သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့် ဝန်ထမ်းများ သည်(၁၁.၇.၂၀၂၅)ရက်နေ့ နံနက်(၀၉:၀၀)အချိန်တွင် မြန်အောင်မြို့၊ မြို့မတဲကြီးကုန်းအုပ်စု၊ သဘာဝမီးစက်ကြီးလမ်းရှိ မြို့နယ် ဆန်စပါးလုပ်ငန်းရှင်များအသင်းရုံးတွင် ဆန်စက်လုပ်ငန်းရှင် အသင်းသားများအား အသင်းဖွဲ့စည်းခြင်း ကို ဆောင်ရွက်ခဲ့ပါသည်။

    ထိုသို့ဆောင်ရွက်ရာတွင် မြို့နယ်ဦးစီးမှူး ဦးမြင့်အောင်က စားသုံးသူရေးရာဦးစီးဌာန၏ လက်ရှိ ဆောင်ရွက်နေသော ပြည်တွင်းကုန်သွယ်မှုလုပ်ငန်းတာဝန်များအကြောင်း၊၂၀၂၅-၂၀၂၈ ခုနှစ် သက်တမ်း ကာလအတွက် မြို့နယ်ဆန်စက်လုပ်ငန်းရှင်များအသင်း ပြန်လည် ဖွဲ့စည်းဆာင်ရွက်သွားမည် ဖြစ် ကြောင်း၊ အသင်းပြန်လည်ဖွဲ့စည်းရာတွင် မြို့နယ်အတွင်းရှိ ဆန်စက်လုပ်ငန်းရှင်များမှ အများပြည်သူ ယုံကြည်လေးစားသော အသင်းဝင်ဆန်စက်လုပ်ငန်းရှင်အား ဥက္ကဌအဖြစ် ရွေးချယ်တင်မြောက်ခြင်းနှင့် အမှုဆောင်အဖွဲ့ဝင်အသစ်များအား အဆိုပြု‌ရွေးချယ်သွားမည် ဖြစ်ကြောင်း‌ ရှင်းလင်းဆွေးနွေးခဲ့ပါသည်။ ထို့နောက် မြို့နယ်ဆန်စက်လုပ်ငန်းရှင် အသင်း ဥက္ကဌ၊ အဖွဲ့ဝင်များနှင့် အတွင်းရေးမှူးတို့အား အဆိုပြု ရွေးချယ်ခဲ့ကြပြီး အသင်းအဖွဲ့ဝင်များအားလုံး စည်းလုံးစွာလုပ်ငန်းများ ဆောင်ရွက်နိုင်ရန်နှင့်  လိုက်နာရ မည့် စည်းကမ်းများ၊ မြို့နယ်ဆန်စက်လုပ်ငန်းရှင်များအသင်း ရေရှည်တည်တံ့ပြီး ပြည်တွင်းကုန်သွယ်မှု ဖွံ့ဖြိုးတိုးတက်စေရေး ဆောင်ရွက်ရန် တရားမျှတပြီး ဖြောင့်မတ်စွာ အရောင်းအဝယ်ပြုလုပ်နိုင် ကြစေ ရန်  အပြန်အလှန်ဆွေးနွေးခြင်းများ ပြုလုပ်ခဲ့ကြပြီး  နံနက်(၁၀:၃၀)အချိန်တွင်  ရုပ်သိမ်းခဲ့ကြောင်း သိရှိ ရပါသည်။

 (DOCA ဧရာဝတီ)

          စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့် ဝန်ထမ်းများ သည်(၁၁.၇.၂၀၂၅)ရက်နေ့ နံနက်(၀၉:၀၀)အချိန်တွင် မြန်အောင်မြို့၊ မြို့မတဲကြီးကုန်းအုပ်စု၊ သဘာဝမီးစက်ကြီးလမ်းရှိ မြို့နယ် ဆန်စပါးလုပ်ငန်းရှင်များအသင်းရုံးတွင် ဆန်စက်လုပ်ငန်းရှင် အသင်းသားများအား အသင်းဖွဲ့စည်းခြင်း ကို ဆောင်ရွက်ခဲ့ပါသည်။

