စက်ဆီ/ ချောဆီ များအား ဈေးကွက်စောင့်ကြည့်စစ်ဆေး
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ မအူပင်မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် (၂၃.၉.၂၀၂၅) ရက်နေ့ (၀၉း၀၀)နာရီအချိန်တွင် မအူပင်မြို့ပေါ်ရှိ စက်ဆီ/ ချောဆီရောင်းချသည့် ဆိုင်များအား မိတ်ဖက်ဌာနများနှင့်အတူ ပူးပေါင်း၍ ဈေးကွက်စောင့်ကြည့် စစ်ဆေးခဲ့ကြပါသည်။
ထိုသို့ကွင်းဆင်းစစ်ဆေးရာတွင် မအူပင်မြို့ပေါ်ရှိ စက်ဆီ/ ချောဆီရောင်းချနေသော မြတ်ဆိုင်ကယ် အပိုပစ္စည်းအရောင်းဆိုင်၊ ထိုက် ဆိုင်ကယ်အပိုပစ္စည်းအရောင်းဆိုင်၊ ကိုသူရ စက်ဆီ/ ချောဆီ အရောင်း ဆိုင်(၃)ဆိုင်မှ ရောင်းချနေသော ကုန်စည်များတွင် PPRTမှ ခွင့်ပြုထားခြင်းရှိ/ မရှိ၊ တရားဝင်တင် သွင်းထားသောကုန်စည်များ ရောင်းချခြင်းရှိ/ မရှိ၊ ကုန်အညွှန်းအမှတ်အသား ပြည့်စုံစွာပါဝင်မှုရှိ/ မရှိကို စစ်ဆေးခဲ့ကြပါသည်။ ဆက်လက်၍ ဆိုင်ရှင်များကိုလည်း ကုန်အညွှန်အမှတ်အသား သတ်မှတ်ချက်ပြည်စုံစွာ ဖော်ပြထားခြင်းမရှိသော ကုန်စည်များကို မရောင်းချရန်၊ ဌာနတို့၏ တားမြစ်ကုန်စည်များကိုလည်း မရောင်းချရန်နှင့် သတ်မှတ်ချက် စည်းကမ်းများနှင့် မကိုက်ညီသော ကုန်စည်များကို ရောင်းချခြင်း မျိုးစစ်ဆေးတွေ့ရှိပါက အရေးယူဆောင်ရွက်ခြင်း၊ ပြစ်မှု၊ပြစ်ဒဏ်များ ခံရမည်ဖြစ်ကြောင်း လုပ်ငန်းရှင်တို့လိုက်နာရမည့်တာဝန်များ၊ စစ်ဆေးရေးအရာရှိတို့၏ လုပ်ငန်းတာဝန် များအကြောင်းကို ရှင်းလင်းဆွေးနွေး အသိပညာပေးခဲ့ကြောင်း သိရှိရပါသည်။
DOCA(ဧရာဝတီ)
