ပြည်တွင်းကုန်သွယ်မှုသတင်း

   ကန့်ဘလူခရိုင်၊ ကန့်ဘလူမြို့တွင် စိုက်ပျိုးရေးကို အဓိကလုပ်ကိုင်လျက်ရှိသော ပြည်သူများရှိသလို စာဝတ်နေရေးအတွက် စိုက်ပျိုးရေးမဟုတ်ပဲ ကျရာပင်ပေါက် လုပ်ကိုင်ရသော လက်လုပ် လက်စားသမားလေးများလည်းရှိပါသည်။ ထိုလက်လုပ်လက်စားလုပ်ငန်း လုပ်ကိုင်ပြီး မိသားစု စားဝတ်နေရေးအတွက် တောတောင်ဒေသကိုအမှီပြု၍ ရာသီအလိုက် ပေါက်ရောက်သော သီးနှံများ ဖြစ်သည့် မျှစ်ရာသီ မျှစ်ချိုးခြင်း၊ မှိုရာသီ မှိုရှာခြင်းနှင့် နှမ်း၊ နေကြာပွင့်ချိန်တွင် ပျားဖွတ်၍ ပျားရည်နှင့် ပျားသလက် ရှာဖွေသည့် လုပ်ငန်းကိုလည်း လုပ်ကိုင်လျက်ရှိသည့်အနက် ယခု အချိန် တွင် နေကြာပန်းများနှင့် ပန်းမျိုးစုံပေါသည့်ရာသီဖြစ်သည့်အတွက် ပျားရည်ပေါသော အချိန်ဖြစ် ၍ ရှာဖွေရရှိလာသော ပျားသလက် နှင့် ပျားရည်ကို ကန့်ဘလူမြို့မဈေးသို့ လာရောက်ရောင်းချကြပါသည်။

   ယခု ဧပြီလ ပထမအပတ် ကန့်ဘလူမြို့မဈေးတွင် ရောင်းချနေသော ပျားရည်ဈေးနှုန်းအနေဖြင့် ပျားရည် တစ်ပိဿာလျှင်(၃၅၀၀၀)ကျပ်နှုန်း၊ ပျားရည်(၄၀)ကျပ်သားဝင် ပုလင်း တစ်လုံးလျှင် (၁၅၀၀၀)ကျပ်၊ ပျားရည်(၂၀)ကျပ်သား ဂျပ်ပြားပုလင်း တစ်လုံးလျှင်(၈၀၀၀)ကျပ် နှင့် ပျားရည်(၁၀) ကျပ်သား ဂျပ်ပြားပုလင်း တစ်လုံးလျှင်(၄၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း  ပျားရည်ရောင်းချနေသည် ဈေးသည်တစ်ဦးထံမှ သိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ ကျွန်းလှမြို့ သစ်ရာမြိုင်ဈေးတွင် မိသားစု စားဝတ်နေရေးတွက်  မိမိတို့ဒေသထွက်ကုန်များအပြင် အခြားဒေသမှဝင်ရောက်သည့် စားသောက်ကုန်ပစ္စည်းများကို ရောင်းချလျက်ရှိကာ ဈေးဝယ်သူများနှင့်စည်ကားလျက်ရှိပြီး ယခုအခါ ကျွန်းလှမြို့၊ သစ်ရာမြိုင်ဈေး တွင် ရာသီပေါ် ညောင်ရွက်များ စတင်ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ ဧပြီလ ပထမပတ်အတွင်း ကျွန်းလှမြို့၊ သစ်ရာမြိုင်ဈေးတွင်ရောင်းချနေသည့်  ညောင်ရွက်ဈေးနှုန်းမှာ ‌‌ညောင်ရွက်အစိမ်း(၁)ပုံလျှင်(၅၀၀)ကျပ်၊ ညောင်ရွက်ပြုတ်(၁၀)ကျပ်သားခန့် (၁)လုံးလျှင်(၅၀၀)ကျပ် နှင့် ညောင်ရွက်ပြုတ်(၁)ပိဿာလျှင်(၄၈၀၀)ကျပ်တို့ဖြင့်ရောင်းချကြောင်း၊ ညောင်ရွက်များကို ကျွန်းလှမြို့ပေါ်ရပ်ကွက်များ၊ ရှမ်းစုကျေးရွာ၊ ကန့်ဘလူမြို့နယ် ပေကုန်းကျေးရွာတို့နှင့် အခြားသောကျေးရွာများမှ လာရောက်ရောင်းချလျက်ရှိပြီး ပေါ်ဦးပေါ်ဖျားဖြစ်သည့်အတွက် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသည့် လုပ်ငန်းရှင်များထံမှ သိရသည်။

DOCA(စစ်ကိုင်း)

   ကန့်ဘလူမြို့နယ်အတွင်း လမ်းပန်းဆက်သွယ်ရေး အခက်ခဲများကြောင့်  ကုန်ဈေးနှုန်းများ အနည်းငယ်မြင့်တက်လျက်ရှိရာမှ အသားငါးဈေးနှုန်းများထဲမှ ငါးရံ့ဈေးနှုန်းသည်လည်း မြင့်တက်လျက်ရှိပါသည်။

