ပြည်တွင်းကုန်သွယ်မှုသတင်း

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးသည့်အပြင် ရာသီစာသီးနှံများနှင့် စားဖိုဆောင်သီးနှံများကိုလည်း စိုက်ပျိုးကြသည်။

     ယခုအခါ ကန့်ဘလူမြို့ပေါ်၊ နတ်ပေးကျေးရွာနှင့် အခြားသောကျေးရွာများတွင် ကြက်သွန်မြိတ်၊မြင်းခွာရွက်နှင့် စပါးလင်ပင်များကို စိုက်ပျိုးကြကြောင်း၊ ကြက်သွန်မြိတ်၊ မြင်းခွာရွက်နှင့် စပါးလင်ပင်များကို ကန့်ဘလူမြို့မဈေးတွင် ရောင်းချကြောင်း၊ ၂၀၂၅ခုနှစ်၊ နိုဝင်ဘာလ တတိယပတ်အတွင်း ကြက်သွန်မြိတ်(၁)စည်းလျှင် (၅၀၀)ကျပ်၊ (၃)စည်းလျှင်(၁၃၀၀)ကျပ်၊ မြင်းခွာရွက် (၁)ပုံလျှင် (၅၀၀)ကျပ်၊ မြင်းခွာရွက်(၂)ပုံလျှင်(၈၀၀)ကျပ်၊ မြင်းခွာရွက်(၄)ပုံလျှင် (၁၅၀၀)ကျပ်၊ စပါးလင်(၁)ပင်လျှင် (၂၀၀)ကျပ်၊ (၃)ပင်လျှင် (၅၀၀)ကျပ်ဖြင့် ရောင်းချလျက်ရှိကြောင်း၊ ကြက်သွန်မြိတ်နှင့်မြင်းခွာရွက်ကို အိမ်ရှင်မများ ဟင်းချက်ရာတွင်လည်းကောင်း၊ စားသောက်ဆိုင်များတွင်လည်းကောင်း အသုံးပြုကြကြောင်း၊ စပါးလင်ကို ဟင်းခတ်အမွှေးအကြိုင်ဖြစ်လည်းကောင်း၊စားသောက်ဆိုင်များ၌ ငါးကင်၊ ငါးပေါင်းများ ပြုလုပ်ရာတွင်လည်းကောင်း၊ မုန့်ဟင်းခါးချက်ရာတွင်လည်းစပါးလင်ကိုထည့်သွင်း အသုံးပြုကြသဖြင့် အရောင်းအဝယ်သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

            မိတ္ထီလာမြို့၊ မြို့မဈေးကြီးတွင် နိုဝင်ဘာလတတိယပတ်၌ ခရမ်းချဉ်သီးဈေးများ မြင့်တက် လာကြောင်းသိရသည်။ ခရမ်းချဉ်သီးမှာ ဒေသထွက်ခရမ်းချဉ်သီးများအဝင်နည်းလာခြင်းကြောင့် ဗမာသီးမှာ သိသိသာသာဈေးမြင့်လာပြီး၊ ထိုင်ဝမ်သီးမှာလည်း အနည်းငယ်ဈေးပိုလာပါသည်။ ဈေးကွက်သို့ မောက်တိုဘာလမှစ၍ ဒေသထွက်ခရမ်းချဉ်သီးများပါ ဝင်ရောက်လာရာ ဈေးကွက်သို့ အဝင်လှိုင်ခြင်းကြောင့် ဈေးနှုန်းကျဆင်းခဲ့ပါသည်။ ယခုအခါ ဒေသထွက်ခရမ်းချဉ်များတွင် ဗမာခရမ်း ချဉ်သီး အနည်းငယ်တင်ရောက်မှုရှိပြီး ထိုင်ဝမ်သီးမှာ ရှမ်းပြည်နယ်တောင်ပိုင်းမှ ဝင်ရောက်မှုရှိသည့် အတွက် ဈေးမြင့်လာကြောင်းသိရသည်။ ခရမ်းချဉ်သီးဈေးမှာ တစ်ပိဿာလျှင် ယခင်တစ်ပတ်က ဗမာ ခရမ်းချဉ်မှာ (၅၀၀၀-၆၀၀၀) ကျပ်၊ ထိုင်ဝမ်သီးမှာ (၁၅၀၀-၂၀၀၀) ကျပ်ရှိခဲ့ပြီး၊ ယခုတစ်ပတ်မှာတော့ ဗမာခရမ်းချဉ်သီးမှာ (၇၀၀၀) ကျပ်၊ ထိုင်ဝမ်သီးမှာ (၂၀၀၀-၂၅၀၀) ကျပ် ဈေးရှိကြောင်း ဈေးကွက်မှ သီရသည်။

DOCA(မန္တ‌လေး)       

     စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့ရှိ  သစ်သီးဝလံမျိုးစုံရောင်းချသည့် ဆိုင်များတွင် ပန်းသီး၊ စပျစ်သီး၊ ဖရဲသီး၊ နာနတ်သီး၊ ဒညှင်းသီး၊ ငှက်ပျောသီးနှင့် သခွားမွှေးသီးတို့ ရောင်းချလျက်ရှိရာ နာနတ်သီးနှင့် ဇီးသီးတို့ကို မန္တလေးမြို့၊ မြစ်ကြီးနားမြို့တို့မှ ဝယ်ယူရောင်းချ လျက်ရှိကြောင်း သိရသည်။

