ပြည်တွင်းကုန်သွယ်မှုသတင်း

   တနင်္သာရီတိုင်း၊ မြိတ်ခရိုင်တွင် ဒေသထွက်ကုန်အဖြစ် ကော်ဖီစိုက်ပျိုးမှုကို လုပ်ကိုင်နေကြပြီး တနင်္သာရီတိုင်း၊ ဘုတ်ပြင်း မြို့နယ်နှင့် မောတောင်မြို့များတွင် အဓိကထားစိုက်ပျိုးကြကြောင်း သိရှိ ရပါသည်။ အဓိကစိုက်ပျိုးသောမျိုးမှာ ရိုဘယ်စတာမျိုးဖြစ်ပြီး ကော့သောင်း၊ ထားဝယ်နှင့် ရန်ကုန်မြို့ များသို့ပါတင်ပို့ကြကြောင်း သိရှိရပါသည်။ ဒေသထွက်ကုန် ကော်ဖီကို စက်များဖြင့် အမှုန့်ကြိတ် အသင့်သောက် ကော်ဖီအဖြစ်လည်းထုတ်လုပ်ဖြန့်ဖြူရောင်းချလျက်ရှိကြပါသည်။ ၂၀၂၅ခုနှစ်၊ နိုဝင် ဘာလစျေးနှုန်းအရဒေသထွက်ကုန် ကော်ဖီစေ့ ၁ ကီလိုတစ်ထုတ်လျှင် (၄၅၀၀၀)ကျပ်နှင့် ကော်ဖီ အမှုန့် ၁ ကီလိုပါတစ်ထုတ်လျှင် (၅၀၀၀၀) ကျပ် စျေးဖြင့်‌ရောင်းချလျက်ရှိပါသည်။ ယခင်ကထိုင်းနိုင် ငံထိတင်ပို့လျက်ရှိပြီး လမ်းပမ်းဆက်သွယ်ရေးအခြေအနေနှင့် ဒေသထွက်ကုန်ရှားပါမှုများကြောင့် ရပ်နားထား ပြီး စျေးကွက်ကျယ်ပြန့်နိုင်သော ထုတ်ကုန်တစ်ခုကြောင်းသိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်မြို့တွင် စိုက်ပျိုးရေးလုပ်ငန်းများကိုအဓိကလုပ်ကိုင်ကြပြီး ရာသီပေါ်သီးနှံများနှင့် စားဖိုဆောင်သီးနှံများကိုလည်း စိုက်ပျိုးကြ‌ကြောင်း သိရှိရပါသည်။ ယခု အခါ မြိတ်မြို့ပေါ်တွင် ခဝဲသီးများကို တစ်နိုင်တစ်ပိုင်ကြပြီး စီးပွားဖြစ်စိုက်ပျိုးကြနေကြောင်းလည်း တွေ့ရှိရပါသည်။ ခဝဲသီးစားပေးခြင်းဖြင့် ကင်ဆာဖြစ်နှုန်းကိုလျော့ချပေးခြင်း၊ နှလုံးကျန်းမာစေခြင်း၊ သွေးအားနည်းခြင်းကိုကာကွယ်ပေးခြင်း၊ ကိုယ်အလေးချိန်ကိုထိန်းချုပ်ပေးခြင်းနှင့် အရိုးသိပ်သည်း ဆကိုကောင်းမွန်စေသော အသီးတစ်မျိုးဖြစ်သည်။ ယခုအခါ မြိတ်မြို့ပေါ်ရှိ စည်ပင်သာယာဈေးကြီး နှင့် အခြားသောဈေးများတွင် ဈေးရောင်းချသူများစည်ကားလျက်ရှိပြီး ‌ဒေသခံစိုက်ပျိုးသူများနှင့် အနီးအနားစိုက်ပျိုးသူများမှ ဈေးကွက်အတွင်းသို့ တင်ပို့ရောင်းချကြကြောင်းလည်း တွေ့ရှိရပါသည်။

