ပြည်တွင်းကုန်သွယ်မှုသတင်း

     အောက်တိုဘာလ နောက်ဆုံးပတ်တွင် မြိတ်မြို့နယ်ဈေးကွက်အတွင်း ရောင်းချနေသော အခြေခံစားကုန် (ကုန်ခြောက်)ဈေးနှုန်းများအနေဖြင့် ကြက်သွန်နီဆိုဒ်စုံတစ်ပိဿာလျှင် (၂၀၀၀မှ ၂၃၀၀)ကျပ်ထိ၊ ကြက်သွန်ဖြူ(ရှမ်းစ) တစ်ပိဿာလျှင် (၉၀၀၀မှ၁၀၀၀၀)ကျပ်၊ ငရုတ်ရှည်တစ် ပိဿာလျှင် (၁၄၀၀၀မှ၁၅၀၀၀)ကျပ်၊ ကုလားပဲခြမ်းတစ်ပိဿာလျှင် (၈၀၀၀)ကျပ်၊ မန်ကျည်းသီး တစ်ပိဿာလျှင်(၁၁၀၀၀)ကျပ်၊ ဆားတစ်ပိဿာလျှင်(၁၂၀၀)ကျပ်၊ သကြားတစ်ပိဿာလျှင် (၅၅၀၀ မှ၆၀၀၀)ကျပ်၊ အာလူးတစ်ပိဿာလျှင် (၈၀၀၀)ကျပ်၊ ချင်းတစ်ပိဿာလျှင် (၆၅၀၀)ကျပ်၊ မြေပဲဆံ တစ်ပိဿာလျှင် (၁၂၀၀၀)ကျပ်၊ ကြက်သား(cp)တစ်ပိဿာလျှင် (၂၄၀၀၀)ကျပ်မှ(၂၅၀၀၀)ကျပ်၊ ဗမာကြက်တစ်ပိဿာလျှင် (၃၀၀၀၀)ကျပ်မှ(၃၁၀၀၀)ကျပ်၊ ဝက်သားတစ်ပိဿာလျှင် (၃၅၀၀၀) ကျပ်မှ(၃၆၀၀၀)ကျပ်၊ အမဲသားတစ်ပိဿာလျှင်(၂၆၀၀၀)ကျပ်၊ ဆိတ်သားတစ်ပိဿာလျှင် (၃၈၀၀၀) ကျပ် ဖြစ်ကြောင်း စည်ပင်သာယာဆိပ်ငယ် ဈေးကြီးအတွင်း အရောင်းအဝယ်ဖြစ်လျက်ရှိကြောင်း သိရှိရသည်။

DOCA(တနင်္သာရီ)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးနှင့် အသီးမျိုးစုံရောင်း ချနေသော သစ်သီးဆိုင်များတွင် တည်သီးနှင့် ထောပတ်သီးများကို အများအပြားရောင်းချနေ ကြကြောင်းသိရသည်။ တည်သီးနှင့် ထောပတ်သီးများကို မန္တလေးမြို့ရှိ သစ်သီးပွဲရုံများမှမှာ ယူရောင်းချလျက်ရှိ‌ကြောင်း သိရသည်။

