ပြည်တွင်းကုန်သွယ်မှုသတင်း

         ကျွန်းလှမြို့နယ်အတွင်းရှိ ကျေးရွာများ နှင့် မြို့ပေါ်ရပ်ကွက်များမှ ရာသီစာ ကိုက်လန်ဖူး(ခေါ်) ကန့်လန့်ဖူးများကို စိုက်ပျိုးကာ ဈေးကွက်အတွင်းသို့ စတင်ဝင်ရောက်လာပြီး အရောင်းအဝယ်ဖြစ်လျက်ရှိ ကြောင်း သိရ သည်။

          ကိုက်လန်ဖူး(ခေါ်)ကန့်လန့်ဖူးသည် အရမ်းချိူသော အရွက်တစ်မျိုးဖဖြစ်ကာ လူအများကြိုက်နှစ် သက်သော ဆောင်ရာသီစာသီးနှံတစ်မျိုး ဖြစ်ပါသည်။ ကိုက်လန်ဖူး(ခေါ်)ကန့်လန့်ဖူးကို ပန်းဂေါ်ဖီ နှင့်ကြော်စားခြင်း၊ ကိုက်လန်ဖူး(ခေါ်)ကန့်လန့်ဖူးကို သူ့ချည်းသတ်သတ်လွတ်ကြော်စားခြင်း၊ မုံညှင်းဖူး၊ မုံလာသီး(ခေါ်)မုံညှင်းသီးတို့နှင့်ပေါင်းစားခြင်း၊ ကိုက်လန်ဖူး(ခေါ်)ကန့်လန့်ဖူးကိုပြုတ်၍ မြေပဲဆံထောင်း နှင့် သုပ်စားခြင်း၊ ကိုက်လန်ဖူး(ခေါ်)ကန့်လန့်ဖူး ပြုတ်၍ ငပိချက်နှင့်တို့စားခြင်းများနှင့် မိမိတို့ ကြိုက်နှစ် သက်သည့် ပုံစံမျိုးဖြင့် စားသုံးနိုင်သော အရန်ဟင်း တစ်မျိုးဖြစ်ပါသည်။

          ယခု ၂၀၂၅ ခုနှစ်၊ အောက်တိုဘာလ နောက်ဆုံးပတ်အတွင်း ဖြစ်ပေါ်နေသော ကျွန်းလှမြို့၏ ကိုက်လန်ဖူး(ခေါ်)ကန့်လန့်ဖူးဈေးနှုန်းများမှာ ကိုက်လန်ဖူး(ခေါ်)ကန့်လန့်ဖူး(၁၀)စီးပါ တစ်ထုံးလျှင် (၁၂၀၀၀)ကျပ်၊ ကိုက်လန်ဖူး(ခေါ်)ကန့်လန့်ဖူး(၁)စီးလျှင်(၁၅၀၀)ကျပ်ဈေးဖြင့် ‌အရောင်းအဝယ် ဖြစ်လျက် ရှိကြောင်း ကျွန်းလှမြို့၊ သစ်ရာမြိုင်ဈေးတွင် ကုန်စိမ်းသီးနှံမျိုးစုံ  ရောင်းချနေသော ဈေးသည်ထံမှ သိရသည်။

DOCA(စစ်ကိုင်း)