          ယခု၂၀၂၅ခုနှစ်၊ နိုဝင်ဘာလဒုတိယပတ်တွင် မြိတ်မြို့ပေါ်တွင် ရောင်းချနေသော ခဝဲသီး ဈေးနှုန်းမှာ တစ်လုံးလျှင် (၁၀၀၀)ကျပ်ခန့်ရှိကြောင်း ကုန်စိမ်းရောင်းချနေသူတစ်ဦးထံမှ သိရှိရပါ သည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်ရှိ တနင်္သာရီမြို့နှင့် ကျွန်းစုမြို့တို့တွင် နှစ်ရှည်သီးနှံ များနှင့် ရာသီစာသီးနှံများဖြစ်သော ဒူးရင်းသီး၊ တညင်းသီး၊ သရက်သီး၊ မင်းဂွတ်သီး၊ အုန်းသီး၊ ကြက်မောက်သီး၊ ပိန္နဲသီး၊ ဌက်ပျောသီး၊ စုံပတသီး အစရှိသည့် အသီးတို့ကို အများအပြားစိုက်ကြသလို တစ်နိုင်တစ်ပိုင်လည်း စိုက်ပျိုးကြ၍ ထွက်ရှိသောသီးနှံများကို မြိတ်မြို့ပေါ်ရှိဈေးများတွင် လာရောက် ရောင်းချကြပါသည်။ ၄င်းအသီးအနှံများထဲမှ ဌက်ပျောသီးသည် လူကြီး/လူငယ်မရွေး ကြိုက်နှစ်သက်ကြသဖြင့် အရောင်းအဝယ်သွက်ကြောင်း သိရှိရပါသည်။ ဌက်ပျောသီးများကို အခြောက်လှန်း၍ ကြော်စားကြသလို မြန်မာမုန့်များတွင် ထည့်သွင်းပြုလုပ်စားသုံးကြကြောင်းလည်း သိရှိရပါသည်။

       ၂၀၂၅ခုနှစ်၊ နိုဝင်ဘာလ ဒုတိယပတ်တွင် ဖီးကြမ်းဌက်ပျောသီးတစ်ဖီးလျှင်(၂၀၀၀) ကျပ်၊ ဌက်ပျောဝါသီး တစ်ဖီးလျှင် (၄၀၀၀)ကျပ်၊ ဆွဲအံသီးတစ်ဖီးလျှင် (၅၀၀၀)ကျပ်နှင့်ဆိတ်နို့သီး တစ်ဖီးလျှင် (၃၀၀၀)ကျပ်ခန့်ရှိကြောင်း ဌက်ပျောသီးရောင်းချသူထံမှ သိရှိရပါသည်။

DOCA(တနင်္သာရီ)

        မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ အိမ်ဆောက်ပစ္စည်းအရောင်းဆိုင် များဖြစ်သော “ဟိန်းစည်၊ ငွေသရဖူ၊ သိန်း၊ဂန့်ဂေါ၊ ကံဟိန်း၊ မိုးမခ” အရောင်းဆိုင်များတွင် အိမ်ဆောက်ပစ္စည်းများအပြင် ဘိလပ်မြေများလည်းရောင်းချလျက်ရှိပါသည်။ ရောင်းချလျက်ရှိသော ဘိလပ်မြေအမျိုးအစားများမှာ ကြံ့နှစ်ကောင်၊ အပါချီနှင့် အယ်လဖာ ဘိလပ်မြေများ ရောင်းချလျက် ရှိပါသည်။

          ဘိလပ်မြေဈေးနှုန်းဈေးကွက် အနေဖြင့်ကြံ့နှစ်ကောင်း ဘိလပ်မြေကို မန္တလေးတိုင်းဒေသကြီး ကျောက်ဆည်ခရိုင်တို့မှ ဝင်ရောက်လျက်ရှိပြီးနိုဝင်ဘာလ(ပထမပတ်)တွင် ကြံ့နှစ်ကောင် ဘိလပ်မြေ တစ်အိတ်လျှင် ကျပ်(၁၉၅၀၀)၊ အပါချီတစ်အိတ်လျှင် ကျပ်(၁၉၅၀၀)ဖြစ်ပြီး အောက်တိုဘာလ (စတုတ္ထပတ်)တွင် ကြံ့နှစ်ကောင် ဘိလပ်မြေ တစ်အိတ်လျှင် ကျပ်(၂၀၀၀၀)၊ အပါချီ တစ်အိတ်လျှင် ကျပ်(၂၀၀၀၀)ဖြစ်၍ ပထမပတ်နှင့် နှိုင်းယှဉ်ပါက တစ်အိတ်လျှင် ကျပ်(၅၀၀)ခန့်ကျဆင်းနေပြီး ပခုက္ကူမှအခြားပြည်နယ်များသို့ လည်းတင်ပို့လျက်ရှိကြောင်း ကုန်သည်များထံမှ သိရှိရပါသည်။

