ပြည်ပကုန်သွယ်မှုသတင်းများ

    Bepza စီးပွားရေးဇုန်သည် လေယာဥ်အသုံးအဆောင်အိတ်နှင့် အသုံးအဆောင်ပစ္စည်းများ ထုတ်လုပ်သည့် ကုမ္ပဏီမှ ရင်းနှီးမြှုပ်နှံမှုများလက်ခံတော့မည် ဖြစ်ကြောင်း သိရပါသည်။ တရုတ် နိုင်ငံမှ KMK စက်မှုကုမ္ပဏီသည် Bepza စီးပွားရေးဇုန်တွင် အမေရိကန်ဒေါ်လာ ၁၈.၆၀ သန်းခန့် ရင်းနှီးမြှုပ်နှံမည်ဖြစ်ကြောင်းနှင့် အဆိုပါ ရင်းနှီးမြှုပ်နှံမှုမှ တစ်ဆင့် ဘင်္ဂလားဒေ့ရှ်လူမျိုး ၁၂၃၁ ဦး အတွက် အလုပ်အကိုင်အခွင့်အလမ်းများ ဖန်တီးသွားမည်ဖြစ်ကြောင်း စက်တင်ဘာလ ၁၇ ရက်နေ့တွင် ဘင်္ဂလားဒေ့ရှ်ပြည်ပပို့ကုန်ပြုလုပ်ရေးဇုန်အဖွဲ့အစည်း (Bepza) နှင့် ပြုလုပ်သော သတင်းစာရှင်းလင်းပွဲတွင် ထုတ်ပြန်သော ထုတ်ပြန်ချက်များအရ သိရပါသည်။ Bepza က အဆိုပါ ရင်းနှီးမြှုပ်နှံမှုသည် နိုင်ငံ၏ စက်မှုလုပ်ငန်းအခြေခံကို ကွဲပြားစေရန်အတွက် ပထမဆုံးခြေလှမ်း ဖြစ်ကြောင်းနှင့် အဆိုပါကုမ္ပဏီသည် အာဏာပိုင်အဖွဲ့များ၏ စက်မှု လုပ်ငန်းဇုန်အတွင်းတွင် ပထမဆုံး ရင်းနှီးမြှုပ်နှံသည့် လေယာဥ် အသုံးအဆောင်အိတ်နှင့် အသုံးအဆောင်ပစ္စည်းကုမ္ပဏီဖြစ်ကြောင်း ပြောကြားခဲ့ပါသည်။ Bepza နှင့် KMK ကုမ္ပဏီတို့သည် စက်တင်ဘာလ ၁၄ ရက်နေ့ တွင် သဘောတူညီမှုကို လက်မှတ်ရေးထိုးခဲ့ကြောင်း သိရပါသည်။ အဆိုပါ ကုမ္ပဏီသည် ကနဦး အနေဖြင့် လေယာဥ်အသုံးအဆောင်အိတ်များကို စတင်ထုတ်လုပ်မည်ဖြစ်ပြီး အိမ်သုံးပစ္စည်းများ ဖြစ်သော ခြေအိတ်၊ အဝတ်အထည်နှင့် အသုံးအဆောင်ပစ္စည်းများ၊ အလှကုန်ပစ္စည်းများအပြင်၊ နားကြပ်နှင့် USB ကြိုးများကဲ့သို့ လျှပ်စစ်ပစ္စည်းများကိုပါ တိုးချဲ့ ထုတ်လုပ်သွားမည် ဖြစ်ကြောင်း ပြောကြားခဲ့ပါသည်။ အဆိုပါလက်မှတ်ရေးထိုးပွဲအခမ်းအနားတွင် Bepza မှ ဥက္ကဌဆိုသူ Abul Kalam Mohammad Ziaur Rahman က အဆိုပါစီမံကိန်းသည် ၎င်းတို့၏ ပြည်ပပို့ကုန် အခြေပြု စက်မှုလုပ်ငန်း များအတွက် ကွဲပြားစေရန် ၎င်းတို့၏ အစဥ်မပြတ်အားစိုက်မှု၏ မှတ်တိုင်တစ်ခု အဖြစ် ကိုယ်စားပြုကြောင်း ပြောကြားခဲ့ပါသည်။

