ပြည်ပကုန်သွယ်မှုသတင်းများ

      မွန်ဂိုလီးယားနိုင်ငံသည် ၂၀၂၅ ခုနှစ် ပထမ ကိုးလအတွင်း နိုင်ငံကူးလက်မှတ်ကိုင်ဆောင် ထားသည့်နိုင်ငံခြားခရီးသွားဧည့်သည်စုစုပေါင်း ၆၇၈၈၅၀ ဦး လာရောက်ခဲ့ကြောင်း မွန်ဂိုလီးယား ခရီးသွားလုပ်ငန်းအဖွဲ့မှ ထုတ်ပြန်သော တရားဝင်အချက်အလက်များအရ သိရ သည်။

     ထိုကာလအတွင်း တရုတ်နိုင်ငံသည် မွန်ဂိုလီးယားသို့ နိုင်ငံခြားခရီးသွားဧည့်သည်များ အများဆုံး လာရောက်လည်ပတ်သည့် ရင်းမြစ်တစ်ခုဖြစ်လာပြီး ရုရှားနှင့် တောင်ကိုရီးယားနိုင်ငံ တို့သည် ၎င်း၏ နောက်တွင် ရပ်တည်လျှက်ရှိသည်။

    လက်ရှိတွင် မွန်ဂိုလီးယား၏ စီးပွားရေးသည် ဓာတ်သတ္တု အရင်းအမြစ်များ တင်ပို့မှုအပေါ် ဆက်လက် မှီခိုနေရဆဲဖြစ်သည်။ ခရီးသွားလုပ်ငန်းမြှင့်တင်ရေးသည် နိုင်ငံ၏စီးပွားရေးကို ကွဲပြား စေကာ ကမ္ဘာလုံးဆိုင်ရာ ပြိုင်ဆိုင်မှုအခြေအနေတွင် ၎င်း၏ခရီးသွားလုပ်ငန်း၏ ယှဉ်ပြိုင်နိုင်စွမ်း ကို တိုးမြင့်လာစေရန်အတွက် ဦးစားပေးလုပ်ငန်းတစ်ခုဟု ယူဆထားကြသည်။

     ယဉ်ကျေးမှု၊ အားကစား၊ ခရီးသွားလာရေးနှင့် လူငယ်များ ဝန်ကြီးဌာန၏ အဆိုအရ မွန်ဂိုလီးယား အစိုးရသည် နိုင်ငံတွင်း လေးရာသီ ခရီးသွား ဖွံ့ဖြိုးတိုးတက်လာစေရန် ၂၀၂၈ ခုနှစ် အထိ မွန်ဂိုလီးယားခရီးသွားလုပ်ငန်း အစီအစဉ်ကို ဆက်လက် လုပ်ဆောင်ရန် ဆုံးဖြတ်ခဲ့သည်။ ကုန်းတွင်းပိတ် အာရှနိုင်ငံသည် ၂၀၂၄ ခုနှစ်တွင် နိုင်ငံခြားခရီးသွား စုစုပေါင်း ၇၂၇၄၀၀ ကို ဆွဲဆောင်ခဲ့ပြီး ခရီးသွားလုပ်ငန်းကဏ္ဍမှ အမေရိကန်ဒေါ်လာ ၁.၆ ဘီလီယံ ရရှိခဲ့သည်။

Source : Xinhua                                                                                 

 DOCA(ရန်ကုန်)

     အီရတ်နိုင်ငံတော် ရေနံစျေးကွက်ရှာဖွေရေးအဖွဲ့ (SOMO) က နိုင်ငံ၏ ရေနံစိမ်းတင်ပို့မှု သည် သြဂုတ်လအတွင်း ဝင်ငွေ အမေရိကန်ဒေါ်လာ ၇ ဘီလီယံကျော် ရရှိခဲ့ကြောင်း အီရတ်နိုင်ငံ ပိုင် ရေနံစျေးကွက်ရှာဖွေရေးအဖွဲ့ (SOMO) က စက်တင်ဘာလ ၂၈ ရက်နေ့တွင် ကြေညာခဲ့သည်။