DOCA(မကွေး)

  ချင်းသီးနှံကို ရှမ်းပြည်နယ် တောင်ပိုင်း၊ မြောက်ပိုင်း  နှင့် ပြင်ဦးလွင်ဒေသများတွင် အဓိက ထားစိုက်ပျိုးလေ့ရှိကြပါသည်။ရှမ်းပြည်နယ်(တောင်ပိုင်း)တွင် ကလောမြို့နယ်၊ ပင်လောင်းမြို့နယ် နှင့် ပင်းတယမြို့နယ်များတွင် မြေဆီလွှာ နှင့် ရာသီဥတုမှာ ချင်းစိုက်ပျိုးရန် ပိုမိုသင့်တော်ပြီး မျှတမှု ရှိသဖြင့် နှစ်စဉ် စီးပွားဖြစ် စိုက်ပျိုးကြကြောင်း သိရှိရပါသည်။

          ချင်းသီးနှံကို မြေနီ၊ မြေမဲ၊ မြေဝါ နှင့် မြေဖြူစသည်ဖြင့် မြေဆီလွှာ၏ အရောင်ပေါ်မူတည်ပြီး ချင်းအရောင်မှာလည်းကွာသွား၍ ဈေးနှုန်းမှာလည်း ကွာဟသွားကြောင်း သိရှိရပါသည်။ချင်းဥမများ ကို နှစ်စဉ် ဧပြီ၊ မေ နှင့် ဇွန်လများတွင် တူးဖော်ကြပြီး ဈေးကွက်တွင် ရောင်းချလေ့ရှိပါသည်။ကျန်ခဲ့ သော ချင်းအခက်ကြီးများ နှင့် ချင်းအရင့်များကို အောက်တိုဘာ၊ နိုဝင်ဘာ၊ ဒီဇင်ဘာ၊ ဇန်နဝါရီ နှင့် ဖေ ဖော်ဝါရီလများတွင် ဈေးကွက်အတွင်းဝင်ရောက်လာကာ ချင်းဥမထက် ချင်းအခက်မှာ ဈေးကောင်းပို ရကာ ရောင်းပန်းပိုသွက်ကြောင်း သိရှိရပါသည်။

          ချင်းသီးနှံကို ဘင်္ဂလားဒေ့ရှ် နှင့် အိန္ဒိယနိုင်ငံများမှ ဘာသာရေးပွဲတော်များတွင် အသုံးများသ ဖြင့် မြန်မာပြည်မှတင်သွင်းမှုများကို အဓိကထား၍ ဝယ်ယူကြသောနိုင်ငံများဖြစ်ပါသည်။ယခုအချိန် တွင် လမ်းပန်းဆက်သွယ်မှုအခက်အခဲများကြောင့် ချင်းသီးနှံမှာ ပြည်ပဝယ်လိုအား မရှိသဖြင့် ချင်းအခက်မှာ(၃၀၀၀-၃၅၀၀)ကျပ် နှင့် ဥသစ်အခက်မှာ(၂၅၀၀-၃၀၀၀)ကျပ်ဈေးရှိကာပြည်တွင်းဈေး ကွက်သာရှိသဖြင့် စားသုံးသူအရေအတွက်ထက် နှစ်စဉ်စိုက်ပျိုးထုတ်လုပ်မှု ပိုမိုနေလေ့ရှိကြောင်း လေ့လာစုံစမ်းသိရှိရပါသည်။  

DOCA(ရှမ်း)