ပြည်တွင်းကုန်သွယ်မှုသတင်း

      မန္တလေးပဲမျိုးစုံစျေးကွက်သို့ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး နှင့် မကွေး တိုင်းဒေသကြီးတို့မှ ထွက်ရှိသည့်ပဲနီပြားများ ဝင်ရောက်လျက်ရှိပြီး၊ပဲနီပြားမှာ ပြည်တွင်း စားသုံး မှု များပြားကြောင်း သိရပါသည်။ မန္တလေးတိုင်းဒေသကြီးအတွင်း ၂၀၂၄-၂၀၂၅ ခုနှစ်တွင် ပဲနီပြား သီးနှံအပါအဝင်ပဲမျိုးစုံစိုက်ပျိုးမှု   (၁၀၁၉၄၇၇)ဧကဖြစ်ကြောင်း   သိရပါသည်။    မန္တလေးပွဲစား၊ ကုန်သည်၊ စက်ပိုင်များမဟာကထိန်တော်အသင်းတွင် ၂၀၂၅ ခုနှစ်ဇူလိုင်လတတိယ ပတ်အတွင်း ဖြစ်ပေါ်သည့်ပေါက်စျေးမှာ ပဲနီပြား(ကျွန်း) ၃တင်းဝင်တစ်အိတ်လျှင် ၄၃၀၀၀၀  ကျပ်၊ ၄၄၀၀၀၀ ကျပ်၊ တစ်ပိဿာစျေးမှာ ၇၇၈၃ ကျပ်နှင့် ၇၉၆၄ ကျပ်တို့ဖြစ်ကြောင်း သိရပါသည်။ယခင်နှစ် ကာလတူ စျေး  မှာ၃တင်းဝင်တစ်အိတ်လျှင် ပဲနီပြား(တံတားဦး) ၃၂၀၀၀၀ကျပ်၊ ပဲနီပြား(ကျွန်း) ၃၇၀၀၀၀ကျပ်နှင့် ၃၈၀၀၀၀ကျပ်၊တစ်ပိဿာစျေးမှာ    ပဲနီပြား(တံတားဦး) ၅၇၉၂ကျပ်၊ ပဲနီပြား (ကျွန်း)၆၆၉၇ ကျပ်နှင့်၆၈၇၈ကျပ်တို့ဖြစ်ကြောင်း သိရပါသည်။ ယခင်နှစ်နှင့်ယခုနှစ်စျေးနှိုင်းယှဉ် ပါက ပဲနီပြားမှာ စျေးပိုမိုရရှိကာ အရောင်းသွက်လျက်ရှိကြောင်း သိရှိရပါသည်။

DOCA(မန္တလေး)  

          ဟုမ္မလင်းဒေသထွက်ငါးရံ့ခြောက်များကို တစ်ပိဿာလျှင် အကောင်အရွယ်အစားပေါ်မူ တည်၍  ကျပ်၈၀၀၀၀မှ ကျပ်၁၆၀၀၀၀ထိရှိပြီး အသင့်စား၍ရသော မီးကင်ထားသည့် ငါးရံ့ခြောက် တစ်ဆယ်သား တစ်ဘူးလျှင် ၂၀၀၀၀ကျပ်ဖြင့် ရောင်းချလျက်ရှိကြောင်းသိရသည်။ ရန်ကုန်၊ မန္တလေးနှင့်မုံရွာမြို့များသို့ တင်ပို့ရောင်းချပြီး လက်ဆောင်ပေးရန် ဝယ်ယူမှုများလည်း ရှိကြောင်းသိရသည်။ ယခုအချိန်သည် မိုးရာသီဖြစ်ပြီး ငါးပေါသောကြောင့် ရောင်းအားအနေဖြင့် ပိုမိုများပြားလာကြောင်း သိရှိရပါသည်။

           ဟုမ္မလင်းမြို့သည် စစ်ကိုင်းတိုင်းဒေသကြီးအထက်ပိုင်း ချင်းတွင်းမြစ်ကမ်းနံဘေးတွင် မေးတင်သဖွယ်တည်ရှိနေသော မြစ်ချောင်းအင်းအိုင်များသည့် မြို့လေးဖြစ်သည်။ ငါးများလည်း ပေါများပြီး ငါးချဥ် နှင့် ငါးရံ့ခြောက်များလည်းထွက်သည်။ ဟုမ္မလင်းမြို့မှထွက်ရှိသည့် ငါးရံ့ ခြောက်သည်အငံပေါ့၍ ကျန်းမာရေးနှင့်ညီညွတ်ပြီး လူကြိုက်များသော‌ဒေသထွက်ကုန် တစ်ခုဖြစ်သည်။ ငါးရံ့အစိုများကို ဟုမ္မလင်းမြို့အနီးရှိမြင်သာကျေးရွာ၊ ရေလဲကျေးရွာနှင့် ညောင်ပင်သာ ရွာရှိအင်းဒိုင်များနှင့် ဆည်များမှဝယ်ယူကြောင်းသိရပြီး ငါးရံ့အစိုတစ်ပိဿာအား ခွဲခြမ်းပြီး နေလှန်းပါကငါးရံ့ခြောက် ၂၅ကျပ်သားမှ ၃၀ကျပ်သားခန့်ထွက်ရှိကြောင်း သိရှိရပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  နာနတ်သီးများ ရောင်းချလျက်ရှိကြောင်း  သိရှိရပါသည်။ နာနတ်သီးသည် ဈေးနှုန်းသက်သာပြီး အာဟာရဓာတ်များစွာပါဝင်သည့် အသီးတစ်မျိုးဖြစ်ပါသည်။ နာနတ်သီးများမှာ အများအားဖြင့် အခွံနွှာ၍ အသင့်စားသုံးနိုင်သည့် အသီးဖြစ်သည့်အပြင် နာနတ်သီးဖျော်ရည်၊ နာနတ်သီးယို စသည့်ဖြင့် နှစ်သက်သည့်အတိုင်း စားသုံးကြပါသည်။

