မိတ္ထီလာမြို့နယ်၌ ဆီထွက်သီးနှံများဖြစ်သည့် မြေပဲ၊ နှမ်း၊ နေကြာသီးနှံများကို ဒေသတွင်း ဆီစက်များမှ တိရိစ္ဆာန်အစာဈေးကွက်ပေါ်မူတည်၍ ကြိတ်ခွဲထုတ်လုပ်မှုများလာပြီး ပဲဖက်၊ နှမ်းဖက်၊ နေကြာဖတ်များ ဈေးကောင်းရလာကြောင်းသိရပါသည်။ ဆီကြိတ်ဖတ်များကို ဒေသတွင်း တစ်နိုင် တပိုင်မွေးမြူရေးလုပ်ငန်များအပြင် မန္တလေးမြို့ တိရိစ္ဆာန်အစာတောင့်စက်ရုံများမှလည်း ဝယ်ယူလျက်ရှိ ကြောင်းသိရပါသည်။
ယခု ဒီဇင်ဘာလပထမပတ် မိတ္ထီလာဈေးကွက်တွင် ဖြစ်ပေါ်နေသော ပဲဖတ်နှမ်းဖတ် ဈေးနှုန်း များမှာ ပဲဖတ်တစ်ပိဿာလျှင် (၆၇၀၀-၆၈၀၀)ကျပ်၊ နှမ်းဖတ်တစ်ပိဿာလျှင် (၄၄၀၀-၄၅၀၀)ကျပ်၊ နေကြာဖတ်တစ်ပိဿာလျှင်(၃၄၀၀-၃၅၀၀) ကျပ်ဈေးဖြင့် အရောင်းအဝယ်ဖြစ်လျက်ရှိကြောင်း၊ ယခင်လနှင့်ကာလတူနှိုင်းယှဉ်လျှင် ပဲဖတ်တစ်ပိဿာလျှင်(၄၅၀-၅၀၀)ကျပ်၊ နှမ်းဖတ်တစ်ပိဿာလျှင် (၄၀၀-၅၀၀)ကျပ်၊ နေကြာဖတ်တစ်ပိဿာလျှင်(၃၀၀)ကျပ်ခန့် ဈေးနှုန်းမြင့်တက်လာကြောင်း၊ ဈေးနှုန်းမြင့်တက်လာရခြင်းမှ မန္တလေးမြို့တိရိစ္ဆာန်အစာတောင့်စက်ရုံများမှ ဝယ်ယူမှုများလာခြင်းကြောင့်ဖြစ်သည် ဟု ဆီစက်လုပ်ငန်းရှင် တစ်ဦးထံမှသိရပါသည်။
DOCA(မန္တလေး)