ပြည်တွင်းကုန်သွယ်မှုသတင်း

မကွေးတိုင်းဒေသကြီး၊ အထက်မင်းလှမြို့နယ်အတွင်းရှိ ရွာတော်၊ မန်းသံပုရာကန်၊ ညောင်ပင်သာ၊ ဥယျာဉ်၊ ပန်းတော်ပြင်၊ ဇီးတော၊ မယ်ဇလီတော၊ ရွာသစ်၊ ဘွဲ့၊ ကုန်ကြီး၊ ဂျင်ရဲမြောင်စသည့်ကျေးရွာများတွင် နှမ်း၊ မြေပဲ၊ ကုလားပဲ၊ ပဲတီစိမ်း၊ ပဲစဉ်းငုံ၊ စပါး၊ ကြက်သွန်နီ၊ ကြက်သွန်ဖြူစသည့် သီးနှံများကို ရာသီအလိုက် နှစ်စဉ်စိုက်ပျိုးလျက်ရှိပြီး ဇီးတောကျေးရွာ၌ ကုလားပဲသီးနှံကို ၂၀၂၄ခုနှစ်၊ ဒီဇင်ဘာလဆန်းတွင်စိုက်ပျိုးပြီး ၂၀၂၅ခုနှစ်၊ မတ်လဆန်းတွင် စတင်ရိတ်သိမ်းလျက်ရှိကြောင်း သိရသည်။

          မျိုးအနေဖြင့် ကုလားပဲ(မြကြေး)မျိုးကို အများဆုံးစိုက်ပျိုးထားပြီး ဟော်လန်မျိုးကိုလည်း အနည်းငယ်စိုက်ပျိုးထားကြောင်း၊ တစ်ဧကလျှင် မျိုးစေ့ (၂)တင်း ခန့်ကုန်ကျ၍ ထွန်ကြောင်းဆွဲအစေ့ ချစနစ်ဖြင့် စိုက်ပျိုးကြောင်း၊ ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခနှင့် ရိတ်သိမ်းခ အပါအဝင်  တစ်ဧကလျှင် ငွေကျပ် ၈၀၀၀၀၀ ခန့်ကုန်ကျကြောင်း၊ ယခင်နှစ်က အထွက်နှုန်းအနေဖြင့် (၁)ဧကလျှင် (၁၅)တင်းခန့်ထွက်ရှိခဲ့ပြီး ယခုနှစ်တွင် ရာသီဥတုသမမျှတ၍ (၁၆)တင်း မှ (၂၁)တင်း ထိထွက်ရှိကြောင်း၊ ဈေးနှုန်းအနေဖြင့် မတ်လ(ဒုတိယပတ်)တွင် (၁)တင်းလျှင် ကျပ်(၉၀၀၀၀)ဖြင့် ရောင်းချရ၍ အကျိုးအမြတ်အနေဖြင့် ကျပ်(၆၄၀၀၀၀-၁၀၉၀၀၀၀)ခန့်ရရှိကြောင်း သိရသည်။

          ဈေးကွက်အနေဖြင့် မင်းလှမြို့နှင့် မကွေးမြို့ရှိ  သီးနှံပွဲရုံများသို့ ရောင်းချကြောင်း၊ ထိုမှတဆင့် ဒေသတွင်းရှိ ပဲကြော်၊ ပဲလှော်၊ မုန့်လုပ်ငန်းရှင်များမှ ဝယ်ယူကြကြောင်းနှင့် ရန်ကုန်၊ မန္တလေးမြို့ များသို့တင်ပို့ကြောင်း ဇီးတောကျေးရွာနေ ကုလားပဲစိုက်တောင်သူတစ်ဦးထံမှ သိရှိရပါသည်။

DOCA(မကွေး)

           မန္တလေးတိုင်းဒေသကြီး၊ မအူပင်ခရိုင်အတွင်းရှိ ကျေးလက်နေတောင်သူများသည် စပါး၊ ပဲ၊ ပြောင်း၊ နှမ်း စသည့်သီးနှံများကိုစိုက်ပျိုးသည့်အပြင် ဟင်းသီးဟင်းရွက်နှင့် သစ်သီးဝလံများကိုလည်း နှစ်စဉ် ရာသီအလိုက် စိုက်ပျိုးကြပါသည်။ 

