ပြည်တွင်းကုန်သွယ်မှုသတင်း

          မန္တလေးစျေးကွက်သို့  ဖေဖော်ဝါရီလဒုတိယပတ်အတွင်း အစေ့ထုတ်ပြောင်းသီးနှံများ အများ အပြားဝင်ရောက်လျက်ရှိပါတယ်။မန္တလေးတိုင်းဒေသကြီးအတွင်းစိုက်ပျိုးထွက်ရှိသည့်ဖူးစားပြောင်း (ထိုင်ဝမ်)မျိုးနှင့် ရှမ်းပြောင်းမျိုးတို့အပြင်   စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှလည်း ဝင် ရောက်ကြောင်း သိရပါတယ်။ မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ထုတ် ပြောင်း စိုက်ပျိုးမှု  ၃၆၆၂၂ ဧက၊ရိတ်သိမ်းမှု ၁၃၃၃၁ ဧက၊ အထွက်နှုန်း ၄၉.၅၅ တင်း၊ အထွက်တင်း စုစုပေါင်း ၆၆၀၅၉၁တင်းဖြစ်ကြောင်း သိရပါတယ်။မန္တလေးကုန်စိမ်းစျေးကွက်အတွင်း ဖူးစားပြောင်း စျေးကွက်တွင် ထိုင်ဝမ်မျိုးပြောင်း ၁၀ ဖူးလျှင် လက္ကားစျေး  ၅၀၀၀ ကျပ်နှင့် ၆၀၀၀ ကျပ်၊ရှမ်းပြောင်း  ၁၀ ဖူးလျင် ၆၀၀၀ ကျပ်နှင့် ၇၀၀၀ ကျပ်စေျး၊လက်လီစျေးမှာ ထိုင်ဝမ်ပြောင်း ၁၀ဖူးလျှင် ၆၀၀၀ကျပ် နှင့်၇၀၀၀ ကျပ်၊ရှမ်းပြောင်း ၁၀ ဖူးလျှင် ၇၀၀၀ ကျပ်နှင့် ၈၀၀၀ကျပ်စျေးတို့ဖြင့် ရောင်းချလျက်ရှိ ပြီး၊ ၂၀၂၅ ခုနှစ် ဖေဖော်ဝါရီလဒုတိယပတ်တွင် ဖူးစားပြောင်း သီးနှံမှာ  အရောင်းသွက်လျက်ရှိကြောင်း သိရပါတယ်။ဒေသအသီးသီးမှ ထွက်ရှိသည့်ပဲ၊ပြောင်း၊နှမ်းသီးနှံမျိုးစုံ ဝင်ရောက်လျက်ရှိသည့်မန္တလေး ပွဲစား၊ ကုန်သည် စက်ပိုင်များမဟာကထိန် တော်အသင်းတွင် ၂၀၂၅ ခုနှစ် ဖေဖော်ဝါရီလ ဒုတိယပတ် အတွင်း ဖြစ်ပေါ်သည့်ပြောင်းစျေးမှာ  ၃တင်းဝင်တစ်အိတ်လျင် ပြောင်းဖူးစေ့(ဗမာ) ၈၂၀၀၀ ကျပ်နှင့် ၈၃၀၀၀ ကျပ်၊ပြောင်းဖူးစေ့(ရှမ်း)  ၈၅၀၀၀ ကျပ်၊ပြောင်းဖူးစေ့(စီပီ) ၈၄၀၀၀ကျပ်၊အထွက်တိုးပြောင်း အနီ ၇၆၀၀၀ ကျပ်နှင့် ၇၇၀၀၀ကျပ်စျေးအသီးသီးဖြစ် ပေါ်လျက်ရှိကြောင်း သိရပါတယ်။ ဇန်နဝါရီလ နောက်ဆုံးပတ်ပေါက်စျေးနှင့်နှိုင်းယှဉ်ပါက ပြောင်းဝင်ရောက်မှုများပြားသည့်အတွက် စေျးအနည်း ငယ်ကျဆင်းသွားကြောင်း သိရပါတယ်။ ပြောင်းသီးနှံမှာ  မွေးမြူရေး အစားစပ်လုပ်ငန်းတွင် သုံးစွဲမှု များပြားခြင်း၊ ပြည်ပတင်ပို့ခြင်းတို့ကြောင့် မန္တလေးစျေးကွက်တွင် အရောင်းသွက်သည့် ကုန်စည်ဖြစ် ကြောင်း သိရပါတယ်။ မန္တလေးစျေးကွက်အတွင်းသို့ ၂၀၂၅ခုနှစ် ဇန်နဝါရီလ ၂၆ ရက်မှဖေဖော်ဝါရီလ ၁၀ ရက်နေ့အထိ ပြောင်းကား( ၂၂ဘီး/ ၁၂ဘီး/ ၆ဘီး) ဝင်ရောက်မှုမှာ   ၁၆၁၇ စီး၊ ပြောင်း  ၃၃၇၃၉ တန်ဖြစ်ကြောင်း (၁၆)မိုင်၊ထုံးဘိုဂိတ်ဖြတ်စာရင်းများအရ  သိရပါတယ်။

