ပြည်တွင်းကုန်သွယ်မှုသတင်း

   ဧရာဝတီတိုင်းဒေသကြီး၊ပုသိမ်ခရိုင်၊ ပုသိမ်မြို့စည်ပင်သာယာဈေးတွင်ရှိသော ဂျင်းဈေးနှုန်း များမှာ ဇူလိုင်လပထမပတ်တွင် ဂျင်း ၁၀ ကျပ်သားလျှင် ၇၀၀/ကျပ်ရှိခဲ့ပြီး ယခုဇူလိုင်လ စတုတ္တပတ် တွင်လည်း ၇၀၀/ကျပ် ရှိနေပါသည်။ ဂျင်းဈေးနှုန်းများ အတက်/အကျမရှိ ယခင်လဈေးနှုန်းအတိုင်း ဈေးငြိမ်နေပါသည်။

     ကြက်သွန်ဖြူဈေးနှုန်းများအနေဖြင့် ဇူလိုင်လပထမပတ်တွင် ကြက်သွန်ဖြူ(ကြူကုတ်) ၁၀ကျပ်သားလျှင် ၁၀၀၀/ကျပ်၊ ယခုဇူလိုင်လ စတုတ္တပတ်တွင် ကြက်သွန်ဖြူ(ကြူကုတ်) ၁၀ကျပ်သားလျှင် ၁၀၀၀/ကျပ် ဈေးနှုန်းဖြင့် ရောင်းချလျက်ရှိပါသည်။

    ကြက်သွန်ဖြူ(ရှမ်း) ဈေးနှုန်းအနေဖြင့် ဇူလိုင်လပထမပတ်တွင် ၁၀ကျပ်သားလျှင် ၉၀၀/ကျပ် ပေါက်ဈေးရှိနေပြီး ယခုဇူလိုင်လ စတုတ္တပတ်တွင်လည်း ဈေးနှုန်းအပြောင်းအလဲမရှိ၊ ဈေးငြိမ်နေပါသည်။ ဂျင်း၊ ကြက်သွန်ဖြူ ဈေးကွက်တို့မှာ ဈေးနှုန်းတည်ငြိမ်နေပြီး ပုံမှန်ရောင်းဝယ်လျက်ရှိ ပါသည်။

DOCA(ဧရာဝတီ)

     ပေါက်ပန်းဖြူသည် နေရာဒေသအနံ့အပြား ပေါက်ရောက်နိုင်သည်၊ တနှစ်ပတ်လုံးပွင့်သော အပင်အမျိုးအစား ဖြစ်သည်၊သဘာဝအလျှောက်ပေါက်ရောက်နိုင်သလို စိုက်ပျိုး၍လည်းရသည် ပေါက်ပန်းဖြူအရွက်တစ်စီး(၃၀ဝိ/) အပွင့် (၁၀)ပွင့်(၃၀ဝိ/)ဈေးရရှိပါသည်။ဝါခေါင်လနှင့် တော်သလင်းလ တို့တွင်ပို၍ ပွင့်သည် ပေါက်ပန်းဖြူ အရွက် ကိုပြုတ်၍သုတ်ခြင်း၊ဟင်းချိုချက်ခြင်း၊အတို့အမြှုပ်လုပ်၍ စားသုံးနိုင်သည်။ ပေါက်ပန်းဖြူပွင့်ကိုကြော်စားခြင်း၊ ဟင်းချိုချက်သောက်ခြင်း၊အတို့အမြှုပ်လုပ်၍စားသုံးနိုင်သည်။စားသုံးခြင်းဖြင့်ကျန်းမာရေးအကျိုးကျေးဇူး (၁၅) မျိုးရရှိနိုင်ပါသည်။အရိုးကျီးပေါင်းရောဂါကိုကာကွယ်ပေးခြင်း၊အရေပြားအတွက်အကျိုးပြုစေခြင်း (သံဓာတ်) ခေါင်းတစ်ခြမ်းကိုက်ခြင်းကို သက်သာစေခြင်း၊ အယ်ဆိုင်းမားရောဂါဖြစ်ပွားခြင်းမှကာကွယ်ခြင်း၊ သွေးဖိအားကို လျော့ကျစေခြင်း၊ အင်အားကုန်ခမ်းခြင်းကာကွယ်ပေးနိုင်ခြင်း၊ မျက်စိမှုံခြင်းကိုသက်သာစေခြင်း၊ သန္ဓေသား ပုံမှန်ဖွင့်ဖြိုးမှုအတွက်အထောက်အကူဖြစ်ခြင်း၊ အတက်ရောဂါကိုသက်သာစေခြင်း၊ ဖျားနာခြင်းကို သက်သာစေခြင်း၊ စိတ်ပြန်လွင့်ခြင်းရောဂါကိုသက်သာစေခြင်း၊ ဆီးနှင့်ပတ်သတ်သည့် ရောဂါများကိုသက်သာ စေခြင်း၊ ကိုယ်ခံအားကောင်းစေခြင်း၊ အပူလောင်ခြင်းကိုသက်သာစေခြင်း၊ သွေးသားကိုသန့်စင်စေခြင်းစသည့် အကျိုးကျေးဇူးများကို ရရှိနိုင်ပါသည်။

DOCA(ဧရာဝတီ)

