၂၀၂၅ ခုနှစ်၊ ဇူလိုင်လ (၉)ရက်နေ့၊ နံနက်(၀၈း၃၀)နာရီအချိန်တွင် ထားဝယ်မြို့၊ သာသနာ့ ဗိမာန်တွင် တနင်္သာရီတိုင်း‌ဒေသကြီး အစိုးရအဖွဲ့မှကြီးမှူးကျင်းပသော ၂၀၂၅ ခုနှစ်၊ ဝါဆိုသင်္ကန်း ဆက်ကပ်လှူဒါန်းပွဲသို့  တိုင်းဒေသကြီးဦးစီးမှူးမှ တက်ရောက်ခဲ့ပါသည်။

          ထိုအခမ်းအနားတွင်  ဘုန်းတော်ကြီးများမှ ပရိတ်တရားနာကြားခြင်း၊ တိုင်းဒေသကြီးအစိုးရ အဖွဲ့၊ ဝန်ကြီးများနှင့်တာဝန်ရှိသူများမှ   ဘုန်းတော်ကြီးများအား ဝါဆိုသင်္ကန်းများ ဆက်ကပ်လှူဒါန်း ခဲ့ပြီး အခမ်းအနားအား အောင်မြင်စွာပြီးမြောက်ခဲ့ကြောင်း သိရှိရပါသည်။

DOCA(တနင်္သာရီ)

          စားသုံးသူရေးရာဦးစီးဌာန၊ မုံရွာခရိုင်၊ ခရိုင်ဦးစီးမှူးနှင့် မုံရွာမြို့နယ်တာဝန်ခံတို့သည်သည် ၂၀၂၅ ခုနှစ်၊ ဇွန်လ ( ၃၀ ) ရက်နေ့တွင် မုံရွာမြို့၊ သလ္လာရပ်ကွက်ရှိ “ထာဝရ” မုန့်လုပ်ငန်းမှ ထုတ်လုပ်သည့် ကုန်စည် များကို ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ဈေးကွက်မရောက်မီ စောင့်ကြည့်စစ်ဆေးခြင်း လုပ်ငန်း ဆောင်ရွက်ခဲ့ကြောင်း သိရှိရသည်။

             ထိုသို့ဆောင်ရွက်ရာတွင် “ထာဝရ” မုန့်လုပ်ငန်းမှ “ထာဝရ”အမှတ်တံဆိပ် နို့ယို ပေါင်မုန့်၊ အုန်းသီး ပေါင်မုန့် ကုန်စည် (၂) မျိုးကို ထုတ်လုပ် ဖြန့်ဖြူးရောင်းချသည်ကို စစ်ဆေး တွေ့ရှိရပြီး ၎င်းကုန်စည်(၂)မျိုး၏ ထုတ်ပိုးမှုပေါ်တွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ် ရေးကော်မရှင်က ထုတ်ပြန်ထားသည့်ညွှန်ကြားချက်အမှတ် (၂/၂၀၁၉) နှင့် အညီကိုက်ညီ မှုရှိကြောင်း စိစစ်တွေ့ရှိရသည်။ စားသုံးသူ ရေးရာဦးစီးဌာနမှ တာဝန်ရှိသူက ဥပဒေအခန်း (၁၀) ပါ စီးပွားရေး လုပ်ငန်းရှင်၏ တာဝန်များ၊ ဥပဒေအခန်း ( ၁၁ ) ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များ အကြောင်း ဆွေးနွေးပြောကြားခဲ့ကြောင်း သိရှိရပါသည်။

DOCA(စစ်ကိုင်း)

            စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံးအနေဖြင့် ဌာန၏မျှော်မှန်းချက်ဖြစ်သည့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူ ကာကွယ်ရေး လုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်” ဆိုသည့် ဆောင်ပုဒ်နှင့်အညီ ပြည်တွင်းကုန်သွယ်မှု ဖွံ့ဖြိုးရေးလုပ်ငန်းများအပြင် စားသုံးသူကာကွယ်ရေးလုပ်ငန်းများကိုဆောင် ရွက်လျက်ရှိပါသည်။

                မုံရွာခရိုင်အနေဖြင့် ၂၀၂၅ ခုနှစ်၊ ဇွန်လအတွင်း စီးပွားရေးလုပ်ငန်းရှင်များအား တွေ့ဆုံခြင်း (၃) ကြိမ် ဆောင်ရွက်ခဲ့ရာ ခရိုင်ဦးစီးမှူးနှင့် ဝန်ထမ်း(၃)တို့သည် ( ၁၁.၆.၂၀၂၅ ) ရက်နေ့တွင် မုံရွာမြို့၊ ထန်းတောရပ်ကွက်ရှိ “ဝိုင်းအုံ” လက်ဖက်လုပ်ငန်းရှင်၊ (၁၉.၆၂၀၂၅) ရက်နေ့တွင် မုံရွာမြို့၊ ရန်ကင်းရပ်ကွက်ရှိ “ဟက်ပီးဝမ်း” မုန့်မျိုးစုံလုပ်ငန်းရှင်နှင့် “အိုပီယမ်” မုန့်မျိုးစုံလုပ်ငန်းရှင် များနှင့်  တွေ့ဆုံပြီးစားသုံးသူကာကွယ် ရေးဥပဒေပါအကြောင်းအရာများ၊ အမိန့်နှင့် ညွှန်ကြားချက်များ၊ ဌာနမှ ဆောင်ရွက်လျက်ရှိသောလုပ်ငန်းများအားအသိပညာပေး ဆွေးနွေးခဲ့ကြောင်း သတင်းရရှိပါသည်။