ထိုသို့ဆောင်ရွက်ရာတွင် မြို့နယ်ဦးစီးမှူး ဦးမြင့်အောင်က စားသုံးသူရေးရာဦးစီးဌာန၏ လက်ရှိ ဆောင်ရွက်နေသော ပြည်တွင်းကုန်သွယ်မှုလုပ်ငန်းတာဝန်များအကြောင်း၊၂၀၂၅-၂၀၂၈ ခုနှစ် သက်တမ်း ကာလအတွက် မြို့နယ်ဆန်စက်လုပ်ငန်းရှင်များအသင်း ပြန်လည် ဖွဲ့စည်းဆာင်ရွက်သွားမည် ဖြစ် ကြောင်း၊ အသင်းပြန်လည်ဖွဲ့စည်းရာတွင် မြို့နယ်အတွင်းရှိ ဆန်စက်လုပ်ငန်းရှင်များမှ အများပြည်သူ ယုံကြည်လေးစားသော အသင်းဝင်ဆန်စက်လုပ်ငန်းရှင်အား ဥက္ကဌအဖြစ် ရွေးချယ်တင်မြောက်ခြင်းနှင့် အမှုဆောင်အဖွဲ့ဝင်အသစ်များအား အဆိုပြု‌ရွေးချယ်သွားမည် ဖြစ်ကြောင်း‌ ရှင်းလင်းဆွေးနွေးခဲ့ပါသည်။ ထို့နောက် မြို့နယ်ဆန်စက်လုပ်ငန်းရှင် အသင်း ဥက္ကဌ၊ အဖွဲ့ဝင်များနှင့် အတွင်းရေးမှူးတို့အား အဆိုပြု ရွေးချယ်ခဲ့ကြပြီး အသင်းအဖွဲ့ဝင်များအားလုံး စည်းလုံးစွာလုပ်ငန်းများ ဆောင်ရွက်နိုင်ရန်နှင့်  လိုက်နာရ မည့် စည်းကမ်းများ၊ မြို့နယ်ဆန်စက်လုပ်ငန်းရှင်များအသင်း ရေရှည်တည်တံ့ပြီး ပြည်တွင်းကုန်သွယ်မှု ဖွံ့ဖြိုးတိုးတက်စေရေး ဆောင်ရွက်ရန် တရားမျှတပြီး ဖြောင့်မတ်စွာ အရောင်းအဝယ်ပြုလုပ်နိုင် ကြစေ ရန်  အပြန်အလှန်ဆွေးနွေးခြင်းများ ပြုလုပ်ခဲ့ကြပြီး  နံနက်(၁၀:၃၀)အချိန်တွင်  ရုပ်သိမ်းခဲ့ကြောင်း သိရှိ ရပါသည်။

 (DOCA ဧရာဝတီ)

   ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှု အရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှု တိုက်ဖျက်ရေးအထူးအဖွဲ့ အတွင်းရေးမှူး စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူး ဦးအောင်တင်စိုး ဦးဆောင်သော ပူးပေါင်းအဖွဲ့သည်  ၁၆.၇.၂၀၂၅ ရက်နေ့ရက်နေ့တွင် ကမ်းရိုးတန်းသွားရေယာဉ်များ ဆိုက်ကပ်သည့် ဆိပ်ကမ်းများဖြစ်သော သိန်းဦးဆိပ်ကမ်းနှင့် ဗားကရာဆိပ်ကမ်းအား အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ စိုက်ပျိုးရေး ဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာ့ဆိပ်ကမ်း အာဏာပိုင်၊ အမှတ်(၃) ရေကြောင်းရဲတပ်ဖွဲ့စသည့် ပူးပေါင်းအဖွဲ့များဖြင့်ပူးပေါင်း၍ ရေယာဉ်များတွင် တင်ဆောင် ထားသော စားသောက်ကုန်မျိုးစုံ၊ ပီနံအိတ်ခွံ၊ ကော်ဖီမစ်၊ ဆပ်ပြာဖာ၊ အချိုရည် ဖာများအား ရှောင်တခင်ဝင်ရောက်၍ စစ်ဆေးမှုများပြုလုပ်ခဲ့ကြောင်း သိရှိရပါသည်။

DOCA(ရန်ကုန်)

