ပြည်ပကုန်သွယ်မှုသတင်းများ

ကျန်းမာရေးဝန်ကြီးနှင့် Starlink မှတာဝန်ရှိသူတို့ ကမ္ဘောဒီးယားနိုင်ငံ၏ ကျန်းမာရေးကဏ္ဍ တွင် အလားအလာရှိသော နည်းပညာပူးပေါင်းဆောင်ရွက်မှုကို ဆွေးနွေး

ကမ္ဘောဒီးယားနိုင်ငံ၊ကျန်းမာရေးကဏ္ဍတွင် ဒစ်ဂျစ်တယ်ချိတ်ဆက်မှု မြှင့်တင်ရာတွင် ပူးပေါင်းဆောင်ရွက်မှုအတွက် အခွင့်အလမ်းများကို ဆွေးနွေးရန် ဝန်ကြီးဌာနရှိ Starlink USA ၏ စျေးကွက်ရှာဖွေရေးဒါရိုက်တာ Rebecca Hunter နှင့် ကျန်းမာရေးဝန်ကြီး Chheang Ra တို့ တွေ့ဆုံဆွေးနွေးမှုများ ပြုလုပ်ခဲ့ကြပြီး ဝန်ကြီးဌာနမှ အကြီးတန်းအရာရှိများ တက်ရောက်ခဲ့ကြ သည်။ Rebecca Hunter မှ Starlink သည် ဝေးလံပြီး ချို့တဲ့သောဒေသများသို့ ကျန်းမာရေး စောင့်ရှောက်မှုလက်လှမ်းမီမှုကို ပံ့ပိုးပေးရန်အတွက် ဆေးဝါး၊ e-health နှင့် မိုဘိုင်းကျန်းမာရေး ဝန်ဆောင်မှုများ အထူးသဖြင့် ဆက်သွယ်မှု ကွာဟ ချက်များအား ပေါင်းကူးဆက်သွယ်မှုများ ကူညီပေးရန် နည်းလမ်းများကို စူးစမ်းလေ့လာရန် စိတ်ဝင်စားသည်ဟု ပြောကြားခဲ့သည်။ အဆိုပါ အကြံပြုချက်ကို ကြိုဆိုသည့်အနေဖြင့် ဝန်ကြီး Chheang Ra က ပိုမိုကောင်းမွန်သော ဒစ်ဂျစ်တယ် ချိတ်ဆက်မှု အားကောင်းလာစေရေးသည် ကျန်းမာရေးစောင့်ရှောက်မှု ပံ့ပိုးပေးရာ တွင် အရေးကြီးသောအခန်းကဏ္ဍမှ ပါဝင်ကြောင်း၊ စနစ်ပိုမိုကောင်းမွန်လာစေရန်နှင့် နောက်ဆုံး တွင် ကမ္ဘောဒီးယားနိုင်ငံသားအားလုံးအတွက် ပိုမိုကောင်းမွန်သော ကျန်းမာရေးရလဒ်များကို အာမခံနိုင်မည်ဟု ယုံကြည်ကြောင်း ပြောကြားခဲ့သည်။

DOCA (ရန်ကုန်)

ပထမဆုံးလျှပ်စစ်ကားစက်ရုံကိုတည်ဆောက်ခဲ့သည့် မလေးရှားကားထုတ်လုပ်သူ Proton

ပြည်ပကုန်သွယ်မှုသတင်းများ

မလေးရှားကားထုတ်လုပ်သူ Proton သည် ၎င်းတို့၏ ပထမဆုံးလျှပ်စစ်ကား ထုတ်လုပ်တပ်ဆင်သည့်စက်ရုံကို စက်တင်ဘာလ ၄ ရက်နေ့က ဖွင့်လှစ်ခဲ့ပြီး နိုင်ငံသည် ၎င်းတို့၏ လျှပ်စစ်ကားလုပ်ငန်းဖွံ့ဖြိုးတိုးတက်မှုအရှိန်မြှင့်တင်ရန်အတွက် ကြိုးပမ်းနေကြောင်း သိရပါ သည်။ ထိုစက်ရုံသည် မလေးရှား၏ အဓိကမော်တော်ကားထုတ်လုပ်ရာအချက်အချာဖြစ်သည့် western Perak state ၏ Automotive High-Tech Valley တွင်တည်ရှိပြီး ကနဦးနှစ်စဉ် ထုတ်လုပ်နိုင်စွမ်းမှာ ကားအစီးရေ ၂၀၀၀၀ ရှိကာ ၄၅၀၀၀ ထိ ထုတ်လုပ်နိုင်ရန်စီစဉ်ထားကြောင်း သိရပါသည်။ ပထမဆုံးထုတ်လုပ်မည့်မော်ဒယ်မှာ e.MAS 7 ဖြစ်ပြီး ၎င်း၏နောက်တွင် e.MAS 5 ကိုထုတ်လုပ်မည်ဟု သိရပါသည်။ Proton ကိုအဓိကအားဖြင့် မလေးရှားလုပ်ငန်းကြီး DRB HICOM ကပိုင်ဆိုင်ပြီး လက်ကျန်ရှယ်ယာ ၄၉.၉ ရာခိုင်နှုန်းကို တရုတ်၏ Zhejiang Geely Holding Group ကပိုင်ဆိုင်ကြောင်း သိရပါသည်။ စက်ရုံဖွင့်ပွဲတွင် မလေးရှားဝန်ကြီးချုပ် Anwar Ibrahim က စက်ရုံသစ်သည် မလေးရှားနှင့်တရုတ်ကြား အနီးကပ် ပူးပေါင်းဆောင်ရွက်မှုကို ရောင်ပြန်ဟပ်ကြောင်းပြောကြားခဲ့ပြီး Geely အား ကားလုပ်ငန်းတွင် ရင်းနှီးမြှုပ်နှံမှုများ အရှိန်မြှင့်တင်ရန် တောင်းဆိုခဲ့ကြောင်း သိရပါသည်။ ဝန်ကြီးက ၎င်းတို့သည် Geely အား ထိုအခွင့်အရေးကို ကားများထုတ်လုပ်ရန်စက်ရုံသာမက လေ့ကျင့်ရေး နှင့်သင်ကြားရေးအတွက် အကောင်းဆုံးစင်တာအဖြစ် တည်ထောင်ရေး အသုံးချရန် အလိုရှိကြောင်း ပြောကြားခဲ့ပါသည်။ မလေးရှားအစိုးရသည် လျှပ်စစ်ကားများအတွက် ဒေသတွင်း အချက်အချာဖြစ်လာရန် ကြိုးပမ်း လျှက်ရှိပြီး ၂၀၃၀ ခုနှစ်တွင် ကားအသစ်ရောင်းချမှုအားလုံး၏ ၂၀ ရာခိုင်နှုန်းကို hybrid နှင့် လျှပ်စစ်ကားများဖြစ်လာရန် ရည်ရွယ်ထားကြောင်း သိရပါသည်။

