သတင်းနှင့် လှုပ်ရှားမှုများ

 စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေး/ ချောက်ခရိုင်အတွင်းရှိ ဝန်ထမ်းများ သည် “ထုတ်ကုန်လုံခြုံ စိတ်ချရမှုအစ ကုန်အညွှန်းအမှတ်အသားက” ဆိုသည့်အတိုင်း စျေးကွက် အတွင်းရှိ ကုန်စည်များတွင် စားသုံးသူကာကွယ်ရေးဥပဒေ ၂၀၁၉ အခန်း(၁၈)ကုန်အညွှန်းအမှတ်အသား ဖော်ပြရာတွင် ပြည့်စုံစွာ ပါဝင်ရမည့် အချက်အလက်များ၊ ပြည့်စုံမှန်ကန်စွာဖော်ပြထားခြင်းရှိ/ မရှိနှင့် အစားအသောက်နှင့် ဆေးဝါးကွပ်ကဲ‌ရေးဦးစီးဌာနက စားသုံးရန်မသင့်တားမြစ်ထားသော ကုန်စည်များ ရောင်းချမှုရှိ/ မရှိတို့ အား မိတ်ဖက်ဌာနများနှင့် ပူးပေါင်းပြီး လစဉ်ဆောင်ရွက်လျက်ရှိပါသည်။

          မကွေး/ ချောက်ခရိုင်အတွင်းရှိ မြို့နယ်များမှ ၂၀၂၅-ခုနှစ်၊ နိုဝင်ဘာလအတွင်း စျေးကွက်စောင့် ကြည့်စစ်ဆေးခြင်းများကို မြို့နယ်အလိုက်ဆောင်ရွက်မှုမှာ  မကွေးမြို့နယ် (၉)ကြိမ်၊ နတ်မောက်မြို့နယ် (၁)ကြိမ်၊ တောင်တွင်းကြီးမြို့နယ် (၅)ကြိမ်၊ မြို့သစ်မြို့နယ် (၃)ကြိမ်၊ ချောက်မြို့နယ် (၅)ကြိမ်၊ ရေနံချောင်းမြို့နယ် (၅)ကြိမ်၊ စုစုပေါင်း (၂၈)ကြိမ် ဆောင်ရွက်ခဲ့ကြောင်း သိရှိရပါသည်။ 

DOCA(မကွေး)

      ၂၀၂၅ ခုနှစ်၊ ဒီဇင်ဘာလ ၃ ရက်နေ့၊ နေ့လယ် (၁၃:၃၀)နာရီအချိန်တွင် စားသုံးသူရေးရာဦးစီး ဌာနမှ ဦးစီးအရာရှိနှင့်ဝန်ထမ်းများသည် ထားဝယ်မြို့၊ ဝဲကျွန်းရပ်ရှိ အမှတ်(၇) အခြေခံပညာအထက် တန်းကျောင်းတွင် ကျင်းပပြုလုပ်သည့် စက်မှုစိုက်ပျိုးနည်းပညာများကို သင်ယူခွင့်ရရှိနိုင်ရေး အသိ ပညာပေးဆွေးနွေးပွဲတွင် စားသုံးသူရေးရာဦးစီးဌာနမှ ဆရာ/ဆရာမများ၊ မိဘများ၊ ကျောင်းသား/သူ များအား စားသုံးသူကာကွယ်‌ရေးဥပဒေအကြောင်း သိ‌ကောင်းစရာများအား ဟောပြောဆွေးနွေးခဲ့ ပါသည်။

          ဟောပြောပွဲတွင် ခရိုင်ပညာရေးမှူးရုံး၊ မွေးမြူရေးနှင့်ကုသရေးဦးစီးဌာန၊ စိုက်ပျိုးရေးဦးစီး ဌာနတို့မှ ရှင်းလင်းဆွေးနွေးခြင်းနှင့် စားသုံးသူရေးရာဦးစီးဌာန၊ ဦးစီးအရာရှိ ဒေါ်အေးအေးလွင်မှ စားသုံးသူကာကွယ်‌ရေးဥပဒေများအကြောင်း၊ စားသုံးသူကာကွယ်ရေးဥပဒေပါ စားသုံးသူများ လိုက် နာရမည့် အချက်များနှင့် စီးပွားရေးလုပ်ငန်းရှင်များ၏ တာဝန်များအကြောင်း၊ ကုန်အညွှန်းအမှတ် အသားဖော် ပြခြင်းဆိုင်ရာများအကြောင်းများ‌ ဟောပြောခဲ့ကြောင်း သိရှိရပါသည်။

DOCA(တနင်္သာရီ)

    ၂၀၂၅ ခုနှစ်၊ ဒီဇင်ဘာလ ၃ ရက်နေ့၊ နံနက် (၁၀း၀၀) နာရီအချိန်တွင် တနင်္သာရီတိုင်းဒေသကြီး ဦးစီးမှူးရုံးတွင် MyRO မှတ်ပုံတင်စနစ်တွင် ကုန်ရ၊ ကုန်ထုတ်စာရင်းများနှင့်ပတ်သက်၍ လုပ်ငန်းရှင် များနှင့်တွေ့ဆုံဆွေးနွေးခဲ့ပါသည်။

          ရှင်းလင်းဆွေးနွေးရာတွင် MyRO မှတ်ပုံတင်စနစ်တွင် ဆန်စပါးသိုလှောင်ရုံမှတ်ပုံတင်စနစ်မှ လစဉ်ဖြည့်သွင်းရမည့် ကုန်ရ၊ ကုန်ထုတ်၊ လက်ကျန်စာရင်းများနှင့်ပတ်သက်၍ ရှင်းလင်းဆွေးနွေး ခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

      ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ ရုံး၏ ညွှန်ကြားချက်နှင့်အညီ စားသုံးသူအသိပညာပေး ဟောပြောပွဲများကို လစဉ်ဆောင်ရွက်လျက်ရှိရာ ဒီဇင်ဘာလ(၂)ရက်နေ့၊ နံနက်(၁၀:၀၀)နာရီအချိန်တွင် အ.ထ.ကတော်ကူးကျောင်းသို့ ဆက်စပ်ဌာနများနှင့် ပူးပေါင်း၍ စားသုံးသူအသိပညာပေးဟောပြောပွဲ ဆောင်ရွက်ခဲ့ကြောင်း သိရှိရသည်။     

        ထိုသို့ စားသုံးသူအသိပညာဟောပြောပွဲ ဆောင်ရွက်ရာတွင် ကွမ်းခြံကုန်းမြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန မြို့နယ်တိုင်းရင်းဆေးပညာဦးစီးဌာန၊ မြို့နယ်စားသုံးသူရေး ရာဦးစီးဌာနတို့က ပြန်ဆက်ဦးစီးဌာနမှ ဦးဆောင်ပြုလုပ်သော စာဖတ်ရှိန်မြှင့်တင်ရေးလှုပ်ရှားမှု လူငယ်ရေးရာအသိပညာပေးဟောပြောပွဲတွင် ပြန်ဆက်ဦးစီးဌာန ဦးစီးအရာရှိ ဒေါ်နန့်ဆွေနွယ်ဦးက လူငယ်နှင့်စာပေအကြောင်း၊ တိုင်းရင်းဆေးပညာဦးစီးဌာန လက်ထောက်တိုင်းရင်းဆေးမှူး ဒေါ်အေးမြတ်စိုးက တိုင်းရင်းဆေးပညာဖြင့် ကုသနိုင်သည့်ရောဂါများအကြောင်း၊ မြို့နယ်စားသုံး သူရေးရာဦးစီးဌာန၊ မြို့နယ်တာဝန်ခံ ဒေါ်နွယ်နွယ်အေးက စားသုံးသူအခွင့်အရေးနှင့် တာဝန်များအကြောင်း၊ စစ်ဆေးရေးအရာရှိများနှင့် ဆက်စပ်ဌာနများပူးပေါင်း၍ စားသုံးသူအခွင့်အရေးနစ်နာမှုများ ကာကွယ်ပေးနိုင်ရေးအတွင် ကုန်စည်အုပ်စုများအား ဈေးကွက်စောင့်ကြည့် စစ်ဆေးခြင်းများအကြောင်းနှင့် စားသုံးသူများ နစ်နာဆုံးရှုံးမှုများနှင့် ပတ်သတ်၍ တိုင်ကြားနိုင်သည့် နည်းလမ်းများအကြောင်းတို့အား ဆရာ/ ဆရာမများ၊ ကျောင်းသား/ ကျောင်းသူများသိရှိစေရန် အသိပညာပေး ဟောပြောခဲ့ကြောင်း သိရှိရပါသည်။

        အဆိုပါ အသိပညာပေး ဟောပြောပွဲသို့ ကျောင်းသား/ ကျောင်းသူ၊ ဆရာ/ဆရာမ စုစုပေါင်း (၁၃၂)ဦး တက်ရောက်ခဲ့ကြပြီး ကျောင်းအုပ်ဆရာမကြီး ဒေါ်ညိုညိုနိုင်မှ ယခုကဲ့သို့ လာရောက်၍ အသိပညာပေးဟောပြောပွဲခြင်းများအတွက် ကျေးဇူးတင်စကားပြောကြားခဲ့ကြောင်း သိရှိရပါသည်။

DOCA(ရန်ကုန်)

     တနင်္သာရီတိုင်း၊ မြိတ်ခရိုင်စားသုံးသူရေးရာဦးစီးဌာနသည် ၂၀၂၅ခုနှစ်၊ ဒီဇင်ဘာလ(၃)ရက် နေ့၊ နံနက်(၁၀း၀၀)နာရီအချိန်တွင် အမှတ်(၁၂၂)၊ အမိုးရေတွင်းလမ်း၊ စျေးတန်းရပ်၊ မြိတ်မြို့ရှိ Hein Moe Thu စာကလေးကြော်နှင့်အကြော်စုံလုပ်ငန်းရှင်နှင့်တွေ့ဆုံပြီး ကုန်အညွှန်းအမှတ်အသားဖော် ပြပါရှိစေရေး တွေ့ဆုံဆွေးနွေးခဲ့ကြောင်း သိရှိရပါသည်။

    တွေ့ဆုံဆွေးနွေးရာတွင် မြိတ်ခရိုင်စားသုံးသူရေးရာဦးစီးဌာနအနေဖြင့် မြန်မာဘာသာဖြင့် ကုန်အညွှန်းအမှတ်အသား ပြည့်စုံစွာပါရှိစေရေးနှင့် ထုတ်ကုန်လုံခြုံစိတ်ချရမှုရှိစေရေးဆောင်ရွက် ရန်၊ သက်ဆိုင်ရာဌာန၏ လမ်းညွှန်ချက်များအတိုင်းလိုက်နာဆောင်ရွက်ပြီး စားသုံးသူရေးရာဦးစီးဌာန ၏ ကုန်အညွှန်းအမှတ်အသားလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(တနင်္သာရီ)