ပြည်တွင်းကုန်သွယ်မှုသတင်း

               ခံသီးပင်သည် အပူပိုင်းဒေသများတွင် ပေါက်ရောက်ကြောင်း၊ တစ်နှစ်လျှင်နှစ်ရာသီ အသီးများထွက်ရှိကြောင်း၊ ဆောင်းဦးကာလ၌ အောက်တိုဘာလ၊နိုဝင်ဘာလ၊ဒီဇင်ဘာလ တို့တွင် အသီးများထွက်ပေါ် ရင့်မှည့်ကြောင်း၊ အရသာမှာ ချိုချဉ်အရသာရှိကြောင်းသိရှိရသည်။ မြင်းခြံမြို့နယ် အတွင်းရှိ ရပ်ကွက်အချို့နှင့် ကျေးရွာများတွင်မိမိတို့၏ ခြံဝင်းများအတွင်း၌ ခံသီးပင်များကို စီးပွားဖြစ်တစ်နိုင်တပိုင်စိုက်ပျိုးကြကြောင်း၊ ၂၀၂၅ ခုနှစ်၊ နိုဝင်ဘာလ၌ အေးမြသီတာဈေးတွင် ရောင်းချနေသော ခံသီးအသီးနှံ(၂၅) ကျပ်သားလျှင်(၂၀၀၀) ကျပ်၊ တစ်ပိဿာလျှင်(၇၀၀၀)ကျပ် ပေါက်ဈေးများရှိကြောင်း၊ ပေါ်ဦးပေါ်ဖျားဖြစ်၍ ဈေးနှုန်းအနည်းငယ် မြင့်တက် လျက်ရှိကြောင်း၊ အသီးအရွယ်အစားနှင့် လတ်ဆတ် မှုအပေါ်မှုတည်၍ ဈေးနှုန်းများကွာခြားကြောင်း၊  ဆေးဖက်ဝင်သော ကြောင့် ဒေသအတွင်း ဈေးကွက်၌ အရောင်းအဝယ်သွက်လျက်ရှိကြောင်း ခံသီးရောင်းချသူ တစ်ဦးပြောပြချက် အရသိရ သည်။ အမျှင်ဓာတ်ကြွယ်ဝသဖြင့် ဝမ်းချုပ်ခြင်းကို ကာကွယ်ပေးပြီး အူလှုပ်ရှားမှု ကိုကောင်းမွန်ကြောင်း၊ စိတ်ဖိစီးမှုနှင့် အိပ်မပျော်ခြင်းကိုသက်သာစေပြီး သဘာဝအိပ်ဆေး အဖြစ် အသုံးပြုကြောင်း၊ ခံသီးပင်သည် အသီးအပြင် အခေါက်၊ အရွက်နှင့် အမြစ်များအားလုံးသည် ပဥ္စငါးပါးအတွက် ဆေးဖက်ဝင်ပြီး မြန်မာတိုင်းရင်းဆေးဖော်ရာတွင် လည်းအသုံးပြုကြကြောင်း သိရှိရပြီး၊ ဝင်ငွေရ၍ ဆေးဖက်ဝင်သော ခံသီးပင်များအား ပိုမိုစိုက်ပျိုးထားကြောင်းသိရှိရသည်။

DOCA(မန္တလေး)       