Source: The Daily Star                                                              

DOCA (ရန်ကုန်)

       ထိုင်းနိုင်ငံသည် အမေရိကန်ဒေါ်လာ ၂.၆၇ ဘီလီယံ (ဘတ် ၈၅.၀၃ ဘီလီယံခန့်) တန်ကြေး ရှိသော ခွေးစာနှင့် ကြောင်စာတင်ပို့မှုနှင့်အတူ ကမ္ဘာ့စျေးကွက်တွင် ၂၉ ရာခိုင်နှုန်းခန့် တိုးတက် လျက်ရှိကာ ကမ္ဘာ့ဒုတိယအကြီးဆုံး တိရိစ္ဆာန်အစာ တင်ပို့သည့်နိုင်ငံဖြစ်လာကြောင်း သိရပါသည်။ ကုန်သွယ်ရေးမူဝါဒနှင့် စာရင်းအင်းဦးစီးဌာန (TPSO) မှ ညွှန်ကြားရေးမှူးချုပ်ဆိုသူ Poonpong Naiyanapakorn က ထိုင်းနိုင်ငံ၏ တိရိစ္ဆာန်အစာ တင်ပို့မှုသည် တစ်နှစ်ထက်တစ်နှစ် ၂၉ ရာခိုင်နှုန်းခန့် တိုးတက်ခဲ့ပြီး ထိုင်းနိုင်ငံအား ကမ္ညာ့ဒုတိယအကြီးဆုံးတင်ပို့သူအဖြစ် ရောက်ရှိ စေခဲ့ကြောင်း ပြောကြားခဲ့ပါသည်။ အမေရိကန်နိုင်ငံသည် ဒေါ်လာ ၂.၅၂ ဘီလီယံတန်ကြေး ရှိသော ရှယ်ယာ ၉.၄ ရာခိုင်နှုန်းနှင့်အတူ ကမ္ဘာ့စျေးကွက်တွင် ဦး‌ဆောင်ရပ်တည်လျက်ရှိပြီး ပိုလန်နိုင်ငံသည် အမေရိကန်ဒေါ်လာ ၂.၄၀ ဘီလီယံခန့်၊ ရှယ်ယာ ၉ ရာခိုင်နှုန်းကိုင်ဆောင်ထား ပြီး ပြင်သစ်နိုင်ငံသည် အမေရိကန်ဒေါ်လာ ၂.၃၀ ဘီလီယံခန့်၊ ရှယ်ယာ ၈.၆ ရာခိုင်နှုန်း ကိုင်ဆောင်ထားကြောင်း သိရပါသည်။ ၂၀၂၄ ခုနှစ်တွင် ကမ္ဘာ့တိရိစ္ဆာန်အစာ တင်သွင်းမှုစျေး ကွက်သည် တန်ကြေး အမေရိကန်ဒေါ်လာ ၂၆.၄၆ ဘီလီယံခန့်တန်ကြေးရှိပါသည်။ ထိပ်သီး တင်သွင်း၅ နိုင်ငံမှာ ဂျာမနီနိုင်ငံမှ အမေရိကန်ဒေါ်လာ၂.၄၃ ဘီလီယံခန့်၊ အမေရိကန်နိုင်ငံမှ အမေရိကန်ဒေါ်လာ ၂.၂၁ ဘီလီယံခန့်၊ ဗြိတိန်နိုင်ငံမှ အမေရိကန်ဒေါ်လာ ၁.၇၆ ဘီလီယံခန့်၊ ပိုလန်နိုင်ငံမှ အမေရိကန် ‌ဒေါ်လာ ၁.၅၃ ဘီလီယံခန့်၊ ကနေဒါနိုင်ငံမှ အမေရိကန်ဒေါ်လာ ၁.၃၇ ဘီလီယံခန့် တင်သွင်းလျက် ရှိကြောင်း သိရပါသည်။ Poonpong က ထိုင်းနိုင်ငံ၏ ယှဥ်ပြိုင်နိုင်မှုသည် အရည်အသွေးနှင့် အပြည်ပြည်ဆိုင်ရာစံနှုန်းများ အပေါ် မူတည်နေကြောင်း မှတ်ချက်ပြုခဲ့ပါသည်။ ၎င်းက သုံးစွဲသူ များသည် တိရိစ္ဆာန်များ၏ ကျန်းမာရေးနှင့် အာဟာရ ဓာတ်အတွက် အလေးထားထုတ်လုပ်ထားသော အဆင့်မြင့်တင်သွင်းကုန်များကိုသာ ရွေးချယ် ဝယ်ယူကြောင်း ပြောကြားခဲ့ပါသည်။ ထိုင်းနိုင်ငံမှ ထုတ်လုပ်သူများသည် တိရိစ္ဆာန်လေးများ၏ ကျန်းမာရေးဦးစာပေးနှင့် ဗီတာမင်ဓာတ်များ ကြွယ်ဝစွာရရှိစေရန်ပြုလုပ်ထားသော အစာများ ကိုသာ အလေးထားထုတ်လုပ်လျက်ရှိကြောင်း သိရပါသည်။ အသုံးပြုရလွယ်ကူသော ထုတ်ပိုးမှု နှင့် ရေရှည်ခိုင်မြဲသောထုတ်လုပ်မှုများသည် ထိုင်းနိုင်ငံအား အမေရိကန်နိုင်ငံ၊ ဥရောပနိုင်ငံများ၊ တရုတ်၊ ဂျပန်နိုင်ငံများကဲ့သို့သော အရှေ့အလယ်ပိုင်းနှင့် အရှေ့ဥရောပစျေးကွက်များအကြား ယှဥ်ပြိုင်မှုတွင် ပိုမိုအားသာစေနိုင်ကြောင်း  သိရပါသည်။ ထိုင်းနိုင်ငံသည် ၂၀၂၅ ခုနှစ်၊ ပထမ ၇ လအတွင်းတွင် အမေရိကန်ဒေါ်လာ ၁.၆၈ ဘီလီယံခန့်တန်ကြေးရှိသော တိရိစ္ဆာန်အစားအစာများ ကို တင်ပို့လျက်ရှိပြီး ယခင်နှစ်ကာလထက် ၁၀.၇ ရာခိုင်နှုန်း တိုးတက်လာကြောင်း သိရပါသည်။ သို့ရာတွင် ပြည်တွင်းလိုအပ်ချက်များတွင် အခက်အခဲများရှိနေပြီး Poonpong က ထိုင်းတင် ပို့သူများသည် သုတေသနနှင့် ဖွံ့ဖြိုးတိုးတက်ရေးကို ဦးစား‌‌ပေးရန်အတွက် ပြည်တွင်းကုန်ကြမ်း များကို ပိုမိုအသုံးပြုသင့်ကြောင်းနှင့် တိရိစ္ဆာန်ကျန်းမာရေး ဦးစားပေးထုတ်ကုန်များကို ပိုမိုဆန်းသစ်တီထွင်သင့်ကြောင်း အလေးပေးပြောကြားခဲ့ပါသည်။