   ငါးရံ့များသည် ကန့်ဘလူခရိုင်အတွင်း ထွက်ရှိခြင်းဖြစ်ပြီး ကန့်ဘလူမြို့နယ်၊ ကျွန်းလှမြို့နယ်တို့မှ ဝယ်ယူရောင်းချကြောင်း ငါးသည်ထံမှ သိရှိရပါသည်။ ငါးရံ့ကို  စားသုံးသူပြည်သူများက အသားကျစ်လစ်၍ အရိုးနည်းသည့်အတွက် စားသုံးမှုများသလို ငါးရံ့ကို ငါးဒိုင်များနှင့် ငါးသည်များက ငါးရံ့ကို အခြောက်လှမ်းပြီး ငါးရံ့‌ခြောက်ကိုလည်း ရောင်းကြပါသည်။ ငါးရံ့‌‌ခြောက်ကိုတော့  ထမင်းဆိုင်များ၊ စားသောက်ဆိုင်များနှင့် လူကြီးများကန်တော့ရန် လက်ဆောင်ပေးရန်အတွက် အသုံးပြုကြသည့်အတွက် ငါးရံ့များ အရောင်းအဝယ်ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ ဧပြီလ ပထမအပတ်တွင် ကန့်ဘလူမြို့၏ ငါးရံ့ ဈေးနှုန်းများ အနေဖြင့် ငါးရံ့(အကြီး)တစ်ပိဿာလျှင်(၃၀၀၀၀)ကျပ်၊(၅၀)ကျပ်သားလျှင်(၁၅၀၀၀)ကျပ်နှင့် (၂၅)ကျပ်သားလျှင် (၈၀၀၀)ကျပ်၊ ငါးရံ့(အ‌သေး)တစ်ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင်(၁၀၀၀၀)ကျပ် (၂၅)ကျပ် သားလျှင် (၅၀၀၀)ကျပ်၊ ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း ငါးသည်ထံမှ သိရပါသည်။

DOCA(စစ်ကိုင်း)

   ကန့်ဘလူမြို့နယ်တွင် စိုက်ပျိုးရေး၊ မွေးမြူရေးလုပ်ငန်းများ လုပ်ကိုင်လျက်ရှိရာမှ  စားဖိုဆောင်သီးနှံများကို ရာသီအလိုက်စိုက်ပျိုးကြပြီး မိမိတို့မိသားစု စားသုံးပြီး ပိုလျှံမှုများကို မြို့မစည်ပင်သာယာဈေးကွက်အတွင်းသို့ ရောင်းချကြသည့်အတွက် မိမိတို့ ကန့်ဘလူဒေသထွက် ခရမ်းချဉ်သီးများ ဈေးကွက်အတွင်းသို့ ဝင်ရောက်ကာ လှိုင်လှိုင်ထွက်ရှိလာသည့်အတွက် ဈေးသက်သာပြီး လတ်ဆတ်သော ဒေသတွင်း ခရမ်းချဉ်သီးများကိုသာ မှာယူရောင်းချလျက်ရှိကြောင်း သိရပါသည်။

    ၂၀၂၅ ခုနှစ်၊ ယခု ဧပြီလ ပထမအပတ်တွင် ဒေသထွက် ခရမ်းချဉ်သီး ဈေးနှုန်းအနေဖြင့် ထိုင်ဝမ် ခရမ်းချဉ်သီး အလုံး အကြီး/အသေးပေါ် မူတည်၍ တစ်ပိဿာလျှင်(၁၀၀၀)ကျပ်၊ (၅၀)ကျပ်သားလျှင် (၅၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကန့်ဘလူမြို့ ကုန်စိမ်းသီးနှံ အရောင်းအဝယ်လုပ်နေသူများထံမှ သိရှိရပါသည်။

DOCA(စစ်ကိုင်း)

  စစ်ကိုင်းတိုင်းဒေသကြီး၊ ကျွန်းလှမြို့ သစ်ရာမြိုင်ဈေးတွင် မိမိတို့ဒေသထွက်ကုန်များအပြင် အခြားဒေသမှဝင်ရောက်သည့် စားသောက်ကုန်ပစ္စည်းများကို ရောင်းချလျက်ရှိကာ ဈေးဝယ်သူများနှင့်စည်ကားလျက်ရှိပြီး ယခုအခါ ကျွန်းလှမြို့၊ သစ်ရာမြိုင်ဈေးတွင် ရာသီပေါ် ကုက္ကိုရွက်များ စတင်ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ ဧပြီလ ပထမပတ်အတွင်း ကျွန်းလှမြို့၊ သစ်ရာမြိုင်ဈေးတွင်ရောင်းချနေသည့်  ကုက္ကိုရွက်(၁)စည်းလျှင် ၅၀၀ကျပ်၊ ကုက္ကိုရွက်ပြုတ်(၁၀)ကျပ်သားခန့် (၁)လုံးလျှင်(၅၀၀)ကျပ် တို့ဖြင့် ရောင်းချကြောင်း၊ ကုက္ကိုရွက်များကို ကျွန်းလှမြို့ပေါ်ရပ်ကွက်များ၊ ရှမ်းစုကျေးရွာ၊ ကန့်ဘလူမြို့နယ် ပေကုန်းကျေးရွာတို့နှင့် အခြားသောကျေးရွာများမှ လာရောက်ရောင်းချလျက်ရှိပြီး ပေါ်ဦးပေါ်ဖျားဖြစ်သည့်အတွက် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသည့် လုပ်ငန်းရှင်များထံမှ သိရသည်။

DOCA(စစ်ကိုင်း)