DOCA (ရန်ကုန်)

ကမ္ဘောဒီးယားသို့ ဗီယက်နမ်၏ ကော်ဖီတင်ပို့မှုမြင့်တက်

ပြည်ပကုန်သွယ်မှုသတင်းများ

၂၀၂၅ ခုနှစ်၏ ပထမ ၇ လတွင် ဗီယက်နမ်သည် ကော်ဖီတန်ချိန် ၁.၁ သန်းတင်ပို့ရာမှ ဝင်ငွေ အမေရိကန်ဒေါ်လာ ၆ ဘီလီယံကျော်ရရှိခဲ့ပြီး တင်ပို့သည့်ပမာဏတွင် ၈ ရာခိုင်နှုန်းနှင့် တင်ပို့သည့်တန်ဖိုးတွင် ၆၆ ရာခိုင်နှုန်းမြင့်တက်ခဲ့ကြောင်း သိရပါသည်။ ဥရောပသည်အကြီးမား ဆုံးဈေးကွက်အဖြစ်ဆက်လက်တည်ရှိနေပြီး အာရှတွင် အထူးသဖြင့် ကမ္ဘောဒီးယားတွင်လည်း ဝယ်လိုအားကြီးထွားလျှက်ရှိကြောင်း သိရပါသည်။ ဇူလိုင်လတွင် ဗီယက်နမ်သည် ကမ္ဘောဒီးယား သို့ အမေရိကန်ဒေါ်လာ ၂.၇ သန်းတန်ဖိုးရှိသော ကော်ဖီတန်ချိန် ၇၁၃ တန်တင်ပို့ခဲ့ပြီး တင်ပို့သည့် ပမာဏတွင် ၄၀၆ ရာခိုင်နှုန်းနှင့် တင်ပို့သည့်တန်ဖိုးတွင် ၄၆၀ ရာခိုင်နှုန်းမြင့်တက်ခဲ့ကြောင်း ဗီယက်နမ်နိုင်ငံအကောက်ခွန်ဦးစီးဌာန၏အဆိုအရ သိရပါသည်။ ဇန်နဝါရီမှ ဇူလိုင်လထိ ၇ လ တာကာလတွင် ဗီယက်နမ်သည် ကမ္ဘောဒီးယားသို့ ကော်ဖီတန်ချိန် ၂၂၃၁ တန်တင်ပို့ရာမှ ဝင်ငွေ အမေရိကန်ဒေါ်လာ ၁၀ သန်းရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါကပမာဏတွင် ၇၈ ရာခိုင်နှုန်းနှင့် တန်ဖိုးတွင် ၁၁၄ ရာခိုင်နှုန်း မြင့်တက်ခဲ့ကြောင်း သိရပါသည်။ စီးပွားရေး လုပ်ငန်းများသည်လည်း နှစ်နိုင်ငံကုန်သွယ်ရေးတည်ငြိမ်စွာမြင့်တက်ရေးတွင် ပူးပေါင်းပါဝင်လျှက် ရှိကြောင်း သိရပါသည်။ ၂၀၂၄ ခုနှစ်တွင် နှစ်နိုင်ငံကုန်သွယ်မှုတန်ဖိုးမှာ အမေရိကန်ဒေါ်လာ ၁၀ ဘီလီယံကျော်ရောက်ရှိခဲ့ပြီး ၂၀၂၅ ခုနှစ်၏ ပထမ ၇ လတွင် အမေရိကန်ဒေါ်လာ ၇ ဘီလီယံကို ကျော်ဖြတ်ခဲ့ကြောင်း သိရပါသည်။ ဗီယက်နမ်ကုန်ပစ္စည်းများသည် ၎င်းတို့၏အရည်အသွေးနှင့် ယှဉ်ပြိုင်နိုင်စွမ်းရှိသောဈေးနှုန်းတို့ကြောင့် ကမ္ဘောဒီးယားနိုင်ငံတွင် လူကြိုက်များကြောင်း သိရပါ သည်။ တရုတ်နိုင်ငံတွင်ကျင်းပခဲ့သည့် ရှန်ဟိုင်းပူးပေါင်းဆောင်ရွက်ရေးအဖွဲ့အစည်းညီလာခံတွင် ကမ္ဘောဒီးယားဝန်ကြီးချုပ် Hun Manet နှင့် အစည်းအဝေးအတွင် ဗီယက်နမ်ဝန်ကြီးချုပ် Pham Minh Chinh က သယ်ယူပို့ဆောင်ရေးအားကောင်းရန်၊ နယ်စပ်လုပ်ငန်းစဉ်များမြန်ဆန်ရန်နှင့် နှစ်နိုင်ငံအပြန်အလှန်ကုန်သွယ်ရေးအမေရိကန်ဒေါ်လာ ၂၀ ဘီလီယံထိရောက်ရှိရန် အဆိုပြုခဲ့ ကြောင်း သိရပါသည်။ ကမ္ဘောဒီးယားနိုင်ငံရှိ ဗီယက်နမ်ကုန်သွယ်ရေးအတိုင်ပင်ခံ Do Viet Phuong က များစွာသောပို့ကုန်-သွင်းကုန်အမျိုးအစားများမှာ အားကောင်းသောအလားအလာကို ပြသနေခြင်းနှင့်အတူ နှစ်နိုင်ငံစီးပွားရေးသည်မြင့်မားစွာလိုက်ဖက်မှုရှိနေကြောင်းနှင့် ထိုမှ တစ်ဆင့် နှစ်ဖက်အစိုးရချမှတ်ထားသည့် အမေရိကန်ဒေါ်လာ ၂၀ ဘီလီယံရည်မှန်းချက်ကို အကောင်အထည်ဖော်နိုင်မည်ဟု ပြောကြားခဲ့ပါသည်။ ထိုအလားအလာကို အကောင်အထည် ဖော်ရန်အတွက် ဗီယက်နမ်နိုင်ငံစက်မှုနှင့်ကုန်သွယ်ရေးဝန်ကြီးဌာနနှင့် ကမ္ဘောဒီးယားနိုင်ငံ စီးပွား ကူးသန်းဝန်ကြီးဌာနတို့သည် ဗီယက်နမ်-ကမ္ဘောဒီးယားစီးပွားရေးချိတ်ဆက်မှုကွန်းဖရန့်ကို ဩဂုတ်လတွင် ဖနွမ်းပင်မြို့၌ ကျင်းပပြုလုပ်ခဲ့ကြောင်း သိရပါသည်။ ထိုအခမ်းအနားတွင် ဗီယက်နမ်သည် ကမ္ဘောဒီးယားအသင်းအဖွဲ့များ၊ ဖြန့်ဖြူးရေးစနစ်များနှင့် သွင်းကုန်လုပ်ငန်းရှင် များနှင့်ချိတ်ဆက်မှုအားကောင်းရန်နှင့် ကုန်သွယ်ရေးပိုမိုညီမျှရန်နှင့် ချောမွေ့ရန်အတွက် နည်းစနစ်အတားအဆီးများကိုဖယ်ရှားရေး အတူတကွလုပ်ဆောင်ရန် တောင်းဆိုခဲ့ကြောင်း သိရပါသည်။