Source: Nation Thailand                                                            

DOCA (ရန်ကုန်)

      တရုတ်နိုင်ငံ၏ အကြီးစားနှင့် အလတ်စားမြို့ကြီး ၇၀ ရှိ လူနေအိမ်ရာစျေးနှုန်းများသည် သြဂုတ်လတွင် ယခင်နှစ်ကထက်ကျဆင်းမှု ဆက်လက်ကျဉ်းမြောင်းလာပြီးလစဉ် စျေးနှုန်းများ လည်း ကျဆင်းခဲ့ကြောင်း စက်တင်ဘာလ ၁၅ ရက်‌နေ့က ထုတ်ပြန်သော တရားဝင်အချက် အလက် များအရသိရှိရပါသည်။

          နိုင်ငံ၏ ထိပ်တန်းမြို့ကြီးလေးမြို့ဖြစ်သည့် ဘေးဂျင်း၊ ရှန်ဟိုင်း၊ ကွမ်ကျိုးနှင့် ရှန်ကျန်းတို့ရှိ အိမ်သစ်စျေးနှုန်းများသည် တစ်နှစ်တာကာလအတွင်း ၀.၉ ရာခိုင်နှုန်းကျဆင်းခဲ့ပြီး ဇူလိုင်လတွင် ၁.၁ ရာခိုင်နှုန်းကျဆင်းခြင်းထက်လျော့နည်းသော ကျဆင်းမှုဖြစ်ကြောင်း သိရှိရပါသည်။ နိုင်ငံ၏ စီးပွားရေးဗဟိုချက်ဖြစ်သော ရှန်ဟိုင်းတွင် ၅.၉ ရာခိုင်နှုန်းမြင့်တက်ခဲ့ပါသည်။

