ဟင်းနုနွယ်သည် စိုက်ပျိုးရန်လွယ်ကူပြီး အကြမ်းခံသောဟင်းရွက်ဖြစ်သည့်အပြင် ဗီတာမင်-အေနှင့်သံဓါတ်ကြွယ်ဝသည့် ဟင်းရွက်ဖြစ်သည်။ ဟင်းနုနွယ်အမျိုးအစားမှာ အနီရောင်နှင့်အစိမ်း ရောင်ရှိပြီး အများအားဖြင့် ဟင်းနုနွယ်အစိမ်းရောင်ကိုသာ စိုက်ပျိုးလျက်ရှိပါသည်။ ပူနွေးသော ရာသီ ဥတုကို ကြိုက်နှစ်သက်သောကြောင့် တနင်္သာရီတိုင်းဒေသကြီးနှင့်မြန်မာနိုင်ငံအလယ်ပိုင်းတို့တွင် အများအပြား အောင်မြင် စိုက်ပျိုးဖြစ်ထွန်းပါသည်။
ဟင်းနုနွယ်စိုက်ပျိုးအောင်မြင်ဖြစ်ထွန်းလျက်ရှိသော ယခုကာလတွင် ထားဝယ်မြို့နယ်ရှိကျေး ရွာများတွင် တောင်သူများအနေဖြင့် တစ်နိုင်တစ်ပိုင် ဟင်းနုနွယ်များ အများအပြားစိုက်ပျိုးလျက်ရှိပြီး စျေးကွက်ရောင်းတန်းဝင် အရွယ်အစားဖြစ်လာလျှင် အပင်လိုက်နှုတ်ယူစွတ်ခူးကာ ထားဝယ်မြို့ပေါ် ရှိစျေးများတွင် အစီးသေးတစ်စီးလျှင် ၄၀၀/၅၀၀ ကျပ်နှုန်းဖြင့် ရောင်းချလျက်ရှိကာ ရာသီပေါ် စားသောက်ကုန်သီးနှံတစ်ခုအဖြစ် ဒေသခံဟင်းသီးဟင်းရွက်စိုက်သူများ ဝင်ငွေရရှိလျက်ရှိကြောင်း သိရှိရပါသည်။
DOCA(တနင်္သာရီ)