       ယခုဇူလိုင်လ ဒုတိယအပတ်အတွင်း ဖြစ်ပေါ်နေသော နာနတ်သီးဈေးနှုန်းမှာ နာနတ်သီး အသေး (၁)လုံး လျှင် (၁၈၀၀) ကျပ်နှင့် နာနတ်သီးအကြီး (၁)လုံးလျှင် (၂၅၀၀) ကျပ် အထိရောင်းချလျက်ကြောင်း နာနတ်သီးရောင်းချသူထံမှ သိရှိရပါသည်။

DOCA(စစ်ကိုင်း)

ရွှေဘိုခရိုင်အနေဖြင့် ၂၀၂၄-၂၀၂၅ခုနှစ်တွင် နွေစပါးအမျိုးအစားအလိုက် (၁၀၀၉၇၂)ဧက စိုက်ပျိုးပြီး ဇွန်လလယ်ပိုင်းမှ စတင်၍ ရိတ်သိမ်းရာ ယခု ဇူလိုင်လဆန်းပိုင်းတွင် (၃၀)ရာခိုင်နှုန်းခန့် ရိတ်သိမ်းပြီးစီး၍ အထွက်နှုန်းအနေဖြင့် တစ်ဧကလျင် ၈၅.၆၅တင်းနှုန်း ထွက်ရှိကြောင်း သက်ဆိုင်ရာဌာနမှ သိရှိရသည်။ ရွှေဘိုခရိုင်အတွင်း ၂၀၂၄-၂၀၂၅နွေစပါး ပေါက်ဈေးမှာ ရွှေဝါထွန်း စပါး တင်း၁၀၀လျင် ၁၄၀၀၀၀၀ကျပ်၊ (၇၄၇)စပါး တင်း၁၀၀လျင် ၁၄၀၀၀၀၀ကျပ်ရှိပြီး၊ ရွှေဝါထွန်းဆန် စက်ကျ (၁၁၁)ပေါင်ဝင် အိတ်တစ်အိတ်လျင် (၆၃၀၀၀)ကျပ်၊ ၇၄၇ဆန် စက်ကျ (၁၁၁)ပေါင်ဝင် အိတ်တစ်အိတ်လျင် (၅၈၀၀၀)ကျပ်ဖြင့် မန္တလေးမြို့သို့ အဓိကထား၍ ပေးပို့သည့်အပြင် မကွေးမြို့၊ ချောက်မြို့ ၊ ညောင်ဦးမြို့စသည့် မြို့များသို့လည်း တင်ပို့ရောင်းချလျက်ရှိပြီး ဆန်ဈေး၊ စပါးဈေးမှာတည်ငြိမ်နေ၍ အရောင်းအဝယ်မှာလည်း ပုံမှန်သာ ရောင်းချလျက်ရှိကြောင်း သိရှိရပါသည်။ DOCA(စစ်ကိုင်း)

   ပြည်တွင်းစားသုံးမှုများပြားခြင်းနှင့် ပြည်ပတင်ပို့သည့်ပဲပုတ်မှာ မန္တလေးစျေးကွက်သို့ ရှမ်း ပြည်နယ်၊စစ်ကိုင်းတိုင်းဒေသကြီးနှင့်ကချင်ပြည်နယ်တို့မှဝင်ရောက်ကြောင်းသိရပါသည်။  မန္တလေးတိုင်းဒေသကြီးအတွင်း ၂၀၂၄-၂၀၂၅ခုနှစ်တွင် ပဲပုတ်အပါအဝင်ပဲမျိုးစုံစိုက်ပျိုးမှု(၁၀၁၉၄၇၇) ဧက ဖြစ်ကြောင်းသိရ ပါသည်။ မန္တလေးပွဲစား၊ ကုန်သည်၊ စက်ပိုင်များ မဟာကထိန် တော်အသင်းတွင် ၂၀၂၅ ခုနှစ် ဇူလိုင်လတတိယပတ်အတွင်း ပေါက်စျေးမှာ ၃တင်းဝင်တစ်အိတ် လျှင် ပဲပုတ်(ရှမ်း) ၂၆၀၀၀၀ကျပ်နှင့် ၂၆၅၀၀၀ကျပ်၊ပဲပုတ်(ဗမာ)၄၁၀၀၀၀ ကျပ်၊ တစ်ပိဿာ ပေါက်စျေး မှာ ပဲပုတ် (ရှမ်း) ၄၈၈၃ ကျပ်နှင့် ၄၉၇၇ ကျပ်၊ပဲပုတ်(ဗမာ)၇၇၀၀ကျပ်တို့ဖြစ်ကြောင်း သိရပါသည်။ ယခင် နှစ် ကာလတူ တစ်ပိဿာစျေးမှာ ပဲပုတ် (ရှမ်း) ၄၁၃၁ ကျပ်နှင့် ၄၃၁၉ ကျပ်၊ ပဲပုတ်(ဗမာ) ၃၈၅၀ ကျပ်နှင့်၃၉၀၆ ကျပ်၊ပဲပုတ်(စက်ပဲ) ၃၉၄၄ကျပ်နှင့် ၄၀၃၈ကျပ်တို့ဖြစ်ကြောင်း သိရပါတယ်။  ယခုနှစ်နှင့် ယခင်နှစ် ကာလတူပေါက်စျေးနှိုင်းယှဉ်ပါက ပဲပုတ်စျေးပိုမိုရရှိကြောင်း သိရပါသည်။

DOCA(မန္တလေး)