခုအခါ  ပုဇွန်တုပ်များကို  မန္တလေးမြို့မှ မှာယူရောင်းချလျက်ရှိပြီး၊ ပုဇွန်ဆိတ်များကို ကန့်ဘလူမြို့နယ်နှင့် ကျွန်းလှမြို့နယ်များမှ ဝင်ရောက်လျက်ရှိကြောင်း သိရပါသည်။  ၂၀၂၅ ခုနှစ်၊ စက်တင်ဘာလ ဒုတိယပတ်အတွင်း ဖြစ်ပေါ်နေသော ပုဇွန်တုပ်နှင့် ပုစွန်ဆိတ်ဈေးနှုန်းများမှာ ပုဇွန်တုပ်(၁)ပိဿာလျှင် (၆၄၀၀၀)ကျပ်၊ (၅၀)ကျပ်သားလျှင် (၃၂၀၀၀)ကျပ်၊ (၂၅)ကျပ်သား လျှင်(၁၆၀၀၀)ကျပ်နှင့် ပုဇွန်ဆိတ်(၁)ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင် (၁၀၀၀၀) ကျပ်၊ (၁၀)ကျပ်သားလျှင်(၂၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ငါး၊ ပုဇွန်ရောင်းဝယ်ရေးလုပ်ငန်းရှင်များထံမှ သိရပါသည်။

DOCA(စစ်ကိုင်း)

     မြင်းခြံဒေသသည် အပူပိုင်းမိုးနည်းရပ်ဝန်းဒေသဖြစ်သောကြောင့် မိုးရာသီ ကာလ၌ မိုးသီးနှံ များကို အားထားစိုက်ပျိုးရကြောင်း၊ ဒေသအတွင်းရှိ‌‌ကျေးရွာများတွင် မိုးနှံစားပြောင်း သီးနှံကိုလည်း စီးပွားဖြစ်စိုက်ပျိုးထားကြောင်း၊ မေလနှင့် ဇွန်လများတွင် စတင်စိုက်ပျိုးပြီး၊ အောက်တိုဘာလနှင့် နိုဝင်ဘာလကုန်တွင် ရိတ်သိမ်းမည်ဖြစ်ကြောင်း၊ ထွက်တိုးနီမျိုးကို အများဆုံး စိုက်ပျိုးကြကြောင်း၊ ၂၀၂၅-၂၀၂၆ခုနှစ်တွင် မိုးနှံစားပြောင်းစိုက် ဧက (၅၆၇၆)ဧကစိုက်ပျိုးထားရှိကြောင်း  မြို့နယ် ကြေးတိုင်နှင့် မြေစာရင်းဦးစီးဌာန၏ စာရင်း များအရသိရှိရသည်။  နှံစားပြောင်းကိုတိရစ္ဆာန် အစာအဖြစ်အသုံးပြုရန်အများဆုံးစိုက်ပျိုး ကြကြောင်း၊ အသားတိုးနွား၊ နို့စားနွားမွေးမြူရေး လုပ်ငန်း များအတွက်အသုံးပြုကြောင်း၊ ၎င်းသည်အစာအဟာရဓာတ်မှာ သင့်လျော်စွာပါဝင်ကြောင်း၊ နှံစား ပြောင်းထွက်ပေါ်ချိန်တွင် ရန်ကုန်မြို့သို့တင်ပို့ကြောင်းသိရှိရသည်။ ယခင်နှစ်တစ်ဧက အထွက်နှုန်း အနေဖြင့် (၁၂-၁၃) တင်းခန့်ထွက်ရှိခဲ့ကြောင်း သိရှိရသည်။ 

DOCA(မန္တလေး)