ပြည်ပကုန်သွယ်မှုသတင်းများ

     ထိုင်းနိုင်ငံဝန်ကြီးချုပ်သည် ဗျူရိုကရေစီအတားအဆီးများကို ဖျက်သိမ်းပြီး လေးလတာ ကာလအတွင်း ပြည်တွင်းစက်မှုလက်မှုလုပ်ငန်းများကို ပြန်လည်အသက်ဝင်လာအောင် ပြုလုပ် သွားမည်ဟု ကတိပြုခဲ့ကြောင်း သိရပါသည်။ ထိုင်းနိုင်ငံဝန်ကြီးချုပ်ဆိုသူ Anutin Charnvirakul နှင့် ကူးသန်းရောင်းဝယ်‌ရေးဝန်ကြီးဆိုသူ Supajee Suthumpun အပါအဝင် ထိုင်းနိုင်ငံ အနာဂတ်စီးပွားရေးဝန်ကြီးများနှင့် အကြံပေးအဖွဲ့တစ်ဖွဲ့သည် ထိုင်းစက်မှုလုပ်ငန်း အသင်းချုပ် နှင့်‌ တွေ့ဆုံကာ နိုင်ငံတော်၏ စက်မှုလက်မှုကဏ္ဍတွင် ပြန်လည်ရှင်သန်လာစေရန် ကတိပြုခဲ့ပါ သည်။ စက်တင်ဘာ ၁၅ ရက်နေ့က ပြုလုပ်ခဲ့သော အဆိုပါ တွေ့ဆုံပွဲတွင် ဝန်ကြီးချုပ်သည် အစိုးအရအသစ်တစ်ရပ်ကို အပြည့်အဝဖွဲ့စည်းမည်ဖြစ်ပြီး သီတင်းတစ်ပတ်အတွင်း စတင် လုပ်ငန်းများ ဆောင်ရွက်မည်ဖြစ်ကြောင်း ကြေညာခဲ့ပါသည်။ ၎င်းက ထိုင်းနိုင်ငံစီပွားရေးပြန် လည် ဦးမော့လာစေရေးအတွက် မူဝါဒများနှင့် နည်းဗျူဟာများကို ရေးဆွဲရန်အတွက် အစိုးရကို တစ်ပတ်အတွင်း အစည်းအဝေးခေါ်ယူမည်ဖြစ်ကြောင်း ထုတ်ဖော်ပြောကြားခဲ့ပါသည်။ စက်မှု လက်မှုကဏ္ဍကို အရေးပါသောအခန်းကဏ္ဍအဖြစ် သတ်မှတ်ခြင်းသည် စီးပွားရေးတိုးတက်မှု အတွက် အဓိကဖြစ်ကြောင်းနှင့် အစိုးရ၏ ဦးစားပေးသည် ဗျူရိုကရေစီအတားအဆီးများကို ဖယ်ရှားရန်နှင့် စီးပွားရေးတိုးတက်မှုကို ဖွင့်လှစ်ပေးရန်အတွက် များစွားသော အစိုးရစာရွက် စာတမ်းလုပ်ငန်းစဥ်များကို ဖယ်ရှားရန်ဖြစ်ကြောင်း ဖော်ပြခဲ့ပါသည်။ ၎င်းက အုပ်ချုပ်စီမံရေးအဖွဲ့ သည် ရေရှည်တည် တံ့သောတိုးတက်မှုအတွက် အခြေခံအုတ်မြစ်ကို အလျင်အမြန်တည်ဆောက် နေစဥ်အတွင်းတွင် တိကျပြီး ဦးတည်ချက်ရှိသာဖြေရှင်းချက်များထောက်ပံ့ပေးရေးကိုသာ ဦးစား ပေး‌ဆောင်ရွက်သွား မည်ဖြစ်ကြောင်း အလေးပေးပြောကြားခဲ့ပါသည်။ ထိုင်းနိုင်ငံအစိုးရသည် ထိုင်းနိုင်ငံကို ကမ္ဘောဒီးယားနိုင်ငံ၊ လာအိုနိုင်ငံ၊ မြန်မာနိုင်ငံနှင့် ဗီယက်နမ်နိုင်ငံများအတွက် စစ်မှန်သော ထုတ်လုပ်ရေးအချက်အချာနေရာတစ်ခုအဖြစ် တည်ဆောက်သွားမည်ဟု ရည်ရွယ် ကြောင်း သိရပါသည်။ ထိုင်းနိုင်ငံဝန်ကြီးချုပ်သည် နယ်နိမိတ်ဒေသများ၏ စီးပွားရေးကို ထောက်ပံ့ရန် အတွက် ထိုင်းနိုင်ငံနယ်နိမိတ်များဖွင့်လှစ်မှုကို အရှိန်မြှင့်တင်သွာမည်ဖြစ်ကြောင်း ကတိပြုခဲ့ပါသည်။ သို့ရာတွင် ၎င်းက အဆိုပါဖွင့်လှစ်မှုသည်  ထိုင်းနိုင်ငံအတွက် ဆုံးရှုံးမှုများနှင့် ဆိုးကျိုးများ မခံစားစေရန်အတွက် ထိုင်းနိုင်ငံ လုံခြုံရေးစံနှုန်းသတ်မှတ်ချက်များနှင့် အညီ ပြုလုပ်သွားမည် ဖြစ်ကြောင်း အထူးအလေးပေးပြောကြားခဲ့ပါသည်။

