ပြည်တွင်းကုန်သွယ်မှုသတင်း

     တနင်္သာရီတိုင်းဒေသကြီးတွင် အုန်းပင်သည် အလွန်ပင်များပြားသောအပင်တစ်မျိုးဖြစ် သည်။ အုန်းပင်ကို မြန်မာနိုင်ငံအနှံ့အပြားနှင့်ပင်လယ်ကမ်းရိုးတန်းဒေသတွေမှာ အများအ ပြားပေါက်လေ့ရှိသည်။ ထားဝယ်မြို့အတွင်းရှိ အုန်းသီးနုရည်ကို စျေးကြီးများနှင့် အချိုရည်  ဆိုင်များတွင်ပါ ရောင်းချကြောင်းသိရှိရပါသည်။ အုန်းသီးနုရောင်းချရန်အတွက် အုန်းသီးများ မှာဒေသတွင် စားသုံးသူများသောကြောင့် စျေးကွက်ချဲ့ထွင်သူများလည်း အလွန်ပင်များပြား လှပါသည်။ အုန်းသီးနုများကို အုန်းချိုမွှေးနှင့် အုန်းဂျယ်လီများလည်း ပြုလုပ်ရောင်းချကြပါ သည်။
  အုန်းသီးနုသည် ပိုတက်ဆီယမ်ကြွယ်ဝစွာပါဝင်သောကြောင့် အားအင်များကိုလည်း ပြန်လည်ပြည့်တင်းပေးပါသည်။ အချို့က သက်သက်အရသာခံသောက်၍လည်ကောင်း၊ သကြားနှင့်ဖျော်၍လည်းကောင်း ၊ သဘာဝသစ်သီးအနေဖြင့်လည်း သောက်သုံးကြပါသည်။ ယခုအခါ အုန်းသီးနု အကြီးတစ်လုံးလျှင် (၃၅၀၀မှ၄၀၀၀) ကျပ်ခန့်ဖြစ်ပေါ်လျက်ရှိကြောင်း သိရ ပါသည်။

DOCA(တနင်္သာရီ)

   ထားဝယ်မြို့ရှိ ပတ်ဝန်းကျင်ကျေးရွာများမှ ပြည်သူများသည် မိမိတို့နေအိမ်ခြံဝင်းနှင့် လယ်မြေများတွင် သီးပင်၊စားပင်းများစိုက်ပျိုးထားလျက်ရှိရာ ကြက်ဟင်းခါးပင်များကိုလည်း စိုက် ပျိုးထားပါသည်။  ကြက်ဟင်းခါးကို မြေဆီလွှာအမျိုးမျိုးတွင် စိုက်ပျိုးနိုင်ပြီး စိုက်ပျိုးပြီး အချိန်မှ စ၍ (၇၅)ရက်ခန့်တွင် စတင်ဆွတ်ခူးနိုင်ပါသည်။ ဆွတ်ခူးပြီးသောအသီးများကို စည်ပင်သာယာဈေးကြီးအတွင်း ရောင်းချကြပါ သည်။

   ကြက်ဟင်းခါးသီးတစ်လုံးလျှင် (၇၀၀ မှ ၁၀၀၀)ကျပ်ရှိပြီး ယခင်နှစ်ဈေးနှုန်းနှင့် နှိုင်းယှဉ်ပါက ဈေးနှုန်းမြင့်တက်လျက်ရှိပြီး တောင်သူများတွက်ချေကိုက်လျက်ရှိကြောင်းသိရပါသည်။

DOCA(တနင်္သာရီ)

   ခဝဲပင်သည် ဘူး၊ဖရုံ စသောအပင်မျိုး၌ ပါဝင်၍ နှစ်စဉ်စိုက်ပျိုးရသော အပင်တစ်မျိုး ဖြစ်ပါသည်။နွယ်ပင်ကဲ့သို့ လိမ်ယှက်၍ ပေါက်တက်သော အပင်မျိုးလည်ဖြစ်ပါသည်။ ထားဝယ်မြို့ ကမ်းနား ပျံကျစျေးတွင် ဝဲသီးများ ရောင်းချလက်ရှိပါသည်။ ကမ်းနားပျံကျစျေးတွင် ထားဝယ်မြို့ အနီးနား ပတ်ဝန်း ကျင်ကျေးရွာများမှ ကိုယ်တိုင်စိုက်ပျိုးသူများနှင့် တစ်ဆင့်ပြန်လည် ဝယ်ယူရောင်းချလာရောက် ရောင်းချနေ ကြပါသည်။ ခဝဲသီးတစ်လုံးလျှင်ကျပ်(၈၀၀)မှကျပ်(၁၀၀၀) ရရှိနေကြောင်းကုန်စိမ်းရောင်းချ နေသူများထံမှ သိရှိရပါသည်။

DOCA(တနင်္သာရီ)