    ဩဂုတ်လတွင် အီရတ်နိုင်ငံ၏ စုစုပေါင်းရေနံစိမ်းတင်ပို့မှုသည် စည်ပေါင်း ၁၀၄.၈ သန်းကို ကျော်လွန်ကာ ဝင်ငွေဒေါ်လာ ၇.၁၆ ဘီလီယံခန့် ရရှိခဲ့ကြောင်း SOMO ၏ တရားဝင်စာရင်းအင်း များကို ကိုးကား၍ ထုတ်ပြန်ချက်တွင် ဖော်ပြထားသည်။

     အီရတ်နိုင်ငံ အလယ်ပိုင်းနှင့် တောင်ပိုင်းရှိ ရေနံတွင်းများမှ စည်ပေါင်း ၁၀၃.၈၉ သန်းခန့် ကို အီရတ်နိုင်ငံ Basra ဆိပ်ကမ်းမှတစ်ဆင့် တင်ပို့ခဲ့ပြီး မြောက်ပိုင်း Nineveh ပြည်နယ်ရှိ Qayyara ရေနံမြေမှ စည်ပေါင်း ၉၁၁၁၇၈ စည်ကို တင်ပို့ခဲ့ကြောင်း ထုတ်ပြန်ချက်တွင် ဖော်ပြ ထားသည်။ အီရတ်နိုင်ငံ၏ စီးပွားရေးသည် ရေနံစိမ်းတင်ပို့မှုအပေါ် ကြီးကြီးမားမား မှီခိုနေရပြီး နိုင်ငံ ၏ ၀င်ငွေ၏ ၉၀ ရာခိုင်နှုန်းခန့်ရှိကြောင်း သိရသည်။

Source : Xinhua                                                                                 

 DOCA(ရန်ကုန်)

     အိန္ဒိယနိုင်ငံ၏ အကြီးဆုံး စမတ်ဖုန်းတင်ပို့သည့် စျေးကွက်ဖြစ်သည့် အမေရိကန်နိုင်ငံသို့ စမတ်ဖုန်းတင်ပို့မှုသည် မေလကတင်ပို့ခဲ့သော အမေရိကန်ဒေါ်လာ ၂.၂၉ ဘီလီယံ မှ သြဂုတ်လတွင် အမေရိကန်ဒေါ်လာ ၉၆၄.၈ သန်းသို့ ၅၈ ရာခိုင်နှုန်းကျဆင်းခဲ့ကြောင်း GTRI ၏ စက်တင်ဘာ လ ၂၂ ရက်နေ့အချက်အလက်များအရသိရသည်။ ထိုသို့ကျဆင်းမှုအကြောင်းအရင်း မှန်ကို အသိသေးသော် လည်း စုံစမ်းစစ်ဆေးရန်ကြိုးပမ်းလျက်ရှိကြောင်း the Global Trade Research Initiative မှ ပြော ကြားခဲ့သည်။ ဇွန်လတွင် စမတ်ဖုန်းတင်ပို့မှုသည် အမေရိကန်ဒေါ်လာ ၂ ဘီလီယံ ရှိပြီး ဇူလိုင်လတွင် အမေရိကန်ဒေါ်လာ ၁.၅၂ ဘီလီယံ ထိရှိကြောင်း သိရသည်။