   DOCA (ရန်ကုန်)

  ထိုင်းနိုင်ငံ မော်တော်ကားထုတ်လုပ်မှုသည် သြဂုတ်လတွင် ခရီးသည်တင်ကားများနှင့် ကုန်တင်ကားများ ပြည်ပသို့တင်ပို့မှုကျဆင်းလာခြင်းကြောင့် နှစ်လဆက်တိုက် ကျဆင်းခဲ့ကြောင်း တိုင်းစက်မှုလုပ်ငန်းများအဖွဲ့ချုပ် (FTI) ၏ စက်တင်ဘာလ ၂၃ ရက်နေ့ထုတ်ပြန်သော အချက် အလက်များအရ သိရှိရပါသည်။

    ထိုင်းမော်တော်ကားထုတ်လုပ်သူများသည် ပြီးခဲ့သည့်လက ယာဥ်အစီးရေ 112366 စီးထုတ် လုပ်ခဲ့ရာ ယခင်နှစ်ကထက် ၆.၁၁ ရာခိုင်နှုန်းကျဆင်းခဲ့ပြီး ဇူလိုင်လတွင် ၁၁.၃၉ရာခိုင်နှုန်း ကျဆင်း မှု မှလျော့နည်းခဲ့ကြောင်း FTI ပြောကြားခဲ့ပါသည်။

      ထုတ်လုပ်မှုကျဆင်းရခြင်း၏ အကြောင်းရင်းမှာ ဘေးအန္တရာယ်ကင်းရှင်းရေး စက်ပစ္စည်း များ တပ်ဆင်ရန်အတွက် ပိုမိုတင်းကြပ်သောစည်းကမ်းများနှင့် ကုန်သွယ်ဖက်များမှ ချမှတ်ထား သော ကာဗွန်ထုတ်လုပ်မှုဆိုင်ရာ စည်းမျဥ်းများကြောင့်ဖြစ်ကြောင်း FTI ကပြောကြားခဲ့ပါသည်။

      အစိုးရ၏ အခွန်လျော့ချမှုနှင့် ထောက်ပံ့ကြေးအောက်တွင် ယခင်တင်သွင်းမှုများကို ဖြည့်ဆည်းနိုင်ရန်လျှပ်စစ်ကား (EVs) များထုတ်လုပ်မှုကြောင့် ပြည်တွင်းစျေးကွက် ထုတ်လုပ်မှု မှာ ယခင်နှစ် ထက် ၄.၁၁ ရာခိုင်နှုန်းတက်လာ ခဲ့ကြောင်းသိရှိရပါသည်။

        ၂၀၂၅ ခုနှစ်ပထမ၊ ရှစ်လအတွင်း မော်တော်ယာဉ်ထုတ်လုပ်မှုသည် ယခင်နှစ်ထက် ၅.၇၇ ရာခိုင်နှုန်း ကျဆင်းကာ ၉၄၇၆၉၇ စီးသာ ရှိခဲ့ပါသည်။ ပြည်တွင်းမော်တော်ကားရောင်းအားသည် သြ ဂုတ်လတွင် ၅ လဆက်တိုက် မြင်တက်ခဲ့ခြင်းဖြစ်ပြီး ယခင်နှစ်ကထက် ၅.၃၈ ရာခိုင်နှုန်း တိုးတက် ကာ ၄၇၆၂၂ စီးရှိခဲ့ပါသည်။

