သတင်းနှင့် လှုပ်ရှားမှုများ

     စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးသည် (၁၂.၈.၂၀၂၅)ရက်နေ့ နံနက် (၁၀:၃၀)နာရီအချိန်တွင် မြန်အောင်မြို့နယ်၊ စိန်ဝတ်မှုံ(၁)လမ်း၊ အမှတ်(၁)ရှိ စားအုန်းဆီအရောင်း ကိုယ်စားလှယ်နှင့် တွေ့ဆုံဆွေးနွေးခြင်း ဆောင်ရွက်ခဲ့ပါသည်။

     ထိုဆွေးနွေးပွဲတွင် မြို့နယ်ဦးစီးမှူး ဦးမြင့်အောင်က စားသုံးသူကာကွယ်ရေးဥပဒေပါ စီးပွား ရေးလုပ်ငန်းရှင်၏တာဝန်များအကြောင်း၊ စီးပွားရေးလုပ်ငန်းရှင်များအနေဖြင့် ခွဲတမ်းရ စားသုံးဆီ များ ရောင်းချရာတွင် ထားရှိရမည့် စာရင်းဇယားများ၊ ရောင်းချမှုမှတ်တမ်းဓါတ်ပုံများ ပြည့်စုံစွာ ထားရှိရန်၊ သတ်မှတ်ရည်ညွှန်းဈေးနှင့်အညီ ရောင်းချမှုရှိစေရေးရှင်းလင်းဆွေးနွေးခဲ့ပြီး၊ စားသုံးသူကို ခွဲခြားမှု မရှိဘဲဖြောင့်မတ်မှန်ကန်စွာ ဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေး ကျင့်ဝတ်၊ စည်းကမ်းနှင့်အညီ ဆောင်ရွက်ရန်၊ စားအုန်းဆီရောင်းချသော လုပ်ငန်းရှင်အနေဖြင့် ဈေးနှုန်းမြှင့်တင် ရောင်းချမှုမရှိစေရေး၊ ဈေးကွက်အတွင်း ဈေးနှုန်းမြှင့်တင်ရောင်းချခြင်းများ တွေ့ရှိပါက စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော အရေးကြီးကုန်စည်နှင့်ဝန်ဆောင်မှုဥပဒေပါပြစ်မှုပြစ်ဒဏ်များအရအရေးယူဆောင်ရွက်နိုင်သည့်အကြောင်းတို့ကိုအသိပညာပေးဆွေးနွေးခဲ့ပြီးဆီလုပ်ငန်းရှင်ဘက်မှလည်းသိလိုသည်များမေးမြန်း၍အပြန်အလှန်ဆွေးနွေးခဲ့ကြောင်းသိ ရှိရပါသည်။

(DOCA ဧရာဝတီ)

       ၂၀၂၅ ခုနှစ်၊ သြဂုတ်လ ၁၄ ရက်နေ့ ၊နံနက် (၉း၁၅) နာရီအချိန်တွင် စားသုံးသူရေးရာဦးစီးဌာန၊ တနင်္သာရီတိုင်းဒေသကြီး၊ ထားဝယ်မြို့မှ စစ်ဆေးရေးအရာရှိနှင့်ဝန်ထမ်းများသည် အစားအသောက် နှင့်ဆေးဝါးကွပ်ကဲရေးဦးစီးဌာန၊ ပြည်သူ့ကျန်းမာရေးဦးစီးဌာန၊ စည်ပင်သာယာရေးအဖွဲ့တို့နှင့်အတူ ထားဝယ်မြို့၊ အထက(၃) ကျောင်းမုန့်စျေးတန်းအား စျေးကွက်စောင့်ကြည့်စစ်ဆေးခြင်း ဆောင်ရွက်ခဲ့ပါသည်။

          အဆိုပါ စျေးကွက်စောင့်ကြည့်စစ်ဆေးရာတွင် စားသုံးသူပြည်သူများနှင့်ကျောင်းသား/ကျောင်းသူများ ဘေးအန္တရာယ်ကင်းရှင်းစွာ ဝယ်ယူသုံးစွဲနိုင်စေရေးအတွက် စျေးကွက်အတွင်း ရောင်းချလျက် ရှိရာ မြန်မာဘာသာနှင့်ဖြစ်စေ၊ အခြားဘာသာတစ်ခုခုနှင့်ဖြစ်စေတွဲလျက်ဖော်ပြထားသော ကုန်အ ညွှန်းအမှတ်အသားများ ပြည့်စုံမှန်ကန်စွာပါရှိမှုရှိ/မရှိ စစ်ဆေးခြင်း၊ သက်တမ်းလွန် စားသောက်ကုန်ပစ္စည်းများ ရောင်းချနေမှုရှိ/မရှိ စစ်ဆေးခြင်း၊ သက်ဆိုင်ရာဌာနဆိုင်ရာများ၏ ထောက်ခံချက်များ မပါရှိသော တရားမဝင်ကုန်ပစ္စည်းများ ရောင်းချမှုများ ရှိ/မရှိ စစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်း ဒေသကြီး ဦးစီးမှူးရုံး ၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ (ဦးစီးအရာရှိ)သည် ပုသိမ်ကြီးမြို့နယ် ၊သက်ဆိုင်ရာဌာနများနှင့် ပူးပေါင်း၍ ပုသိမ်ကြီးမြို့နယ်အတွင်းရှိ  စိုးစံဆေးနှင့်ဆေးပစ္စည်းအရောင်းဆိုင်အား ၉-၈-၂၀၂၅ ရက်နေ့တွင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ပုသိမ်ကြီးမြို့နယ် တိုင်းရင်းဆေးမှူး ဒေါ်ဥမ္မာဝေ၊ ချမ်းအေးသာဇံမြို့နယ် တိုင်းရင်းဆေးမှူး ဒေါ်ချိုချိုအေး ၊ ပုသိမ်ကြီးမြို့မ ရဲစခန်းမှ ရဲတပ်သား ဒေါ်သီသီစန်း၊ရဲတပ်သား ဦးသန်းတိုးအောင်၊ တို့ပါဝင်သော ပုသိမ်ကြီးမြို့နယ် ၊ ပူးပေါင်းအဖွဲ့သည်။ ပုသိမ်ကြီးမြို့နယ်အတွင်းရှိ စိုးစံ ဆေးနှင့်ဆေးပစ္စည်း အရောင်းဆိုင်အား  မှတ်ပုံတင်ထားခြင်းမရှိသော ဆေးမေတ္တာအမှတ်တံဆိပ် တိုင်းရင်းဆေးများအား  ရောင်းချခြင်းမရှိစေရေး ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သတင်းရရှိပါသည်။