DOCA (ရန်ကုန်)

၂၀၂၅ ခုနှစ်၏ ပထမ ၇ လတာကာလတွင် ဗီယက်နမ်၏ အသင့်သုံးသံမဏိ ရောင်းချရမှု ၉ ရာခိုင်နှုန်းမြင့်တက်

ပြည်ပကုန်သွယ်မှုသတင်းများ

ဇူလိုင်လတွင် ဗီယက်နမ်၏ အသင့်သုံးစတီးလ်ရောင်းချရမှုမှာ တန်ချိန် ၂.၆ သန်းရှိခဲ့ပြီး ၂၀၂၄ ခုနှစ် ဇူလိုင်လထက် ၆ ရာခိုင်နှုန်းမြင့်တက်ခဲ့ကြောင်း ဗီယက်နမ်စတီးလ်အသင်း၏ အဆိုအရ သိရပါသည်။ ထို့ကြောင့် ၂၀၂၅ ခုနှစ်၏ ပထမ ၇ လတွင် ဗီယက်နမ်သည်အသင့်သုံး စတီးလ်တန်ချိန် ၁၈.၃၂ သန်းကျော်ရောင်းချခဲ့ပြီးဖြစ်ပြီး ၂၀၂၄ ခုနှစ်တူညီသည့်ကာလထက် ၉ ရာခိုင်နှုန်းမြင့်တက်ခဲ့ကြောင်း သိရပါသည်။ ဆောက်လုပ်ရေးလုပ်ငန်းသုံးစတီးလ်မှာတန်ချိန် ၇.၇ သန်းကျော်ဖြင့် အကြီးမားဆုံးဝေစုကိုပိုင်ဆိုင်ထားပြီး ၁၄ ရာခိုင်နှုန်းမြင့်တက်ခဲ့ကြောင်း သိရပါသည်။ ဇူလိုင်လ၏စတီးလ်သုံးစွဲမှုတွင် ဆောက်လုပ်ရေးလုပ်ငန်းသုံးစတီးလ်က အဓိကအခန်း ကဏ္ဍတွင်ဆက်လက်တည်ရှိနေပြီး တန်ချိန် ၁.၀၇ သန်းရောင်းချခဲ့ရကာ ၂၀၂၄ ခုနှစ် ဇူလိုင်လနှင့် နှိုင်းယှဉ်ပါက ၁၁ ရာခိုင်နှုန်းမြင့်တက်ခဲ့ကြောင်း သိရပါသည်။

DOCA (ရန်ကုန်)

၂၀၂၅ ခုနှစ်၏ ပထမ ၈ လတာကာလတွင် တိုယိုတာဗီယက်နမ်၏ရောင်းအား ၂၃ ရာခိုင်နှုန်းမြင့်တက်