  ၁၅.၇.၂၀၂၅ ရက်နေ့တွင် စားသုံးသူရေးရာဦးစီးဌာန၊ အနောက်ပိုင်းခရိုင်ဦးစီးမှူးရုံးမှ  ဒု-ကြီးကြပ်ရေးမှူး ဒေါ်မြတ်မွန်နှင့် ဝန်ထမ်း(၂) ဦးတို့သည် နံနက်(၁၀:၃၀)အချိန်တွင် ကမာရွတ် မြို့နယ် အထက(၃) တွင် ကျောင်းအုပ်ဆရာမကြီး ဒေါ်ဝင်းမြင့်ဦးဆောင်၍ ဆရာ/ဆရာမများနှင့် ကျောင်းသား/ကျောင်းသူ(၁၀၀) ကျော်တို့အား စားသုံးသူကာကွယ်ရေးဥပဒေ အသက်ဝင်သည့် နေ့နှင့် စားသုံးသူကာကွယ်ရေးဥပဒေပါ စားသုံးသူအခွင့်အရေး(၈) ချက်နှင့် တာဝန်(၅)ချက် တို့အား ရှင်းလင်းပြောကြားခဲ့ပြီး စားအုန်းဆီများအား ဘာ့ကြောင့် တင်သွင်းနေသလဲ၊ စားအုန်းဆီအခြေနေများ၊ တင်သွင်းသောနိုင်ငံများနှင့် ကုန်စည်ဝယ်ယူသုံးစွဲရာတွင် ဆုံးရှုံးနစ်နာ မှုများဖြစ်လျှင် တိုင်ကြားနိုင်ကြောင်း၊ ဌာန၏လုပ်ဆောင်ချက်များ၊ တိုင်ကြားမှုများ ဖြစ်ပေါ်လာလျှင် စားသုံးသူနှင့်လုပ်ငန်းရှင်အ ကြားစေ့စပ်ညှိနှိုင်းပေးမှုများရှိကြောင်း၊ မြန်မာနိုင်ငံ အစားအသောက်နှင့်ဆေးဝါးကွပ်ကဲရေးဦးစီးဌာန မှ စားသောက်ရန်မသင့်သော အစားအသောက်များ၊ သုံးစွဲရန်မသင့်သောအလှကုန်ပစ္စည်းများနှင့် ဆေးဝါးများသုံးစွဲရာတွင် ဆရာဝန်ညွှန်ကြားချက်ရှိသော ဆေးဝါးများနှင့် ညွှန်ကြားချက်မရှိသော ဆေးဝါးများအကြောင်း အသိပညာပေးဟောပြောခဲ့ကြောင်း  သိရှိရပါသည်။

DOCA(ရန်ကုန်)

          မြန်မာနိုင်ငံဆန်စက်လုပ်ငန်းရှင်များအသင်းခွဲ မအူပင်မြို့နယ်၏ ၂၀၂၅-၂၀၂၈ သက်တမ်းကာလ အလုပ်အမှု ဆောင်ရွေးချယ်တင်မြှောက်ခြင်းအခမ်းအနားကို ၁၃-၇-၂၀၂၂ ရက်နေ့ နံနက် ၁၀:၃၀ နာရီတွင် မအူပင်မြို့နယ် ဆန်စက်လုပ်ငန်းရှင်အသင်း အစည်းအဝေးခန်းမတွင် ကျင်းပပြုလုပ်ရာ မြို့နယ်အထွေထွေအုပ်ချုပ်ရေးဦးစီးဌာနမှ တာဝန်ရှိသူများ၊ မအူပင် ဆန်စက်ပိုင်ရှင်များ၊ မြို့နယ်စားသုံးသူရေးရာဦးစီးဌာန၊ ဆန်စက်အသင်းကိုယ်စားလှယ်နှင့် တာဝန်ရှိသူများ တက်ရောက်ခဲ့ကြောင်း သိရသည်။

