ပြည်တွင်းကုန်သွယ်မှုသတင်း

               မရမ်းသီးကင်းများသည် ဟင်းလျာအဖြစ် နှစ်သက်စွာစားသုံးလျက်ရှိပြီး ဒေသခံ ပြည်သူ များသည် မိမိတို့နေအိမ်ခြံဝင်းအတွင်းရှိ မြေလွတ်နေရာများတွင်လည်းကောင်း၊ ဥယျာဥ်ခြံမြေများ တွင်လည်းကောင်း အခြားနှစ်ရှည်ပင်များနှင့် ရောနှောကာ စိုက်ပျိုးထားလျက်ရှိသည်။

                   ထားဝယ်ဒေသတွင် မရမ်းသီးကင်းများကို ဝယ်ရောင်းသူပွဲစားများက အရွယ်အစားအ လိုက်တစ်ဗူးလျှင် (၂၅၀၀) ကျပ်အထိသာ ဝယ်ယူပြီး ဒေသအတွင်း နေစဥ်  ရောင်းချလျက်ရှိကြောင်း နှင့်မရမ်းသီးများ လှိုင်လှိုင်ထွက်ရှိလာချိန်နှင့် ရင့်မှည့်လာချိန်တွင် စျေးနှုန်းများကျဆင်းလျက်ရှိ  ကြောင်းသိရှိရပါသည်။

DOCA(တနင်္သာရီ)

          ဂေါ်ဖီထုပ်သည် မြန်မာနိုင်ငံတွင် ဒုတိယအများဆုံးစိုက်ပျိုးသော ဟင်းသီးဟင်းရွက် အမျိုး  အစားဖြစ်ပါသည်။ ဂေါ်ဖီထုပ်ကို တစ်နှစ်ပတ်လုံး ဈေးကွက်တွင် တွေ့မြင်ရပြီး နည်းလမ်း မျိုးစုံဖြင့် ချက်ပြုတ်စားသောက်လျက်ရှိကြောင်း သိရှိရပါသည်။

          ထားဝယ်ခရိုင်သည် ဂေါ်ဖီထုပ်ထွက်ရှိသည့်ဒေသ မဟုတ်သည့်အတွက် ရှမ်းပြည်နယ်ဘက်မှ ကုန်တင်ကားများဖြင့် အဆင့်ဆင့်သယ်ယူ‌ရောင်းချကြပြီး ဖေဖော်ဝါရီလ ပထမပတ်အတွင်း ဂေါ်ဖီထုပ်တစ်ထုပ်လျှင်(၂၅၀၀-၃၀၀၀)ကျပ် အရောင်းအဝယ်ဖြစ်လျက်ရှိကြောင်း ကမ်းနားဈေးရှိ ဂေါ်ဖီထုပ် ရောင်းချသော လုပ်ငန်းရှင်တစ်ဦးထံမှ သိရှိရပါသည်။

DOCA(တနင်္သာရီ)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်အတွင်းရှိ ကျေးရွာများဖြစ်သည့် ကာဘိုး၊ ဇီးကုန်း၊ ထန်းကုန်းကျေးရွာများတွင် ဂေါ်ဖီထုတ်(မုံလာထုတ်)ကို စိုက်ပျိုးကာ ကန့်ဘလူမြို့နှင့် ကျွန်းလှမြို့ ဈေကွက်အတွင်းသို့ ပို့ဆောင်ရောင်းချပါသည်။ ဂေါ်ဖီထုတ်(မုံလာထုတ်)များကို ယခင်ကာလများတွင် မန္တလေးမြို့ နှင့် ရှမ်းပြည်နယ်တို့မှ မှာယူရောင်းချရပြီး  ဆောင်းပိုင်းကာလ ဒီဇင်ဘာလ နှင့် ဇန်နဝါရီလများတွင် မိမိဒေသမှ လှိုင်လှိုင်ထွက်ရှိသည့် ဂေါ်ဖီထုတ် (မုံလာထုတ်) များကိုသာ ဝယ်ယူရောင်းချလျက်ရှိကြောင်း သိရသည်။

