“ကော့မှူးမြို့နယ်တွင် နွေစပါးစိုက်ဧကများအားလုံး Drum Seeder ဖြင့်စိုက်ပျိုးနိုင်ရေးနှင့် ဆီထွက်သီးနှံနေကြာ လျာထားဧကပြည့်မီနိုင်ရေး တောင်သူများကွင်းဆင်းတွေ့ဆုံ”

       ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် လာဝတီကျေးရွာအုပ်စု ဧက (၁၀၀) စံပြကွက်တောင်သူများနှင့် တွေ့ဆုံခန်းမ၌ နိုဝင်ဘာလ(၂၁)ရက်နေ့၊ နံနက် (၀၉:၃၀) နာရီအချိန်တွင် နွေစပါးစိုက်ဧကများအားလုံး Drum Seeder ဖြင့် စိုက်ပျိုး‌ရေးနှင့် ဆီထွက်သီးနှံ နေကြာလျာထားဧက ပြည့်မီနိုင်ရေးအတွက် ရပ်ကွက်၊ ကျေးရွာအုပ်စုများမှ တောင်သူများနှင့် ကွင်းဆင်းတွေ့ဆုံပွဲ ကျင်းပပြုလုပ်ခဲ့ကြောင်း သိရသည်။

       အဆိုပါ တွေ့ဆုံပွဲတွင် ကော့မှူးမြို့နယ် စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌ ဦးမျိုးမင်းနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာတာဝန်ရှိသူများ၊ မြို့နယ်စိုက်ပျိုးရေး ကြီးကြပ်မှုကော်မတီမှ တာဝန်ရှိသူများက ဧက(၁၀၀) စံပြကွက်အတွင်း မိုးစပါးရိတ်သိမ်းခြွေလှေ ပြီးပါက သီးထပ်အတွက် သက်ဆိုင်ရာရပ်ကွက်၊ ကျေးရွာအုပ်စု အုပ်ချုပ်ရေးမှူးများ၊ တောင်သူများအား နေကြာလျာထားဧက (၂၅)ဧက ပြည့်မီအောင်စိုက်ပျိုးရေး၊ နွေစပါးဧက (၇၅)ဧကအား Drum Seeder ဖြင့်စိုက်ပျိုးရေး၊ မြေဩဇာများ အချိန်ကိုက် အချိုးကျသုံးစွဲရေး မြေဆီလွှာတိုး တက်ကောင်းမွန်စေရေးအတွက် ပိုက်ဆံလျော်များ တွဲဖက်စိုက်ပျိုးနိုင်ရေး‌ ဆွေးနွေးပြောကြားခဲ့ကြောင်း ကွင်းဆင်းတွေ့ဆုံပွဲသို့ မြို့ပေါ်(၇)ရပ်ကွက် အုပ်ချုပ်ရေးမှူးနှင့် တောင်သူများ၊ လာဝတီ၊ လက်စိုက်၊ ဆပုဂံ၊ ထန်းပင်ချောင်း၊ တောင်ကျောင်း၊ စမ်းကောက်ကျေးရွာအုပ်စု အုပ်ချုပ်ရေးမှူးနှင့် ဒေသခံတောင်သူများ အင်အား(၅၀)ဦးခန့်တက်ရောက်ခဲ့ကြောင်း သိရှိရပါသည်။

DOCA(ရန်ကုန်)