           အမှုဆောင်ရွေးချယ်ရေးအတွက် သက်ဆိုင်ရာဌာနများမှ ကိုယ်စားလှယ်များဖြင့်ပူးပေါင်း၍ အမှုဆောင်ရွေးချယ်ရေး လုပ်ငန်းကော်မတီကို ၅ဦးကော်မတီဖြင့် ဖွဲ့စည်းခဲ့ပြီး အမှုဆောင်အသစ်များကို တိုင်းအသင်းကိုယ်စားလှယ်များ မြို့နယ်အသင်း နာယကကြီးများကို ရွေးချယ်တင်မြှောက်ခဲ့ကြပြီး စားသုံးသူရေးရာဦးစီးဌာနမှ ဒု-ခရိုင်ဦးစီးမှူးက အသင်းဖွဲ့စည်းပြီးမှုအခြေအနေများကို တိုင်းဒေသကြီးသို့ ဆက်လင်တင်ပြဆောင်ရွက်သွားမည်ဖြစ်ပြီး အသင်း၏ ရှေ့ဆက်လုပ်ဆောင်ရမည့် လုပ်ငန်းစဉ်များအကြောင်းနှင့် အသင်းအစု၊ အဖွဲ့များ ရှင်သန်အားကောင်းစေရေး ဒေသတွင်းလုပ်ငန်းများ ဖွံဖြိုးတိုးတက်ရန် အသင်းများမှ ဆောင်ရွက်သွားရန်လိုအပ်ကြောင်းကို ထည့်သွင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ကြံခင်းမြို့နယ်တာဝန်ခံသည်(၁၀.၇.၂၀၂၅)ရက်နေ့ နေ့လည်(၁၃:၀၀) အချိန်တွင် ကြံခင်းမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) ခန်းမ၌ စားသုံးသူအသိပညာပေးရေးနည်းလမ်းများ၊ စားသုံးသူကာကွယ်ရေး လုပ်ငန်းများဆိုင်ရာ Talk Show အစီအစဉ်ကို ဆောင်ရွက်ခဲ့ပါသည်။

   အဆိုပါ အစီအစဉ်တွင်  မြို့နယ်တာဝန်ခံ ဦးကျော်နိုင်ဝင်းက   စားသုံးသူရေးရာဦးစီးဌာန အနေ ဖြင့် စားသုံးသူအသိပညာပေးရေး လုပ်ငန်းများဆောင်ရွက်ရာတွင် ရည်ရွယ်သည့် အုပ်စုအမျိုးအစား များနှင့် လိုက်လျောညီထွေ ရှိစေမည့် သင်ခန်းစာများ၊ လူထုဆက်သွယ်ရေးနည်းလမ်းများမှ တစ်ဆင့် အသိပညာပေးခြင်း၊ www.doca.gov.mm Website တွင် ဖော်ပြခြင်းနှင့် စားသုံးသူများသို့ တိုက်ရိုက် အသိပညာပေးခြင်း စသည့်နည်းလမ်းများဖြင့် ဆောင်ရွက်လျက်ရှိကြောင်း၊ စားသုံးသူကာကွယ်ရေး ဆိုင်ရာ လုပ်ငန်းဆောင်ရွက်ချက်များကို website တွင် သတင်းလွှင့်တင်မှု အခြေအနေများ၊ စားသုံးသူ ကာကွယ်ရေးလုပ်ငန်းများတွင် ဦးစီးဌာနအနေဖြင့် စားသုံးသူများကိုသာမက စီးပွားရေးလုပ်ငန်းရှင်များ ကိုပါ ထုတ်ကုန်လုံခြုံစိတ်ချရမှုရှိစေရေး သင်တန်းများဖွင့်လှစ်ပို့ချခြင်း၊ အလုပ်ရုံဆွေးနွေးပွဲများ ကျင်းပ ၍ ပညာပေးခြင်းလုပ်ငန်းများနှင့် ဈေးကွက်စောင့်ကြည့်စစ်ဆေးခြင်းဆိုင်ရာလုပ်ငန်းများဖြင့် စားသုံးသူ ကာကွယ်ရေးအသိပညာပေး လုပ်ငန်းများကို‌ ဆောင်ရွက်လျက်ရှိပါသည်။  စားသုံးသူများထံသို့ စားသုံး သူကာကွယ်ရေးဆိုင်ရာ သတင်းများ ဖြန့်ဝေနိုင်ရန်နှင့် နစ်နာဆုံးရှုံးမှုများဖြစ်ပေါ်လာပါက လွယ်ကူစွာ တိုင်ကြားနိုင်ရန်အတွက် စားသုံးသူ သတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေးစင်တာ (CICC) ဖွင့်လှစ်ထားရှိမှုအကြောင်း၊ Consumer Call Center 1535 သိုလည်း ဆက်သွယ်မေးမြန်း တိုင်ကြားနိုင်ကြောင်း စသည်တို့ကို အကျယ်တဝင့် ရှင်းလင်းဆွေးနွေးခဲ့ပါသည်။  

(DOCA ဧရာဝတီ)