ပြည်တွင်းကုန်သွယ်မှုသတင်း

       ဘုရင့်နောင်ကုန်စည်ဒိုင်သို့ ၈.၈.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၁၉၂၀ အိတ်နှင့် ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၁၈၄၂ နှင့် ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၁၁၀၀ နှင့် ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၉၄၂ နှင့် ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဆန်ကွဲအိတ်ရေ ၄၂၆၀ နှင့် ဈေးနှုန်းများမှာ ၄၆၀၀၀ မှ ၄၈၀၀၀ ကျပ်၊ ပဲခူး(အနောက်) မှ ရှယ်စ ၂၂၅၄ အိတ်၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၁၇၅၀၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၁၃၇၈၊  ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၈၂၀ ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊ ဆန်ကွဲအိတ်ရေ ၄၀၂၃ နှင့် ဈေးနှုန်းများမှာ ၄၆၀၀၀ မှ ၄၈၀၀၀ ကျပ်၊ ဧရာဝတီတိုင်းမှ ရှယ်စ ၂၅၆၀၊ ဈေးနှုန်းမှာ ၆၁၀၀၀ မှ ၆၂၀၀၀ ကျပ်၊ ဆန်ကြမ်းထိပ်စအိတ်ရေ ၁၉၆၅၊ ဈေးနှုန်းမှာ ၆၀၅၀၀ မှ ၆၁၅၀၀ ကျပ်၊ လက်စအိတ်ရေ ၁၂၅၀၊ ဈေးနှုန်းမှာ ၅၉၅၀၀ မှ ၆၀၅၀၀ ကျပ်၊ ၂၅ မတ်ဆန်အိတ် ၇၄၅၊ ဈေးနှုန်းများမှာ ၅၇၅၀၀ မှ ၅၈၅၀၀ ကျပ်၊  ဆန်ကွဲအိတ်ရေ ၄၃၄၂ နှင့် ဈေးနှုန်းမှာ ၄၆၀၀၀ မှ ၄၈၀၀၀ ကျပ် တို့ဝင်ရောက်ကြောင်း သိရှိရပါသည်။

          ၈.၈.၂၀၂၅ ရက်နေ့တွင် ကုန်စည်ဒိုင်သို့ ပဲခူး(အရှေ့)၊ (အနောက်)နှင့် ဧရာဝတီတိုင်းတို့မှ ရှယ်စ(၆၇၃၄) အိတ်၊ ဆန်ကြမ်းထိပ်စ(၅၅၅၇)အိတ်၊ လတ်စအိတ်(၃၇၂၈) အိတ်၊ ၂၅ မတ်ဆန် (၂၅၀၇) အိတ်၊ ဆန်ကွဲ(၁၂၆၂၅) အိတ် စုစုပေါင်းဆန်အိတ်(၃၁၁၅၁) အိတ်တို့ဝင်ရောက်ခဲ့ကြောင်းနှင့် ဆန်ဈေးနှုန်းများမှာ ပြောင်းလဲမှုမရှိကြောင်း  သိရှိရပါ သည်။     

DOCA(ရန်ကုန်)

       ၇.၈.၂၀၂၅ ရက်နေ့ မြောင်းမြမြို့နယ်မှ ဧည့်မထ (၂၂၀)အိတ်၊ ဝါးခယ်မမြို့မှ ကားဖြင့် ပေါ်ဆန်း(၃၇၀) အိတ်၊ ဧည့်မထ(၁၀၀) အိတ်၊ ဘိုကလေးမြို့နယ်မှ အောင်ချမ်းသူရေယာဉ်ဖြင့် ဧည့်မထ (၁၂၃၃) အိတ်၊ ဆန်ကွဲ(၃၀၀) အိတ်၊ လပွတ္တာမြို့နယ်မှ ဇော်မြင့်မြတ်ရေယာဉ်ဖြင့် ပေါ်ဆန်း(၁၅၉၀) အိတ်၊  ပေါ်ကျွဲ(၃၅၈) အိတ်၊ ဆန်ကွဲ (၂၈၈) အိတ်၊ ကားဖြင့် ဧည့်မထ(၁၄၀၀) အိတ်၊ ဆန်ကွဲ(၂၅၀) တို့ဝင်ရာက်ခဲ့ကြောင်း သိရှိရပါသည်။

