သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် စားသုံးသူရေးရာဦးစီးဌာန မြို့နယ်ဦးစီးမှူး ဦးအောင်ဇော်ဦး​နှင့် ဝန်ထမ်းများသည် ၁၀.၉.၂၀၂၅ နံနက်ပိုင်းတွင် မအူပင်မြို့ပေါ်ရှိ  အလှကုန်ပစ္စည်းများ ရောင်းချနေ​သော အလှကုန်ဆိုင် (၇) ဆိုင် သို့သွားရောက်၍ ကုန်စည်များပေါ်တွင် စားသုံးသူ ကာကွယ်ရေး ဥပဒေအခန်း ၁၈ ပါ ပြဌာန်းချက်များအရ ကုန်အညွှန်းအမှတ်အသားများ ပြည့်စုံစွာဖော်ပြခြင်း ရှိ/မရှိ ကွင်းဆင်းစစ်ဆေးခဲ့​ကြောင်း သိရသည်။

    ထိုသို့စစ်ဆေးရာတွင်  စျေးကွက်အတွင်းထုတ်လုပ်တင်သွင်းရောင်းချလျက်ရှိ​သော အလှကုန်ပစ္စည်း အမျိုးမျိုးပေါ်တွင် ကုန်အညွှန်အမှတ်အသား ဖော်ပြရမည့်အချက်များ ရှိမရှိ၊ အလှကုန်ပစ္စည်းများ စားသုံးသူ က စမ်းသပ်စစ် ဆေးခွင့် ရှိမရှိ မေးမြန်းခြင်း၊ တားမြစ်ထုတ်ပြန်ထားသော ကုန်စည်များ ဈေးကွက်အတွင်း ရောင်းချခွင့် မရှိကြောင်းနှင့်  စီးပွားရေးလုပ်ငန်းရှင်တာဝန်များမှ စားသုံးသူအပေါ် ခွဲခြားဆက်ဆံရောင်းချခြင်း မရှိရန် စီးပွားရေးလုပ်ငန်းရှင်များသည် စားသုံးသူကာကွယ်ရေး ဥပ​ဒေ ပုဒ်မ (၄၃)အရ ကုန်အညွှန်းအမှတ် အသားများ ဖော်ပြရာတွင် မြန်မာဘာသာဖြင့်ဖြစ်​စေ၊ မြန်မာဘာသာနှင့် အခြားဘာသာ တစ်ခု(သို့) တစ်ခုထက်ပို၍ဖြစ်​စေ တွဲလျက် ဖော်ပြရမည်ဖြစ်​ကြောင်း စီးပွားရေးလုပ်ငန်းရှင်များအ​နေဖြင့်  လိုက်နာ​ဆောင်ရွက်ခြင်း ရှိ/ မရှိ စျေးကွက်​စောင့်ကြည့်စစ်​ဆေးခြင်း​ဖြစ်ကြောင်း သိရသည်။

DOCA(ဧရာဝတီ)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ် ဦးစီးမှူး ရုံးကိုယ်စား မအူပင်ခရိုင်ဦးစီးမှူး ဦးဇော်မင်းနှင့်အဖွဲ့သည်  (၁၁.၉.၂၀၂၅)နေ့တွင် (၁၀:၀၀)နာရီ အချိန်တွင် ပန်းတနော် မြို့ပေါ်ရှိ စားအုန်းဆီအရောင်းဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများ ပြုလုပ်ခဲ့ကြ ပါသည်။

    စစ်ဆေးရာတွင် ပန်းတနော်ဆီအရောင်းဆိုင်ရှင်များကို ခရိုင်ဦးစီးမှူးဦးဇော်မင်းမှ ပန်းတနော်မြို့နယ် အတွင်း ရောင်းချနေသောဆီများတွင် အလေးအချိန်အတွယ် မှန်ကန်စွာနှင့်  ဈေးနှုန်းမှန်ကန်စွာ ရောင်းချကြရန်နှင့် အခြားသော အမှတ်တံဆိပ်ပါ ဆီအမျိုးမျိုးတွင်လည်း ကုန်အညွှန်းအမှတ်အသားဖော်ပြပါဝင်ခြင်းမရှိသော ကုန်စည်များရောင်းချခြင်း ရှိ/မရှိကို စစ်ဆေးကြပြီး၊ ကုန်စည်များ ဘေးအန္တရာယ်ကင်းရှင်းရေး၊ ကုန်အညွှန်း အမှတ်အသားဆိုင်ရာ သတ်မှတ်ချက်များနှင့်အညီ ဆောင်ရွက်နိုင်စေရေး၊ လုပ်ငန်းရှင်များအား မိမိတို့ရောင်းချ နေသောကုန်စည်များတွင် ကုန်အညွှန်းအမှတ် အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာ ဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြပါဝင်သော ကုန်စည်များကိုသာ ရောင်းချရန်ကြရန် ကုန်စုံဆိုင် လုပ်ငန်း ရှင်များကို အသိပညာပေးပြောကြားခဲ့ကြောင်း သိရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် (၁၀-၉-၂၀၂၅)ရက်နေ့ နံနက် ၁၀နာရီအချိန်တွင် ဆန်၊စပါးလုပ်ငန်းရှင်များကို ပန်းတနော်မြို့နယ် စည်ပင်သာယာရေးအဖွဲ့ရုံးခန်းမတွင် ဆန်၊ စပါးရောင်းဝယ်သည့်စီးပွားရေးလုပ်ငန်းရှင်(၁၀)ဦးအား စားသုံးသူကာကွယ်ရေး အသိပညာပေး ဟောပြောဆွေးနွေးခဲ့ပါသည်။

