ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် ကမာကနီကျေးရွာအုပ်စု သု့ခသီတာဓမ္မာရုံ၌ နိုဝင်ဘာလ(၂၅)ရက်နေ့၊ နံနက်(၁၀:၀၀) နာရီအချိန်တွင် ဆီထွက်သီးနှံ နေကြာလျာထားဧက ပြည့်မီအောင်စိုက်ပျိုးနိုင်ရေးနှင့် နွေစပါးစိုက်ဧကများအားလုံး Drum Seeder ဖြင့် စိုက်ပျိုးနိုင်ရေးဒေသခံတောင်သူများနှင့် တွေ့ဆုံပွဲ ကျင်းပပြုလုပ်ခဲ့ကြောင်း သိရသည်။
အဆိုပါ တွေ့ဆုံပွဲတွင် ကော့မှူးမြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမျိုးမင်းနှင့်အဖွဲ့ဝင်များ၊ မြို့နယ်စိုက်ပျိုးရေးကြီးကြပ်မှုကော်မတီမှ တာဝန်ရှိသူများ၊ မြို့နယ်အဆင့်ဌာနဆိုင်ရာတာဝန်ရှိသူများက ကမာကနီ၊ ကျုံတောချောင်၊ ကျုံဖရယ်၊ သခွတ်ပင်၊ ဆားတိုင်မွှတ်၊ ခရိက္ခနိ၊ သရက်တော၊ တာတိုက်၊ သမင်ခြံ၊ ထန်းတပင်၊ ပျားမွှတ်၊ ဘို့ဒင်ကျေးရွာ အုပ်စုအုပ်ချုပ်ရေးမှူးများ၊ တောင်သူများနှင့် တွေ့ဆုံ၍ ဆီထွက်နေကြာလျာထားဧက ပြည့်မီအောင် စိုက်ပျိုးရေးဆောင်ရွက်ကြရန်၊ နွေစပါးစိုက်ဧကအားလုံး Drum Seeder ဖြင့် စိုက်ပျိုးနိုင်ရေးဆောင်ရွက်ကြရန် မြေဩဇာများ အချိန်ကိုက် အချိုးကျ သုံးစွဲရန် စိုက်ပျိုးနည်းများစနစ် ssတကျ စိုက်ပျိုးနိုင်ရေးနည်းလမ်းများအား ပြောကြားခဲ့ကြကြောင်း သိရှိရပါသည်။
DOCA(ရန်ကုန်)