DOCA(မန္တလေး)

           မန္တလေးတိုင်းဒေသကြီးအတွင်း စိုက်ပျိုးထွက်ရှိသည့်သစ်သီးဝလံများအနက် ကော်ဖီ၊ ထောပတ်၊ မက်မန်း၊ စတော်ဘယ်ရီသီး၊ လိမ္မော်သီး၊ လိုက်ချီးသီး၊ လေချူသီး၊ ပိန္နဲသီးနှင့် မက္ကဒေးမီးယားသစ်သီးတို့မှာ ပြင်ဦးလွင်ဒေသထွက်ထုတ်ကုန်အဖြစ်ထင်ရှားသော သစ်သီးများဖြစ် ကြောင်း သိရပါတယ်။ မက္ကဒေးမီးယားသီးနှံမှာ   မန္တလေးတိုင်းဒေသကြီးအတွင်း One Region One Product အမယ်တစ်မျိုးဖြစ်ကြောင်း သိရပါတယ်။ မက္ကဒေးမီးယားအစေ့ စားသုံးခြင်းဖြင့် သွေးတွင်း အဆီဓာတ်များကို လျော့ချပေးခြင်း၊ နှလုံးရောဂါဖြစ်ပေါ်နိုင်မှုကို လျော့ချပေးခြင်း၊ Antioxidants  များစွာပါဝင်သည့်အတွက်  ကင်ဆာဖြစ်ပွားမှုကိုလျော့ချ၍ ကိုယ်ခုခံအားကို မြှင့်တင်ပေးခြင်းစသည့် အကျိုးကျေးဇူးများစွာ ရရှိကြောင်း သိရပါတယ်။ ပြည်တွင်း၌ မက္ကဒေးမီးယားအသီး အစေ့အား အခြောက်ခံခြင်း၊အစေ့လှော်ခြင်း၊ကွက်ကီးမုန့်များ၊ချောကလက်မုန့်ချိုများ၊ရေခဲမုန့်များ၊ စားသောက် ကုန်မျိုးမျိုးတို့တွင် ထည့်သွင်းအသုံးပြုကြောင်း သိရပါတယ်။ ပြင်ဦးလွင်ဒေသထွက် မက္ကဒေးမီးယား အသီးအား  မန္တလေးစျေးကွက်အတွင်း အသီးအတိုင်း ရောင်းချခြင်း၊ စျေးဆိုင်များနှင့်စူပါမားကတ် များတွင် အစေ့များအား အိတ်ငယ်များ၊ ဘူးများဖြင့် ထုပ်ပိုး၍  တန်ဖိုးမြှင့်ထုတ်ကုန်အဖြစ် ရောင်းချ ကြောင်းသိရပါတယ်။ ၂၀၂၅ ခုနှစ်ဖေဖော်ဝါရီလဒုတိယပတ်တွင် မန္တလေးစျေးကွက်အတွင်း ဖြစ်ပေါ် သည့်ပေါက်စျေးအနေဖြင့်  မက္ကဒေးမီးယား အသီးပေါက်စျေးတစ်ပြည်လျှင် ၂၂၀၀၀ ကျပ်နှင့် ၂၅၀၀၀ ကျပ်၊မက္ကဒေးမီးယားအစေ့အား အိတ်ငယ်များ၊ဘူးများဖြင့် ထည့်သွင်း၍ အသင့်စားအစေ့  100 g လျှင် ၆၀၀၀ ကျပ်နှင့် ၈၅၀၀ ကျပ်ဈေးဖြင့် ရောင်းချလျှက်ရှိပြီး အရောင်းသွက်သည့်ကုန်စည်ဖြစ် ကြောင်း သိရပါတယ်။  ပြင်ဦးလွင်ဒေသမှ ထွက်ရှိသည့် မက္ကဒေးမီးယားအသီးမှာ ပြည်တွင်း စားသုံး မှုသာမက ပြည်ပသို့တင်ပို့သည့် ကျန်းမာရေးအထောက်အကူပြု တန်ဖိုးမြှင့်အစေ့ စားသောက်ကုန် အမယ်တစ်မျိုးဖြစ်ကြောင်း သိရပါတယ်။