          ထိုင်းနိုင်ငံ၏ ကားတင်ပို့မှုသည် သြဂုတ်လတွင် ယခင်နှစ်ထက် ၁၇.၃၀ ရာခိုင်နှုန်းကျဆင်း ၍ ၇၁၁၇၉ စီးရှိခဲ့ပါသည်။ ၎င်းသည် လောင်စာဆီသုံးယာဉ်များ တင်ပို့မှုလျော့နည်းသွားခြင်း ကြောင့် ဖြစ်ကြောင်းသိရှိရပါသည်။

DOCA(ရန်ကုန်)

   စင်္ကာပူနိုင်ငံ၏ အဓိကငွေကြေးဖောင်းပွမှုသည် တရားဝင်ထုတ်ပြန်သည့် အချက်လက်များ အရ သြဂုတ်လတွင် ယခင်နှစ်အလားတူကာလထက် ၀.၃ ရာခိုင်နှုန်းလျော့ကျခဲ့ပြီး ဇူလိုင်လတွင် ၀.၅ ရာခိုင်နှုန်း ရှိခဲ့ရာမှ လျော့ကျသွားခြင်းဖြစ်ကြောင်း တရားဝင်ထုတ်ပြန်ချက်များအရသိရှိရပါ သည်။

          ကုန်သွယ်ရေးနှင့်စက်မှုဝန်ကြီးဌာန နှင့် စင်္ကာပူငွေကြေးအာဏာပိုင်အဖွဲ့တို့၏ ပူးတွဲ ကြေညာချက်တွင် ဝန်ဆောင်မှုလုပ်ငန်းငွေကြေးဖောင်းပွမှုလျော့နည်းခြင်းကြောင့် နှေးကွေးသွား ရခြင်းဖြစ် ကြောင်း ထုတ်ပြန်ထားပါသည်။

          တစ်လချင်းအလိုက် အခြေခံစားသုံးသူစျေးနှုန်းများသည် ၀.၁ ရာခိုင်နှုန်း မြင့်တက်ခဲ့ပါ သည်။ အခြေခံစားသုံးသူစျေးနှုန်းညွှန်ကိန်းသည် နေထိုင်စရိတ်နှင့် ကိုယ်ပိုင်သယ်ယူပို့ဆောင်ရေး စရိတ်များ မပါဝင်ဘဲ အခြေခံကျသော ဝယ်လိုအားကြောင့် ဖြစ်ပေါ်သည့် ငွေကြေးဖောင်ပွမှုကို တိုင်းတာသည့် အဓိက ညွှန်းကိန်းတစ်ခုဖြစ်ပါသည်။

          အထွေထွေ ငွေကြေးဖောင်းပွမှုသည် လျော့ကျခဲ့ပြီး ယခင်နှစ်ကထက် သြဂုတ်လတွင် ၀.၅ ရာခိုင်နှုန်း၊ ဇူလိုင်လတွင် ၀.၆ ရာခိုင်နှုန်း လျော့ကျသွားခဲ့သည်။ ထုတ်ပြန်ချက်တွင် အဓိက ငွေကြေး ဖောင်းပွမှုလျော့ကျခြင်းအပြင် နေထိုင်စရိတ် ငွေကြေးဖောင်းပွမှုမှာလည်း ကျဆင်းခဲ့ ကြောင်း ဖော်ပြထားပါသည်။

 DOCA (ရန်ကုန်)

          ဗီယက်နမ်ဝန်ကြီးချုပ် Pham Minh Chinh က ထုတ်လုပ်မှုနှင့် ပို့ကုန်များမြှင့်တင်ရန် အတွက် စျေးကွက်များ၊ ထုတ်ကုန်များနှင့် ထောက်ပံ့ရေးကွင်းဆက်များကွဲပြားစေရန် ဝန်ကြီးဌာနများ၊ အေဂျင်စီများနှင့် ဒေသဆိုင်ရာအဖွဲ့အစည်းများကို တောင်းဆိုခဲ့ကြောင်း ဗီယက်နမ်သတင်းဌာနက စက်တင်ဘာလ ၂၄ ရက်နေ့တွင်ဖော်ပြခဲ့ပါသည်။

          ဤလုပ်ဆောင်ချက်သည် ယခုနှစ်ပို့ကုန်တိုးတက်မှု ၁၂ ရာခိုင်နှုန်းကျော်ရရှိရန်အတွက် ပို့ကုန်မြှင့်တင်ရန်နှင့် စျေးကွက်ချဲ့ထွင်ရန် အဓိက အစီအစဉ်များ၏ တစ်စိတ်တစ်ပိုင်းဖြစ်ပါသည်။

