ပြည်တွင်းကုန်သွယ်မှုသတင်း

         မန္တလေးပန်းစျေးကွက်သို့ ပြင်ဦးလွင်ခရိုင်နှင့် ရှမ်းပြည်နယ်တို့မှထွက်ရှိသည့် လီလီပန်းများ စတင်ဝင်ရောက်ျက်ရှိပြီး၊ နတ်တော်လအခါသမယကာလတွင် အရောင်းသွက်လျက်ရှိကြောင်း သိရှိရပါသည်။ စျေးကွက်အတွင်း အများဆုံးတွေ့ရသော လီလီပန်းများမှာ အဖြူရောင်၊ပန်းရောင်၊ လိမ္မော်ရောင်၊ ချယ်ရီရောင်အမျိုးမျိုးတွေ့ရှိရပါသည်။ ၂၀၂၅ ခုနှစ် နိုဝင်ဘာလစတုတ္ထပတ်အတွင်း လက်လီစျေးအနေဖြင့် အပွင့်ကြီးတစ်ရိုး(၄ ပွင့်နှင့် ၇ ပွင့်ပါ) တစ်ခက်လျှင် ၈၀၀၀ ကျပ်နှင့် ၁၀၀၀၀ ကျပ်၊ အပွင့်သေးတစ်စီး(၁၀ ခက်ပါ )လျှင်  ၅၅၀၀ ကျပ်နှင့် ၇၀၀၀ ကျပ်အသီးသီးဖြင့် ရောင်းချလျက်ရှိကြောင်း မန္တလေးမြို့၊ စျေးချိုတော်ရှိ ပန်းစျေးကွက်အတွင်းမှ သိရှိရပါသည်။

DOCA(မန္တလေး)

      မန္တလေးစျေးကွက်သို့ နတ်တော်လတွင် ဝင်ရောက်သည့် မုန်ညင်းဖြူကုန်စိမ်းများမှာ မန္တလေးတိုင်း‌ဒေသကြီး၊ စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ အများအပြား ဝင်ရောက်လျက်ရှိကြောင်း သိရှိရပါသည်။ ဆောင်းဦးရာသီချိန်ဖြစ်၍ မုန်ညင်းဖြူကုန်စိမ်းဝင်ရောက်မှုများပြားသည့်အတွက် စျေးအနည်းငယ်ကျဆင်းသွားကြောင်း သိရှိရပါသည်။ ၂၀၂၅ ခုနှစ်နိုဝင်ဘာလ တတိယပတ်အတွင်း  မုန်ညင်းဖြူ တစ်ပိဿာလျှင် လက္ကားစျေး ၂၅၀ဝိ/- နှင့် ၃၀၀ဝိ/- ကျပ်၊ လက်လီစျေး  ၃၅၀ဝိ/- နှင့် ၄၀၀ဝိ/-စျေးဖြင့် ရောင်းချလျက်ရှိပြီး အရောင်းသွက်လျက်ရှိကြောင်း သိရှိရ ပါသည်။

DOCA(မန္တလေး) 

      ကျောက်ပန်းတောင်းမြို့နယ်တွင် စက်သုံးဆီအရောင်းဆိုင်(၃၁)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ်ရောင်းချလျက်ရှိရာ ၂၀၂၅ခုနှစ်၊ နိုဝင်ဘာလ(၂၁)ရက်နေ့ စက်သုံးဆီ တစ်လီတာအရောင်း ဈေးနှုန်းများအနေဖြင့် 92 Octance(၂၇၄၅)ကျပ်၊ 95 Octance(၂၈၄၀)ကျပ်၊ ရိုးရိုးဒီဇယ် (၂၇၀၀)ကျပ်၊ ပရီမီယမ်ဒီဇယ်(၃၂၄၀)ကျပ်ဝန်းကျင်ဖြင့် ရောင်းချလျက်ရှိကြောင်း သိရှိရသည်။

      စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ ၂၁-၁၁-၂၀၂၅ ရက် နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးများမှာ 92 Octance (၂၇၁၅)ကျပ်၊ 95 Octance(၂၇၉၀)ကျပ်၊ ရိုးရိုးဒီဇယ်(၂၆၇၀)ကျပ်၊ ပရီမီယမ်ဒီဇယ်(၃၂၁၀)ကျပ် ဖြစ်ကြောင်းသိရှိရသည်။သတ်မှတ်ရည်ညွှန်းဈေး များသည် ယခင်အပတ်နှင့်နှိုင်းယှဉ်ပါက 92 Octance တစ်လီတာလျှင် (၁၅)ကျပ်၊ 95 Octance တစ်လီတာလျှင်(၁၅)ကျပ်၊ ရိုးရိုး ဒီဇယ်တစ်လီတာလျှင် (၁၅)ကျပ်၊ ပရီမီယမ်ဒီဇယ်တစ်လီတာလျှင်(၁၀) ကျပ်တို့ ဈေးနှုန်းမြင့်တက်ခဲ့ကြောင်း သိရှိရသည်။

DOCA(မန္တလေး)                   

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့နယ်(မြစ်ခြေမြို့)၊ သရက်တောကျေးရွာတွင် ကြိမ်ထည်လုပ်ငန်းကို အဓိကလုပ်ကိုင်ကြပြီး "သဇင်"အမှတ်တံဆိပ်ကြိမ်ထည်လုပ်ငန်းမှာတစ်ခုအပါ အဝင်ဖြစ်သည်။ ယခင်က ကြိမ်ထည်လုပ်ငန်းကို အဓိက လုပ်ကိုင်ကြပြီး ယခုအခါတွင် တောင်သူ လုပ်ငန်းနှင့် တွဲလျက်လုပ်ကိုင်လျက်ရှိပါသည်။ ကြိမ်ထည်များကို ရက်လုပ်ရာတွင် ကချင်ပြည်နယ် မြစ်ကြီးနား၊ ချင်းပြည်နယ် ဟုမ္မလင်းမှ ထွက်ရှိသော ကြိမ်များကို အသုံးပြုခဲ့ကြပြီး ယခုအချိန်တွင် လမ်းပန်းဆက်သွယ်ရေးခက်ခဲသောကြောင့် မန္တလေးမှ ကြိမ်များကိုမှာ ယူပြီး လုပ်ကိုင်လျက် ရှိကြောင်း သဇင်ကြိမ်ထည်ရက်လုပ်သော လုပ်ငန်းရှင်မှ သိရှိရပါသည်။ အသုံးပြုသောကြိမ်များမှာ ဖောင်ကြိမ်၊ ‌ရေကြိမ်နှင့်လက်မဲကြိမ်များကို အသုံးပြုကြကြောင်း၊ ကြိမ်(၁)စည်းလျှင်ကြိမ်လုံးရေ (၅၀မှ၁၀၀) ထိပါဝင်ကြောင်း လုပ်ငန်းရှင်မှ သိရပါသည်။