ပြည်ပကုန်သွယ်မှုသတင်းများ

၂၀၂၅ ခုနှစ်၏ ပထမ ၈ လတာကာလတွင် တိုယိုတာဗီယက်နမ်သည် ကားအစီးရေ ၄၁၀၀၀ စီးရောင်းချခဲ့ရပြီး ၂၀၂၄ ခုနှစ်တူညီသည့်ကာလထက် ၂၃ ရာခိုင်နှုန်းမြင့်တက်ခဲ့ကြောင်း သိရပါသည်။ ဩဂုတ်လတစ်လတည်းတွင် တိုယိုတာအမှတ်တံဆိပ်မော်‌တော်ယာဉ် ၅၁၇၁ စီးရောင်းချခဲ့ရပြီး ၁၅၉၃ စီးမှာ ပြည်တွင်း၌ တပ်ဆင်သည့်ကားများဖြစ်ပြီး ၃၅၇၈ စီးမှာ အပြည့် အဝတပ်ဆင်ပြီးပြည်ပမှတင်သွင်းလာသည့်ကားများဖြစ်ကြောင်း သိရပါသည်။ ဈေးကွက်အတွင်း ယာယီနှေးကွေးခဲ့သော်လည်း တိုယိုတာသည် ကွဲပြားသောထုတ်ကုန်အမျိုးအစားနှင့် များစွာသော ကဏ္ဍများတွင် အားကောင်းသောဆွဲဆောင်မှုတို့ကြောင့် ၎င်းတို့၏ကြီးထွားမှုအဟုန်ကို ထိန်းသိမ်း နိုင်ခဲ့ကြောင်း သိရပါသည်။ ဩဂုတ်လတွင် Hybrid မော်ဒယ်များရောင်းချရမှုမှာစံချိန်တင် ကြီးထွား အစီးရေ ၇၀၄ စီးရောင်းချခဲ့ရကာ ၂၀၂၄ ခုနှစ် ဩဂုတ်လနှင့်နှိုင်းယှဉ်ပါက ၂ ဆမြင့်တက် ခဲ့ကြောင်း သိရပါသည်။ ၎င်းသည် စားသုံးသူများက လောင်စာသက်သာပြီး ကာဗွန်ထုတ်လွှင့်မှု နည်းပါးကာ သဘာဝပတ်ဝန်းကျင်နှင့် သင့်လျော်သော်မော်တော်ယာဉ်များသို့ အသွင်ကူးပြောင်းမှု မြင့်တက်လာခြင်းကို ပြသနေကြောင်း သိရပါသည်။ ဇိမ်ခံကားကဏ္ဍတွင် Luxus သည်အစီးရေ ၂၃၅ စီးရောင်းချခဲ့ရပြီး ၎င်း၏တည်နေရာကို ထိန်းထားနိုင်ကြောင်း သိရပါသည်။ ထို့ကြောင့် Luxus ဗီယက်နမ်တွင် စတင်မိတ်ဖက်ပြီးချိန်မှ ယခုအချိန်ထိ အစီးရော ၁၅၀၂၄ စီး ရောင်းချခဲ့ပြီး ဖြစ်ကြောင်း သိရပါသည်။ အဓိကထုတ်ကုန်များကြားတွင် Yaris Cross သည် အစီးရေ ၁၀၁၂ စီး ဖြင့် ရောင်းချရမှုတွင် ၎င်း၏ဦးဆောင်မှုကို ဆက်လက်ထိန်းထားနိုင်ခဲ့ကြောင်း သိရပါသည်။

DOCA (ရန်ကုန်)

အင်ဒိုနီးရှား-ဥရောပသမဂ္ဂ CEPA ကို စက်တင်ဘာ ၂၃ ရက်နေ့တွင်လက်မှတ်ရေးထိုးမည် ဟု ဝန်ကြီးပြောကြား

ပြည်ပကုန်သွယ်မှုသတင်းများ

အင်ဒိုနီးရှားနိုင်ငံစီးပွားရေးရာညှိနှိုင်းဆွေးနွေးရေးဝန်ကြီး Airlangga Hartarto က အင်ဒိုနီးရှား-ဥရောပသမဂ္ဂ(EU) ဘက်ပေါင်းစုံစီးပွားရေးမိတ်ဖက်သဘောတူညီချက် (IEU CEPA) အတွက် စာချုပ်စာတမ်းကို ယခုနှစ် စက်တင်ဘာလ ၂၃ ရက်နေ့တွင် လက်မှတ်ရေးထိုးမည်ဟု ကြေညာခဲ့ပါသည်။ ဝန်ကြီးက IEU CEPA ကို စက်တင်ဘာလ ၂၃ ရက်နေ့တွင် လက်မှတ်ရေးထိုး မည်ဖြစ်ကြောင်းနှင့် သဘောတူညီချက်လက်မှတ်ရေးထိုးပြီးပါက နှစ်ဖက်စလုံး၏ ပါလီမန်များ၌ လုပ်ငန်းစဉ်ဆက်လက်ဆောင်ရွက်မည်ဟု အင်ဒိုနီးရှားနိုင်ငံစီးပွားရေးနှင့်စက်မှုလုပ်ငန်းရှင်များ အသင်းနှင့် ဆွေးနွေးပွဲအပြီး သတင်းစာရှင်းလင်းပွဲတွင် ပြောကြားခဲ့ပါသည်။ စာချုပ်စာတမ်း လက်မှတ်ရေးထိုးပြီးပါက ဥရောပစီပွားရေးနှင့် ကုန်သွယ်ရေးကော်မရှင်နာ Maros Sefovi သည် အင်ဒိုနီးရှားသို့လာရောက်လည်ပတ်ရန်ရှိကြောင်း သိရပါသည်။ သို့သော်လက်မှတ်ရေးထိုးခြင်း သည် IEU CEPA ကို အလိုအလျောက်အသက်ဝင်မည်မဟုတ်သေးကာ ဥရောပသမဂ္ဂအဖွဲ့ဝင် ၂၇ နိုင်ငံမှ ပါလီမန်များထံမှခွင့်ပြုချက်လိုအပ်သေးကြောင်း သိရပါသည်။ အင်ဒိုနီးရှားကုန်သွယ်ရေး ဝန်ကြီးဌာန၏ နိုင်ငံတကာကုန်သွယ်ရေးညှိနှိုင်းဆွေးနွေး‌ရေးဦးစီးဌာန၏ ညွှန်ကြားရေးမှူးချုပ် Djatmiko Bris Witjaksono က EU ၌ စီမံခန့်ခွဲရေးနှင့် ဥပဒေရေးရာလုပ်ငန်းစဉ်တစ်ခုလုံးသည် ၁၂ လခန့်ကြာမြင့်ကြောင်း၊ အင်ဒိုနီးရှားသည် ထိုလုပ်ငန်းစဉ်ကို ၂၀၂၆ ခုနှစ် ဒုတိယနှင့် စတုတ္ထ ၃ လပတ်ကာလကြားတွင်ပြီးမြောက်ရန် မျှော်လင့်ရကြောင်းနှင့် စီးပွားရေးစာချုပ်သည် ၂၀၂၇ ခုနှစ် ၏ ပထမ ၃ လပတ်ကာလတွင် စတင်အသက်ဝင်နိုင်ကြောင်း ပြောကြားခဲ့ပါသည်။ အင်ဒိုနီးရှား နှင့် EU သည်သဘောတူညီချက်ရရှိရန် ၂၀၁၆ ခုနှစ်မှစတင်၍ ညှိနှိုင်းဆွေးနွေးခဲ့ကြခြင်း ဖြစ်ကြောင်း သိရပါသည်။ ယခင်သမ္မတ Joko Widodo ၏ အုပ်ချုပ်မှု‌အောက်တွင် ကနဦးစတင် ခဲ့သည့် ဆွေးနွေးညှိနှိုင်းမှုများသည် ယခုသမ္မတ Prabowo Subianto လက်ထက်တွင် ပြီးမြောက် ကြောင်း ကြေညာနိုင်ခဲ့ကြောင်း သိရပါသည်။ IEU CEPA သည် အင်ဒိုနီးရှားနှင့် EU ကြား ကုန်သွယ်ရေး၊ စီးပွားရေးနှင့် ရင်းနှီးမြှုပ်နှံမှုချိတ်ဆက်မှုပိုမိုနက်ရှိုင်းစေရန် အခွင့်အလမ်းသစ်များ ကိုဖန်တီးနိုင်ရန် မျှော်မှန်းရကြောင်း သိရပါသည်။ Witjaksono က စာချုပ်စတင်အသက်ဝင်ပါက အဝတ်အထည်နှင့် စားအုန်းဆီပါဝင်သည့် EU သို့တင်ပို့မည့် အင်ဒိုနီးရှား၏ ထုတ်ကုန်များသည် အကောက်ခွန်ကောက်ခံခြင်းခံရမည်မဟုတ်ကြောင်း သိရပါသည်။ ထို့ပြင် IEU CEPA သည် စုစုပေါင်းအကောက်ခွန်ကောက်ခံခြင်းခံရသည့် ကုန်ပစ္စည်းအမျိုးအစား၏ ၉၈ ရာခိုင်နှုန်းနှင့် စုစုပေါင်းတင်သွင်းသည့်တန်ဖိုး၏ ၉၉ ရာခိုင်နှုန်းအပေါ် အကောက်ခွန်များကို ပယ်ဖျက်ပေးမည် ဟု သိရပါသည်။