  Orangeလိမ္မော်သီး၏အရောင်သည် လိမ္မော်ရောင်ရင့်ရင့်နှင့် အနီဘက်သန်းသည့် အနေအထားတွင် ရှိပါသည်။ အရသာသည် ခံတွင်းရှင်းပြီး အချိုဓာတ်ပိုကဲ၍ အရည်အလွန်ရွှမ်းပါသည် ဗီတာမင်Cဓာတ်တိုးဆန့်ကျင်ပါဝင်သောကြောင့် ခန္ဓာကိုယ်အတွက် အကျိုးပြုသော အသီးအနှံတစ်မျိုးဖြစ်ပါသည်။ လိမ္မော်သီး တစ်လုံးတွင် ကယ်လိုရီ ၈၀၊ ပိုတက်ဆီယမ် ၂၅၀ မီလီဂရမ်၊ ကာဟိုက်ဒရိတ် ၁၉ဂရမ် ပါဝင်သည်ဟုသိရှိရပါသည်။ ဗီတာမင်C များစွာပါဝင်သောကြောင့် ကိုယ်ခံအားစနစ်ကို တိုးတက်ကောင်းမွန်စေပါသည်။

          ယခုဇူလိုင်လတွင် ဧရာဝတီတိုင်းဒေသကြီး ပုသိမ်မြို့ရှိ သစ်သီးဆိုင်များတွင် orangeလိမ္မော်ကို ၁ပိသာ ၁၅၀၀၀ကျပ်ဖြင့် ရောင်းချပြီး onlineဈေးကွက်တွင် 1kg၁၀၀၀၀ကျပ်ဖြင့် ရောင်းချနေသည်ဟုသိရပါသည်။     Orangeလိမ္မော်သီးများကို ရှမ်းပြည်/တောင်ကြီးရှိ လိမ္မော်ခြံများနှင့် ကုန်သည်များဆီမှတဆင့်ကုန်သွယ်ဝယ်ယူ၍ ပြန်လည်ရောင်းချလျက်ရှိပါသည်။

( DOCA ဧရာဝတီ)

       ဧရာဝတီတိုင်းမှာ သီဟိုဠ်စေ့တွေကို ဧကသိန်းချီ စိုက်ပျိုးထုတ်လုပ်ကြပြီး မြောင်းမြခရိုင်၊ ဟင်္သာတခရိုင်၊ လပွတ္တာခရိုင်၊ ပုသိမ်ခရိုင်တွေထဲက ပင်လယ်ကမ်းစပ်ဒေသတွေမှာရှိတဲ့ ကျေးရွာတွေ က ဒေသခံတောင်သူတွေ အများဆုံး စိုက်ပျိုးကြပါတယ်။ သီဟိုဠ်ကို နွေကာလမှာ အဓိကထား လုပ်ကိုင်ကြပြီး စိုက်ပျိုးထုတ်လုပ်လို့ ဖြစ်ထွန်းအောင်မြင်တဲ့ သီးနှံဖြစ်ပါတယ်။ သီဟိုဠ်စေ့ကို ကလေး လူကြီးမရွေး ကြိုက်နှစ်သက်ကြပါတယ်။ သီဟိုဠ်စေ့မှာ အာဟာရဓါတ်ပြည့်ဝတဲ့အပြင် ကော့ပါး၊ ကယ်လ်စီယမ်၊ မဂ္ဂနီဆီယမ်၊ သံဓာတ်၊ ပိုတက်စီယမ်နဲ့ ဇင့်အပါအဝင် သတ္တုဓာတ်တွေနဲ့ ပရိုတင်းတွေပါဝင်ပါတယ်။ ဗီလာမင်စီ၊ ဗီတာမင်ကေ၊ ဗီတာမင်အီး ၊ ဗီတာမင်ဘီ6 နှင့် အဟာရ များစွာပါဝင်တဲ့အပြင် သင့်တင်စွာစားသုံးလျှင် အကျိုးပြုကိုလက်စထရောတွေကို ကောင်းမွန်စွာ ထိန်းသိမ်းနိုင်ကြောင်း သိရပါသည်။

      သီဟိုဠ်စေ့ဈေးမှာ တစ်ပိဿာလျှင် (၃၇၀၀၀/-၃၈၀၀၀/-)အထိ ရှိပြီး အစေ့အရွယ်အစားအလိုက် ဈေးနှုန်းကွာခြားမှုရှိကြောင်း သီဟိုဠ်စေ့ စိုက်ပျိုး ရောင်းချသူတစ်ဦးထံမှ သိရပါတယ်။  ဧရာဝတီတိုင်း အပါအဝင် မြန်မာနိုင်ငံကထွက်ရှိတဲ့ သီဟိုဠ်စေ့တွေကို အရင်က တရုတ်၊ စင်ကာပူ၊ ထိုင်း၊ တောင်ကိုရီးယား၊ ဟောင်ကောင်၊ မလေးရှား၊ အာဖရိက၊ ဂျပန်နှင့် အိန္ဒိယစတဲ့ နိုင်ငံတွေကို အဓိက တင်ပို့ရောင်းချကြောင်း သိရှိရပါသည်။

(Doca ဧရာဝတီ)

     ဧရာဝတီတိုင်းဒေသကြီး၊ ပုသိမ်ခရိုင်၊ ပုသိမ်မြို့နယ်အတွင်း ဇူလိုင်လစတုတ္ထပတ်တွင် ဖြစ်ပေါ်နေသော ဘူတာဈေးအတွင်း နေ့စဉ်လက်လီ ရောင်းဝယ်နေသော ကြက်ဥ/ဘဲဥအရောင်းဈေးနှုန်းများမှာ ကြက်ဥ (အကြီး) တစ်လုံးလျှင် (၅၀၀) ကျပ်၊ (အသေး) တစ်လုံးလျှင် (၄၅၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

     ဘဲဥဈေးနှုန်းများမှာ (အကြီး) တစ်လုံးလျှင် (၆၀၀) ကျပ်၊ (အသေး) တစ်လုံးလျှင် (၅၅၀) ကျပ်တို့ဖြင့်ရောင်းချလျက်ရှိပါသည်။

(Doca ဧရာဝတီ)