DOCA(စစ်ကိုင်း)

     ၂၀၂၅ခုနှစ်၊ ဇူလိုင်လ(၁၀)ရက်နေ့၊ နံနက်(၁၁း၀၀)နာရီအချိန်တွင် မြိတ်ခရိုင်စားသုံးသူရေးရာ ဦးစီးဌာနနှင့်အတူ ခရိုင်ပြည်သူ့ကျန်းမာရေးဦးစီးဌာနနှင့် ဆရာ၊ဆရာမများပူးပေါင်း၍ မြိတ်မြို့၊ ကြံတောမူလတန်းလွန်ကျောင်းပတ်ဝန်းကျင်ရှိ မုန့်ဆိုင်နှင့် စားသောက်ကုန်မျိုးစုံရောင်းချနေသော ဆိုင်များသို့ စားသုံးသူများဘေးကင်းလုံခြုံမှုရှိစေရေးကွင်းဆင်းစစ်ဆေးခဲ့ကြပါသည်။

      ကွင်းဆင်းစစ်ဆေးရာတွင် ဘေးအန္တရာယ်ရှိသော စားသောက်ကုန်များရောင်းချခြင်းရှိ/မရှိ၊ သက်တမ်းလွန်စားသောက်ကုန်များရောင်းချခြင်းရှိ/မရှိစစ်ဆေးပြီး အကြော်၊အလှော်များကို တစ်နေ့ တာအတွင်းသာရောင်းချရန်နှင့် ခြင်၊ ယင်မနားစေရန် အဖုံးအကာများဖြင့်ရောင်းချမှုရှိစေရေး ပြော ကြားခဲ့ကြောင်း သိရှိရပါသည်။

DOCA(တနင်္သာရီ)

၂၀၂၅ခုနှစ်၊ ဇူလိုင်လ(၁၀)ရက် နံနက်(၁၀း၀၀)နာရီအချိန်တွင် မြိတ်မြို့၊ ပုလဲရတနာခန်းမ၌  ပြည်ထောင်စုရွေးကောက်ပွဲကော်မရှင်၊ မြိတ်ခရိုင်ရွေးကောက်ပွဲကော်မရှင်အဖွဲ့ခွဲ၊ မြန်မာအီလက်ထ ရောနစ် မဲပေးစက်(MEYM) ရှင်းလင်းပြသခြင်း၊ လက်တွေ့စမ်းသပ်မဲပေးခြင်းနှင့် နည်းပြဆရာဖြစ် သင်တန်း ဖွင့်ပွဲအခမ်းအနားသို့ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူး သည် ခရိုင်အဆင့်ဌာန ဆိုင်ရာများ၊ နိုင်ငံရေးပါတီကိုယ်စားလှယ်များနှင့်အတူ တက်ရောက်ခဲ့ကြောင်း သိရှိရပါသည်။

          အဆိုပါ မြန်မာအီလက်ထရောနစ်မဲပေးစက် (MEYM) ရှင်းလင်းပြသပွဲ၌ ပြည်ထောင်စု ရွေး ကောက်ပွဲကော်မရှင်အဖွဲ့ဝင် ဦးကိုကိုလွင်၊ တနင်္သာရီတိုင်းဒေသကြီး၊ လမ်းပန်းဆက်သွယ်ရေးဝန်ကြီး ဦးအောင်ဇော်လှိုင် တို့မှ အဖွင့်အမှာစကားပြောကြားခြင်း၊ ပြည်ထောင်စုရွေးကောက်ပွဲ ကော်မရှင်ရုံးမှ  ဒုတိယညွှန်ကြားရေးမှူး ဦးညီညီကျော် မှ မြန်မာအီလက်ထရောနစ်မဲပေးစနစ်(MEYM)ကို ခေတ် မီဖွံ့ဖြိုးတိုးတက်နေသော နိုင်ငံ(၃၄)ခု၌ သုံးစွဲနေသောမဲပေးစက်များအား လေ့လာပြီး မြန်မာနိုင်ငံနှင့် ကိုက်ညီသော (MEYM)အား အဆင့်ဆင့်စမ်းသပ်ပြီးမှထုပ်လုပ်သုံးစွဲတာဖြစ်ကြောင်း၊ အသေးစိပ်ရှင်း လင်းဆွေးနွေးပြီး တက်ရောက်လာသော ဌာနဆိုင်ရာအကြီးအကဲများ၊ နိုင်ငံရေးပါတီများနှင့် ကိုယ်စား လှယ်တို့မှ လက်တွေ့ မြန်မာအီလက်ထရောနစ် မဲပေးစက်(MEYM) အသုံးပြုမဲပေးမှု စမ်းသပ်ဆောင် ရွက်ခဲ့ကြောင်း သိရှိရပါသည်။

DOCA(တနင်္သာရီ)