DOCA (ရန်ကုန်)

ဟာလာအသိအမှတ်ပြုလက်မှတ်များသည် ထုတ်ကုန်တန်ဖိုးကိုမြှင့်တင်ပေးပြီး စားသုံးသူများကို ကာကွယ်ပေးကြောင်း BPJPH ပြောကြား

ပြည်ပကုန်သွယ်မှုသတင်းများ

အင်ဒိုနီးရှားနိုင်ငံ၏ Halal Product Assurance Organizing Agency (BPJPH) က ဟာလာအသိအမှတ်ပြုလက်မှတ်သည် ထုတ်ကုန်တန်ဖိုးကိုမြှင့်တင်ပေးပြီး စားသုံးသူများကို ကာကွယ်ပေးကာ အစိုးရသည်လည်း စီးပွားရေးလုပ်ငန်းရှင်များကြား ပိုမိုကျယ်ပြန့်သော နားလည်အသိရရှိစေရန် တွန်းအားပေး လုပ်ဆောင်နေကြောင်း ပြောကြားခဲ့ပါသည်။ BPJPH ၏ ဒုတိယအကြီးအကဲဖြစ်သူ Afriansyah Noor က အသိအမှတ်ပြုလက်မှတ်ရယူသည့်လုပ်ငန်းစဉ် များသည် ဥပဒေအရလိုအပ်သကဲ့သို့ ထုတ်ကုန်ယှဉ်ပြိုင်နိုင်စွမ်းကိုမြင့်တက်စေမည်ဖြစ်ကြောင်း၊ ဥပဒေနံပါတ် ၃၃-၂၀၁၄ အရ ဟာလာအသိအမှတ်ပြုလက်မှတ်ရယူခြင်းသည် အင်ဒိုနီးရှားတွင် ကုန်ပစ္စည်းများဖြန့်ဖြူးနေသည့် စီးပွားရေးလုပ်ငန်းအားလုံးအတွက် မဖြစ်မနေဆောင်ရွက်ရမည့် စည်းမျဉ်းဖြစ်ကြောင်းနှင့် အစိုးရသည်လည်း အစားအစာနှင့် အလှကုန်အစရှိသည့်ကဏ္ဍများတွင် ဟာလာစံနှုန်းများနှင့်ပတ်သတ်၍ နားလည်သဘောပေါက်မှုအသိရှိစေရန် ဒေသများတွင် ပညာ ပေးရန်ကြိုးပမ်းအားထုတ်သင့်ကြောင်း ပြောကြားခဲ့ပါသည်။ ၂၀၂၆ ခုနှစ်မှ၍ အလှကုန်အားလုံး သည်ဟာလာအသိအမှတ်ပြုလက်မှတ်ရှိရမည်ဖြစ်ပြီး ထုတ်ကုန်အားလုံးသည် ၎င်းတို့၏ဟာလာ အဆင့်အတန်းကို ရှင်းလင်းစွာဖော်ပြရမည်ဖြစ်ကြောင်း သိရပါသည်။ ထိုကြိုးပမ်းအားထုတ်မှုများ ၏ တစ်စိတ်တစ်ပိုင်းအနေဖြင့် BPJPH သည် အင်ဒိုနီးရှား ကြက်ဘဲမွေးမြူရေးသမားများအသင်း နှင့်ပူးပေါင်း၍ Kwala Bingai၊ Stabat Subdistrict၊ Langkat District နှင့် North Sumatra တို့ တွင် ပညာပေးဆောင်ရွက်မှုများပြုလုပ်သွားမည်ဟု သိရပါသည်။ ကြက်ဘဲမွေးမြူရေးသမားများ နှင့် ပတ်သတ်၍ Afriansyah က ပြုပြင်ထုတ်လုပ်ထားသည့်ကြက်ဘဲနှင့် ဥများကဲ့သို့ထုတ်ကုန် များတွင် ဟာလာ၏အရေးပါမှုကိုအသားပေးပြောကြားခဲ့ပြီး ဟာလာအသိမှတ်ပြုလက်မှတ်ရရှိ ခြင်းသည် အရည်အသွေး၊ ကျန်းမာရေးညီညွတ်မှုနှင့် သန့်ရှင်းမှုတို့အတွက် အာမခံချက်ဖြစ် ကြောင်း ပြောကြားခဲ့ပါသည်။ အခမ်းအနားတွင် BPJPH သည် အငယ်စားနှင့် အသေးစားလုပ်ငန်း များအတွက် ဟာလာအသိအမှတ်ပြုလက်မှတ်အခမဲ့ထုတ်ပေးမည့် အစိုးရ၏ပရိုဂရမ်ကို ကြေညာခဲ့ကြောင်း သိရပါသည်။