          အခြားအဓိက မြို့ကြီးများတွင်လည်းကျဆင်းမှုနှုန်းနှေးကွေးကြောင်းသိရှိရပြီး ဒုတိယ အဆင့် မြို့များရှိ အိမ်အသစ်စျေးနှုန်းများသည် ၂.၄ ရာခိုင်နှုန်း ကျဆင်းခဲ့ပါသည်။ ဇူလိုင်လတွင် ကျဆင်း ခဲ့သည့် ၂.၈ ရာခိုင်နှုန်း ထက်လျော့နည်းခဲ့ပြီး တတိယ မြို့များတွင် ယခင်လက ၄.၂ ရခိုင်နှုန်းကျဆင်း ခဲ့သည်နှင့်နှိုင်းယှဉ်ပါက ၃.၇ ရာခိုင်နှုန်း ကျဆင်းခဲ့ကြောင်းသိရှိရပါသည်။

          တစ်လချင်းအလိုက်ကြည့်လျှင် အိမ်အသစ်စျေးနှုန်းများ ကျဆင်းမှုသည် ပထမနှင့် ဒုတိယ အဆင့်မြို့များတွင် နှေးကွေးခဲ့သော်လည်း တတိယအဆင့်မြို့များတွင်ကျဆင်းမှု ပိုမိုကျယ်ပြန်ခဲ့ ကြောင်း သိရပါသည်။

DOCA (ရန်ကုန်)

      တရုတ်နိုင်ငံ၏ စားသုံးသူသုံးစွဲမှုသည် ယခုနှစ်ပထမ ၈ လအတွင်း ခိုင်မာသော နှုန်းဖြင့် တိုး တက်ခဲ့ပြီး စားသုံးကုန်လက်လီ‌ရောင်းချမှုသည် ယခင်နှစ်အလားတူကာလနှင့် နှိုင်းယှဉ်ပါက ၄.၆ ရာခိုင်နှုန်း တိုးတက်ကာ ယွမ် ၃၂.၃၉ ထရီလီယံ (အမေရိကန်ဒေါ်လာ ၄.၅၆ ထရီလီယံခန့်) အထိ ရောက်ရှိခဲ့ကြောင်း စက်တင်ဘာလ ၁၅ ရက်နေ့ထုတ်ပြန်သော တရားဝင်အချက်အလက်များအရ သိရှိရပါသည်။

          သြဂုတ်လ တစ်လတည်းတွင် စားသုံးကုန်လက်လီရောင်းချမှုသည် ယခင်နှစ်ကထက် ၃.၄ ရာခိုင်နှုန်း တိုးတက်ခဲ့ကာ ယွမ် ၃.၉၇ ထရီလီယံနီးပါးအထိ မြင့်တက်ခဲ့ကြောင်း အမျိုးသားစာရင်းအင်းဌာန (NBS) က ပြောကြားခဲ့ပါသည်။

          အွန်လိုင်းမှ လက်လီရောင်းချမှုသည် တိုးတက်မှုအဖြစ် ဆက်လက်တည်ရှိနေပြီး ပထမ ၈ လအတွင်း တစ်နှစ်ထက်တစ်နှစ် ၉.၆ ရာခိုင်နှုန်းတက်လာကာ ၉.၉ ထရီလီယံသို့ ရောက်ရှိခဲ့ကြောင်း သိရှိရပါသည်။ ဇန်နဝါရီလမှ သြဂုတ်လအထိ မြို့ပေါ်ဒေသများရှိ စားသုံးကုန်လက်လီရောင်းချမှု သည် ၂၈.၁၁ ထရီလီယံ  အထိရှိခဲ့ပြီး တစ်နှစ်ထက်တစ်နှစ် ၄.၆ ရာခိုင်နှုန်းတိုးတက်ခဲ့ပါသည်။ ကျေးလက်ဒေသရှိလက်လီရောင်းချမှုများမှာ ၄.၂၉ ထရီလီယံ ခန့်ရှိပြီး တစ်နှစ်ထက်တစ်နှစ် ၄.၇ ရာခိုင်နှုန်းတိုးတက်ခဲ့ပါသည်။