         ဂေါ်ဖီထုတ် (မုံလာထုတ်) ဈေးနှုန်းမှာ ၂၀၂၅ ခုနှစ်၊ ယခင် ဇန်နဝါရီလ နောက်ဆုံးပတ်တွင်လည်း ဂေါ်ဖီထုတ် (မုံလာထုတ်) အကြီး/အသေးပေါ်မူတည်၍ တစ်ထုတ်လျှင်(၃၀၀၀/၃၅၀၀)ကျပ် ဈေးနှုန်း အသီးသီးဖြင့် အရောင်းအဝယ်ဖြစ်ခဲ့ပြီး ၂၀၂၅ ခုနှစ်၊ ယခု ဖေဖော်ဝါရီလ ပထမအပတ်တွင်လည်း ဂေါ်ဖီထုတ် (မုံလာထုတ်) အကြီး/အသေးပေါ်မူတည်၍ တစ်ထုတ်လျှင်(၂၅၀၀/၃၀၀၀)ကျပ် ဈေးနှုန်းဖြင့် ရောင်းချလျက်ရှိသောကြောင့် ယခင် ဇန်နဝါရီလနောက်ဆုံးပတ်ဈေးနှုန်းနှင့် နှိုင်းယှဉ်ကြည့်လျှင် အနည်းငယ်ကျဆင်းလျက်ရှိကြောင်း ကုန်စိမ်းသီးနှံအစုံ ရောင်းချသူများထံမှ သိရှိရပါသည်။

DOCA(စစ်ကိုင်း)

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီး မှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေး လုပ်ငန်း များ ဆောင်ရွက်လျှက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေး လုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန် ဟူသော မျော်မှန်းချက် နှင့်အညီ အသင်းအဖွဲ့များ အစုအဖွဲ့များ ဖွဲ့စည်း ပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း  တင်း/ တန် စာရင်းတို့ဖြင့် အပတ်စဉ်၊ လစဉ်တင်ပြလျက်ရှိပါသည်။

        ကန့်ဘလူပွဲရုံများအနေဖြင့် ဇန်နဝါရီလအတွင်းပွဲရုံသို့ဝင်ရောက် အရောင်းအဝယ် ဖြစ်နေသော သီးနှံအမျိုးအစား၏ ဒေသပေါက်ဈေးနှုန်းများ အဝင် /အထွက် တင်းများ၏ အရောင်းအဝယ်ဖြစ်မှု အခြေ အနေများမှာ ပဲစင်းငုံ(နီ)(၂၆၇၀)တင်း၊ ဈေးနှုန်းမှာ(၈၈၀၀၀)ကျပ်၊ ပဲစင်းငုံ(ဖြူ)(၃၆၀)တင်း ဈေးနှုန်းမှာ (၈၅၀၀၀)ကျပ်၊ ပဲတီစိမ်း(၄၄၄)တင်း ဈေးနှုန်းမှာ(၈၅၀၀၀)ကျပ်၊ ပဲနီ(စွန်တာနီပဲ)(၁၆.၅)တင်း ဈေးနှုန်းမှာ (၉၅၀၀၀)ကျပ်၊ ပဲကြား(ပဲဇီးကွက်)(၃၀)တင်း ဈေးနှုန်းမှာ(၉၅၀၀၀)ကျပ်၊ ပဲလွန်းဖြူ(၉၄.၅)တင်း ဈေးနှုန်း မှာ(၉၀၀၀၀)ကျပ်၊ နှမ်း(နက်)(၁၉၅)တင်း ဈေးနှုန်းမှာ(၂၂၀၀၀၀)ကျပ်၊ နှမ်း(ဖြူ)(၈၇၀)တင်း ဈေးနှုန်းမှာ (၁၁၅၀၀၀)ကျပ်၊ ကုလားပဲ v2(၁၃၂)တင်း ဈေးနှုန်း မှာ(၈၀၀၀၀)ကျပ်၊ 929(၅၆၁)တင်း ဈေးနှုန်းမှာ (၇၇၀၀၀) ကျပ်၊ ထိုင်ဝမ်(၁၈၆)တင်း ဈေးနှုန်းမှာ(၈၀၀၀၀)ကျပ်၊ ဘိလပ်စေ့(၆၄၅)တင်း ဈေးနှုန်းမှာ (၆၅၀၀၀)ကျပ် နှင့် ပြောင်းဆံ(၉၇၅)တင်း ဈေးနှုန်းမှာ(၂၂၀၀၀)ကျပ် အသီးသီးပေါက်ဈေး ရှိကြောင်းသိရသည်။