           ဧရာဝတီတိုင်းဒေသကြီး၊ ဟင်္သာတခရိုင်၊ ဟင်္သာတမြို့နယ်တွင် သီးနှံမျိုးစုံ စိုက်ပျိုးလျက်ရှိရာ စားဖိုဆောင်သီးနှံတစ်မျိုးဖြစ်သော ဗုံလုံသီးကို သီးနှံထွက်ချိန် ရာသီမှီ တစ်နိုင်တစ်ပိုင် စိုက်ပျိုးကြပါ သည်။ ဗုံလုံသီးကို မိုးဦးကာလဖြစ်သည့် မေလနှင့်ဇွန်လများတွင်လည်းကောင်း၊ အောက်တိုဘာ လနှင့် နိုဝင်ဘာလများတွင်လည်းကောင်း  စိုက်ပျိုးကြကြောင်း၊ စိုက်ပျိုးရာတွင် ရေသွင်း ရေတင် စနစ် ဖြင့် ဘောင်ခတ်စိုက်ပျိုးခြင်းအပြင် စိုက်ကျင်းတူး၍လည်း စိုက်ပျိုးကြပါသည်။ စိုက်ပျိုးပြီး တစ်လခန့် အကြာတွင် စင်ထိုး၍ ဗုံလုံသီးအနွယ်(အညွန့်)များကို စင်ပေါ်တင်ပေးရပြီး နှစ်လခန့်အကြာတွင် အသီး များ ခူးဆွတ်ရပါသည်။ ဧကဝက် စိုက်ပျိုးမှုကုန်ကျစရိတ်အနေဖြင့်  မျိုး၊သွင်းအားစု၊လုပ်သားခ အပါ အဝင် ၅ သိန်းခန့် ကုန်ကျကြောင်း၊ အထွက်နှုန်းအနေဖြင့် မြေအနေအထားနှင့် အပင်ဖြစ်ထွန်း အောင် မြင်ဖြစ်ထွန်းမှုအပေါ်မူတည်၍ အတောင့်ရေ ၂၀၀၀ နီပါးထွက်ရှိကြောင်း သိရသည်။ ဈေးနှုန်းအနေဖြင့် အောက်တိုဘာလတတိပတ်တွင် လက်ကားဈေးတစ်တောင့်လျှင် ၆၅၀ကျပ်နှုန်းဖြင့်ရောင်းချရကြောင်း၊ အကျိုးအမြတ်အနေဖြင့် ရာသီကုန်ချိန်တွင် ၈ သိန်းခန့် ရရှိကြောင်း၊ ဈေးကွက်အနေဖြင့် မြို့နယ်အတွင်း ရောင်းချမှုအပြင်  ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးအတွင်းရှိ မြို့နယ်များသို့ တင်ပို့ရောင်းချလျက်ရှိရာ တောင်သူများ အနေဖြင့် အကျိုးအမြတ်များရရှိကာ ဗုံလုံသီး များကို တွင်တွင်ကျယ်ကျယ် စိုက်ပျိုး လာကြကြောင်း သိရသည်။

DOCA (ဧရာဝတီ)

       ပြည်မြို့၏ သစ်သီးဝလံရောင်းဝယ်မှုဈေးကွက်တွင် ပြောင်းဖူးဈေးကွက်သည်လည်း နေ့စဉ် အရောင်းအဝယ်ဖြစ်လျက်ရှိပါသည်။ပြောင်းဖူးစိမ်းများအား ဈေးများသို့ ပြည်အနီးအနားဒေသများ ဖြစ်သော ဆင်မြီးဆွဲ၊ မှော်ဇာကျေးရွာများမှ ဝင်ရောက်ကြကြောင်းသိရှိရပါသည်။ ပြောင်းဖူးပြုတ်နှင့် ပြောင်းဖူးစိမ်းများအား စက်ဘီး၊ ဆိုင်ကယ်များဖြင့် ရပ်ကွက်များအတွင်း လှည့်လည်ရောင်းချသလို လမ်းဘေးတွင် ပြောင်းဖူးဖုတ်ရောင်းချသူများလည်းရှိကြပါသည်။ မိုးကုန်ရာသီကာလဖြစ်သော ကြောင့် ပြောင်းဖူးများဈေးကွက်အတွင်းပေါများထွက်ပေါ်ခြင်းမှာ ခုတ်တက်စနစ်စိုက်ပျိုးသောကြောင့် ပြောင်းဖူးများ တစ်ခင်းပြီးတစ်ခင်း ထွက်ရှိသောကြောင့် ဈေးကွက်တွင် ပြောင်းဖူးသီးနှံကို ရာသီအချိန်ကာလမရွေး စားသုံးနေကြရပါသည်။ပြောင်းဖူးဈေးကွက်အနေဖြင့် တစ်ဖူးလျှင် (၅၀၀/ ၇၀၀)ကျပ်ဖြင့် ရောင်းချပြီး အရွယ်အစားအလိုက် ဈေးကွာခြားမှုများရှိကြောင်းလည်း တွေ့ရှိရ ပါသည်။                                                                                     

DOCA(ပဲခူး)

     ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြိုနယ်အတွင်းရှိ ကျေးရွာများတွင် လယ်ယာ စိုက်ပျိုခြင်း လုပ်ငန်းအပြင် သီးနှံမျိုးစုံကို စိုက်ပျိုးလျက်ရှိရာ စားဖိုဆောင်သီးနှံ အဖြစ်ဗူးသီးကို လက်ပံပင်လေးရွာ၊ ကံနှစ်ဆင့်ရွာနှင့် သပြေလှရွာများတွင် တစ်ပိုင်တစ်နိုင်စိုက်ပျိုးကြပါသည်။  ဗူးသီးကို နွေ၊မိုး၊ ဆောင်း ရာသီသုံးမျိုးစလုံး စိုက်ပျိုးကြပါသည်။

             ဗူးစိုက်တောင်သူ အများစုမှာ ထိုင်ဝမ်မျိူးများကို အများဆုံးစိုက်ပျိုးကြပြီး စိုက်ပျိုးပြီး (၄၅) ရက်ကြာပါ စတင်ခူးဆွတ်နိုင်ပါကြောင်း ရေမြေအနေထားနှင့် ပြုပြင်ဂရုစိုက်နိုင်မှု အပေါ်မှုတည်၍ အထွက်နှုန်းများလည်းကွာခြားပါကြောင်း ဗူးပင်သည် အသီးသာမက အညွန့်ကို ရောင်းချနိုင်သဖြင့် ဝင်ငွေများရရှိနိုင်သည့် သီးနှံလည်းဖြစ်ပါကြောင်း ၂၀၂၅ခု အောက်တိုဘာလ တတိယပတ်တွင် သဲကုန်းမြို့နယ် ဈေးကွက်အတွင်း ဗူးသီးတစ်လုံးလျှင် အရွယ်အစားကိုလိုက်၍ (၅၀၀ကျပ် မှ ၁၅၀၀)ကျပ်၊ ဗူးညွှန် ၁၀ညွှန်ပါ တစ်စီး (၅၀၀)ကျပ်နှုန်းဖြင့် ရောင်းချလျှက်ရှိပြီး ပြည်မြို့နှင့် ရန်ကုန်မြို့များကိုပါ တင်ပို့ ရောင်းချကြောင်းသိရသည်။

DOCA (ပဲခူး)

          နတ်တလင်းခရိုင်၊ ပေါင်းတည်မြိုနယ် အတွင်းလမ်းတွင် နို့စားနွားများကို တစ်ပိုင်တစ်နိုင် မွေးမြူ၍ နွားနို့များ ထုတ်လုပ် ရောင်းချလျက်ရှိရာ ပေါင်းတည်မြိုု့နယ်‌ ဈေးကွက်အတွင်း ၂၀၂၅ခု အောက်တိုဘာလ တတိယပတ်  အတွင်း နွားနို့ တစ်လီတာကို  (၂၀၀၀)ကျပ်၊ တစ်ပိသာကို (၄၀၀၀) ကျပ်နှုန်းဖြင့်ရောင်းချနေကြောင်းသိရသည်။

          စားသုံးသူများက နွားနို့ ကိုသောက်သုံးကြသည့် အပြင် နို့ထွက်ပစ္စည်းများ ဖြစ်သည့် နို့ဆီ၊ ဒိန်ခဲ    ဒိန်ချဉ် မလိုင်လုံးနှင့် မလိုင်ခဲများကိုလည်း စားသုံးကြပါသည်။  နွားနို့သည် ဗီတာမင်၊ သတ္တုဓာတ်များ၊ ဗီတာမင်အေ၊ မဂ္ဂနီဆီယမ်၊ ဇင်ဓာတ်နှင် အဟာရ အကောင်းဆုံးဓာတ် များလည်းပါဝင်ပါသည်။ နွားနို့ သောက်သုံးခြင်းကြောင့် အရိုးအဆစ်များ  ကျန်းမာကြံ့ခိုင်ပြီး ပုံမှန်သောက်သုံးခြင်းကြောင့် သက်ကြီးရွယ်အိုများ အရိုးနှင့် ပတ်သက်သည့် ရောဂါများ အရိုးပွ၍ ကျိုးပဲ့လွယ်ခြင်းကိုလည်း ကာကွယ်ပေးခြင်း စသည့် ကောင်းကျိုးများစွာရရှိသည့် အတွက် နွားနို့ဖြင့် ဓာတ်တည့်သူများ သောက်သုံးပေးသင့်ကြောင်းသိရသည်။

DOCA (ပဲခူး)