သတင်းနှင့် လှုပ်ရှားမှုများ

       ၂၀၂၅ ခုနှစ် စက်တင်ဘာလ (၉) ရက်နေ့ နံနက်(၁၀း၀၀) နာရီအချိန်၌ စစ်ကိုင်းတိုင်းဒေသကြီး စားသုံးသူရေးရာဦးစီးဌာနမှ စားသုံး/ ထုတ်လုံဌာနခွဲတာဝန်ခံသည် အစားအသောက်နှင့်ဆေးဝါး ကွပ်ကဲရေးဦးစီးဌာန၊ ပြည်သူ့ကျန်းမာ၊ ရဲတပ်ဖွဲ့၊ ထွေထွေအုပ်ရေးဦးစီးဌာန၊ စည်ပင်သာယာရေးနှင့် အဖွဲ့သည်  အလုံတပ်မြို့ရှိ အထက(၂) အခြေခံပညာနှင့်စိုက်ပျိုးရေး အထက်တန်းကျောင်းရှိ ကျောင်းမုန့်ဈေးတန်းသို့ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

      ထိုသို့ဈေးကွက်စောင့်ကြည့် စစ်ဆေးဆောင်ရွက်ရာတွင် အသင့်စားမုန့်အမျိုးမျိုး၌ စာသုံးသူကာကွယ်ရေးဥပ‌ဒပါ ကုန်အညွှန်းအမှတ်အသား ပြည့်စုံမှန်ကန်မှုရှိ/ မရှိ စစ်ဆေးခြင်းများ ဆောင်ရွက်ခဲ့ပြီး ရောင်းချသူဆိုင်ရှင်များအား ကုန်အညွှန်းအမှတ်အသားနှင့် သက်ဆိုင်ရာဌာနများ၏ ထောက်ခံချက်ပြည့်စုံစွာ ပါဝင်ခြင်းမရှိသော ကုန်စည်များမှာ စားသုံးသူများအား ဘေးအန္တရာယ် ဖြစ်စေနိုင်သည့်အတွက် ရောင်းချခြင်းမပြုရန်၊ FDAမှ စားသုံးရန်မသင့်ဟု တရားဝင်ထုတ်ပြန်ထားသော စားသောက်ကုန်များနှင့် သက်တမ်းလွန်စားသောက်ကုန်များကိုလည်း ရောင်းချခြင်းမပြုရန် မှာကြားခဲ့ကြောင်း သိရှိရပါသည်။

DOCA(စစ်ကိုင်း)

   ကျောင်းသား၊ ကျောင်းသူလူငယ်များ ဗလငါးတန်ဘက်စုံဖွံ့ဖြိုးတိုးတက်စေရန် ပြန်ကြားရေးနှင့်ပြည်သူ့ဆက်ဆံရေးဦးစီဌာနနှင့် အခြေခံပညာဦးစီးဌာနတို့ ပူးပေါင်း၍ လူငယ်စကားဝိုင်းကို ၁၁.၉.၂၀၂၅ ရက်နေ့ နံနက် (၁၀း၀၀) နာရီက မွန်ပြည်နယ်၊ မုဒုံမြို့နယ် PERFECT Private School ကိုယ်ပိုင်ကျောင်း၌ ပြုလုပ်ခဲ့သည်။

   အခမ်းအနားတွင် ကျောင်းအုပ်ဆရာမကြီး ဒေါ်ြမဝင်းက အဖွင့်အမှာစကားပြောကြားပြီး မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးစန္ဒာထွန်းက လူငယ်စကားဝိုင်း ကျင်းပပြုလုပ်ရခြင်း၏ ရည်ရွယ်ချက်များကို ရှင်းလင်းပြောကြားသည်။ ထို့နောက် လူငယ်စကားဝိုင်းကို ကျင်းပရာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိက ညှိနှိုင်းရေးမှူး (Moderator)အဖြစ် ဆောင်ရွက်၍ (Grade-7)နှင့် (Grade-9) ကျောင်းသား/သူများက လူငယ်နှင့် ပညာရေး၊ လူငယ်နှင့်မူးယစ်ဆေး၊ ယဥ်ကျေးသွင်ပြင် ဝတ်စားဆင်၊ ကြိုတင်ပြင်ဆင်အောင်ပွဲဝင် ခေါင်းစဉ်တို့ဖြင့် အသီးသီးဆွေးနွေးခဲ့ကြသည်။

   ထို့နောက် လူငယ်စကားဝိုင်းသို့ တက်ရောက်လာကြသည့် ကျောင်းသား/ကျောင်းသူ များက လူငယ်စကားဝိုင်းတွင် ဆွေနွေးသည့် အကြောင်းအရာများအား မိမိတို့သိရှိလိုသည် များကို မေးမြန်းခဲ့ကြရာ ဦးဆောင်ဆွေးနွေးသူများက ပြန်လည်ဖြေကြားခဲ့ကြပြီး လူငယ်စကားဝိုင်းအစီအစဉ်အား ရုပ်သိမ်းခဲ့သည်။ ဆက်လက်၍ လူငယ်စကားဝိုင်းသို့ တက်ရောက်ခဲ့ကြသည့် ဆရာ/ဆရာမများ၊ ကျောင်းသား /ကျောင်းသူများက ပြန်ကြားရေးနှင့်ပြည်သူ့ဆက်ဆံရေးဦးစီးဌာနက ပြသထားသော အသိပညာပေး နံရံကပ်၊ စာအုပ်စာစောင်မျာအား လေ့လာကြည့်ရှုခဲ့ကြကြောင်း သိရှိရသည်။