           ယခုရာသီကာလမှာဆိုလျှင်တော့ ပဲစင်းငုံရာသီဖြစ်သည့်အတွက် အများဆုံးနှင့် အဝင်/ အထွက် အပေါများဆုံးအချိန်ဖြစ်ပြီး ပဲစင်းငုံကို ကန့်ဘလူမြို့ပေါ်နှင့် ကန့်ဘလူ ပတ်ချာလည် ဒေသအသီးသီးတို့မှ ဝင်ရောက်ပြီး မိမိတို့ပွဲရုံမှသီးနှံများကို မန်းလေးမြို့ ဇောတိကပွဲရုံ တစ်ခုတည်းကိုသာ တင်ပို့ရောင်းချလျက်ရှိကြောင်း ကန့်ဘလူမြို့ပေါ်ရှိ  ပွဲရုံပိုင်ရှင်တစ်ဦးထံမှ သတင်းရရှိသည်။

DOCA(စစ်ကိုင်း)

            ၂၀၂၄ ခုနှစ်၊ စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကန့်ဘလူမြို့ မြို့မစည်ပင်သာယာဈေး ကွက်အတွင်းသို့ ဒေသထွက်ခရမ်းချဉ်သီးများနှင့်ရှမ်းပြည်နယ် အောင်ပန်းတို့မှထွက်ရှိသော ခရမ်းချဉ်သီးများကို မန္တလေးတိုင်းဒေသကြီးမှ မှာယူရောင်းချပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

           ခရမ်းချဉ်သီးများသည် ယခုအချိန်အခါကာလဖြစ်သည့် ဆောင်းရာသီတွင် မိမိတို့ဒေသထွက် ခရမ်းချဉ်သီးများ ဈေးကွက်အတွင်းသို့ ဝင်ရောက်ကာ လှိုင်လှိုင်ထွက်ရှိလာသည့်အတွက် ဒေသတွင်း ခရမ်းချဉ်သီးများကိုသာ မှာယူရောင်းချရပါသည်။ ဒေသထွက်ခရမ်းချဉ်သီးမှာ အချိန်ကြာမြင့်စွာထားလျှင် ပုတ်လွယ်ပြီး အထားမခံသည့်အတွက် အကြိုက်နည်းကြပေမဲ့ ဈေးနှုန်းအနေဖြင့် သက်သာသောကြောင့် ယခုအခါမှာတော့ ဒေသထွက်ခရမ်းချဉ်သီးများကိုသာ လှိုင်လှိုင်ဝယ်ယူရောင်းချလျက်ရှိကြောင်းသိရှိရ ပါသည်။

          ၂၀၂၅ ခုနှစ်၊ ယခင် ဇန်နဝါရီလ နောက်ဆုံးအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ရိုးရိုးဗမာခရမ်းချဉ်သီး တစ်ပိဿာလျှင်(၂၀၀၀)ကျပ်၊ ၂၅ကျပ်သားလျှင်(၅၀၀)ကျပ်နှင့် ထိုင်ဝမ် ခရမ်းချဉ်သီး အလုံး အကြီး/အသေး ပေါ်မူတည်၍ တစ်ပိဿာလျှင်(၁၅၀၀/၁၈၀၀)ကျပ်ဖြစ်ကာ (၂၅)ကျပ်သားလျှင် (၄၀၀/၅၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိခဲ့ပြီး ယခု ၂၀၂၅ ခုနှစ်၊ ဖေဖော်ဝါရီလ ပထမအပတ်တွင် ဒေသထွက်ခရမ်းချဉ်သီး ဈေးနှုန်းအနေဖြင့် ရိုးရိုး ဗမာခရမ်းချဉ်သီး တစ်ပိဿာလျှင် (၁၈၀၀/ ၂၀၀၀)ကျပ်၊ ၂၅ကျပ်သားလျှင်(၅၀၀)ကျပ်နှင့် ထိုင်ဝမ်ခရမ်းချဉ်သီး အလုံး အကြီး/အသေး ပေါ်မူတည်၍ တစ်ပိဿာလျှင်(၁၃၀၀/၁၅၀၀)ကျပ်ဖြစ်ကာ (၂၅)ကျပ်သားလျှင်(၄၀၀)ကျပ် ဈေးနှုန်းဖြင့် အရောင်း အဝယ် ဖြစ်လျက်ရှိပြီး ယခင် ဇန်နဝါရီလ နောက်ဆုံးအပတ် ဈေးနှုန်းနှင့် နှိုင်းယှဉ်ကြည့်မည့်ဆိုပါက  ခရမ်းချဉ်သီး ဈေးနှုန်း တစ်ပိသာလျှင်(၂၀၀/၃၀၀)ကျပ် ကျဆင်းလျက်ရှိပြီး အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)