ပြည်တွင်းကုန်သွယ်မှုသတင်း

   ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့တွင်  ပိန်းဥဈေးကောင်းရရှိသဖြင့် ဒေသခံအများစုက တနိုင်တစ်ပိုင် ဥစားပိန်းကို စိုက်ပျိုးသူများရှိကြောင်း သိရသည်။

   ပိန်းဥသည် ကျန်းမာရေးနှင့်ညီညွတ်သည့် အဟာရဓာတ်ပြည့်ဝသောအစားအစာဖြစ်ပြီး ဈေးကွက် တွင် နေ့စဉ်ရောင်းအားကောင်းလျက်ရှိသဖြင့် စိုက်ပျိုးလာခြင်းကို ပိန်းပင်ကို ပထမမျိုး ပွားရန် အနည်းအကျဉ်းစိုက်ပျိုးပြီးတော့ ၎င်းကရရှိတဲ့ ဥမှတစ်ဆင့်  ချဲ့ထွင်စိုက်ပျိုးလာတာပေါ့။ ပိန်းဥကတော့အရင်တည်းက လူတိုင်းကြိုက် နှစ်သက်တဲ့ အစားအစာတစ်ခုဖြစ်ပါတယ်။ သူ့ရဲ့ရိုးတံကို ပါ ဘက်စုံချက်ပြုတ်စားသောက်လို့ရတဲ့အတွက် လူတော်တော်များက မိမိတို့ အိမ်ဘေးပတ်ဝန်း ကျင်မှာစိုက်ပျိုးကြတယ်တွေ့ရတယ်။  ဥဈေးကောင်းလာတော့ စနစ် တကျ ဘောင်ခံပြီး စိုက်ပျိုးကာ ရရှိတဲ့ ပိန်းဥကို မိမိတို့ရပ်ကွက်၊ ကျေးရွာရွာမှာဘဲရောင်းချကြောင်း၊ ပိန်းဥတစ်ပိဿာကို (၄၀၀၀)ကျပ် ရရှိပြီး ထိုရရှိတဲ့ဝင်ငွေတွေနဲ့ မိသားစုစားဝတ်နေရေး လုပ်ဆောင် နေရတာပေါ့ ဟု ပိန်းစိုက်ပျိုး သူတစ်ဦးထံမှ သိရသည်။

DOCA(ဧရာဝတီ)

   ကုလားပဲများကို ဒေသတွင်းတွင် စားသုံးမှုများခြင်းနှင့် ဒေသတွင်းမုန့်ထုတ်လုပ်သူများ အများအပြားဝယ်ယူအသုံးပြုသော ပဲတစ်မျိုးဖြစ်သည်။  မအူပင်မြို့နယ်တွင်  ကုလားပဲ ရောင်းချမှု ဈေးနှုန်း အနေဖြင့် ၁ပိဿာလျှင် ၆၅၀၀ကျပ် နှင့် ရောင်းချလျက်ရှိသည်။ ကုလားပဲကို ရန်ကုန်ပဲပွဲရုံများမှ မှာယူရောင်းချပြီး ၁လလျှင် ပဲပိဿာ ၃၀အိတ်  ၁၀၀ခန့် မှာယူပြီး ကုလားပဲအိတ် ၁ပတ်လျှင် ပိဿာ ၄၀အိတ် ၁၀ခန့်  ရောင်းချရကြောင်း ပဲဈေးနှုန်းများ ဇူလိုင်လက ဈေးနှုန်းဖြင့် နှိုင်းယှဉ်ပါက ကျဆင်းလာပြီး ဇူလိုင်လ ကုလားပဲ ၁ပိဿာဈေးနှုန်းမှာ ၈၅၀၀ ကျပ်ဖြစ်ခဲ့ကြောင်း သိရသည်။ ကုလားပဲဈေးနှုန်း ကျဆင်းလာကြောင်း ဈေးကွက်အတွင်းမှ သိရသည်။

ကုလားပဲ ပဲမျိုးများမှာ ရေဆင်း-၈၊ ရေဆင်း-၁၁၊ ရေဆင်း-၆၊ ရွှေနီလုံးကြီး၊ မြကြေး၊ ကရာချိ၊ ကုလားပဲဖြူလုံးကြီး (V2, V3, V7, V9, 929, ထိုင်ဝမ်)၊ စသည်တို့ ဖြစ်ကြပြီး ရောင်းဝယ်ရာတွင် ကုလားပဲ ဝါ၊ ကုလားပဲဖြူ၊ ကုလားပဲဖြူလုံးကြီး၊ AQ, SQ စသည်ဖြင့် လည်းကောင်း၊ အလုံးလိုက်နှင့် အခွံချွတ် အခြမ်းအဖြစ် လည်းကောင်း ရောင်းဝယ်ကြသည်။ ကုလားပဲ အစိမ်းမှုန့်၊ အကျက်မှုန့်များအဖြစ် ပြုပြင်ထုတ်လုပ် ရောင်းဝယ်ကြ သည်လည်း ရှိကြောင်း သိရသည်။

DOCA(ဧရာဝတီ)