          စိုက်ပျိုးသီးနှံများအနက်မှ ဆေးဖက်ဝင် ဟင်းချက်စားသုံးရသော ရုံးပတီသီးသီးနှံကို မိသားစုစားသုံးရန်နှင့် အပိုဝင်ငွေရရှိရေးအတွက် တစ်နိုင်တစ်ပိုင်စိုက်ပျိုးရာမှ ယခုအခါ စီးပွားဖြစ်စိုက်ပျိုးလာကြပါသည်။ တစ်ဧက၏ (၀.၅၀)ဧက ဝက်စိုက်ပျိုးပြီး  မျိုးစေ့(၆)ထုပ်စိုက်ပျိုးရပြီး မျိုးစေ့တစ်ထုပ်လျှင် (၆၅၀၀၀)ကျပ်ပေးရကြောင်း၊ အပင်ရေ ၉၀၀၀ပင်စိုက်ပျိုးထာကြောင်း သိရသည်။   ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၅၀၀၀၀၀)ကျပ်ခန့်ကုန်ကျကြောင်း၊ စတင်စိုက်ပျိုးပြီး (၄၅)ရက်အကြာတွင် စတင်၍ခူးဆွတ်ရပါသည်။ ခူးဆွတ်မှုအနေဖြင့် တစ်ရက်ခြားတစ်ကြိမ် ခူးဆွတ်ပေးရပါသည်။ ပူပြင်းသောရာသီဥတုတွင် အသီးရင့်မှည့်လွယ်သောကြောင့် တစ်ရက်တစ်ကြိမ် ခူးဆွတ်ရခြင်းဖြစ်ပါသည်။ သက်တမ်းအနေဖြင့် (၂)လထိခူးဆွတ်ရကြောင်း၊ ဈေးနှုန်း၊ ဈေးကွက်အနေဖြင့် ဖောက်သည်ဈေးမှာ ၁ ပိဿာလျှင် (၆၀၀)ကျပ်ဈေးနှုန်းရရှိပြီး အရောင်းအဝယ်ဖြစ်နေကြောင်း၊ ရုံးပတီတစ်ပင်လျှင် အတောင့် ၅၀ခန့်ထွက်ရှိပြီး ကုန်စိမ်းသီးနှံဖြစ်သည့်အတွက် ဈေးနှုန်းအတက်အကျရှိကြောင်း၊ စိုက်ပျိုးမှူ ဧက(၀.၅၀)တွင် အထွက်နှုန်းအနေဖြင့် ပိဿာချိန် အနေဖြင့်  (၁၅၀၀) ခန့်ထွက်ရှိကြောင်း၊ အကျိုးအမြတ်အနေဖြင့် (၄)သိန်းကျပ်ခန့်မြတ်ပြီး ကုန်စိမ်းပွဲစားများမှာ စိုက်ခင်းအထိလာရောက်ဝယ်ယူကြကြောင်း၊ ရန်ကုန်ကို့သော ကုန်စိမ်းကားများ တစ်ရက်ခြားတစ်ခါ ဟင်းသီးဟင်းရွက်လာကောက်ပြီး ရန်ကုန်ဈေးကွက်တင်ပို့ရောင်းချသလို မြို့နယ်အနီးဒေသများသို့လည်း ရောင်းချသည်။  ရုံးပတီသီးသီးနှံစိုက်ပျိုးခြင်းဖြင့် မိသားစုအပိုဝင်ငွေရရှိသည့်အပြင် စားသုံးသူအတွက် ဆေးဖက်ဝင်သည့်သီးနှံဖြစ်သည့်အတွက် ဟင်းစားရုံးပတီသီးသီးနှံအား တိုးချဲ့စိုက်ပျိုးသင့်ကြောင်း တောင်သူတစ်ဦး၏ ပြောကြားချက်အရ သိရှိရပါသည်။

DOCA (ဧရာဝတီ)

            ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် အမှတ်၁ရပ်ကွက် ဝေဋုဝန်ကျောင်းလမ်း တွင် ကွမ်းသီးအရည်သောက် ဟူခေါ်သော ကွမ်းသီးအနု နှစ်စဉ် အရောင်းအဝယ်ဖြစ်လျှက်ရှိကြောင်း သိရသည်။ ကွမ်းသီးအရည်သောက် (သို့) ကွမ်းသီးအနုသည်ကွမ်းသီးပင်စတင်သီးချိန်၊ အရည်နုလေးများ စတင်ထည့်ချိန် အရွယ်အစားလုံးပတ်အချင်း ၁ လက်မခန့်၊ အလေးချိန် 20kg နှင့် 30kg အကြားတွင် စတင်ဆွတ်ခူး၍ ရောင်းချကြသည်။ အဝိုင်းသီးနှင့်အချွန်းသီးပုံစံနှစ်မျိုးဖြင့် သီးလေ့ရှိပြီး အဝိုင်းသီးခေါ်သံပုရာသီးပုံစံကို ပယ်၍အချွန်းသီး (အရှည်သီး) ကိုသာအဝယ်ဒိုင်များက ဝယ်လေ့ရှိသည်ဟူ သိရသည်။ မအူပင်မြိုတွင် ကွမ်းသီးအရည်သောက်(ခေါ်) ကွမ်းသီးနု စိုက်ပျိုးသူ ၂၀ ဧကရှိပြီး ကွမ်းသီးခြောက်စိုက်ပျိုးသူ ၁၅၂ ဧကရှိကြောင်း မြို့နယ်မြေစာရင်းအရ သိရသည်။