DOCA (မွန်)

          ၁၁.၉.၂၀၂၅ ရက်နေ့ နံနက် (၁၀း၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ မော်လမြိုင်ခရိုင်၊ မော်လမြိုင်မြို့နယ်တာဝန်ခံ ဦးအောင်ညီညီခန့်သည် မွန်ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနနှင့် ပူးပေါင်း၍ ထိုင်းနိုင်ငံမှ ဈေးကွက်အတွင်းဝင်ရောက်လာသည့် အေးခဲငါးဘူးများအား ပြည်သူများကျန်းမာရေးထိခိုက်မှု မရှိစေရေးအတွက် ဈေးကွက်ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ဈေးကွက်ကွင်းဆင်းစစ်ဆေးရာ မော်လမြိုင်မြို့နယ်ရှိ ငါးဈေးများတွင် ထိုင်းနိုင်ငံမှ ဈေးကွက်အတွင်းဝင်ရောက်လာသည့် အေးခဲငါးဘူးများ ရောင်းချနေခြင်းမရှိကြောင်း သိရှိရပါသည်။

DOCA (မွန်)

   ၁၁.၉.၂၀၂၅ ရက်နေ့တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ မုဒုံမြို့နယ်တာဝန်ခံ ဦးညီလွင်အေးသည် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနခန်းမ၌ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ကုန်စည်၊ ဝန်ဆောင်မှုနှင့်ပတ်သက်၍ အာမခံပေးခြင်းဆိုင်ရာ အသိပညာပေး (Talk Show) ဆွေးနွေးပွဲကျင်းပ ပြုလုပ်ခဲ့ပါသည်။

          ထိုဆွေးနွေးပွဲတွင်မုဒုံမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်မိုးမိုးစန္ဒာထွန်းက (Talk Show) ကျင်းပပြုလုပ်ရခြင်း၏ ရည်ရွယ်ချက်ကို ရှင်းလင်း ပြောကြားခဲ့ပြီး စားသုံးသူရေးရာဦးစီးဌာန မုဒုံမြို့နယ်တာဝန်ခံ ဦးညီလွင်အေးမှ စီးပွားရေး လုပ်ငန်းရှင်များက ကုန်စည်နှင့်စပ်လျဉ်း၍ ဖော်ပြရမည့်အာမခံချက်များအကြောင်း၊ အာမခံ ပေးထားမှုအပေါ် စားသုံးသူကတောင်းဆိုနိုင်သည့်အခွင့်အရေးများအကြောင်း၊ ဝန်ဆောင်မှုနှင့် စပ်လျဉ်း၍စီးပွားရေးလုပ်ငန်းရှင်များမှ ဖော်ပြရမည့်အာမခံချက်များနှင့် အာမခံချက်အပေါ် စားသုံးသူက တောင်းဆိုင်နိုင်သည့် အခွင့်အရေးများအကြောင်းတို့အား ရှင်းလင်းဆွေးနွေးခဲ့ ကြောင်း သိရသည်။

DOCA (မွန်)

   ၁၁.၉.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ပြည်နယ်ဦးစီးမှူးရုံးမှ၊ ထုတ်ကုန်လုံခြုံစိတ်ချရမှုဌာနခွဲ ဒုတာဝန်ခံ ဒေါ်စောကြည်သည် “နွယ်နီ” အမှတ်တံဆိပ် ကြက်ဥခေါက်မုန့်ထုတ်လုပ်သည့် လုပ်ငန်းရှင်နှင့်တွေ့ဆုံ၍ ကုန်အညွှန်းအမှတ်အသားဆိုင်ရာ များနှင့် ပတ်သက်၍ ဆွေးနွေးခဲ့ပါသည်။

          ထုတ်ကုန်လုံခြုံစိတ်ချရမှုဌာနခွဲ ဒုတာဝန်ခံက လုပ်ငန်းရှင်အား ကုန်အညွှန်းအမှတ် အသားဖော်ပြခြင်းနှင့်စပ်လျဉ်း၍ ထုတ်ကုန်ပစ္စည်းများပေါ်တွင် စားသုံးသူကာကွယ်ရေးဥပဒေ ၂၀၁၉ အခန်း (၁၈) တွင် ဖော်ပြထားသောပြဋ္ဌာန်းချက်အတိုင်း ကုန်အညွှန်းအမှတ်အသားကို ပြည့်စုံစွာ ဖော်ပြရန်၊ ကုန်စည်အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာ (သို့မဟုတ်) အခြားဘာသာတစ်ခုဖြင့်ဖြစ်စေ ဖော်ပြရန် အသိပညာပေး ဆွေးနွေးခဲ့ပြီး ကုန်အညွှန်းအမှတ်အသားဖော်ပြချက်နှင့်ပတ်သက်၍ အသိပညာပေး ဆွေးနွေးခဲ့ ကြောင်း သိရှိရပါသည်။

DOCA (မွန်)