          ၂၀၂၅ ဘဏ္ဍာနှစ်တွင် အမေရိကန်နိုင်ငံသည် သွင်းကုန်ဒေါ်လာ ၁၀.၆ ဘီလီယံတန်ဖိုး ရှိသော စမတ်ဖုန်းများ(အိန္ဒိယနိုင်ငံ၏ ကမ္ဘာလုံးဆိုင်ရာတင်ပို့မှု၏ ၄၄ ရာခိုင်နှုန်း) ကို အိန္ဒိယနိုင်ငံ မှ တင်သွင်းခဲ့ပြီး အိန္ဒိယ၏ ထိပ်တန်းစမတ်ဖုန်းတင်ပို့သည့်စျေး ကွက်အဖြစ်တည်ရှိပြီး ၎င်း၏နောက်တွင် EU မှ ဒေါ်လာ ၇.၁ ဘီလီယံ တန်ဖိုးရှိ‌‌‌သောစမတ်ဖုန်းများ (အိန္ဒိယနိုင်ငံ တစ်ကမ္ဘာလုံးဆိုင်ရာတင်ပို့မှု၏ ၂၉.၅ ရာခိုင်နှုန်း)ကို တင်သွင်းခဲ့ပြီး အိန္ဒိယနိုင်ငံ၏ ဒုတိယအများ ဆုံး စမတ်ဖုန်းတင်သွင်းသည့် စျေး ကွက်အဖြစ် ရပ်တည်လျှက် ရှိသည်။ စမတ်ဖုန်းများအပြင် အမေရိကန်၏ မြင့်မားသော အကောက်ခွန် များနှင့် ရင်ဆိုင်နေ ရသော ကုန်ပစ္စည်းများသည် လည်း တင်ပို့မှုစံချိန်တင်ကျဆင်းခဲ့ကြောင်း၊ စိုးရိမ်ဖွယ်ရာအချက်မှာ စမတ်ဖုန်းနှင့် ဆေးဝါးကဲ့သို့ သော အကောက်ခွန်မဲ့ကုန်ပစ္စည်းများ တင်ပို့မှုကျဆင်း လာြခင်းကြောင့်ဖြစ်ကြောင်း၊ ထိုကျဆင်းမှုများက အိန္ဒိယနိုင်ငံ၏ Product Link Incentive (PLI) အောင်မြင်မှုကို လမ်လွဲစေရန်ခြိမ်းခြောက်လျက်ရှိကြောင်း GTRI တည်ထောင်သူ Ajay Srivastava မှ ပြောကြားခဲ့ပါသည်။

Source : economictimes                                                                     

 DOCA(ရန်ကုန်)

      ဗီယက်နမ်နိုင်ငံသည် ၎င်း၏အကြီးမားဆုံး ကုန်သွယ်ရေးမိတ်ဖက်ဖြစ်သော အမေရိကန် နိုင်ငံမှ ၎င်း၏ ကုန်ပစ္စည်းများအပေါ် အခွန်တိုးမြှင့်ကောက်ခံမှုအကျိုးသက်ရောက်မှု လျော့နည်း စေရန်အတွက် ကုန်သွယ်ရေးသဘောတူညီမှုအသစ်များ ရှာဖွေလျက်ရှိကြောင်း ဗီယက်နမ်နိုင်ငံ ကုန်သွယ်ရေးဝန်ကြီးချုပ်က ပြောကြားခဲ့ပါသည်။ အဆိုပါ ကြေညာချက်သည် အမေရိကန်နိုင်ငံ၏ အခွန်တိုးမြှင့်ကောက်ခံခြင်းကြောင့် ဗီယက်နမ်နိုင်ငံမှ အမေရိကန်နိုင်ငံသို့ တင်ပို့သော ကုန်များ၏ ငါးပုံတစ်ပုံခန့် လျော့ကျသွားနိုင်ကြောင်း ခန့်မှန်းမှုအပြီးတွင် ထွက်ပေါ်လာခြင်းဖြစ်ကြောင်းနှင့် ဗီယက်နမ်နိုင်ငံအနေဖြင့် အရှေ့တောင်အာရှနိုင်ငံများထဲတွင် အခက်ခဲဆုံးအခြေအနေများနှင့် ရင်ဆိုင်နေရကြောင်း သိရပါသည်။ ဝန်ကြီးချုပ် Pham Minh Chinh က တင်ပို့မှုများကို ယခုနှစ်တွင် ၁၂ ရာခိုင်နှုန်းထက် တိုးတက်အောင် မျှော်မှန်းလျက်ရှိကြောင်း သိရပါသည်။ အစိုးရအဖွဲ့အစည်း၏ အချက်အလက်များအရ ယခုနှစ် စက်တင်ဘာလအထိ ဗီယက်နမ်နိုင်ငံ၏ ကုန်သွယ်မှုသည် ၁၅.၈ ရာခိုင်နှုန်းအထိ မြင့်တက်လျက်ရှိပြီး အမေရိကန်ဒေါ်လာ ၃၂၅.၃ ဘီလီယံ အထိမြင့်တက်လျက်ရှိကြောင်း သိရပါသည်။ အမေရိကန်နိုင်ငံ၏ အခွန်အကျိုးသက်ရောက်မှုကို လျော့ချနိုင်ရန်အတွက် ဗီယက်နမ်နိုင်ငံသည် ယခုနှစ်အကုန်တွင် Latin America ၏ Mercosur trading bloc နှင့် သဘောတူညီမှုလက်မှတ်ရေးထိုးတော့မည်ဖြစ်ကြောင်း Chinh ကပြောကြားခဲ့ ပါသည်။ ၎င်းက ဗီယက်နမ်နိုင်ငံသည် Trump စီမံအုပ်ချုပ်ရေးအဖွဲ့၏ ဗီယက်နမ်နိုင်ငံ ကုန်ပစ္စည်းများအပေါ် အခွန် ၂၀ ရာခိုင်နှုန်းတိုးမြှင့်မှု အပြီးတွင် အမေရိကန်နိုင်ငံနှင့် ကုန်သွယ်ရေး ညှိနှိုင်းမှုများ ဆက်လက်ပြုလုပ်သွားမည်ဖြစ်ကြောင်း ပြောကြားခဲ့ပါသည်။

