ပြည်ပကုန်သွယ်မှုသတင်းများ

ဗီယက်နမ် နိုင်ငံမှ Fintech၊ HealthTech နှင့် E-learning ကဏ္ဍများအတွင်းရှိ နည်းပညာ ကုမ္ပဏီ အသစ်များသည် စင်္ကာပူဈေးကွက်သို့ တက်ကြွစွာ ဝင်ရောက်လာခဲ့ကြောင်းသိရှိရပါတယ်။ အဆိုပါ ကုမ္ပဏီ များသည် ဗီယက်နမ်တွင် စမ်းသပ်ပြီး အောင်မြင်မှုရရှိထားသော mobile app၊ ငွေပေးချေစနစ်၊ ကျန်း မာရေး အိုင်တီ platform များကို တိုက်ရိုက်စင်္ကာပူတွင် မိတ်ဆက်ဆောင်ရွက်နေခြင်း ဖြစ်ပါတယ်။ စင်္ကာပူနိုင်ငံရှိ ရင်းနှီးမြှုပ်နှံသူများနှင့် နည်းပညာအေဂျင်စီများသည် ဗီယက်နမ်က နည်းပညာ ဝန်ဆောင ်မှုများအပေါ် ယုံကြည်မှုရှိကြောင်း၊ အရည်အသွေးမြင့်ပြီး စျေးနှုန်းချိုသာမှုကြောင့် စင်္ကာပူဈေးကွက်၌ ယှဉ်ပြိုင်နိုင်မှုရှိသည်ဟု ထောက်ပြထားသည်ကိုလည်း တွေ့ရှိရပါတယ်။ ယခုကဲ့သို့ ဗီယက်နမ်နိုင်ငံ၏ နည်းပညာများ ဝင်ရောက်လာမှုသည် ဗီယက်နမ်နည်းပညာကုမ္ပဏီများအတွက် နိုင်ငံတကာဈေးကွက် တစ်ခုဖြစ်သော စင်္ကာပူသို့ တိုးချဲ့နိုင်မည့်အရေးကြီးအခွင့်အလမ်းဖြစ်ပြီး ASEAN နယ်မြေအတွင်း နည်း ပညာ အပြန်အလှန် စီးပွားရေးဆက်ဆံရေးကို ပိုမိုခိုင်မာစေမည်ဟု မျှော်လင့်ရကြောင်း နိုင်ငံတကာ သတင်းများအရ သိရှိရပါတယ်။ DOCA(ဧရာဝတီ)

ဆီအုန်ထုတ်လုပ်မှုအများဆုံး နိုင်ငံဖြစ်သော မလေးရှားသည် လတ်တလောတွင် နိုင်ငံတကာ ကုမ္ပဏီများနှင့် ပူးပေါင်းပြီး သဘာဝပတ်ဝန်းကျင်ထိခိုက်မှုနည်းသော လယ်ထွန်းစိုက်ပျိုးနည်းများ၊ သန့်ရှင်း သောထုတ်လုပ်မှုစနစ်များ (clean production systems) ကို လက်ခံအသုံးပြု သွားမည် ဖြစ်သည်ဟု ကြေညာထားကြောင်း သိရှိရပါတယ်။ အဆိုပါ လုပ်ဆောင်မှုတွင် UK-based Sustainable Agriculture Network (SAN)၊ Dutch Development Bank (FMO) နှင့် Japan’s Green Growth Fund တို့က စိုက်ပျိုးနည်းပညာပြောင်းလဲမှုအတွက် ငွေကြေး၊ နည်းပညာနှင့် စက်ကိရိယာဆိုင်ရာ အထောက် အပံ့များပေး နေပြီး အထူးသဖြင့် မလေးရှားနိုင်ငံအရှေ့ပိုင်း Sabah နှင့် Sarawak ရှိ စိုက်ပျိုးသူများအား ဦးစားပေး ထောက်ပံ့ပေးဆောင်ရွက်နေကြောင်း သိရှိရပါတယ်။ မလေးရှားအစိုးရ၏ "Green Economy Transition Roadmap 2030" အတွင်း၌ပါဝင်သော ဤစီမံကိန်းသည် လယ်ယာထုတ်လုပ်မှုအတွင်း သဘာဝသက်သာမှု (sustainability)၊ မျိုးစေ့ထိန်းသိမ်းမှု၊ မြေညီပတ်ဝန်းကျင်ထိန်းသိမ်းရေးနှင့် ကာဗွန်ထုတ်လွှတ်မှုလျှော့ချရေးတို့အတွက် အဓိကအခန်းကဏ္ဍထမ်းဆောင်မည်ဟု မျှော်မှန်းရပါတယ်။ ဤပူးပေါင်းဆောင်ရွက်မှုဖြင့် မလေးရှား၏ ဆီအုန်း ထုတ်လုပ်မှုသည် နိုင်ငံတကာဈေးကွက်တွင် ပတ်ဝန်း ကျင်နှင့် ကိုက်ညီမှုရှိသည့် ထုတ်ကုန်အဖြစ် အသိအမှတ်ပြုခြင်းရရှိလာမည် ဖြစ်ကြောင်း နိုင်ငံတကာ သတင်း များအရ သိရှိရပါသည်။ DOCA(ဧရာဝတီ)