          သို့ဖြစ်ပါ၍ ၇.၈.၂၀၂၅ ဆန်ဝင်ရောက်မှုတွင် ပေါ်ဆန်း(၁၉၆၀) အိတ်၊ ပေါ်ကျွဲ(၃၅၈) အိတ်၊ ဧည့်မထ(၂၉၅၃) အိတ်နှင့် ဆန်ကွဲ(၈၃၈) အိတ် စုစုပေါင်း(၆၁၀၉) အိတ်တို့ဝင်ရောက်ခဲ့ကြောင်း သိရှိ ရပါသည်။

DOCA(ရန်ကုန်)

      ၁၂.၈.၂၀၂၅ ရက်နေ့ နံနက် (၉း၃၀) နာရီအချိန်တွင် ချောင်းဆုံမြို့နယ်တာဝန်ခံသည် ချောင်းဆုံမြို့နယ်၊ မုနိုင်း‌ကျေးရွာရှိ အုန်းဆံကြိုးဖြင့်လူသုံးကုန်ပစ္စည်းများ ထုတ်လုပ်သည့် လုပ်ငန်းရှင်နှင့်တွေ့ဆုံဆွေးနွေးခဲ့ပါသည်။

     ထိုသို့ တွေ့ဆုံဆွေးနွေးရာတွင် ချောင်းဆုံမြို့နယ်တာဝန်ခံက လုပ်ငန်းရှင်အား တစ်ရက်ထုတ်လုပ်နိုင်မှု၊ တစ်လထုတ်လုပ်နိုင်မှု၊ ကုန်ကြမ်းရရှိမှု၊ ဈေးနှုန်းအခြေအနေများကို မေးမြန်းခဲ့ရာ လုပ်ငန်းရှင်က ကုန်ကြမ်းများကို ချောင်းဆုံမြို့နယ်အတွင်းသာဝယ်ယူပြီး အုန်းသီး ခွံ ၁ ပိဿာလျှင် (၉၀၀၀) ကျပ်ဖြင့် ဝယ်ယူရရှိကြောင်း၊ ထုတ်လုပ်သည့်ပစ္စည်းအနေဖြင့် ခြေသုတ်ခုံပြုလုပ်ကြောင်း၊ တစ်လလျှင် အခုရေ (၁၀၀) ခန့်ထုတ်လုပ်နိုင်ပြီး ခြေသုတ်ခုံ တစ်ခုလျှင် (၁၂၀၀၀) ကျပ်ဖြင့် ရောင်းချကြောင်း၊ ကုန်ချောကို ချောင်းဆုံမြို့နယ်၊ မော်လမြိုင်မြို့နယ်၊ မုဒုံမြို့နယ်၊ သံဖြူဇရပ်၊ ကရင်ပြည်နယ်များသို့ တင်ပို့ရောင်းချရကြောင်း သိရသည်။ လုပ်သမားဦးရေ (၅) ဦးဖြင့် လုပ်ကိုင်လျက်ရှိကြောင်း ပြန်လည်ဆွေးနွေးခဲ့သည်။

DOCA (မွန်)

    ကျိုက်မရောမြို့နယ်အတွင်းရှိ ဒေသခံပြည်သူများအနေဖြင့် စိုက်ပျိုးရေးဖြင့် အသက်မွေး ဝမ်းကျောင်းပြုသူများဖြစ်ရာ  မိုးရာသီတွင် ခဝဲသီးများကို တစ်နိုင်တစ်ပိုင် စိုက်ပျိုးကြပြီး ယခုချိန်၌ ခဝဲသီး စျေးလည်းကောင်းရရှိသဖြင့် မိသားစု  အဆင်ပြေလျက်ရှိနေကြောင်း သိရသည်။