     ၂၀၂၅ ခုနှစ်၊ နိုဝင်ဘာလ တတိယပတ်တွင် ရောင်းချနေ‌သော နာနတ်သီးဈေးနှုန်းများမှာ မြစ်ကြီးနား နာနတ်သီးတစ်လုံးလျှင်(၅၂၀၀)ကျပ်၊ အသေးတစ်လုံးလျှင်(၄၇၀၀)ကျပ်၊  ဇီးသီး(၁)ထုပ် လျှင် (၃၀၀၀)ကျပ်နှင့် (၃)ထုပ်လျှင် (၈၅၀၀)ကျပ်ဖြင့် အရောင်းအဝယ်ဖြစ်လျက်ရှိရာ ယခု နိုဝင်ဘာ လဒုတိယပတ် ဈေးနှုန်းများနှင့်နှိုင်းယှဉ်ပါက တတိယပတ်အတွင်း နာနတ်သီးတစ်လုံးလျှင် (၃၀၀) ကျပ်ဈေးနှုန်းကျဆင်းသွားကြောင်း သစ်သီးရောင်းချသူများထံမှ သိရသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ် နေရာအနှံ့အပြားတွင် မန်ကျည်းပင်များ အလေ့ကျပေါက်ရောက်ပြီး ဒေသခံပြည်သူများက မန်ကျည်းသီးမှည့်ချိန်တွင် ခူးဆွတ်ကာ ရောင်းချကြောင်း၊ မန်ကျည်းသီးမှည့်တွင် အစေ့ပါမန်ကျည်းသီးမှည့်နှင့် အစေ့လွတ်မန်ကျည်းသီး မှည့်ဟူ၍ နှစ်မျိုးရှိပြီး ဈေးကွက်အတွင်း အစေ့လွတ်မန်ကျည်းသီးမှည့်ကို လူကြိုက်များ၍ အရောင်းအဝယ်ပိုဖြစ်ကြောင်း သိရသည်။

          ကန့်ဘလူမြို့နယ်တွင် မန်ကျည်းသီးမှည့်ကို ဝယ်ယူသည့်ပွဲရုံမရှိဘဲ ကန့်ဘလူမြို့မဈေးတွင် ရောင်းချကြသလို မြို့နယ်အတွင်းရှိ အကြော်ဆိုင်များ၊ အကင်ဆိုင်များနှင့် စားသောက်ဆိုင်များမှ မန်ကျည်းဆော့ပြုလုပ်ရန် ဝယ်ယူကြောင်း၊ နိုဝင်ဘာလ တတိယပတ်အတွင်း  အစေ့လွတ်မန်ကျည်းသီးမှည့် လက်လီတစ်ပိဿာလျှင် (၇၀၀၀)ကျပ် လက်ကားတစ်ပိဿာ (၆၅၀၀)ကျပ်၊ (၅၀)ကျပ်သား လျှင်(၄၀၀၀)ကျပ်၊ (၁၀)ကျပ်သားလျှင် (၈၀၀)ကျပ်နှင့် အစေ့ပါမန်ကျည်းသီးမှည့် (၁)ပိဿာလျှင် (၄၀၀၀)ကျပ်ဖြင့် ဈေးကွက်အတွင်း အရောင်းအဝယ်ဖြစ်လျက်ရှိကြောင်း လုပ်ငန်းရှင်များထံမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့မဈေးရှိ သစ်သီးဈေးကွက်တွင် စပျစ်သီး၊ လိမ္မော်သီး၊ ပန်းသီး၊ ဖရဲသီး၊ သခွားမွှေးသီးနှင့် ပန်းသစ်တော်သီးများ ရောင်းချလျက်ရှိပြီး ပန်းသစ်တော်သီးများကို မြစ်ကြီးနားမြို့နှင့် မန္တလေးမြို့တို့ရှိသစ်သီးပွဲရုံများမှ ဝယ်ယူရောင်းချလျက် ရှိကြောင်း သိရသည်။

     ၂၀၂၅ ခုနှစ် ၊ နိုဝင်ဘာလ တတိယပတ်အတွင်း ကန့်ဘလူမြို့ သစ်သီးဈေးကွက်တွင် ပန်းသစ် တော်သီးအကြီး (၁)လုံးလျှင်(၅၀၀၀)ကျပ်၊ (၃)လုံးလျှင် (၁၀၀၀၀)ကျပ်ဈေးနှုန်းဖြင့် အရောင်းအ ဝယ်ဖြစ်လျက်ရှိကြောင်း၊ ပန်းသီး(၃)လုံးလျှင်(၅၀၀၀)ကျပ်၊(၅)လုံးလျှင်(၁၀၀၀၀)ကျပ်နှင့် ယိုးဒယား ပန်းသီး(၁)လုံးလျှင် (၅၀၀၀)ကျပ်ဈေးနှုန်းတို့ဖြင့် ရောင်းချလျက်ရှိကြောင်း၊ ဈေးကွက်အတွင်း ပန်းသီးနှင့် ပန်းသစ်တော်သီးများ အရောင်းသွက်လျက်ရှိကြောင်း သစ်သီးရောင်းချသူများထံမှ သိရှိရသည်။

DOCA(စစ်ကိုင်း)