         အဆိုပါဆွေးနွေးပွဲ ဟောပြောဆွေးနွေးရာတွင် ခရိုင်ဦးစီးမှူးက စားသုံးသူကာကွယ်ရေး ဥပဒေ အကြောင်းသိ ကောင်းစရာကိုလည်းကောင်း၊ စားသုံးသူရေးရာဦးစီးဌာနသည် လက်ရှိဆောင်ရွက်နေသောလုပ်ငန်းများ ၊ရှေ့ဆက် ဆောင်ရွက်ရမည့် လုပ်ငန်းစဉ်များ၊စားသုံးသူကာကွယ်ရေး ဥပဒေ၂၀၁၉ပါ စီးပွားရေးလုပ်ငန်းရှင်၏ အဓိပ္ပာယ်ဖွင့်ဆိုချက်၊ စီးပွားရေးလုပ်ငန်းရှင်များ၏ လိုက်နာရမည့်တာဝန်များ၊ ကုန်စည်၊ ဝန်ဆောင်မှုနှင့်စပ်လျဥ်း၍ ဖေါ်ပြရမည့်အာမခံချက်များ၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု၊ တားမြစ်ချက်များ၊ ပြစ်မှုပြစ်ဒဏ်များ အကြောင်းကို အကျယ်တဝင့် ရှင်လင်းပြောကြား ဆွေးနွေးခဲ့ပါသည်။ ထို့နောက် စားသုံးသူရေးရာဦးစီးဌာနသည် ပြည်တွင်းကုန် သွယ်မှုဖွံ့ဖြိုးရေး လုပ်ငန်းများကို ပါဆောင်ရွက်လုပ်ကိုင်နေသောကြောင့် နိုင်ငံ့စီးပွားမြှင့်တင်ရေးရန်ပုံငွေဖြင့် ဆောင်ရွက်ထားသည့် မိုးစပါးစိုက်ပျိုးထုတ်လုပ်သော တောင်သူများအနေဖြင့် ရိတ်သိမ်းချွေလှေ့ပြီး ပြန်လည်ပေးသွင်းနိုင်ရေးအတွက် စီစဉ်ဆောင်ရွက်ထားရမည့် လုပ်ငန်းစဉ်များ၊ ပန်းတနော်မြို့နယ်တွင် စပါးများ ရိတ်သိမ်းချွေလှေ့နေပြီဖြစ်ပြီး ဆန်ကုန်သည်များအသင့်နှင့် စီးပွား‌ရေးလုပ်ငန်းရှင်များ ပူးပေါင်း၍ လုပ်ငန်းဖွဲ့ဖြိုး တိုးတက်ရေးလုပ်ငန်းများ ပိုမိုလုပ်ဆောင် ဆောင်ရွက်နိုင်ရန်အကြောင်းကိုပါ အကျယ်တဝင့်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာန ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ ရပ်ကွက်/ကျေးရွာများနှင့် စည်ပင်သာယာမြို့မဈေးအတွင်း/အပြင်ရှိ ကုန်စုံဆိုင်များသို့ စက်တင်ဘာလ(၁၂)ရက်နေ့၊ နံနက်(၁၀:၀၀) နာရီအချိန်တွင် ရောနှောဆီအပါအဝင် အမှတ်တံဆိပ်ပြည်တွင်းထုတ် စားသုံးဆီများ ဖြန့်ဖြူးရောင်းချနေမှု အခြေအနေအား ကွင်းဆင်းစစ်ဆေးခဲ့ကြောင်း သိရသည်။