                MSMEလုပ်ငန်းများဖြစ်သော မုန့်ဖတ်(မုန့်တီ၊မုန့်ဟင်းခါး) လုပ်ငန်းများကို မြင်းခြံမြို့ပေါ်ရှိ ရပ်ကွက်များတွင် မိသားစုစားဝတ်နေရေးအတွက် စီးပွားဖြစ်တစ်နိုင်တစ်ပိုင် လုပ်ကိုင်ကြကြောင်း၊ ၂၀၂၅ ခုနှစ်၊ ယခုနိုဝင်ဘာလ၌ မုန့်ဖတ် (ဆန်ပြား၊မုန့်တီ၊မုန့်ဟင်းခါးဖတ်) ၅၀ ကျပ်သား လျှင်(၁၅၀၀)ကျပ်၊ တစ်ပိဿာလျှင်(၃၀၀၀)ကျပ်ခန့် ပေါက်ဈေးများဖြင့် ရောင်းချကြောင်း၊ ယခင်အောက်တိုဘာလ၌  မုန့်ဖတ် (ဆန်ပြား၊မုန့်တီ၊မုန့်ဟင်းခါးဖတ်) ၅၀ ကျပ်သား လျှင်(၁၃၀၀) ကျပ်၊ တစ်ပိဿာလျှင် (၂၅၀၀) ကျပ်ခန့်ပေါက်ဈေးများဖြင့်ရောင်းချခဲ့ကြောင်း၊ ယခင်လနှင့် နှိုင်း ယှဉ်ပါက ယခုလတွင် မုန့်တီ၊ မုန့်ဟင်းခါးဖတ် (၅၀)ကျပ်သားလျှင် (၂၀၀)ကျပ်၊ တစ်ပိဿာလျှင် (၅၀၀) ကျပ်ခန့်ဈေးနှုန်းများ မြင့်တက်ခဲ့ခြင်းဖြစ်ကြောင်း၊ ကုန်ကြမ်းများ သယ်ယူစရိတ် မြင့်တက်သောကြောင့် မုန့်ဖတ်ဈေးနှုန်းမြင့် တက်ခြင်းဖြစ်ကြောင်း၊ နေ့စဉ်ပုံမှန်ကုန်ချိန် (၁၀၀-၁၅၀) ပိဿာခန့်ရောင်း ကုန်ကြောင်း၊ ဈေးကွက်အနေဖြင့် မြို့ပေါ်ရှိရပ်ကွက်များနှင့် ကျေးရွာများမှ ဝယ်ယူစားသုံးကြကြောင်း၊ မု့န်တီ၊မုန့်ဟင်းခါး ရောင်းချသူများမှလည်းဝယ်ယူကြောင်း၊ အလှူပွဲ၊ မွေးနေ့ပွဲ၊ ဘုရားပွဲများတွင် အော်ဒါအမှာရှိပါက မုန့်ဖက်များပိုမိုထုတ်လုပ်ရောင်းချရကြောင်း MSME လုပ်ငန်းဖြစ်သောမုန့်ဖတ်  ထုတ်လုပ်မှုလုပ်ငန်းသည် တွင်တွင်ကျယ်ကျယ် အရောင်းအဝယ်ဖြစ်ကြောင်း မုန့်ဖတ်ထုတ်လုပ်သူ၏ ပြောပြချက်အရသိရှိရသည်။

DOCA(မန္တလေး)      

        မန္တလေးစျေးကွက်သို့ မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ ကျောက်ဆည်ခရိုင်နှင့် မိတ္တီလာခရိုင်တို့မှ ထွက်သည့်အသီးများနှင့် စစ်ကိုင်းတိုင်းဒေသကြီးတို့မှ ထွက်သည့်ဇီးဖြူသီးများ ဝင်ရောက်မှုလျော့နည်းကာ စျေးအနည်းငယ်မြင့်တက်သွားကြောင်း သိရှိရပါသည်။ ၂၀၂၅  ခုနှစ် နိုဝင်ဘာလစတုတ္ထပတ်အတွင်း ဖြစ်ပေါ်သည့်စျေးနှုန်းများမှာ  ဇီးဖြူသီး ၁၀လုံးလျှင် အလုံး (ကြီး) ၁၅၀၀ ကျပ်နှင့် ၁၇၀၀ကျပ်၊အလုံး(လတ်) ၁၂၀၀ ကျပ်နှင့် ၁၄၀၀ ကျပ်၊ အလုံး(သေး) ၈၀၀ကျပ်နှင့် ၉၀၀ ကျပ်စျေးတို့ဖြင့် ရောင်းချပြီး၊ အလုံးအရွယ်အစားအပေါ်မူတည်၍ စျေးကွာခြားမှုရှိကြောင်း သိရှိရပါသည်။ ဇီးဖြူသီးမှာ  အချဉ်သုတ်၍ ရောင်းချသူများမှ သုံးစွဲမှုများပြားသည့်အတွက် အရောင်းသွက်လျက်ရှိကြောင်း သီရိမာလာစျေးရှိ ကုန်စိမ်းရောင်းချသူတစ်ဦး၏ ပြောပြချက်အရ သိရှိရပါသည်။

DOCA(မန္တလေး)