   တနင်္သာရီတိုင်းဒေသကြီး၊ ထားဝယ်မြို့တွင် ၂၀၂၅ ခုနှစ်၊ ဇူလိုင်လ ပထမအပတ်အတွင်း အခြေခံစားကုန်စျေးနှုန်းအများစုမှာ စျေးနှုန်းတည်ငြိမ်လျက်ရှိပါသည်။ ယခင် ၂၀၂၅ ခုနှစ်၊ ဇူလိုင်လ အတွင်း အခြေခံစားကုန်စျေးနှုန်းများနှင့်နှိုင်းယှဥ်ပါက စားအုန်းဆီတစ်ပိဿာလျှင် (၇၅၀၀)ကျပ်မှ (၇၁၇၅) ကျပ်၊ ငရုတ်ခြောက် တစ်ပိဿာလျှင် (၁၂၀၀၀)ကျပ်မှ (၁၂၀၀၀)ကျပ် ၊ သကြားတစ်ပိဿာ လျှင် (၅၆၀၀)ကျပ်မှ (၅၆၀၀)ကျပ်အထိ စျေးနှုန်းအနည်းငယ်တည်ငြိမ်လျက်ရှိပြီး ကြက်သွန်နီ တစ်ပိဿာလျှင် (၂၄၀၀) ကျပ်မှ (၂၄၀၀)ကျပ်၊ ကြက်သား(cp)တစ်ပိဿာလျှင် (၂၀၀၀၀)ကျပ်မှ (၂၀၀၀၀)ကျပ်သို့ စျေးနှုန်းအနည်းငယ်ခန့်ကျဆင်းနေပြီး အခြားသော အခြေခံစားကုန်စျေးနှုန်းများ မှာ တည်ငြိမ်လျက်ရှိပါသည်။

DOCA(တနင်္သာရီ)

   ဒညင်းသီးကို မြိတ်ခရိုင်အတွင်းရှိ ကျွန်းစုမြို့နှင့် တနင်္သာရီမြို့တို့မှ အများဆုံး ထွက်ရှိ၍ မြိတ်မြို့ပေါ်ရှိ ဈေးများသို့ လာရောက်ရောင်းချကြပါသည်။ ဒညင်းသီးသည် မေလမှ စက်တင်ဘာ လလောက်ထိ ထွက်ရှိသောရာသီပေါ်သီးနှံ တစ်မျိုးဖြစ်သည်။ ကုန်စိမ်းရောင်းချသူ များသည် ဒညင်း သီးအားဝယ်ယူ၍ ပြုတ်၍သော်‌လည်းကောင်း၊ ဆားရေစိမ်(သို့)ချဥ်ဖတ် ပြုလုပ်၍သော်လည်းကောင်း ရောင်းချကြပြီး မြိတ်ဒေသတွင်အများအားဖြင့် ဒညင်းသီးချဥ်ဖတ် ဟုခေါ်ကြသည်။ ဒညင်းသီးချဥ်ဖတ် ပြုလုပ်ရာတွင် ဒညင်းသီး၏အခွံမာအား ခွဲထုတ်ပြီး ထွက်ရှိ လာသော ဒညင်းသီးပေါ်ရှိ အခွံ‌ပျော့အား အနည်းငယ်ခွာ၍ ရေတစ်ရက်စိမ်ပေးကာ အခွံပျော့အား ခွဲထုတ်ရပါသည်။ သုံးရက်/လေးရက် လောက်ရေလောင်း၍ (နေပူမထိရပါ) ဒညင်းသီးအစိမ်း ‌ရောင်ဖြစ်လာပါက ဒညင်းသီးအလုံးခြောက် သွားသည်ထိ သုံးရက်/လေးရက်လောက် နေပူလှန်းရ ပါသည်။ ခြောက်သွားသော ဒညင်းသီးများကို တစ်ရေပြန်ဆေးပြီး စဥ့်အိုးထဲထည့်ကာ ဆားရေတို့ ဖြင့် စိမ်လိုက်ပါက အလုံးသေးပါလျှင် (၇)ရက် အလုံးကြီးလျှင် (၁၀)ရက်အတွင်း ဒညင်းသီးချဥ် ဖတ်ရရှိပါသည်။
    မြိတ်ဒေသတွင် ၂၀၂၄ခုနှစ်ဇူလိုင်လတွင် ဒညင်းသီးချဥ်ဖတ်(၁၀)လုံးလျှင် (၇၀၀)ကျပ်ဖြစ် ၍ ၂၀၂၅ခုနှစ် ဇူလိုင်လတတိယပတ်တွင် ဒညင်းသီးချဥ်ဖတ် (၁၀)လုံးလျှင် (၁၂၀၀)ကျပ်ရှိ ကြောင်း ဒညင်းသီးချဥ်ဖတ်ရောင်းချသူထံမှ သိရှိရပါသည်။

DOCA(တနင်္သာရီ)