         တည်သီးသည် လိမ္မော်ရောင်တောက်တောက်လေးနဲ့ အညှာတံစိမ်းစိမ်းလေး သို့မဟုတ် ခပ်ညိုညိုအရောင်လေးကြောင့်  မျက်စိထဲမှာ စွဲဆောင်မှုရှိပြီး ခန္ဓာကိုယ်အတွက် အထောက်အကူ ပြုကာ ချိုချိုကြွပ်ကြွပ်လေးနဲ့ အရသာလေးလေးပင်ပင်ရှိသောကြောင့် လူကြိုက်များပြီး  သရေစာ အဖြစ် လူကြီးလူငယ် မရွေးဝယ်ယူ စားသုံးကြကြောင်း၊ ထောပတ်သီးမှာ ကျန်းမာရေးအတွက် အထောက်အကူများစွာပြုသော အသီးဖြစ်သောကြောင့်  အဖျော်ရည်ပြုလုပ်ကာ  သရေစာ အဖြစ်လည်းစားသုံးကြကြောင်း၊  ၂၀၂၅ ခုနှစ်၊ အောက်တိုဘာလ စတုတ္ထပတ်အတွင်း တည်သီး ဈေးနှုန်းမှာ တည်သီးအကြီး(၁)လုံးလျှင် (၁၇၀၀) ကျပ်နှင့် တည်သီး(၆)လုံးလျှင်(၁၀၀၀၀)ကျပ် ၊ အသေး(၁)လုံးလျှင် (၁၀၀၀)ကျပ်နှင့် ထောပတ်သီးအကြီး(၁)လုံးလျှင် (၁၀၀၀)ကျပ်နှင့် အသေး (၁)လုံးလျှင်(၇၀၀)ကျပ်ဖြင့်  အရောင်းအဝယ်ဖြစ်လျက်ရှိကြောင်း ကန့်ဘလူမြို့တွင်ရောင်းချ လျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ်သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများသာမက ယခုအခါ မြန်မာ့ရိုးရာ တရော်ကင် ပွန်းခေါင်းလျှော်ရည်များကိုလည်း ရောင်းချလျက်ရှိကြောင်းသိရသည်။ တရော်ကင်ပွန်းသည်ရှေး မြန်မာမင်းများ လက်ထက်ကပင် အသုံးပြုခဲ့ကြသော မြန်မာ့ရိုးရာ ခေါင်းလျှော်ရည်တစ်မျိုးပင်ဖြစ် သည်။ မြန်မာ့ရိုးရာ တရော်ကင်ပွန်းခေါင်းလျှော်ရည်ပြုလုပ်ရာတွင် တရော်အခေါက်ကို ကင်ပွန်းသီး နှင့်ရော၍ အသုံးပြုကြကြောင်း သိရသည်။

  မြန်မာ့ရိုးရာတရော်ကင်ပွန်းခေါင်းလျှော်ရည်ကို ကန့်ဘလူမြို့ပေါ်ရှိဒေသခံများမှ လာရောက် ရောင်းချကြကြောင်း၊ ၂၀၂၅ခုနှစ်၊ အောက်တိုဘာလ စတုတ္ထပတ်အတွင်း ကန့်ဘလူမြို့မဈေးတွင် ရောင်းချနေသည့် တရော်ကင်ပွန်းခေါင်းလျှော်ရည်ဈေးနှုန်းများမှာ အကြီး(၁)ထုပ်လျှင် (၅၀၀)ကျပ်၊ အသေး(၁)ထုပ်လျှင်(၃၀၀)ကျပ်ဖြင့် ရောင်းချလျက်ရှိကြောင်း၊ မြန်မာ့ရိုးရာ တရော်ကင်ပွန်းခေါင်း လျှော်ရည်ကို အိမ်သန့်ရှင်းဆေးကြောခြင်း၊ ဦးခေါင်းဆေးမင်္ဂလာပြုခြင်း၊ မြန်မာ့ရိုးရာအစဉ်အလာ ဖြစ်သည့်သင်္ကြန်တွင်းနှစ်သစ်တွင် ဘိုးဘွားများအားခေါင်းလျှော်၍ ကုသိုယ်ပြုရာတွင်လည်းကောင်း အသုံးပြုကြကြောင်း၊ ယခုအခါ အမျိုးသမီးအများစုသည် ဆံကေသာနက်မှောင်သန်စွမ်းစေရန်အ တွက်သဘာဝထုတ်ကုန်ဖြစ်သည့် တရော်ကင်ပွန်းခေါင်းလျှော်ရည်များကို ဝယ်ယူသုံးစွဲလျက်ရှိ ကြောင်း တရော်ကင်ပွန်းခေါင်းလျှော်ရည်ရောင်းချသူထံမှ သိရှိရပါသည်။

DOCA(စစ်ကိုင်း)

  စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးတွင် ဝက်အူချောင်းများ ရောင်းချလျက်ရှိပါသည်။ ဝက်အူချောင်းများကို ရေဦးမြို့မှ မှာယူရောင်းချလျက်ရှိကြောင်းသိရပါ သည်။