    မအူပင်မြို့နယ် စားဖိုဆောင်သီးနှံရောင်းဝယ်ရေး ကုန်စုံဆိုင်များတွင် စက်တင်ဘာလ ပထမပါတ်မှာ ကြက်သွန်နီဈေးနှုန်း ဆက်လက်ကျဆင်းလာတာတွေ့ရပါတယ်။ မိုးကြက်သွန်နီ အသစ်များ ဈေးကွက်အတွင်းသို့ ဝင်ရောက်မှုများလာကာ နေ့စဉ် ပိဿာ ၁၅၀၀-၂၅၀၀ ကျော်အဝင်ရှိပြီး ဈေးဆက်လက်ကျဆင်းသွားကြောင်း သိရှိရသည်။ ယခုတစ်ပတ် ကြက်သွန်နီဈေးနှုန်းမှာ  လက်ကားတစ် ပိဿာ(ကြီး)ကျပ်၁၈၀၀၊ (လတ်)ကျပ် ၁၅၀၀၊ (သေး) ကျပ် ၁၂၀၀-၁၀၀၀ နှုန်းရှိပြီး လက်လီ ဈေးနှုန်းတစ်ပိဿာ(ကြီး) ကျပ် ၂၀၀၀၊ (လတ်)ကျပ်၁၈၀၀၊ (သေး)ကျပ် ၁၂၀၀-၁၅၀၀နှုန်း ဖြစ်ပြီး ယခင်လ ဈေးမှာတစ်ပိဿာ(ကြီး)ကျပ် ၂၅၀၀၊(လတ်) ကျပ် ၂၀၀၀၊(သေး)ကျပ် ၁၇၀၀၊ဖြင့် အသီးသီးရောင်းဝယ်လျက်ရှိပြီး ယခင်တစ်ပတ်နှင့် နှိုင်းယှဉ်ပါက ပျမ်းမျှတစ်ပိဿာဈေးနှုန်းကျပ် ၅၀၀ ဝန်းကျင်ကျဆင်းသွားကြောင်း သိရှိရပါတယ်။

DOCA(ဧရာဝတီ)

   မအူပင်မြို့နယ်တွင် မြနှင့်ပုလဲ ဘုရားပန်းများကို ရန်ကုန်သီိမင်္ဂလာဈေးမှ မှာယူရောင်းချလျက် ရှိကြောင်း ဘုရားပန်းရောင်းချသူထံမှ သိရသည်။ မြနှင်းပုလဲ ပန်းသည် ရိုးတံရှည်၍ ပန်းအပွင့်မှာ အဖြူရောင်းဖြစ်၍ လှပသော ပန်းမျိုးဖြစ်သောကြောင့် ဘုရားပန်းကပ်လှူသူများ အများအပြား ဝယ်ယူကြကြောင်းသိရသည်။

          မြနှင့်ပုလဲ ပန်းကို မအူပင်ဈေးကွက်အတွင်း ပန်း ၁စီးလျှင် လက်လီဈေးငွေကျပ် ၃၀၀၀ဖြင့် အရောင်းအဝယ်ဖြစ်လျက်ရှိသည်။ ပန်းများကို ၁ထုံးလျှင် ပန်းအစီးရေ ၅၀ခန့် ထွက်ရှိပြီး ငွေကျပ် ၁၃၀၀၀၀ ဖြင့် ရန်ုကုန်မှ မှာယူရောင်းချရကြောင်း ပန်းအစီး အထုံးကြီး ၁ပတ်လျင် ၃ထုံးခန့် မှာယူရောင်းချရပြီး အကျိုးအမြတ်အနေဖြင့် ငွေကျပ် ၆၀၀၀၀ကျပ် အကျိုးအမြတ်ကျန်ရှိသောကြောင့် ပန်းများကို ရန်ကုန်သီရိမင်္ဂလာ ဈေးများမှာ မှာယူရောင်းချခြင်းလုပ်ငန်းကို လုပ်ကိုင်ဆောင်ရွက်လာသည်မှာ ၁၁နှစ်ရှိပြီးဖြစ်ကြောင်း ပန်းရောင်းချခြင်းလုပ်ငန်းမှ အကျိုးအမြတ်ကျန်ရှိကြောင်း သိရသည်။

DOCA(ဧရာဝတီ)

    ကျွန်းလှမြို့နယ်ရှိ ကျေးရွာများတွင် စားဖိုဆောင်သီးနှံဖြစ်သည့် ရုံးပတီသီးများကိုလည်း တစ်ပိုင် တစ်နိုင် စိုက်ပျိုးလျက်ရှိပြီး ကျွန်းလှမြို့၊ သစ်ရာမြိုင်ဈေးကွက်အတွင်းသို့ လာရောက် ပို့ဆောင်ကာ ရောင်းချ လျက်ရှိကြောင်းသိရသည်။

          စက်တင်ဘာလ ပထမပတ်အတွင်း ဖြစ်ပေါ်နေသော ကျွန်းလှမြို့၊ သစ်ရာမြိုင်ဈေး၏ ရုံးပတီသီး ဈေးနှုန်းများမှာ ရုံးပတီသီး လက်လီ တစ်ပိဿာလျှင်(၂၀၀၀)ကျပ်၊ (၅၀)ကျပ်သားလျှင်(၁၀၀၀)ကျပ်၊ (၂၅)ကျပ်သားလျှင်(၅၀၀)ကျပ် ဈေးနှုန်းတို့ဖြင့်လည်းကောင်း၊ အလား တူပင် ကင်းမုံသီး တစ်ပြည် လျှင်(၄၅၀၀)ကျပ်၊ နို့ဆီ(၄)ဘူးလျှင်(၂၅၀၀)ကျပ် နှင့် နို့ဆီ(၁)ဘူးလျှင် (၆၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သိရသည်။

DOCA (စစ်ကိုင်း)