Source: The Daily Star                                                              

DOCA (ရန်ကုန်)

     ဗီယက်နမ်နိုင်ငံ၏ ရေထွက်ကုန်တင်ပို့မှုများသည် ၂၀၂၅ ခုနှစ်တွင် အမေရိကန်ဒေါ်လာ ၁၀ ဘီလီယံအထိ အရှိန်အဟုန်ဖြင့် မြင့်တက်လာသော်လည်း ကုန်သွယ်ရေးနှင့် နည်းပညာဆိုင်ရာ အခက်အခဲများကြောင့် ပို့ကုန်လုပ်ငန်းရှင်များသည် အဆိုပါ တိုးတက်မှု အရှိန်အဟုန်ကို ဆက်လက်ထိန်းသိမ်းရန်အတွက် ကွဲပြားခြင်းနှင့် တန်ဖိုးမြှင့်လုပ်ငန်းစဥ်များကို လုပ်ဆောင်ရန် တွန်းအားပေးလျက်ရှိကြောင်း သိရပါသည်။ အကောက်ခွန်ဦးစီးဌာန၏ အချက်အလက်များအရ ဗီယက်နမ်နိုင်ငံ၏ ရေထွက်ကုန်တင်ပို့မှုသည် သြဂုတ်လတွင် ၁.၁၃ ဘီလီယံအထိ ရောက်ရှိခဲ့ပြီး ယခင်နှစ်ထက် ၁၃.၈ ရာခိုင်နှုန်း မြင့်တက်လာကြောင်းနှင့် ကမ္ဘာ့စျေးကွက်ကို လျစ်လျူရှုလျက်ရှိ ကြောင်း သိရပါသည်။ ဇန်နဝါရီလမှ သြဂုတ်လအထိ တင်ပို့မှုများသည် အမေရိကန်ဒေါ်လာ ၇.၃၄ ဘီလီယံ အထိ ၁၆.၇ ရာခိုင်နှုန်းခန့် မြင့်တက်လာကြောင်း သိရပါသည်။ ထိပ်သီးဝယ်လတ်များတွင် တရုတ်နိုင်ငံနှင့် အမေရိကန်နိုင်ငံတို့ပါဝင်ပြီး ငါးတင်ပို့မှုမှ ပထမ ၈ လအတွင်းတွင် အမေရိကန် ဒေါ်လာ ၂၃၄ သန်းအထိ ၃.၇ ရာခိုင်နှုန်းအထိ မြင့်တက်ခဲ့ကြောင်း သိရပါသည်။ ဥရောပသမဂ္ဂနှင့် တောင်ကိုရီးယားနိုင်ငံတို့သည်လည်း ပုံမှန်ဖောက်သည်များဖြစ်ကြောင်း သိရပါသည်။ ဗီယက်နမ် နိုင်ငံ ပင်လယ်စာတင်ပို့သူများနှင့် ထုတ်လုပ်သူများ အဖွဲ့အစည်း (VASEP) ၏ ဒုတိယအတွင်းရေး မှူး ဆိုသူ က စက်တင်ဘာလတွင် ‌ရေထွက်ကုန်ပစ္စည်းများကို ပိုမိုများပြားစွာတင်ပို့မည် ဖြစ်ကြောင်းနှင့် နိုဝင်ဘာလနောက်ပိုင်းတွင် တင်ပို့မှုကျဆင်းလာနိုင်ကြောင်း သတိပေးခဲ့ပါသည်။ ၎င်းက အကောက်အခွန်အပြောင်းအရွေ့နှင့် စျေးကွက်အတားအဆီးများအပါအဝင် စိန်ခေါ်မှုများ တိုးလာ နေကြောင်း အထူးအလေးပေးပြောကြားခဲ့ပါသည်။ အမေရိကန်နိုင်ငံမှ တန်ပြန်အခွန် ၂၀ ရာခိုင် နှုန်း