ပြည်တွင်းကုန်သွယ်မှုသတင်း

          ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးတွင် တိုင်း/ပြည်နယ်များမှ သစ်သီးများအများဆုံးဝင်ရောက်ကြောင်း သိရှိရပြီး ဧပြီလ (၂၉) ရက်နေ့ မှ မေလ (၅) ရက်နေ့ အထိဖြစ်ပေါ်ခဲ့သော တိုက်ကြီး မှ ကျွဲကောသီး ကျပ် ၃၅၀၀၊ ဘီးလင်း မှ ကနစိုးသီး တစ်တွဲ ကျပ် ၁၀၀၀၊ ကျိုက်ကော်မှ နာနတ်သီးတစ်လုံး ကျပ် ၄၅၀၀/၂၅၀၀/၁၀၀၀ ရေးမှ မင်းဂွတ်သီး ၁၀ လုံး ကျပ် ၄၀၀၀၊   ပြင်ဦးလွင် မှ စတော်ဘယ်ရီ တစ်သေတ္တာ  ကျပ် ၃၅၀၀၀၊ ဧရာဝတီတိုင်း၊ မန္တလေးမှ သင်္ဘောသီး ကျပ် ၅၀၀၀ /၂၀၀၀၊  အောင်ပန်း မှ လိမ္မော်သီး တစ်လုံး ကျပ် ၅၀၀/ ၈၀၀၊ ဘားအံ မှ ဖရဲသီး(ဘာဟုဘာလီ) အလုံးကြီး ကျပ် ၈၀၀၀/၅၀၀၀/၂၀၀၀၊ ရပ်စောက် မှ ဖရဲသီး (၈၅၅) ကျပ် ၂၀၀၀၀၊  ပုပ္ပါးမှ မာလာကာသီး အိတ်ကြီး တစ်အိတ်  ၇၀၀၀၀ ကျပ်၊ ယိုးဒယားပန်းသီးတစ်သေတ္တာ ကျပ် ၁၅၀၀၀၀/၁၃၀၀၀၀၊  ဘီးလင်းမှ ပိန္နဲသီး ကျပ် ၃၀၀၀၀/ ၂၀၀၀၀/၁၀၀၀၀၊ ဧရာဝတီတိုင်းမှ မချစ်စု တောင်းတစ်တောင်း ကျပ် ၇၅၀၀၀/ ၅၀၀၀၀/ ၃၅၀၀၀၊  သရက်သီး(ရင်ကွဲ) ၄၀၀၀၀/၂၈၀၀၀/၁၈၀၀၀၊ တောင်ကြီး မှ သရက်သီး စိန်တစ်လုံး ဂျပ်ဖာ ၃၆၀၀၀/၂၀၀၀၀ ကျပ်တို့ရှိကြောင်း သစ်သီးဈေးနှုန်းများသည့် ဈေးနှုန်းမြှင့်တက်မှုမရှိဘဲ ယခင်တစ်ပတ်နှင့် ယခုတစ်ပတ်ဈေးနှုန်းများ အနည်းငယ်သာပြောင်းလဲကြောင်း  သီရိမင်္ဂလာဈေးရှိ မြန်မာနိုင်ငံသစ်သီးဝလံပန်းမန်ဟင်းသီးဟင်းရွက်စိုက်ပျိုး ထုတ်လုပ်တင်ပို့ ရောင်းချသူများအသင်း (MFVP) မှ သိရှိရပါသည်။

DOCA(ရန်ကုန်)