          ဝန်ကြီးချုပ်က လက်မှတ်ရေးထိုးထားသော လွတ်လပ်သောကုန်သွယ်မှု သဘောတူစာချုပ် များ (FTAs) ကို ထိရောက်စွာ အကောင်အထည်ဖော်ရန်တိုက်တွန်းခဲ့ပြီး အရှေ့အလယ်ပိုင်း၊ အာဖရိ က၊ လက်တင်အမေရိက၊ ဗဟိုအာရှ၊ အရှေ့ဥရောပ၊ အိန္ဒိယ၊ ပါကစ္စတန်နှင့် ဘရာဇီးကဲ့သို့သော အလားအလာရှိသော စျေးကွက်များသို့ရောက်ရှိနိုင်ရန် FTAs အသစ်များ အတွက် ဆွေးနွေးမှုများကို ဆောင်ရွက်ရန် တိုက်တွန်းခဲ့ပါသည်။

          ၎င်းအပြင် အမေရိကန်ပြည်ထောင်စုနှင့် အပြန်အလှန်ကုန်သွယ်မှုသဘောတူ စာချုပ် အတွက် ဆွေးနွေးမှုများ ဆက်လက်လုပ်ဆောင်ရန် တိုက်တွန်းခဲ့ပါသည်။

          ဗီယက်နာမ်နိုင်ငံတ၏ စုစုပေါင်းပို့ကုန်သွင်းကုန်လည်ပတ်မှုသည် ၂၀၂၅ ခုနှစ် အစောပိုင်း မှ စက်တင်ဘာလ ၁၅ ရက်အထိ အမေရိကန်ဒေါ်လာ  637.21  ဘီလီယံသို့ ရောက်ရှိခဲ့ပြီး ယခင်နှစ်ထက် ၁၇.၂ ရာခိုင်နှုန်းမြင့်တက်လာခဲ့ပါသည်။ အမေရိကန်ဒေါ်လာ ၃၂၅.၃၆ ဘီလီယံ တန်ဖိုးရှိပို့ကုန်များလည်းပါဝင်ကြောင်း နိုင်ငံပိုင် မီဒီယာကဖော်ပြခဲ့ကြောင်း သိရှိရပါသည်။

DOCA(ရန်ကုန်)

    ဖိလစ်ပိုင်နိုင်ငံ၏ ဆန်တင်သွင်းမှု ဆိုင်းငံ့သည့်ကာလကို သက်တမ်းတိုးမြှင့်နိုင်ခြေရှိမှု နှင့်အတူ ၎င်းဈေးကွက်သို့ ဆန်တင်ပို့နိုင်မည့်အခြေအနေမှာ မသေချာမရေရာဖြစ်ပေါ်နေချိန်တွင် လာမည့်နှစ် အစောပိုင်း၌ ဆောင်းအကုန်-နွေအကူး စပါးရိတ်သိမ်းချိန်ရာသီသို့ ရောက်ရှိလာမည် ဖြစ်ရာ ဗီယက်နမ်၏ ဆန်တင်ပို့မှုလုပ်ငန်းအပေါ် သိသာထင်ရှားသည့် ဖိအားများ သက်ရောက်ဖွယ် ရှိကြောင်း ဗီယက်နမ်စားနပ်ရိက္ခာအသင်း (VFA) ၏ ပြောကြားချက်အရ သိရသည်။

    မူလက စက်တင်ဘာလမှ အောက်တိုဘာလအထိ ဆန်တင်သွင်းမှု ဆိုင်းငံ့ရန် သတ်မှတ် ထားရှိချက်ကို အစိုးရအနေဖြင့် ၂၀၂၅ နှစ်ကုန်အထိ သက်တမ်းတိုးဖွယ်ရှိသည်ဟု ဖိလစ်ပိုင် စိုက်ပျိုးရေးဌာနက ပြောကြားခဲ့ရာ ဗီယက်နမ်အပါအဝင် အဓိက ဆန်ပေးသွင်းသူများအပေါ် သက် ရောက်မှုရှိနိုင်မည့် လုပ်ဆောင်မှုဖြစ်စေခဲ့သည်။

