ပြည်တွင်းကုန်သွယ်မှုသတင်း

ဧရာဝတီတိုင်းဒေသကြီး ၊ ပုသိမ်မြို့နယ်အတွင်းရှိ ဥယျာဉ်ခြံလုပ်ကိုင်နေသူများသည် နှစ်ရှည် သီးနှံပင် များနှင့် ရာသီပေါ်သီးနှံများအကြားတွင် သီးညှပ်ပင်အဖြစ် ဂွေးချိုသီးပင်များ စိုက်ပျိုး ကြရာ မိသားစု ဝမ်းစာဖူလုံရေးအတွက် တစ်ဖက်တစ်လမ်းမှ အပိုဝင်ငွေရရှိ ကြောင်း သိရသည်။ ပုသိမ်မြို့နယ်တွင် ဂွေးချိုသီးပင် စိုက်ပျိုးရာတွင် ရေခံ၊မြေခံကောင်းသော နေရာများတွင်သာ စိုက်ပျိုးမှ အောင်ဖြစ်ထွန်းကြောင်း၊ ဂွေးချိုသီးပင်သည် ရာသီမရွေးအသီးသီးကြောင်း၊ ဂွေးချို သီးပင် စိုက်ပျိုးရာတွင် မြေသြဇာပေး၍ စနစ်တကျပျိုးထောင်ရခြင်း၊ ရေကိုလုံလောက်စွာပေးရ ကြောင်း သိရပြီး ပုသိမ်မြို့နယ်တွင် ဂွေးချိုသီးတစ်လုံးလျှင် အလုံးအရွယ်အစားပေါ်မူတည်ပြီး ၁၀၀ ကျပ်မှ ၂၀၀ ကျပ်အထိ စျေးရရှိပြီး မြို့ပေါ်စျေးများနှင့် စျေးဆိုင်များသို့ရောင်းချလျက်ရှိကြောင်း ဥယျာဉ်ခြံ စိုက်ပျိုးလုပ်ကိုင်သူ တောင်သူ တစ်ဦးထံမှ သိရသည်။ DOCA(ဧရာဝတီ)

၂၀၂၅ ခုနှစ် အတွင်း၌ ထိုင်းနိုင်ငံမှ ဆေးဝါးနှင့် ကျန်းမာရေးပစ္စည်းထုတ်လုပ်သူများသည် မြန်မာနိုင်ငံရှိ ဈေးကွက်ထဲသို့ ပိုမိုဝင်ရောက်လာနေသည်။ ယခုအချိန်တွင် ထိုင်းထုတ် OTC (Over-the-Counter) ဆေးဝါးများ၊ ကျန်းမာရေးအထောက်အကူပြု စပ်ပလီမင့်များနှင့် ဆေးဘက်ဆိုင်ရာကိရိယာများ (Medical Devices) တို့သည် မြန်မာအသုံးပြုသူများထံမှ ယုံကြည်မှုရရှိလာခြင်းကြောင့် ရောင်းအား တဖြည်းဖြည်း တိုးလာနေကြောင်း သိရှိရပါတယ်။ ထိုင်းကုမ္ပဏီများအနေဖြင့် Myanmar FDA မှ ခွင့်ပြုချက်ရရှိထားသော ထုတ်ကုန်အမျိုးအစားများဖြင့် မြန်မာစျေးကွက်ကို ပုံမှန်တင်သွင်းနေပြီဖြစ်ပြီး၊ မြန်မာနိုင်ငံရှိ ဆေးဆိုင်ကြီးများ၊ ဆေးရုံများနှင့် ကျန်းမာရေးဈေးကွက်တစ်ဝန်းတွင် သုံးစွဲသူများ၏ စိတ်ကြိုက်အဖြစ် အသိအမှတ်ပြုလာကြသည်။ ထို့ပြင် မြန်မာနိုင်ငံတွင် ကျန်းမာရေးအသိပညာ တိုးလာခြင်းနှင့်အမျှ စပ်ပလီမင့်များ၊ ဗီတာမင်များအတွက် လိုအပ်ချက် တိုးလာခြင်းကြောင့် ထိုင်းထုတ်ကုန်များအတွက် အခွင့်အလမ်း ပိုမိုဖြစ်ပေါ်လာနေသည်။ ထိုင်းကုမ္ပဏီအချို့ကတော့ မြန်မာတွင် တိုက်ရိုက်အေဂျင်စီဖွင့်ရန် စီစဉ်နေပြီး ထုတ်ကုန်ထုတ်လုပ်မှုကိုလည်း ရှေ့ဆက်တိုးချဲ့ရန် စဉ်းစားနေကြောင်း အာရှသတင်း တင်ဆက်မှုများအရ သိရှိရပါသည်။ DOCA(ဧရာဝတီ)