           ကွမ်းသီးအရည်သောက် (ခေါ်) ကွမ်းသီးအနုအားတရုတ်နိုင်ငံက အများအပြားဝယ်ယူကြောင်း၊ မြန်မာနိုင်ငံတွင် ကွမ်းသီးအနုများအားမီးအပူဖြင့်ပေါင်း၍ အခြောက်ခံပြီး တရုတ်နိုင်ငံသို့တင်ပို့ ရောင်းချကြောင်းသိရသည်။ မြန်မာနိုင်ငံတွင် ကွမ်းသီးစိမ်း၊ ကွမ်းသီးအခြောက်များကို ကွမ်းယာယာ၍ စားသုံးကြသော်လည်း တရုတ်နိုင်ငံတွင် သရေစာအဖြစ် ထုတ်လုပ်ရောင်းချကြောင်း  စိုက်ပျိုးသူမှ သိရသည်။

            ကွမ်းသီးအရည်သောက် (ခေါ်) ကွမ်းသီးအနုကို စိုက်ပျိုးသူက ၂၀၀၉ခုနှစ်ကတည်းက စတင်စိုက်ပျိုးလာခဲ့ပြီး အပင် ၅၀၀စတင်စိုက်ပျိုးလာခြင်းဖြစ်သည်။ မျိုးအပင်ကို ၂နှစ်သားအပင်ကို ၁ပင်လျှင် ငွေကျပ် ၈၀၀နှုန်းဖြင့် ဝယ်ယူ၍ စိုက်ပျိုးလာခဲ့ပြီး အစာရေစာကျွေးပြီး ၆နှစ်သက်တမ်း ကြာသည့်အခါ အသီးစတင်သီးလာသည်။ ယနေ့အချိန်အထိ စိုက်ပျိုးမှု  ၁ဧက ပေါ်တွင် အပင်ရေ ၁၀၀၀၀ခန့် ရှိကြောင်း သိရသည်။ ကွမ်းသီးပင်ကို အသီးမသီးခင် အပင်လုံးကောင်းဖို့ ပုလဲမြေဩဇာကျွေးရသည်။ အရေသောက် ကွမ်းသီးစိမ်းကို အမှည့်အထိ မထားပဲ ရောင်းချကြောင်း သိရသည်။ ကွမ်းသီးစိမ်း ၁ပင်လျှင် ၁ခိုင်သာ ထွက်ရှိပြီး ကွမ်းသီးအလုံးရေ ၂၀၀-၃၀၀ကြားထွက်ရှိသည်။ ရာသီကကွမ်းသီးအရင့်တစ်လုံးကိုပျမ်းမျှ (၁၇၀)ကျပ် စျေးရှိနေချိန်တွင် ကွမ်းသီးနု ကွမ်းသီးတစ်လုံးလျှင် အနည်းဆုံး (၅၀၀) ကျပ်ပေးကာဝယ်ယူနေပြီး အခြောက်ကဲ့သို့ ကုန်ကျစရိတ်မရှိပဲ စျေးကောင်းပေးဝယ်ယူနေသဖြင့် ကွမ်းသီးခြံလုပ်ငန်းရှင်များမှာ ကွမ်းသီးအနုများ ရောင်းချရန်စိတ်ဝင်စားလာကြသည်။