    လက်ရှိ စီစဉ်ထားရှိမှုအရ ဖိလစ်ပိုင်နိုင်ငံသည် ဆန်တန်ချိန် ၃၀၀၀၀၀ ခန့်ကို ၂၀၂၆ ခုနှစ် ဇန်နဝါရီလတွင် ယာယီအားဖြင့် ပြန်လည်စတင်၍ တင်သွင်းမည်ဖြစ်သော်လည်း ပြည်တွင်းရှိ တောင်သူများ၏ ပင်မစပါးရိတ်သိမ်းချိန်ဖြစ်သော ဖေဖော်ဝါရီလမှ ဧပြီလအထိ ကာလအတွင်း ဈေးနှုန်းများ တည်ငြိမ်မှုရှိစေရေးအတွက်  ဆန်တင်သွင်းမှုဆိုင်းငံ့ခြင်းကို နောက်တစ်ကြိမ် ထပ်မံ လုပ်ဆောင်မည်ဖြစ်သည်။

 ‌   ရောင်းလိုအားပိုလျှံခြင်းက ပြည်တွင်းဈေးနှုန်းများအပေါ် ဖိစီးမှုဖြစ်စေပေါ်လျက် တောင်သူ များ ထပ်မံဆုံးရှုံးခြင်းမှ ကာကွယ်နိုင်ရန် အဆိုပါမူဝါဒကို ရေးဆွဲထားခြင်းဖြစ်သည်။ ထို့အပြင် ဖိလစ်ပိုင်သည် ဈေးနှုန်းကျဆင်းမှုကို တားဆီးရန်အတွက် အရေးပေါ် ဆန်စပါးဝယ်ယူရေး အစီ အစဉ်ကို အကောင်အထည်ဖော်ခြင်း၊ အမျိုးသားစားနပ်ရိက္ခာအာဏာပိုင်မှ တစ်ဆင့် သိုလှောင် နိုင်မှုပမာဏကို တိုးချဲ့ခြင်း၊ နိုင်ငံတစ်ဝန်း၌ ကြမ်းခင်းဈေးသတ်မှတ်ခြင်းနှင့် ဆန်တင်သွင်းမှုအပေါ် အခွန်နှုန်းထား တိုးမြှင့်ရန် စီစဉ်ခြင်းတို့ကို ဆောင်ရွက်လျက်ရှိသည်။  

     ဆန်တင်သွင်းမှုတားမြစ်ချက် စတင်အသက်ဝင်ချိန်မှစ၍ ဖိလစ်ပိုင်ပြည်တွင်း၌ ဆန်ဈေး နှုန်းသည် ၂၈ ရာခိုင်နှုန်းခန့် မြင့်တက်လာသော်လည်း ယခင်နှစ် ဈေးနှုန်းများနှင့် နှုန်းယှဉ်ပါက ၂၇ ရာခိုင်နှုန်းခန့် လျော့နည်းနေဆဲဖြစ်သည်။ စက်တင်ဘာလ အစောပိုင်းအထိ ဖိလစ်ပိုင်သည် ဆန် တန်ချိန် ၃ ဒသမ ၅ သန်းခန့် တင်သွင်းခဲ့ပြီး အများစုကို ၎င်း၏ထိပ်တန်းပေးသွင်းသူ ဗီယက်နမ် ထံမှ ရယူခဲ့ခြင်းဖြစ်သည်။

    အကယ်၍ ကန့်သတ်ချက်များ ဆက်လက်တည်ရှိနေပါက စျေးကွက်တွင် ရောင်းလိုအား ပိုလျှံမှုဖြစ်ပေါ်ပြီး ယခုနှစ်ကုန်အထိ ဆန်ဈေးနှုန်းများ ကျဆင်းလာနိုင်ကြောင်း သုံးသပ်သူများက သတိပေးထားသည်။ VFA အသင်း၏ စာရင်းများအရ လက်ရှိကာလတွင် ဆန်ကွဲပါဝင်မှု ၅ ရာခိုင် နှုန်းရှိသော ဗီယက်နမ်ဆန် တစ်တန်လျှင် အမေရိကန်ဒေါ်လာ ၄၅ ၀နှုန်း၊ စံပယ်ဆန်သည် ဒေါ်လာ ၄၉၀ နှုန်းနှင့် ၁၀၀ ရာခိုင်နှုန်းပြည့် ဆန်ကွဲတစ်တန်လျှင်  ၃၁၀ ‌ဒေါ်လာမှ ၃၁၄ ဒေါ်လာအတွင်း ဈေးနှုန်းများ ဖြစ်ပေါ်လျက်ရှိကြောင်း သိရသည်။