DOCA(မန္တလေး)

           ရွှေဘိုခရိုင်အတွင်းတွင် ဖေဖော်ဝါရီလ ပထမပတ်တွင် စပါးဈေးနှုန်းမှာ တည်ငြိမ်နေ၍ ဆန်ဈေးနှုန်းမှာ  အနည်းငယ် မြင့်တက်နေပါသည်။ရွှေဘိုခရိုင်မှ အခြားတိုင်း ဒေသကြီးများ သို့ ဆန်စီးထွက်မှုမှာ ဇန်နဝါရီလ နောက်ဆုံးပတ်တွင် ရန်ကုန်သို့ (112109)အိတ်၊ မန္တလေးသို့ (၆၉၅၄၀) အိတ်၊နေပြည်တော် သို့ (3၃၅၂)အိတ်၊ပဲခူးတိုင်းသို့ (၇၄၀၀)အိတ်၊ ဧရာဝတီ တိုင်းသို့ (၄၄၅)အိတ်၊ မကွေးတိုင်းသို့ (၂၅၃၀)အိတ်၊ တနင်္သာရီတိုင်းသို့ (၁၅0)အိတ်၊ ရှမ်း(တောင်)သို့ (2၆၅၈၅)အိတ်၊ကချင်ပြည်နယ်သို့ (၁၄၆0)အိတ်၊မွန်ပြည်နယ်သို့ (၁၉၂၁၅)အိတ်၊ ကရင်ပြည်နယ်သို့ (၇၅၈၀)အိတ် စုစုပေါင်း  အိတ်ရေ ၂၅၀၃၆၆ တန်အားဖြင့် 1၂၅၁၈တန် စီးထွက်  စီးထွက်ခဲ့ပါသည်။

          ယခု ဖေဖော်ဝါရီလ ပထမပတ်တွင် ရန်ကုန်သို့ (1၃၃၆၇၇)အိတ်၊ မန္တလေးသို့ (၈၀၉၀၉) အိတ်၊နေပြည်တော် သို့ (၂၅၇၅)အိတ်၊ပဲခူးတိုင်းသို့ (12549)အိတ်၊ ဧရာဝတီ တိုင်းသို့ (2770)အိတ်၊ မကွေးတိုင်းသို့ (1865)အိတ်၊ ရှမ်း(တောင်)သို့ (30005)အိတ်၊ ကချင်ပြည်နယ်သို့ (3510)အိတ်၊ မွန်ပြည်နယ်သို့ (27175)အိတ်၊ ကရင်ပြည်နယ်သို့ (2985)အိတ် စုစုပေါင်း အိတ်ရေ 298020 တန်အားဖြင့် 14901တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျင် ယခုအပတ်အတွင်း အိတ်ရေ 47654၊ တန်အားဖြင့် 23၈၃တန် ပို၍ စီးထွက်ခဲ့ပါသည်။

          ရွှေဘိုမြို့၏ ဖေဖော်ဝါရီလ ပထမပတ်တွင် ဖြစ်ပေါ်နေသော စပါး/ဆန်  ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျင် ကျပ် 32၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁30၀၀၀ ၊  ဧရာမင်းစပါး တင်း 100လျှင် ကျပ် 2200000၊ ဧရာမင်းဆန် ၂၄ပြည်ပါ တစ်အိတ်လျင် ကျပ်၁10၀၀၀ဖြင့် အရောင်းအဝယ် ဖြစ်နေကြောင်း သိရှိရပါသည်။