            စိုက်ပျိုးမှု ကုန်ကျစရိတ် သိန်း ၅၀ နီးပါး ကုန်ကျခဲ့ကြောင်း သိရသည်။ ကွမ်းသိန်းအရည်သောက် (ခေါ်) ကွမ်းသီးအနုကို နှစ်စဉ် တန်ခူးလတွင် ဝယ်လက်ကုန်သည်များမှ လာရောက်ဝယ်ယူကြပြီး ၂၀၁၈ ခုနှစ်ကတည်းက တစ်နှစ်ကို သိန်း ၂၀ အထိ ရောင်းချရကြောင်းနှင့် ၂၀၂၀ခုနှစ်နောက်ပိုင်း ၁နှစ်ကို  သိန်း ၄၀ အထိ ပိုမိုဈေးကောင်း၍ ရောင်းချရခဲ့ပြီး ယနေ့ ၂၀၂၅ခုနှစ် တွင် ဈေးပိုမိုကောင်းနေ၍ သိန်း ၇၀ထိ ရောင်းချနိုင်မည်ဖြစ်ကြောင်းကို စိုက်ပျိုးရေခြံပိုင်ရှင် ဦးလှအုန်းထံမှ သိရှိရပါသည်။

DOCA (ဧရာဝတီ)

          ပဲခူးတိုင်းဒေသကြီး၊သာယာဝတီခရိုင်၊မင်းလှမြို့နယ်ရှိ ပဲဈေးကွက်အနေဖြင့် ဖေဖော်ဝါရီလ နောက်ဆုံးပတ်နှင့်မတ်လပထမပတ်တို့တွင် မတ်ပဲ((၂၀)ပိဿာတစ်တင်းကို ၉၉၀၀၀/ကျပ်ရှိခဲ့ပြီး မတ်လဒုတိယပတ်တွင် ၉၆၃၀၀ ကျပ်ရှိခဲ့ရာ အနည်းငယ်ကျဆင်းသွားကြောင်း  ပဲငပိ (၂၀)ပိဿာ တစ်တင်းကို ၁၁၂၀၀၀ကျပ်၊ကုလားပဲ(၂၀)ပိဿာတစ်တင်းလျှင် ၆၉၀၀၀ကျပ်၊စားတော်ပဲတစ်ပြည်ကို ၉၀၀၀ကျပ်၊ပဲဖြူသေးတစ်ပြည်လျှင် ၁၁၀၀၀ကျပ်၊ဘိုကိတ်တစ်ပြည်လျှင် ၇၅၀၀ ကျပ်၊ပဲနီစေ့တစ်ပြည် လျှင် ၇၅၀၀ကျပ်တို့ဖြင့် အရောင်းအဝယ်ဖြစ်နေကြောင်း ဈေးအတွင်းပဲမျိုးစုံရောင်းချနေသော ဆိုင်ရှင် တစ်ဦးထံမှသိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊သာယာဝတီခရိုင်၊အုတ်ဖိုမြို့နယ် ယခုနှစ်မတ်လပထမပတ်မှစ၍အလှူအတန်း များပေါများသဖြင့် ငါးခြောက်ဈေးကွက်များ အရောင်းအဝယ်သွက်လျက်ရှိကြောင်း မြို့မဈေးကြီး အတွင်းငါးခြောက်ကုန်သည်ကြီးများထံမှ သိရှိရပါသည်။ အများအားဖြင့်ငါးအသားခြောက်၊ငါးတံခွန် ခြောက်များ ပိုမိုရောင်းရပြီး ငါးခြောက်ထောင်းပြုလုပ်ရန် ဝယ်ယူလျက်ရှိကြကြောင်း ရန်ကုန်မှမှာယူ ရောင်းချကြောင်းသိရှိရပါသည်။

      ငါးခြောက်ဈေးများအနေဖြင့် ငါးအသားမြှောင်းခြောက် ၄၆၀၀၀၊ငါးတံခွန်ခြောက် ၂၈၀၀၀ ကျပ် မှ၃၀၀၀၀ ကျပ်၊ငါးပုလွေခြောက် ၂၇၀၀၀၊ငါးပုတ်သင်အလုံး ၂၆၀၀၀ ကျပ်၊ငါးပုတ်သင်အခြမ်း ၃၀၀၀၀ ငါးဝက်မခြောက် ၂၄၀၀၀ ကျပ်၊ပုဇွန်ခြောက် ၆၀၀၀၀ကျပ်မှ၇၅၀၀၀ကျပ်၊အာဗြဲခြောက် ၂၀၀၀၀ကျပ် ငါးနီတူခြောက် ၁၈၀၀၀ ကျပ်ဖြင့် တစ်ပိဿာဈေးနှုန်းရောင်းချကြပြီး  ဖောက်သည်ဈေးအနေဖြင့် ပိဿာ(၁၀)အထက်ဝယ်ပါက ၁၀%လျော့ပေးပြီး ရောင်းဝယ်ကြကြောင်း သိရှိရပါသည်။

DOCA(ပဲခူး)