DOCA(မန္တလေး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန မန္တလေးတိုင်းဒေသကြီးဦးစီးမှူးရုံး၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲမှုဌာနခွဲ တာဝန်ခံ ဒေါ်အေးငြိမ်းစံ (ဦးစီးအရာရှိ)သည် ပုသိမ်ကြီးမြို့နယ်၊ သက်ဆိုင်ရာဌာနများနှင့် ပူးပေါင်း၍ ပုသိမ်ကြီးမြို့နယ်အတွင်းရှိ  ထက်ထက်စံ ဆေးနှင့်ဆေးပစ္စည်းအရောင်းဆိုင်အား ၉-၈-၂၀၂၅ ရက်နေ့တွင် ကွင်းဆင်းစစ်ဆေးခြင်း ဆောင်ရွက်ခဲ့ပါသည်။ ထိုသို့ကွင်းဆင်းစစ်ဆေးရာတွင် ပုသိမ်ကြီးမြို့နယ် တိုင်းရင်းဆေးမှူး ဒေါ်ဥမ္မာဝေ၊ ချမ်းအေးသာဇံမြို့နယ် တိုင်းရင်းဆေးမှူး ဒေါ်ချိုချိုအေး ၊ ပုသိမ်ကြီးမြို့မ ရဲစခန်းမှ ရဲတပ်သား ဒေါ်သီသီစန်း၊ရဲတပ်သား ဦးသန်းတိုးအောင်၊ တို့ပါဝင်သော ပုသိမ်ကြီးမြို့နယ်၊ပူးပေါင်းအဖွဲ့သည်။ပုသိမ်ကြီးမြို့နယ်အတွင်းရှိ ထက်ထက်စံ ဆေးနှင့် ဆေးပစ္စည်းအရောင်းဆိုင်အား  မှတ်ပုံတင်ထားခြင်းမရှိသော ဆေးမေတ္တာအမှတ်တံဆိပ် တိုင်းရင်း ဆေးများအား  ရောင်းချခြင်းမရှိစေရေး ကွင်းဆင်းစစ်ဆေးခြင်း ဆောင်ရွက်ခဲ့ကြောင်း သတင်း ရရှိပါသည်။

DOCA(မန္တလေး)

    မန္တလေးတိုင်းဒေသကြီးအစိုးရအဖွဲ့ရုံး၏ကြီးကြပ်မှုဖြင့် စားသုံးသူရေးရာဦးစီးဌာနနှင့် မြန်မာနိုင်ငံဆီလုပ်ငန်းရှင်များအသင်းတို့ ပူးပေါင်း၍ ၁၃.၈.၂၀၂၅ ရက်နေ့၌ အမရပူရမြို့နယ်၊ မှန်တန်းရပ်ကွက်တွင် စားအုန်းဆီကိုသက်သာသောဈေးနှုန်းဖြင့် အိမ်တိုင်ရာ ရောက်ရောင်း ချသည့် အစီအစဉ်ကို လူတစ်ဦးလျှင် တစ်ပိဿာနှုန်း ရည်ညွှန်းစျေးဖြင့် ရောင်းချပေးလျက်ရှိ ကြောင်းသိရသည်။ အဆိုပါ စားအုန်းဆီ ရောင်းချသည့်အစီစဉ်တွင် မန္တလေးတိုင်းဒေသကြီး အတွင်း အောင်မြေသာစံခရိုင်၊ မဟာအောင်မြေခရိုင်နှင့် အမရပူရခရိုင်အတွင်းရှိ ရပ်ကွက်/ ကျေးရွာများသို့ တစ်ရက်လျှင်(၈၀၀) ပိဿာအား နေရာ(၃)ခုသို့ သွားရောက်၍ ရည်ညွှန်းစျေးဖြင့် ရောင်းချပေးလျက်ရှိကြောင်း သိရှိရပါသည်။

DOCA(မန္တလေး)