     ဆူးပုတ်ပင်ကိုမြန်မာနိုင်ငံဒေသအနှံ့အပြားတွင်စိုက်ပျိုးကြပါသည်။ ဆူးပုတ်ပင်တွင် ဆူးပုတ် ကြီးမျိုးနှင့် ဆူးပုတ်ကလေးမျိုးဟူ၍ (၂)မျိုးရှိပါသည်။ ဆူးပုတ်ကြီးမျိုး၏ အရွက်မှာ အရွယ်အစားကြီး ပြီးအနံ့ပိုပြင်းပါသည်။ ဆူးပုတ်ကလေးမျိုး၏အရွက်မှာ အရွယ်အစားသေးပြီး အနံ့မှာဆူးပုတ်ကြီး အနံ့ထက် မပြင်းပါ။ ဆူးပုတ်ပင်တွင် ဆူးကျဲမျိုး၊ ဆူးလတ်မျိုး၊ ဆူးစိတ်မျိုးဟူ၍ (၃)မျိုး ရှိပါသည်။ ဆူးပုတ်ပင်သည် တောင်ပေါ်မြေပြန့် ဖြစ်ထွန်းသည့်အတွက် ရာသီမရွေး စိုက်ပျိုး၍ရပါသည်။ ဆူးပုတ်ပင်ကို ပြည်မြို့နယ် အတွင်းရှိကျေးရွာများတွင် စီးပွားဖြစ် စိုက်ပျိုးကြပြီး ၊ တစ်နိုင်တစ်ပိုင် ခြံများတွင်စိုက်ပျိုးကြပါသည်။ ဆူးပုတ်ပင်ကိုစိုက်ပျိုးပြီး (၆)လအကြာတွင် ဆူးပုတ်ညွှန့်များစတင် ခူးယူရနိုင်ပါသည်။ ဆူးပုတ်ညွှန့်များကို တစ်ရက်ခူးယူပြီးလျှင် နောက်(၃)ရက်အကြာမှသာ ထပ်မံခူး ယူရရှိနိုင်ပါသည်။

     ယခုအချိန်အခါတွင် ပြည်ဈေးကွက်အတွင်းတွင် ဆူးပုတ်ညွှန့်များရောင်းချနေရာတွင် အသေးတစ်စည်းလျှင် (၂၀၀)ကျပ်၊ အကြီးတစ်စည်းလျှင် (၅၀၀)ကျပ်ဖြင့် ရောင်းချနေကြ ကြောင်းသိရှိ ရပါသည်။

DOCA(ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ မီးလောင်အုပ်စု၊ အင်္ဂလှိုင်ဂန်ကျေးရွာရှိ တောင်သူ ဒေါ်ခင်ဆွေဦးပိုင်ဆိုင်သော ဂန္ဓာမာပန်း (မြနှင်းဝါ) စိုက်ခင်းသို့ (၁၀.၄.၂၀၂၅)ရက်နေ့ နံနက် (၁၀)နာရီတွင် စားသုံးသူရေးရာဦးစီးဌာန၊ ရွှေတောင်မြို့နယ်တာဝန်ခံနှင့် ဝန်ထမ်းများ အဖွဲ့သည် သွားရောက်ကွင်းဆင်းလေ့လာခဲ့ပါသည်။

     ပန်းစိုက်၏ဧကမှာ တစ်ယောက်စိုက်တွင် အပင်‌ရေပေါင်းတစ်သောင်းရှိပြီး နတ်တော်လတွင် စတင်စိုက်ပျိုးပြီး တပေါင်းလတွင်ခူးဆွတ်‌ရောင်းချ ကြပါသည်။ စတင်ခူးဆွတ်ချိန်တွင် အစည်း (၂၅၀)လောက်သာရရှိပြီး လှိုင်လှိုင်ပေါ်ချိန်တွင် အစည်း(၅၀၀)ကျော်လောက်ခူးဆွတ်ရရှိပြီး (၂)ရက် ခြား၍တစ်ခါခူးဆွတ်ရပါသည်။ ပန်းတစ်စည်းလျှင်(၂၅၀)နှုန်းဖြင့် တောင်လုံးညိုပန်းဒိုင်များမှ လာရောက်ကောက်ယူကာ ရန်ကုန်နှင့် နယ်မြို့များသို့ ပြန်လည်တင်ပို့ရောင်းချကြောင်းသိရပါသည်။ ပန်းများကို စတင်ထွက်ပေါ်ချိန်မှစ၍(၂)လခူးဆွတ်‌ရောင်းချကြပါသည်။ ပန်းစိုက်ဧက တစ်ယောက် စိုက်တွင် စုစုပေါင်းကုန်ကျစရိတ်မှာ (၅)သိန်းကျော်ခန့်ရှိပြီး အကျိုးအမြတ်မှာ (၁၀)သိန်း ကျော်မျှကျန်ရှိနိုင် ကြောင်းသိရှိခဲ့ရပါသည်။