          အွန်လိုင်းမှကုန်ပစ္စည်းများရောင်းချမှုသည် ၆.၄ ရာခိုင်နှုန်း တိုးတက်ခဲ့ကာ ၈.၁ ထရီလီယံခန့် ရှိခဲ့ပြီး ၎င်းသည် စုစုပေါင်းလက်လီရောင်းချမှု၏ လေးပုံတစ်ပုံရှိခဲ့ပါသည်။ NBS ၏ အဆိုအရရောင်းချမှုသည် ၁၅ ရာခိုင်နှုန်း၊ အဝတ်အထည် ၂.၄ ရာခိုင်နှုန်းနှင့် နေ့စဉ်သုံးပစ္စည်း ၅.၇ ရာခိုင်နှုန်း အသီး သီးတိုးတက်ခဲ့ကြောင်းသိရှိရပါသည်။

DOCA (ရန်ကုန်)

           တရုတ်နိုင်ငံ၏ မီးရထားလုပ်ငန်းများ တည်ဆောက်ရေးကြိုးစားအားထုတ်မှုများသည် ၂၀၂၅ ခုနှစ်ပထမ ၈ လအတွင်း တည်ငြိမ်သော တိုးတက်မှုများရှိခဲ့ပြီး ရေရှည်အသုံးပြုနိုင်သော အဆောက် အအုံနှင့် ပစ္စည်းများ ရင်းနှီးမြှုပ်နှံမှုသည် ယခင်နှစ်အလားတူကာလနှင့်နှိုင်းယှဉ်ပါက ၅.၆ ရာခိုင်နှုန်း တိုးတက်ခဲ့ကြောင်း China State Railway Group Co.Ltd မှ ထုတ်ပြန်သော အချက်အလက်များ အရသိရှိရပါသည်။

          ဇန်နဝါရီလမှ သြဂုတ်လအထိ ရေရှည်အသုံးပြုနိုင်သော အဆောက်အအုံနှင့် ပစ္စည်းများ ရင်းနှီးမြှုပ်နှံမှု စုစုပေါင်း ၅၀၄.၁ ဘီလီယံ (အမေရိကန်ဒေါ်လာ ၇၀.၉၈ ဘီလီယံခန့်) ရှိခဲ့ကြောင်း ကုမ္ပဏီ၏ ထုတ်ပြန်ချက်တွင် ဖော်ပြထားပါသည်။

          ဤရင်းနှီးမြှုပ်နှံမှုသည် စုစုပေါင်း ရင်းနှီးမြှုပ်နှံမှုကို မြှင့်တင်ရာတွင် အရေးပါလျက်ရှိပြီး ပြည် တွင်းဝယ်လိုအားတိုးချဲ့ရန်နှင့် တရုတ်စီးပွားရေးတိုးတက်မှုကို အထောက်အကူပြု ရန်ကြိုးပမ်းမှုများ တွင် တွန်အားဖြစ်စေခဲ့ကြောင်း ကုမ္ပဏီက ဆက်လက်ပြောကြားခဲ့ပါသည်။

          တစ်နိုင်ငံလုံးရှိ မီးရထားစီမံကိန်းများသည် ယခုနှစ်တွင် တိုးတက်ခဲ့ပါသည်။ ၂၀၂၅ ခုနှစ်၏ ပထမနှစ်ဝက်တွင် ၃၀၁ ကီလိုမီတာ ရှိလမ်းသစ်များကို စတင်အသုံးပြုနိုင်ခဲ့ပြီး အပိုလမ်း ကြောင်းများကို တည်ဆောက်ရန်အတွက် ကြိုတင်ပြင်ဆင်မှုလုပ်ငန်းများလည်း တိုးတက်ခဲ့ ကြောင်းသိရှိရပါ သည်။

DOCA (ရန်ကုန်)