DOCA (ရန်ကုန်)

၂၀၂၅ ခုနှစ်၏ ပထမ ၈ လတွင် စိုက်ပျိုးမွေးမြူရေး-သစ်တော-ရေထွက်ကုန်တင်ပို့မှု ၁၂ ရာခိုင်နှုန်း မြင့်တက်ခဲ့သည့် ဗီယက်နမ်

ပြည်ပကုန်သွယ်မှုသတင်းများ

၂၀၂၅ ခုနှစ်၏ ပထမ ၈ လတွင် ဗီယက်နမ်သည် စိုက်ပျိုးမွေးမြူရေး-သစ်တော-ရေထွက်ကုန် တင်ပို့မှုမှတစ်ဆင့် ဝင်ငွေအမေရိကန်ဒေါ်လာ ၄၅.၃၇ ဘီလီယံ ရရှိခဲ့ပြီး ၂၀၂၄ ခုနှစ် တူညီသည့် ကာလနှင့်နှိုင်းယှဉ်ပါက ၁၂ ရာခိုင်နှုန်းမြင့်တက်ခဲ့ကြောင်း ဗီယက်နမ်နိုင်ငံ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၏ အဆိုအရ သိရပါသည်။ ဩဂုတ်လတစ်လတည်းတွင် ဗီယက်နမ်သည် ဝင်ငွေခန့်မှန်း အမေရိကန်ဒေါ်လာ ၅.၇၁ ဘီလီယံ ရရှိခဲ့ပြီး ၂၀၂၄ ခုနှစ်ဩဂုတ်လ နှင့်နှိုင်းယှဉ်ပါက ၃ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းခဲ့သော်လည်း ထုတ်ကုန်အုပ်စုအမျာစုမှာတင်ပို့မှုကြီးထွားခဲ့ခြင်းနှင့်အတူ စုစုပေါင်း ၈ လတာစွမ်းဆောင်ရည်မှာ ဆက်လက်အပေါင်းလက္ခဏာဆောင်ခဲ့ကြောင်း သိရပါသည်။ ထို ၈ လတာကာလတွင် စိုက်ပျိုးရေးထုတ်ကုန်တင်ပို့မှုမှာ အမေရိကန်ဒေါ်လာ ၂၄.၄၂ ဘီလီယံဖြင့်အကြီးမားဆုံးဝေစုရရှိခဲ့ပြီး ၁၃.၈ ရာခိုင်နှုန်းမြင့်တက်ခဲ့ကြောင်း သိရပါသည်။ မွေးမြူရေးထုတ်ကုန်တင်ပို့မှုမှဝင်ငွေအမေရိကန်ဒေါ်လာ ၄၁၀.၇ သန်းဖြင့် ၂၄.၅ ရာခိုင်နှုန်း မြင့်တက်ခဲ့ပြီး ရေထွက်ကုန်တင်ပို့မှုမှဝင်ငွေ အမေရိကန်ဒေါ်လာ ၇.၀၃ ဘီလီယံဖြင့် ၁၁.၅ ရာခိုင်နှုန်းမြင့်တက်ခဲ့ ကြောင်း သိရပါသည်။ သစ်တောထုတ်ကုန်တင်ပို့မှုမှဝင်ငွေ အမေရိကန် ဒေါ်လာ ၁၁.၉ ဘီလီယံရရှိခဲ့ပြီး ၆.၆ ရာခိုင်နှုန်းမြင့်တက်ခဲ့ကြောင်း သိရပါသည်။ အာရှသည် ဗီယက်နမ်၏ စိုက်ပျိုးမွေးမြူရေး-သစ်တော-ရေထွက်ကုန်အဓိကဝယ်ယူရာဒေသဖြစ်ပြီး စုစုပေါင်း ဈေးကွက်ဝေစု၏ ၄၃.၁ ရာခိုင်နှုန်းရှိကြောင်း သိရပါသည်။ အာရှ၏နောက်တွင်အမေရိကက ၂၃.၂ ရာခိုင်နှုန်း၊ ဥရောပက ၁၄.၆ ရာခိုင်နှုန်း၊ အာဖရိကက ၃.၁ ရာခိုင်နှုန်းနှင့် သမုဒ္ဒရာပိုင်းဒေသက ၁.၃ ရာခိုင်နှုန်းဖြင့် အသီးသီးရပ်တည်နေကြောင်း သိရပါသည်။ ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ဥရောပသို့တင်ပို့မှုမှာ ၃၈.၇ ရာခိုင်နှုန်းမြင့်တက်ခဲ့ပြီး အမေရိကသို့တင်ပို့မှုမှာ ၁၀.၆ ရာခိုင်နှုန်း၊ အာရှသို့တင်ပို့မှုမှာ ၁.၂ ရာခိုင်နှုန်း၊ အာဖရိကသို့တင်ပို့မှုမှာ ၂ ဆနှင့် သမုဒ္ဒရာပိုင်း ဒေသသို့တင်ပို့မှုမှာ ၂.၈ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ အမေရိကန်၊ တရုတ်နှင့်ဂျပန်တို့မှာ အကြီးမားဆုံးဈေးကွက်များဖြစ်ပြီး စုစုပေါင်းတန်ဖိုး၏ ၂၀.၉ ရာခိုင်နှုန်း၊ ၁၉ ရာခိုင်နှုန်းနှင့် ၇.၁ ရာခိုင်နှုန်း အသီးသီးရှိကြောင်း သိရပါသည်။ ကော်ဖီမှာပို့ကုန်အမျိုးအစား အားလုံးတွင်ကြီးထွားမှုအများဆုံးဖြစ်ကြောင်း သိရပါသည်။ ၂၀၂၅ ခုနှစ်၏ ပထမ ၈ လတာ ကာလတွင် ဗီယက်နမ်သည် ကော်ဖီတန်ချိန် ၁.၂ သန်းတင်ပို့ရာမှ ဝင်ငွေအမေရိကန်ဒေါ်လာ ၆.၄၂ ဘီလီယံရရှိခဲ့ပြီး တင်ပို့သည့်ပမာဏတွင် ၈.၇ ရာခိုင်နှုန်းကျဆင်းခဲ့သော်လည်း တန်ဖိုးတွင် ၅၉.၁ ရာခိုင်နှုန်းမြင့်တက်ခဲ့ကြောင်း သိရပါသည်။ ထို ၈ လတာကာလတွင်ရာဘာတန်ချိန် ၁.၁ သန်းတင်ပို့မှုမှ ဝင်ငွေ အမေရိကန်ဒေါ်လာ ၁.၉၄ ဘီလီယံ၊ သီဟိုဠ်စေ့တင်ပို့မှုမှ ဝင်ငွေ အမေရိကန်ဒေါ်လာ ၃.၂၄ ဘီလီယံ၊ ငရုတ်ကောင်းတင်ပို့မှုမှ ဝင်ငွေအမေရိကန်‌ဒေါ်လာ ၁.၁၂ ဘီလီယံ၊ လက်ဖက်တန်ချိန် ၈၆၆၀၀ တင်ပို့မှုမှ ဝင်ငွေ အမေရိကန်ဒေါ်လာ ၁၄၄.၇ သန်းရရှိခဲ့ကြောင်း သိရပါသည်။ သစ်သီးနှင့် ဟင်းသီးဟင်းရွက်တင်ပို့မှုမှာ အမေရိကန်ဒေါ်လာ ၄.၆၂ ဘီလီယံရရှိခဲ့ပြီး ၂၀၂၄ ခုနှစ် ပထမ ၈ လနှင့်နှိုင်းယှဉ်ပါက ၂.၂ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းမှုမှာ ဗီယက်နမ်၏စုစုပေါင်းသစ်သီးနှင့် ဟင်းသီးဟင်းရွက်တင်ပို့မှုများ ၏ ထက်ဝက်ကျော်ရှိသည့် တရုတ်ဈေးကွက်သို့တင်ပို့မှု ၁၅.၁ ရာခိုင်နှုန်းကျဆင်းမှုက အဓိက နေရာတွင်ရှိနေကြောင်း သိရပါသည်။