တိုးမြင့်ကောက်ခံခြင်းကြောင့် ဗီယက်နမ်နိုင်ငံ၏ ပြိုင်ဘက်များဖြစ်သော ထိုင်းနိုင်ငံ၊ အင်ဒိုနီးရှားနိုင်ငံနှင့် အီကွေတာနိုင်ငံတို့နှင့် ယှဥ်ပြိုင်ရာတွင် ပြိုင်ဆိုင်မှုများပိုမို ပြင်းထန်လာနိုင် ကြောင်း သိရပါသည်။ ပုဇွန်တင်ပို့မှုကဏ္ဍသည် လာမည့် ၁၉ ကြိမ်မြောက် စီမံခန့်ခွဲမှုသုံးသပ်ရေး (POR19) တွင် အခွန်တိုးမြင့်ခြင်းကြောင့် ဖိအားများနှင့် ရင်ဆိုင်နေရကြောင်း သိရပါသည်။ ထိုင်းနိုင်ငံ၊ ဖိလစ်ပိုင်နိုင်ငံ၊ မ‌လေးရှားနိုင်ငံ နှင့် စင်္ကာပူနိုင်ငံများကဲ့သို့ အိမ်နီးချင်းစျေးကွက်များ တွင် သယ်ဆောင်ပို့ခလျော့နည်းမှုကြောင့် ငါးတင်ပို့မှုများမြင့်တက်လျက်ရှိပါသည်။ ယခုအခါတွင် ဗီယက်နမ်နိုင်ငံသည် စားသုံးသူများ၏ ဆာလောင်မှုအဆင်ပြေမှုအတွက် ရေခဲရိုက်ငါးထုတ်ပိုးမှုကို အလျှင်မြန်ဆုံးနဲ့ အမြန်ဆုံးပြုလုပ်လျက်ရှိကြောင်း သိရပါသည်။ ပုဇွန်တင်ပို့မှုသည် တန်ဖိုးမြင့် ဥရောပသမဂ္ဂစျေးကွက်တွင် ကောင်းမွန်လျက်ရှိပြီး ၂၀၂၅ ခုနှစ်တွင် တင်ပို့မှုတန်ချိန်ပေါင်း ၄၀၀၀၀၀ တန်ခန့် ရောက်နိုင်မည်ဖြစ်ပြီး ဗီယက်နမ်နိုင်ငံအား အကျိုးအမြတ်များပိုမို ရရှိစေနိုင် ကြောင်း သိရပါသည်။ ထုတ်လုပ်မှုကျွမ်းကျင်သူများက ယခုအခါတွင်စျေးနှုန်းထက် အရည်အသွေး ကိုသာ ဦးစားပေးထုတ်လုပ်သင့်ကြောင်းနှင့် သိသာမြင်သာမှုနှင့် ရေရှည်တည်တံ့မှုကိုသာ ဦးစား ပေး လုပ်ဆောင်သင့်ကြောင်း မှတ်ချက်ပြုခဲ့ပါသည်။ တင်ပို့မှုလုပ်ငန်းကြီးထွားမှုများကို ဆက်လက် ထိန်းသိမ်းရန်အတွက် VASEP သည် ရေထွက်ဇုန်ပူးပေါင်းညှိနှိုင်းမှုများ၊ အရည်အသွေး ထိန်းချုပ်မှု တင်းကြပ်မှုများကို ပြုလုပ်သွားမည်ဖြစ်ကြောင်းနှင့် အမေရိကန်အခွန်များနှင့် နည်းပညာဆိုင်ရာအခက်အခဲများကို ချိုးဖောက်မှုများမှ တစ်ဆင့် ဖြေရှင်းချက်များကို ရှာဖွေသွား မည်ဖြစ်ကြောင်း သိရပါသည်။

Source: Vietnam Plus                                                                

DOCA (ရန်ကုန်)