       ထိုသို့ ကွင်းဆင်းစစ်ဆေးရာခဲ့တွင် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းနှင့် ဒုတိယဦးစီးမှူး ဒေါ်နီလာဝင်း၊ မြို့နယ်စည်ပင်သာယာရေးအဖွဲ့မှ ဈေးတာဝန်ခံ ဦးအေးသွင်တို့သည် အခြေခံစားသောက်ကုန်ပစ္စည်းအမျိုးမျိုး ဝယ်ယူဖြန့်ဖြူးရောင်းချလျက်ရှိသော မကျီးတန်းရပ်ကွက်၊ မကျီးတန်းကျေးရွာ၊ စည်ပင်သာယာမြို့မဈေးအတွင်း/ အပြင်ရှိ ကုန်စုံဆိုင်များရှိ ဆိုင်ပိုင်ရှင်စီးပွားရေးလုပ်ငန်းရှင်များအား စားသုံးဆီအမျိုးမျိုးနှင့် စပ်လျဉ်းသည့် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့်အချက်များအား ပင်ရင်းပါဝင်ပစ္စည်းကို အခြေခံဖော်ပြစေရန် ရည်ရွယ်၍ သက်ဆိုင်ရာစီးပွားရေးလုပ်ငန်းရှင်များ လိုက်နာရမည့် ဟင်းသီးဟင်းရွက်ဆီ (Vegetable Oil Cooking Oil)နှင့်စပ်လျဉ်းသော ကုန်အညွှန်းအမှတ်အသား ညွှန်ကြားချက်အမှတ်(၁/၂၀၂၁)အား ၂၀၂၁ခုနှစ်၊ ဒီဇင်ဘာလ (၂၀)ရက်နေ့တွင် ထုတ်ပြန်ထားပြီး ယခုအချိန်အထိ ကိုက်ညီမှုရာခိုင်နှုန်းပြည့်မီအောင် လိုက်နာဆောင်ရွက်ထားခြင်းမရှိသည့်ကို စိစစ်တွေ့ရှိရသည့်အတွက် ယခုလိုလစဉ်လတိုင်း စဉ်ဆက်မပြတ် ကွင်းဆင်းစစ်ဆေးနေရခြင်းဖြစ်ကြောင်း မိမိတို့၏ ဈေးဆိုင်များတွင်လည်း ညွှန်ကြားချက်အမှတ်(၁/၂၀၂၁)နှင့်ကိုက်ညီသော စားသုံးဆီအမျိုးမျိုးတို့ကိုသာ ဝယ်ယူဖြန့်ဖြူးရောင်းချပေးကြရန် စားသုံးသူကာကွယ်ရေးအသိ ပညာပေးဆွေးနွေးပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

      ဧရာဝတီတိုင်းဒေသကြီး၊ ကျုံပျော်ခရိုင်၊ ကျောင်းကုန်းမြို့နယ် စားသုံးသူရေးရာဦးစီးဌာနမှ တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ စက်တင်ဘာလ (၁၂) ရက်နေ့၊ နံနက် (၁0:၀၀) နာရီ ကျောင်းကုန်းမြို့နယ် အမှတ်(၃)အတွင်းရှိ ကုန်စုံဆိုင်များအား စားသုံးသူ ကာကွယ်ရေး အသိပညာပေးဟောပြောခြင်းကို ဆောင်ရွက်ခဲ့ပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာနမှမြို့နယ်တာဝန်ခံ ဦးတင်ကိုသည် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များအကြောင်း၊ စံချိန်စံညွှန်း အရည်အသွေးမှီ ကုန်ပစ္စည်းများ ထုတ်လုပ်နိူင်ရန်နှင့် အသေးစားကုန်ထုတ်လုပ်ငန်းများ ဖွံ့ဖြိုးတိုးတက်ရေးနှင့် အခန်း(၁၈) ပါ ကုန်အညွှန်းအမှတ်အသားနှင့် ပက်သက်၍ မြန်မာဘာသာဖြင့် ရေးသားဖော်ပြထားသော ကုန်စည်များကိုသာ ရွေးချယ်ဝယ်ယူစားသုံးရန်နှင့် ကုန်စည်နှင့် ဝန်ဆောင်မှုများကြောင့် စားသုံးသူများ နစ်နာဆုံးရှုံးမှုဖြစ်ပေါ်လာပါက အရေးဆိုတိုင်ကြားနိုင်သည့် စင်တာများ တိုင်း/ခရိုင်/ရုံးချုပ်တို့တွင် ဖွင့်လှစ်ထားရှိကြောင်းနှင့် Call Centre 1535 သို့ ဆက်သွယ် တိုင်ကြားနိုင်ကြောင်း အသိပညာပေး ဟောပြောခဲ့သည်ဟု သတင်းရရှိပါသည်။

DOCA (ဧရာဝတီ)