DOCA (ရန်ကုန်)

ဂျပန်နိုင်ငံရှိ အိမ်ထောင်စုမျာ၏ သုံးစွဲမှုသည် ဇူလိုင်လတွင် ၁.၄ ရာခိုင်နှုန်းမြင့်တက်

ပြည်ပကုန်သွယ်မှုသတင်းများ

ဂျပန်နိုင်ငံရှိ အိမ်ထောင်စုများ၏ သုံးစွဲမှုများသည် ဇူလိုင်လတွင် ယခင်နှစ်ကထက် ၁.၄ ရာခိုင်နှုန်း တိုးလာခဲ့ပါသည်။ ၄င်းသည် သုံးလဆက်တိုက် တိုးတက်လာခြင်းဖြစ်ကြောင်း အစိုးရ၏ စက်တင်ဘာလ ၅ ရက်နေ့ ထုတ်ပြန်ချက်အရသိရှိပါသည်။

ပြည်တွင်းရေးရာနှင့် ဆက်သွယ်ရေးဝန်ကြီးဌာန၏ အဆိုအရ အိမ်ထောင်စုနှစ်စု သို့မဟုတ် နှစ်ခုထက်ပိုသော အိမ်ထောင်စုများသည် ပျမ်းမျှ ယန်း ၃၀၅၆၉၄ (အမေရိကန်ဒေါ်လာ ၂၀၆၃) ခန့် သုံးစွဲခဲ့ကြပါသည်။

ရာသီအလိုက် တွက်ထားသော လစဉ်အခြေခံအရ ဇူလိုင်လတွင် ပျမ်းမျှအိမ်ထောင်စုသုံးစွဲ မှုသည် ၁.၇ ရာခိုင်နှုန်း တိုးတက်ခဲ့ပါသည်။

ဝန်ကြီးဌာန၏ တာဝန်ရှိသူတစ်ဦးက လျှပ်စစ်မီတာခနှင့် မော်တော်ကား စရိတ်များ မြင့်တက် မှုကြောင့် အသုံးစရိတ်တိုးလာခဲ့ခြင်းဖြစ်ပြီး ငွေကြေးဖောင်းပွမှုကြောင့် စားသောက်ကုန် အသုံးစရိတ်များ ကျဆင်းသွားကာ စားသုံးသူအသုံးစရိတ် ပြန်လည်ကောင်းမွန်လာသော်လည်း ခိုင်မာမှုမရှိ ကြောင်း ပြောကြားခဲ့ပါသည်။