၂၀၂၅ ခုနှစ် အတွင်း၌ မြန်မာနိုင်ငံသည် ထိုင်းနိုင်ငံသို့ မဲဆောက် လျှပ်စစ်လိုင်းချိတ်ဆက်မှုမှတဆင့် လျှပ်စစ်စွမ်းအင်တင်ပို့မှုကို တရားဝင်စတင် ဆောင်ရွက်နေပြီ ဖြစ်ကြောင်းသိရှိရပါတယ်။ အဆိုပါ လုပ်ငန်းစဉ်သည် ထိုင်းနိုင်ငံ၏ တိုးလာနေသော စွမ်းအင်လိုအပ်ချက်များ ဖြည့်ဆည်းနိုင်သည့်အပြင် မြန်မာနိုင်ငံအတွက်လည်း နိုင်ငံခြားငွဝင်ငွေ တိုးတက်လာစေနိုင်သည့် ရင်းနှီးမြှုပ်နှံမှုအခွင့် အလမ်းတစ်ရပ် လည်း ဖြစ်ပါတယ်။ သတင်းအရ၊ လာမည့်နှစ်များအတွင်း တစ်နေ့လျှင် ရာမတ်ဂါဝပ် မီဂါဝပ် (MW) တို့ကို တင်ပို့နိုင်ရန် စီမံထားပြီး၊ အဆိုပါစီမံကိန်းသည် အာဆီယံတွင်း စွမ်းအင်ကွန်ယက်ချိတ်ဆက်မှု (ASEAN Power Grid) စီမံကိန်းတွင်ပါဝင်သည့် နိုင်ငံအကြား လျှပ်စစ်ကုန်သွယ်မှုတိုးမြှင့်ရေး အစီအစဉ်တစ်စိတ် တစ်ပိုင်းလည်း ဖြစ်ကြောင်း နိုင်ငံတကာသတင်းများအရ သိရှိရပါသည်။ DOCA(ဧရာဝတီ)

ကမ္ဘောဒီးယားနိုင်ငံသည် "Made in Cambodia" အမှတ်တံဆိပ်ဖြင့် ပြည်တွင်းထုတ်ကုန်များကို နိုင်ငံတကာဈေးကွက်တွင် တင်သွင်းရောင်းချခြင်းဖြင့် အမှတ်တံဆိပ်အသိအမှတ်ပြုမှု တိုးတက်လာ ကြောင်း သိရှိရပါတယ်။ ကမ္ဘောဒီးယားနိုင်ငံမှ ထုတ်လုပ်သော အထည်အလိပ်၊ စားသောက်ကုန်နှင့် လက်မှု ထုတ်ကုန်များမှာ ဥရောပနှင့် တောင်အာရှဈေးကွက်များမှ အမှာအများဆုံး တင်ပို့ကုန်များဖြစ်သည့် အလျှောက် အဆိုပါတင်ပို့ကုန်များတွင် အမျိုးသားကုန်အမှတ်တံဆိပ်ဖြစ်သည့် "Made in Cambodia" အမှတ်တံဆိပ်ဖြင့် ထုတ်ကုန်များကို တင်ပို့ခြင်းအားဖြင့် ကောင်းမွန်သော စီးပွားရေးအခွင့်အလမ်းကောင်း များဖန်တီး သွားမည်ဖြစ်ကြောင်း နိုင်ငံတကာသတင်းများအရ သိရှိရပါသည်။ DOCA(ဧရာဝတီ)

ဗီယက်နမ်နိုင်ငံသည် Philippine Department of Trade and Industry (DTI) မှ ပြည်တွင်း စက်မှုလုပ်ငန်းများအတွက် ASEAN Export Support Fund ဖြင့် ပံ့ပိုးမှုများပြုလုပ်ပြီး Banana Chips, Dried Mango, Coconut Oil စသည်တို့ကို ထိုင်း၊ မလေးရှား၊ ဗီယက်နမ်သို့ တင်ပို့မှုများ တိုးလာခဲ့ကြောင်း သိရှိရပါတယ်။ တင်ပို့မှုများ တိုးပွားလာရသည့် အကြောင်းအရင်းမှာ ASEAN Export Support Fund နှင့် ASEAN Economic Integration တို့၏ အထောက်အပံ့အစီအစဉ်များရရှိခြင်း၊ ဈေးကွက်သိမြင်မှု နှင့် ဒေသအတွင်းပူးပေါင်းဆောင်ရွက်မှုများကြောင့် ဖိလစ်ပိုင်မှ Banana Chips, Dried Mango, Coconut Oil စသည်တို့အပါအဝင် ထုတ်ကုန်များသည် အာဆီယံဈေးကွက်အတွင်းသို့ ပိုမိုတိုးတက်စွာ ဝင်ရောက်နိုင် ခဲ့ခြင်း ဖြစ်ကြောင်း သတင်းရရှိပါသည်။ DOCA(ဧရာဝတီ)