       စျေးကွက်သို့ မန္တလေးတိုင်းဒေသကြီးအတွင်း တံတားဦးခရိုင်၊ ကျောက်ဆည်ခရိုင်၊ မြင်းခြံခရိုင်နှင့် ညောင်ဦးခရိုင်တို့မှ ထွက်သည့်ထန်းပင်မြစ်များနှင့် စစ်ကိုင်းတိုင်းဒေသကြီးတို့မှထွက်သည့် ထန်းပင်မြစ်များစတင်ဝင်ရောက်လာပြီး၊ အရောင်းသွက်လျက်ရှိကြောင်း သိရှိရပါသည်။ မန္တလေးစျေးကွက်အတွင်း မုံရွာဒေသမှထွက်ရှိသည့် ရွံ့စေးကပ်သည့်ရုက္ခစိုးထန်းမြစ်မှာ အသားထူ၍ ဝယ်ယူသူများကြိုက်နှစ်သက်‌ကာ အခြားဒေသထွက်ထန်းပင်မြစ်ထက် စျေးအနည်းငယ်မြင့်ကြောင်း သိရှိရပါသည်။ မန္တလေးစျေးကွက်တွင် ၂၀၂၅ ခုနှစ် နိုဝင်ဘာလစတုတ္ထပတ်အတွင်း ဖြစ်ပေါ်နေသည့် ထန်းပင်မြစ်စျေးနှုန်းများမှာ ၁စီး(၃၀ချောင်းပါ)လျှင် ၄၅၀၀ ကျပ်နှင့် ၅၀၀၀ ကျပ်ဖြစ်ပေါ်လျက်ရှိပြီး မုံရွာရွံ့စျေးကပ်(ရုက္ခစိုး)များမှာ ဒီဇင်ဘာလမှစတင်ဝင်ရောက်မည်ဖြစ်ကြောင်း ထန်းပင်မြစ် ကုန်သည်တစ်ဦး၏ ပြောပြချက်အရ  သိရှိရပါသည်။

DOCA(မန္တလေး)

          နတ်တော်လရာသီအချိန်ဖြစ်၍ မန္တလေးပန်းစျေးကွက်အတွင်း ပန်းကုံးမျိုးစုံဝင်ရောက်မှု များပြားလျက်ရှိပြီး၊ အရောင်းသွက်လျက်ရှိကြောင်း သိရှိရပါသည်။ စျေးကွက်အတွင်းသို့ မန္တလေးတိုင်းဒေသကြီးအတွင်း ပုသိမ်ကြီးမြို့နယ်၊ မတ္တရာမြို့နယ်၊ အမရပူရမြို့နယ်၊ ပြင်ဦးလွင်မြို့နယ်နှင့် ကျောက်ပန်းတောင်းမြို့နယ်(ပုပ္ပားဒေသ)နှင့် စစ်ကိုင်းတိုင်းဒေသကြီးတို့မှ ကုံးပန်းများဝင်ရောက်ကြောင်း သိရှိရပါသည်။ ၂၀၂၅ ခုနှစ်နိုဝင်ဘာလစတုတ္ထပတ်အတွင်း ဖြစ်ပေါ်သည့်ပန်းကုံး လက်လီပေါက်စျေးနှုန်းများမှာ စပါယ်ပန်းအပွင့် ၂၅ ကုံးပါတစ်တွဲလျှင် ၂၀၀ဝိ/-နှင့် ၂၅၀ဝိ/-၊ ဇွန်ပန်း ၂၅ ကုံးပါ ၂၀၀ဝိ/-နှင့် ၂၃၀ဝိ/-၊ စကားဝါပန်း/စကားဖြူပန်း ၁၀ ကုံးပါ ၃၅၀ဝိ/-နှင့် ၄၀၀ဝိ/-၊ သနပ်ခါး ပန်း၁၀ ကုံးပါ တစ်တွဲလျင် ၃၀၀ဝိ/-နှင့် ၃၅၀ဝိ/-၊ရွှေပန်းနှင့်ငွေပန်း ၁၀ ကုံးပါတစ်တွဲလျင် ၃၀၀ဝိ/-နှင့် ၄၀၀ဝိ/-၊ ကံ့ကော်ပန်း ၁၀ကုံးပါတစ်တွဲလျှင် ၄၀၀ဝိ/-နှင့် ၅၀၀ဝိ/-၊နှင်းဆီပန်း(ဗမာ) ၁၀ ကုံး လျှင် ၃၅၀ဝိ/-နှင့်၄၀၀ဝိ/-စျေးတို့ဖြင့် ရောင်းချလျက်ရှိကြောင်း သိရှိရပါသည်။

DOCA(မန္တလေး)