    ဖိလစ်ပိုင်၏ ဆန်တင်သွင်းမှုတားမြစ်ချက် သက်တမ်းတိုးမှုသည် အဓိက ဆောင်းအကုန်-နွေအကူး စပါးသီးနှံများ စျေးကွက်သို့ဝင်ရောက်ချိန်ဖြစ်သော ၂၀၂၆ ခုနှစ် ပထမသုံးလပတ်အတွင်း ဗီယက်နမ်၏ ဆန်တင်ပို့မှုအပေါ် သက်ရောက်မှုရှိနိုင်သည်ဟု အသင်းမှ ပြောကြားခဲ့ပါသည်။

     အဆိုပါတားမြစ်ချက်ကြောင့် ဗီယက်နမ်၏ ဆန်တင်ပို့မှုမှာ သိသိသာသာ ထိခိုက်ခဲ့ရာ စက်တင်ဘာလတွင် ပမာဏအားဖြင့် တန်ချိန် ၄၆၆,၈၀၀ သာရှိလျက် ၄၃ ရာခိုင်နှုန်း ကျဆင်းခဲ့ပြီး တန်ဖိုးအားဖြင့် ၅၅ ရာခိုင်နှုန်း ကျဆင်းလျက် ဝင်ငွေ အမေရိကန်ဒေါ်လာ ၂၃၂ သန်းသို့ လျော့နည်း ရရှိခဲ့သည်။ ဗီယက်နမ်နိုင်ငံသည် ၂၀၂၅ ခုနှစ် ပထမကိုးလအတွင်း အမေရိကန်ဒေါ်လာ ၃.၄၉ ဘီလီယံတန်ဖိုးရှိသော ဆန်တန်ချိန် ၆.၈၃ သန်းကို တင်ပို့ခဲ့ပြီး ယခင်နှစ်ကာလတူထက် ပမာဏ အားဖြင့် ၂ ရာခိုင်နှုန်းနှင့် တန်ဖိုးအားဖြင့် ၂၀ ရာခိုင်နှုန်း ကျဆင်းခဲ့သည်။ ပျမ်းမျှ ဆန်ပို့ကုန် ဈေးနှုန်းမှာ တစ်တန်လျှင် ၅၀၉ ဒေါ်လာသို့ ကျဆင်းခဲ့သည်။

    စျေးကွက်တစ်ခုတည်းအပေါ် မှီခိုအားထားမှုကို လျှော့ချရန်အတွက် တန်ဖိုးမြင့်ဆန်များကို အာရုံစိုက် ဆောင်ရွက်နေချိန်တွင် ဗီယက်နမ်နိုင်ငံ အနေဖြင့် အာဖရိက၊ အရှေ့အလယ်ပိုင်းနှင့် တောင်အာရှ ဈေးကွက်များသို့ ပိုမိုချဲ့ထွင်နိုင်ရန် လိုအပ်သည်ဟု ကျွမ်းကျင်သူများက ဆိုသည်။

      ထိုကဲ့သို့ ဆန်တင်ပို့နိုင်ရန်အတွက် ကြိုးပမ်းနေရချိန်၌ ဗီယက်နမ်သည် ၂၀၂၅ ခုနှစ် ပထမ ကိုးလအတွင်း ဆန်တင်သွင်းမှုအတွက် ဒေါ်လာ ၁.၅၁ ဘီလီယံ သုံးစွဲခဲ့ကြောင်း စိုက်ပျိုးရေးနှင့် သဘာဝပတ်ဝန်းကျင်ဝန်ကြီးဌာန၏ အချက်အလက်များအရ သိရသည်။ သွင်းကုန်တန်ဖိုး ကြီးမြင့်မှုသည် ကမ္ဘာ့ထိပ်တန်း ဆန်တင်သည့်နိုင်ငံများအနက် တစ်ခုအပါအဝင်ဖြစ်သော ဗီယက်နမ် အတွက် အန္တရာယ်ကျရောက်နိုင်သည်ကို မီးမောင်းထိုးပြနေပြီး ဈေးသက်သာသောဆန်များ တင်သွင်းမှုသည် ပြည်တွင်းရှိ တောင်သူလယ်သမားများ၏ ဝင်ငွေနှင့် ယှဉ်ပြိုင်နိုင်စွမ်းကို ပျက်ပြား စေနိုင်သည့်အတွက် စိုးရိမ်မှုများ တိုးပွားလျက်ရှိသည်။

Source: Vietnam News, 14 October 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)