   ဝက်အူချောင်းသည် လျင်မြန်စွာချက်ပြုတ်စားသောက်နိုင်သည့်အတွက်  အချိန်ကုန်သက် သာစေသောအစားအစာတစ်မျိုးဖြစ်ပါသည်။ဝက်အူချောင်းများကို စားသောက်ဆိုင်များနှင့်ထမင်း ဆိုင်များမှလည်းကောင်း၊ အိမ်ရှင်မများဟင်းချက်ရာတွင်လည်းကောင်း အများဆုံးအသုံးပြုကြ ကြောင်း၊၂၀၂၅ခုနှစ်၊ အောက်တိုဘာလ တတိယပတ်အတွင်း ရောင်းချခဲ့သော ဝက်အူချောင်းဈေး နှုန်းမှာဝက်အူချောင်း(၁)ပိဿာလျှင်(၄၆၀၀၀)ကျပ်၊ (၅၀)ကျပ်သားလျှင်(၂၃၀၀၀)ကျပ်၊(၁၀)ကျပ် သားလျှင်(၄၆၀၀)ကျပ်ရှိခဲ့ပြီး ၂၀၂၅ခုနှစ်၊ အောက်တိုဘာလ စတုတ္ထပတ်အတွင်း ရောင်းချလျက် ရှိသော ဝက်အူချောင်းဈေးနှုန်းမှာ ဝက်အူချောင်း(၁)ပိဿာလျှင်(၄၇၀၀၀)ကျပ်၊ (၅၀)ကျပ်သား လျှင်(၂၃၅၀၀)ကျပ်၊ (၁၀)ကျပ်သားလျှင်(၄၇၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊  ယခင်အပတ်နှင့်နှိုင်းယှဉ်ပါက လူကြီးလူငယ်မရွေး ကြိုက်နှစ်သက်သောကြောင့် ရောင်းအား ကောင်းကြောင်း ဝက်အူချောင်း ရောင်းချသူထံမှ သတင်းရရှိပါသည်။

   စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ရှိ မြို့မဈေးတွင် ရာသီပေါ်သီးနှံ များ၊ အသားမျိုးစုံနှင့် ဒေသထွက်ငါးအမျိုးမျိုးကိုလည်း‌ ရောင်းချလျက်ရှိရာ ငါးဖယ်မှာလည်း အပါအဝင်ဖြစ်ပါသည်။ ငါးဖယ်များကို ကန့်ဘလူမြို့နယ်နှင့် ကျွန်းလှမြို့နယ်များမှ ဝင်ရောက် လျက်ရှိပြီး ငါးဖယ်ကို  အကောင်အတိုင်းရောင်းချမှုအပြင် အသားကိုခြစ်၍လည်း ငါးဖယ်ခြစ်အဖြစ်ရောင်းချလျက်ရှိကြောင်း၊ငါးဖယ်ခြစ်မှာ  အရိုးမပါသဖြင့် ချက်ပြုတ်သူအိမ်ရှင်မများအတွက် လွယ်ကူကောင်းမွန်သော ငါးတစ်မျိုးဖြစ်သည်။

  ၂၀၂၅ ခုနှစ်၊ အောက်တိုဘာလစတုတ္ထပတ် အတွင်းရောင်းချလျက်ရှိသော ငါးဖယ်အကောင်လိုက်ဈေးနှုန်းမှာ ငါးဖယ်အကောင်လိုက်(၁)ပိ ဿာလျှင် (၁၆၀၀၀)ကျပ်၊ (၅၀)ကျပ်သားလျှင် (၈၀၀၀)ကျပ်၊ (၂၅)ကျပ်သားလျှင် (၄၀၀၀)ကျပ် နှင့်ငါးဖယ်ခြစ်(၁)ပိဿာလျှင် (၃၅၀၀၀)ကျပ်၊ (၅၀)ကျပ်သားလျှင် (၁၇၅၀၀)ကျပ်၊ (၁၀)ကျပ် သားလျှင်(၃၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ငါး၊ပုဇွန်ရောင်းဝယ်ရေးလုပ်ငန်း ရှင်ထံမှ သတင်းရရှိပါသည်။

DOCA(စစ်ကိုင်း)