    ခဝဲသီးသည်  စားဖိုဆောင်သီးနှံတစ်ခုဖြစ်ပြီး အိမ်ရှင်မများအကြိုက်လည်း ဖြစ်ကာ စိုက်ပျိုးရလည်းလွယ်ကူသဖြင့် ခြံဝင်းကျယ်ရှိသူများ တစ်နိုင်တစ်ပိုင်စိုက်ပျိုးကြသည်။ ခဝဲသီးကို မိုးရာသီ  မိုးများသည့်.ဇူလိုင်လတွင်စတင်စိုက်ပျိုးကြပြီး  ရက်ပေါင်း  ငါးဆယ်အကြာတွင် ဖွံထွားသော ခဝဲတောင့်များ စင်အပြည့်သီးလာကြောင်း၊ ခဝဲသီးကိုအထွက်နှုန်းကောင်းစေရန် သဘာဝမြေသြဇာများဖြစ်သော နွားချေး၊ ကြက်ချေး၊ တီစူပါ စသည့်မြေသြဇာများကို  အပွင့်များ လှိုင်လှိုင်ပွင့်ချိန်၌ ကျွေးရပြီး အသီးများ ပိုးမကျစေရန် ပိုးသတ်ဆေး ဖြန်းပေးရကြောင်း၊ ပျားပိုး ကောင်လေးများ အန္တရာယ်မှကာကွယ်ရန် ပျားဆေးဖြန်းပေးရကြောင်း  ခဝဲသီး  တစ်နိုင်တစ်ပိုင် စိုက်ပျိုးရောင်းချသူ ဒေါ်ခင်မာချိုထံမှ သိရသည်။

    ခဝဲသီး  တစ်ဧက စိုက်ပျိုးလျှင် အပင် ၈၀၀၀ ခန့်စိုက်ပျိုးနိုင်ပြီးစင်ကောင်းကောင်း ဆောက်ပေးရပြီး ခဝဲသီး သီးချိန်တွင် စင်အပြည့်သီးကာ တစ်ပတ်လျှင်တစ်ကြိမ်ခူးရကြောင်း၊ ခဝဲသီးတစ်ထောင့်ကို (၈၀၀) ကျပ်မှ (၁၀၀၀) ကျပ်ထိရောင်းချရကြောင်း၊ ယခုချိန်၌ ရာသီစာ ခဝဲသီးများ လှိုင်လှိုင်ထွက်ရှိကာ စျေးကောင်းရသဖြင့် စိုက်ပျိုးသူများ မိသားစု အပိုဝင်ငွေ ရရှိကာ အဆင်ပြေကြကြောင်း သိရသည်။

DOCA (မွန်)

      မွန်ပြည်နယ်၊ ချောင်းဆုံမြို့နယ်ရှိ ကျေးရွာများတွင် ပုဇွန်(ဘော့ချိတ်) (ဒေသအခေါ် ဘော့ချိတ်) များလှိုင်လှိုင်ထွက်ရှိ၍ တစ်နိုင်တစ်ပိုင်ငါးဖမ်းသမားများ ဝင်ငွေကောင်း လျက်ရှိကြောင်း သိရသည်။ ချောင်းဆုံမြို့နယ် သံလွင်မြစ်နှင့် ချောင်းငယ်များမှ ရရှိသော ဘော့ချိတ်ပုဇွန်များကို ရပ်ကွက်၊ ကျေးရွာများနှင့် မော်လမြိုင်မြို့ပေါ်သို့ တင်ပို့ရောင်းချ ရကြောင်း သိရသည်။ ဘော့ချိတ်ပုဇွန်သည် အခြားပုဇွန်များထက် အရသာပိုချိုသောကြောင့် ဒေသခံလူမျိုးတိုင်းက ကြိုက်နှစ်သက်ကာ ယခုလို မိုးရာသီတွင် ဘော့ချိတ်ပုဇွန်များမှာ အခြားပုဇွန်များထက် ရောင်းအားကောင်းလျက်ရှိသည်။ ဘော့ချိတ်ပုဇွန်အကြီးများကို အကောင်လိုက်ဆီပြန်ချက်စားခြင်း၊ အလတ်များကို ငရုတ်သီးခွဲခြမ်းဖြင့် အစပ်ကြော်စားခြင်း၊ အသေးများကို အချဉ်ရည်ဟင်းများတွင် ဟင်းခတ်ချက် စားခြင်းဖြင့် ထမင်းမိန်စေသည့် ဟင်းလျာများဖြစ်သဖြင့် လူအများကြိုက်နှစ်သက်ကြသည်။ ဘော့ချိတ်ပုဇွန် တစ်ဆယ်သားလျှင် အကြီး (၅၀၀၀) ကျပ်၊ အလတ် (၄၀၀၀) ကျပ်၊ အသေး (၃၀၀၀) ကျပ်ဖြင့် ရောင်းချလျက် ရှိကြောင်း သိရသည်။

DOCA (မွန်)