          ဈေးနှုန်းအနေဖြင့်ဖောင်ကြိမ်(၅၀)ပါ (၁)စည်းလျှင် ကျပ်(၂၅၀၀၀)၊ ရေကြိမ်(၅၀)ပါ (၁)စည်း လျှင် ကျပ်(၅၀၀၀၀)၊ လက်မဲကြိမ်(၅၀)ပါ (၁)စည်းလျှင် ကျပ်(၁၀၀၀၀၀)ဖြင့်ဝယ်ယူရကြောင်း၊ လုပ်သားခအနေဖြင့် ပုတ်ပြတ်တစ်ဦးလျှင် ကျပ်(၇၀၀၀မှ၈၀၀၀)ထိဖြစ်ပြီး လုပ်သားဦးရေ (၁၅)ဦးဖြင့် လုပ်ကိုင်နေကြောင်း၊ ကြိမ်ထည်ဈေးနှုန်းအနေဖြင့် ဇကာခုံး အရွယ်အစားကိုလိုက်၍ (၁)လုံးလျှင် ကျပ်(၁၅၀၀၀ မှ ၁၉၅၀၀)၊ ဗန်းအရွယ် အစားကိုလိုက်၍ (၁)ချပ်လျှင် ကျပ်(၁၇၀၀၀ မှ ၂၅၀၀၀)ဖြင့် ရောင်းချနေပြီး၊ ဦးထုပ်(၁)လုံးလျှင် ကျပ်(၆၀၀၀)၊ ရေးနွေးဗန်းတစ်ချပ်လျှင် ကျပ်(၁၇၀၀)၊ အပူခံပြား တစ်ချပ်လျှင် ကျပ်(၁၀၀၀၀) ရောင်းချနေကြကြောင်း၊ ယခုလက်ရှိတွင် အသုံးများသောကြိမ်ထည် များမှာ ဇကာခုံး၊ ဦးထုပ်၊ ခြင်းလုံးများဖြစ်ပြီး ပြည်တွင်း ဈေးကွက် သာမက ပြည်ပဈေးကွက်များ သို့လည်း ကုမ္မဏီများမှတဆင့် တင်ပို့နေကြောင်း၊ ဗန်း၊ ရေနွေးဗန်း၊ အပူခံပြားများရက်လုပ်လျက်ရှိပြီး အပူခံပြားများကို အနောက်နိုင်ငံနှင့် တရုတ်နိုင်ငံသို့ တင်ပို့လျက်ရှိကြောင်း သိရသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ သရက်မြို့နယ်အတွင်းရှိ ကျေးရွာများဖြစ်သော ရေပေါ် ကျွန်း၊ စမ်းအိုင့်၊ သီးကုန်း၊ ရွာသစ်၊ ကျောက်အိုင် စသည့်ကျေးရွာများမှ ထွက်ရှိသော တန်ဆောင်မုန်း ပဲသီးများကို လူအများအပြား ကြိုက်နှစ်သက်၍ သရက်မြို့၊ မြို့မစည်ပင်သာယာဈေးနှင့် အခွန်လွတ် ဈေးများတွင် အရောင်းအဝယ်ဖြစ်လျက်ရှိကြောင်း သိရသည်။

    ၂၀၂၅ခုနှစ်၊ နိုဝင်ဘာလ (ပထမပတ်)မှစတင်၍ တန်ဆောင်မုန်းပဲသီးများ ထွက်ရှိခဲ့ပြီး (တတိယ ပတ်)တွင် ပဲသီးအတောင့် (၁၅)တောင့်ပါ တစ်စီးလျှင် ကျပ်(၃၀၀)ဖြင့် ရောင်းချလျက်ရှိပြီး ယခင် (ဒုတိယပတ်)နှင့်နှိုင်းယှဉ်ပါက တစ်စီးလျှင် ကျပ်(၁၀၀)ဈေးလျော့ခဲ့ကြောင်း၊ ယခုအချိန်တွင် ပဲသီးများ ဖြိုင်ဖြိုင်ထွက်ရှိလျက်ရှိနေကြောင်း ပဲသီးရောင်းချသူများထံမှ သိရှိရပါသည်။ တန်ဆောင်မုန်း ပဲသီးဟု ခေါ်တွင်ရခြင်းမှာ တော်သလင်းလတွင်စတင်စိုက်ပျိုး၍ တန်ဆောင်မုန်းလတွင် ထွက်ရှိသော ရာသီ သီးနှံတစ်မျိုးလည်းဖြစ်ပါသည်။ပဲသီး၏ အပေါ်အခွံမှာအနည်းငယ် ကြမ်းတမ်းမှုရှိသော်လည်း သူ၏ အရသာမှာ နူးညံ့၍ဒေသတွင်းထွက်ရှိသော သီးနှံဖြစ်ပါသဖြင့် လတ်ဆတ်ခြင်း၊ အရည်သွေးကောင်းမွန် ခြင်းတို့ကြောင့် မူလသီးနှံ၏အရသာကြောင့် ချက်ပြုတ်ရာတွင် ဟင်းခပ်မှုန့် အကူများထည့်စရာ မလိုဘဲ မူလအရသာတိုင်းချက်ပြုတ်ပါက ရာသီစာဟင်းတစ်ခွက်ရရှိ၍ နေ့စဉ်တိုင်းလိုစားသုံးဖြစ်သည့် ဟင်းတစ်ခွက် ဖြစ်ကြောင်း သိရှိရပါသည်။

DOCA(မကွေး)