ဂျပန်နိုင်ငံ၏ ပြည်တွင်းအသားတင်ထုတ်လုပ်မှု၏ ထက်ဝက်ကျော်ကို အိမ်ထောင်စု အသုံး စရိတ်က ပံ့ပိုးပေးထားပြီး ၄င်းသည် နိုင်ငံ၏ ကိုယ်ပိုင်စားသုံးမှု၏ အဓိက တိုင်းတာမှုတစ်ခု ဖြစ်ကြောင်း သိရှိရပါသည်။

DOCA (ရန်ကုန်)

မလေးရှားနိုင်ငံ၏ လက်လီရောင်းအား ၂၀၂၅ ခုနှစ် ဒုတိယသုံးလပတ်တွင်ကျဆင်း

ပြည်ပကုန်သွယ်မှုသတင်းများ

မလေးရှားနိုင်ငံ၏ လက်လီရောင်းချသော လုပ်ငန်းများသည် ၂၀၂၄ ခုနှစ် အလားတူကာလ နှင့် နှိုင်းယှဉ်ပါက ခန့်မှန်းထားခြင်းတက်လျော့သော -၃ ရာခိုင်နှုန်းကို ရရှိခဲ့ကြောင်း Retail Group Malaysia (RGM) က စက်တင်ဘာလ ၅ ရက်နေ့က ပြောကြားခဲ့ပါသည်။

နောက်ဆုံးသုံးလပတ်တွင် မလေးရှားရှိ အိမ်ထောင်စုများ၏ နေထိုင်မှုစရိတ်မြင့်မာလာ ခြင်း နှင့် ဝယ်ယူနိုင်စွမ်းကျဆင်းလာခြင်းတို့ကို ဖော်ပြနေကြောင်း RGM က‌ ပြေားကြားခဲ့ပါသည်။

မလေးရှားစားသုံးသူများ၊ အထူးသဖြင့် မြို့ကြီးများတွင် နေထိုင်သူများသည် နေထိုင်မှုပုံစံကို ထိန်းသိမ်းရန်အတွက် လစဉ်အသုံးစရိတ်များကို ဂရုပြုကြရန် လိုအပ်ကြောင်း သိရှိရပါသည်။

၂၀၂၅ ခုနှစ်၏ ဒုတိယသုံးလပတ်အတွင်း မရှိမဖြစ်လိုအပ်သော ကုန်စည်နှင့် ဝန်ဆောင်မှု များ၏ လက်လီဈေးနှုန်းများ ဆက်တိုက်မြင့်တက်ခဲ့ပါသည်။ ဤကာလအတွင်း ထောက်ပံ့ရေး ကွင်းဆက်များ ပြတ်တောက်မှုကြောင့် သွင်းကုန်စရိတ် မြင့်တက်လာစေပြီး လက်လီဈေးနှုန်းများ ဆက်လက်မြင့်တက်ခဲ့ကြောင်း သိရှိရပါသည်။

ယခုနှစ်၏ ပထမ ၆ လအတွင်းတွင် မလေးရှားနိုင်းငံ၏ လက်လီလုပ်ငန်းများသည် ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁.၅ ရာခိုင်နှုန်း တိုးတက်ခဲ့ကြောင်း သိရှိရပါသည်။ ထုတ်ပြန်ချက်အရ ၂၀၂၅ ၏ တတိယသုံးလပတ်အတွင်း နိုင်ငံ၏လက်လီရောင်းအားသည် ၂.၆ ရာခိုင်နှုန်း တိုးတက်ရန် ခန့်မှန်းထားပါသည်။

၂၀၂၅ ခုနှစ် နောက်ဆုံးသုံးလပတ်အတွက် မလေးရှား၏ လက်လီလုပ်ငန်းသည် နှစ်ကုန်ပိုင်း အားလပ်ရက်များနှင့်အတူ ၃.၅ ရာခိုင်နှုန်း တိုးတက်မှုနှုန်းကို မျှော်လင့်ထားကြောင်း RGM မှ ပြောကြားခဲ့ပါသည်။

DOCA (ရန်ကုန်)

Languages

Main menu

ပြည်ပကုန်သွယ်မှုသတင်းများ

ပထမဆုံးလျှပ်စစ်ကားစက်ရုံကိုတည်ဆောက်ခဲ့သည့် မလေးရှားကားထုတ်လုပ်သူ Proton

ကမ္ဘောဒီးယားသို့ ဗီယက်နမ်၏ ကော်ဖီတင်ပို့မှုမြင့်တက်

၂၀၂၅ ခုနှစ်၏ ပထမ ၇ လတာကာလတွင် ဗီယက်နမ်၏ အသင့်သုံးသံမဏိ ရောင်းချရမှု ၉ ရာခိုင်နှုန်းမြင့်တက်

၂၀၂၅ ခုနှစ်၏ ပထမ ၈ လတာကာလတွင် တိုယိုတာဗီယက်နမ်၏ရောင်းအား ၂၃ ရာခိုင်နှုန်းမြင့်တက်

အင်ဒိုနီးရှား-ဥရောပသမဂ္ဂ CEPA ကို စက်တင်ဘာ ၂၃ ရက်နေ့တွင်လက်မှတ်ရေးထိုးမည် ဟု ဝန်ကြီးပြောကြား

ဂျပန်နိုင်ငံရှိ အိမ်ထောင်စုမျာ၏ သုံးစွဲမှုသည် ဇူလိုင်လတွင် ၁.၄ ရာခိုင်နှုန်းမြင့်တက်

မလေးရှားနိုင်ငံ၏ လက်လီရောင်းအား ၂၀၂၅ ခုနှစ် ဒုတိယသုံးလပတ်တွင်ကျဆင်း

Pages

You are here

ပြည်ပကုန်သွယ်မှုသတင်းများ

Pages