DOCA(စစ်ကိုင်း)

          မြန်မာနိုင်ငံစက်သုံးဆီ တင်သွင်း/သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ်ပြန်ပေးလျက်ရှိပါသည်။

          မော်လမြိုင်မြို့ စက်သုံးဆီဆိုင်များတွင် ပုံမှန်ဖွင့်လှစ်ရောင်းချလျက်ရှိပြီး ယခု ဖေဖော်ဝါရီလ ဒုတိယအပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၈၂၅) ကျပ်၊ ဒီဇယ် (ပရီမီယံ) တစ်လီတာလျှင် (၃၄၆၀) ကျပ်၊ ဓါတ်ဆီ(92) တစ်လီတာလျှင် (၃၂၄၅) ကျပ်၊ ဓါတ်ဆီ(95) တစ်လီတာလျှင် (၃၃၁၀) ကျပ်ဖြင့် ရောင်းချလျက်ရှိကြောင်း သိရသည်။

          ယခင် ဇန်နဝါရီလ စတုတ္ထအပတ်တွင် စက်သုံးဆီဈေးနှုန်းများမှာ ဒီဇယ် (ရိုးရိုး) တစ်လီတာလျှင် (၂၉၀၅) ကျပ်၊ ဒီဇယ် (ပရီမီယံ) တစ်လီတာလျှင် (၃၅၇၅) ကျပ်၊ ဓါတ်ဆီ(92) တစ်လီတာလျှင် (၃၂၇၀) ကျပ်၊ ဓါတ်ဆီ(95) တစ်လီတာလျှင် (၃၃၅၀) ကျပ်ဖြင့် ရောင်းချနေသောကြောင့် ယခင် ဇန်နဝါရီလ(စတုတ္ထပတ်)နှင့် နှိုင်းယှဉ်ကြည့်လျှင် ယခုဖေဖော်ဝါရီလ (ဒုတိယပတ်) တွင် ဒီဇယ် (ရိုးရိုး) တစ်လီတာလျှင် (၈၀) ကျပ်၊ ဒီဇယ် (ပရီမီယံ) တစ်လီတာလျှင် (၁၁၅) ကျပ်၊ ဓါတ်ဆီ(92) တစ်လီတာလျှင် (၂၅) ကျပ်၊ ဓါတ်ဆီ(95) တစ်လီတာလျှင် (၄၀) ကျပ် ဈေးနှုန်းအသီးသီး အနည်းငယ်ကျဆင်းလျက်ရှိကြောင်း စက်သုံးဆီဆိုင်များမှ သိရှိရပါသည်။

DOCA(မွန်)

          မြန်မာနိုင်ငံတွင် ဆီထွက်သီးနှံအမျိုးအစားပေါင်းများစွာရှိသည့်အနက် နှမ်းသီးနှံသည် လည်း တစ်မျိုးအပါအဝင်ဖြစ်ပါသည်။ နှမ်းကို ဟင်းများချက်ပြုတ်စားသောက်ရာတွင် လည်းကောင်း၊ သရေစာမုန့်များ၊ လက်ဖက်သုပ်များတွင် ထည့်သွင်း၍စားသုံးပါက အရသာထူးကဲကောင်းမွန်ကာ အနံ့အရသာနှင့်ပြည့်စုံစေပါသည်။ တနင်္သာရီတိုင်းဒေသကြီးအတွင်းရှိ မြို့နယ်များဖြစ်သည့် ဟိန္ဒား၊ ရှင်မုတ္ထီးမြို့များတွင် နှမ်းနက်စိုက်ပျိူးမှများရှိသော်လည်း  ထားဝယ်မြို့နှင့်ထားဝယ် အရှေ့တော ဒေသများတွင် နှမ်းနက်စိုက်ပျိုးမှုအနည်းငယ်သာရှိကြောင်း သိရှိရပါသည်။ ထားဝယ်မြို့ရှိ နှမ်းနက် စျေးနှုန်းများ   အနေဖြင့် တစ်ပိဿာလျှင် (၁၇၀၀၀) ကျုပ်ခန့် စျေးရရှိနေကြောင်း သိရှိရပါသည်။

DOCA(တနင်္သာရီ)