DOCA(ပဲခူး)

     တနင်္သာရီတိုင်းဒေသကြီးတွင် ဒူးရင်းသီးထွက်ရှိသော အချိန်ကာလဖြစ်သော မတ်လမှ ဇွန်လအထိ ဒူးရင်းသီးနှင့်ယှဥ်တွဲ၍ စားသုံးရသော ရာသီပေါ်သီးနှံ မင်းဂွတ်သီးများမှာလည်း အပြိုင်ထွက်ရှိကြပါသည်။

    ယခု မေလပထမအပတ်အတွင်း မင်းဂွတ်သီး အကြီးတစ်လုံးလျှင် ၅၀၀/၆၀၀ ကျပ်၊ အလုံးသေးတစ်လုံးလျှင် ၃၀၀ ခန့် စျေးနှုန်းအသီးသီးများဖြင့် ရောင်းချလျက်ရှိကြောင်း ထားဝယ်မြို့ စည်ပင်သာယာစျေးကြီးအရှေ့တွင် ရောင်းချလျက်ရှိသော ဒူးရင်းသီးနှင့်မင်းဂွတ်သီး ရောင်းချသူများထံမှ သိရှိရပါသည်။

DOCA(တနင်္သာရီ)

   ကန့်ဘလူမြို့၊ မြို့မဈေးတွင်ရောင်းချနေသော ရေထွက်ကုန်ပစ္စည်းများမှာ ရန်ကုန်မြို့ မှ မှာယူရောင်းချကြကြောင်း သိရှိရသည်။ စစ်ကိုင်းတိုင်းဒေသကြီး ၊ ကန့်ဘလူခရိုင်၏ ၂၀၂၅ ခုနှစ်၊ မေလ ပထမပတ်အတွင်း ကန့်ဘလူမြို့၊ မြို့မဈေးတွင်ရောင်းချနေသော ရေထွက်ကုန်ပစ္စည်းဈေး နှုန်းများမှာ ပုဇွန်ခြောက်(အချို)(၁)ပိဿာလျှင် (၉၅၀၀၀မှ၁၀၅၀၀၀)ကျပ်၊ ငါးပုတ်သင်ခြောက်(၁) ပိဿာလျှင်(၁၉၀၀၀)ကျပ်၊ ငါးကြီးသားခြောက်(၁)ပိဿာလျှင် (၁၂၅၀၀၀)ကျပ်၊ မြီးဆံသွယ်ခြောက် (အချို)(၁)ပိဿာလျှင် (၁၇၀၀၀)ကျပ်၊ ငါးနီတူခြောက်(၁)ပိဿာလျှင် (၂၂၀၀၀)ကျပ်၊ လသာခြောက် (အချို)(၁)ပိဿာလျှင် (၂၂၀၀၀)ကျပ်၊ ငါးရောင်ခြောက်(၁)ပိဿာလျှင် (၃၈၀၀၀)ကျပ်၊ ပလာတူး ခြောက်(အချို)(၁)ပိဿာလျှင် (၂၃၀၀၀)ကျပ်၊ အသားမျှင်ခြောက်(၁)ပိဿာလျှင် (၄၇၀၀၀)ကျပ်ဖြင့် ရောင်းချကြောင်း၊ ယခုအခါ အလှူအတန်းများပြုလုပ်ရာတွင် ရေထွက်ကုန်ပစ္စည်းများကို အသုံးပြုကြသဖြင့် အရောင်းအဝယ်သွက်လျက်ရှိကြောင်း ကန့်ဘလူမြို့၊မြို့မဈေးအတွင်း ငါးခြောက်ရောင်းချသည့် လုပ်ငန်းရှင်ထံမှ သိရသည်။

DOCA(စစ်ကိုင်း)