သတင်းနှင့် လှုပ်ရှားမှုများ

     ၂.၆.၂၀၂၅ ရက်နေ့ နံနက် (၉:၃၀) နာရီအချိန်တွင် မွန်ပြည်နယ်၊ ကျိုက်ထိုခရိုင်၊ စားသုံးသူရေးရာဦးစီးဌာနမှ ကျိုက်ထိုမြို့နယ်တာဝန်ခံသည် အထွေထွေအုပ်ချုပ်ရေးဦးစီးဌာန ခရိုင်အုပ်ချုပ်ရေးမှူး ဦးကံစောလှိုင်၊ ခရိုင်စီမံအုပ်ချုပ်ရေးအဖွဲ့ဝင်များ၊ မြို့နယ်အုပ်ချုပ်ရေးမှူး ဦးတင့်လွင်၊ သက်ဆိုင်ရာဌာနဆိုင်ရာများနှင့် ပူးပေါင်း၍ ကျိုက်ထိုမြို့နယ်အတွင်းရှိ ဆိုင်ကယ် Show Room များတွင် လိုင်စင်မဲ့မော်တော်ဆိုင်ကယ်များ ရောင်းချမှု မရှိစေရေး ကွင်းဆင်း စစ်ဆေးခဲ့ပါသည်။

    ထိုသို့ စစ်ဆေးရာတွင် ကျိုက်ထိုမြို့နယ်တာဝန်ခံ ဦးဇော်ဦးက စားသုံးသူကာကွယ်ရေး ဥပဒေပါ လုပ်ငန်းရှင်များ လိုက်နာရမည့်တာဝန်များ၊ အာမခံပေးထားသည့်အတိုင်း ဝန်ဆောင်မှုအပြည့်အဝဆောင်ရွက်ပေးရန် အရည်အသွေး၊ စံချိန်စံညွှန်းပြည့်မီမှန်ကန်သော ကုန်စည်များအား ရောင်းချနိုင်ရေး ထုတ်ကုန်လုံခြုံစိတ်ချရမှုဆိုင်ရာ ဖော်ပြချက်များနှင့် ကိုက်ညီသော ကုန်စည်များအား ရောင်းချစေရေး အာမခံပေးထားသည့်ကာလအတွင်း တစ်စုံ တစ်ရာချို့ယွင်း၊ ပျက်စီးထိခိုက်နစ်နာမှုရှိပါက သတ်မှတ်ချက်အတိုင်း အမှန်တကယ် ဆောင်ရွက်ပေးရန်၊ ပြုပြင်ပေးရန်၊ လျော်ကြေးပေးရန်၊ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ ကတိပြုထားသော အာမခံချက်နှင့် ကိုက်ညီမှုမရှိပါက ကတိပြုထားသည့်အတိုင်း တာဝန်ယူဆောင်ရွက်ပေးနိုင်ရေး အသိပညာပေးခြင်းနှင့် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

DOCA (မွန်)

           ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်းရှိ ဆန်ဆိုင်များတွင် ရောင်းချလျက်ရှိသော ရွှေဘိုပေါ်ဆန်းနှင့် ဧရာဝတီပေါ်ဆန်း ဆန်များအား သတ်မှတ်ရည်ညွှန်းဈေးများအတိုင်းရောင်းချရန် ပူးပေါင်းအဖွဲ့ဖြင့် မေလ(၂၇)ရက်နေ့၊ နံနက် (၀၉:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

           ထိုသို့ ကွင်းဆင်းစစ်ဆေးရာတွင် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ် မြို့မရဲစခန်းမှ ရဲတပ်ဖွဲ့ဝင်များ၊ မြို့နယ်စည်ပင်သာယာရေးအဖွဲ့မှ ဝန်ထမ်းများနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့ ပူးပေါင်းအဖွဲ့သည် ကော့မှူးမြို့မဈေးအတွင်းရှိ  ဆန်ဆိုင်များတွင် ရောင်းချနေသော ဧည့်မထဆန်၊ ဧရာဝတီ ပေါ်ဆန်းဆန်၊ ကြားပျံ၊ ရွှေဘိုပေါ် ဆန်းဆန်များ၏ ရောင်းဈေးနှုန်းများကောက်ခံခြင်း၊   သတ်မှတ်ရည်ညွှန်းဈေးများအတိုင်း ရောင်းချခြင်းရှိ/မရှိနှင့် ဈေးနှုန်းမြှင့်တင်ရောင်းချခြင်းရှိမရှိတို့အား စစ်ဆေးမှုများ ပြုလုပ်ရာတွင် သတ်မှတ်ရည်ညွှန်းဈေးနှုန်းနှင့် ရောင်းလျက်ရှိကြောင်း တွေ့ရှိရပြီး ဆိုင်ပိုင်ရှင်များအား ဆန်များရောင်းချရာတွင် စီးပွားရေးကူးသန်းရောင်းဝယ်ရေးဝန်ကြီးဌာနမှ လစဉ် သင့်တင့်မျှတသော ဈေးကွက်ဈေးနှုန်းများအား ထုတ်ပြန်ပေးလျက်ရှိရာ သယ်ယူ၊ သိုလှောင်စရိတ်များအပါ သတ်မှတ်ရည်ညွှန်းဈေးများအတိုင်း ရောင်းချကြရန်နှင့် ဈေးနှုန်းမြှင့်တင် ရောင်းချပါက ဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း အသိပညာပေးခဲ့ကြောင်း သိရှိရပါသည်။

DOCA(ရန်ကုန်)

           ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ်တွင် ၂၀၂၅-၂၀၂၆ ပညာသင်နှစ် မြို့နယ်အဆင့်ကျောင်းအပ်နှံရေးနေ့ အခမ်းအနားကို မေလ(၂၇)ရက်နေ့၊ နံနက်(၀၉:၀၀) နာရီအချိန်တွင် အ.ထ.က(၂) ဇာတိမာန်ခန်းမ၌ ကျင်းပပြလုပ်ခဲ့ကြောင်း သိရပါသည်။

            အဆိုပါအခမ်းအနားတွင် မြို့နယ်စီမံအုပ်ချုပ်ရေးအဖွဲ့၊ အဖွဲ့ဝင်(၂) ဦးရဲတင့်က အဖွင့်အမှာစကားပြောကြားပြီး ကွမ်းခြံကုန်းမြို့နယ် မြို့နယ်ပညာရေးမှူး ဒေါ်အေးသန္တာစိုးက အမှာစကားပြောကြားရာတွင် ပညာရေးဌာနအနေဖြင့် ကျောင်းနေအရွယ်ကလေးအားလုံး ကျောင်းတက်ရောက်ရေး (အနည်းဆုံး KG to G9)ပြီးဆုံးသည်အထိ ပညာသင်နိုင်ရေးအတွက် မျှော်မှန်းချက်ထားကာ ဆောင်ရွက်လျက်ရှိကြောင်း ကျောင်းနေအရွယ်ကလေးအားလုံး ကျောင်းအပ်နှံနိုင်ရေးအတွက် နိုင်ငံတော်အစိုးရမှ ကျောင်းသုံးဗလာစာအုပ်များ၊ ပုံနှိပ်စာအုပ်များ မူလတန်းကလေးများအတွက် ကျောင်းဝတ်စုံတို့ကို ထောက်ပံ့ပေးနေကြောင်း ပညာရေးဌာနနှင့်အတူ အားလုံးကဝိုင်းဝန်းဆောင်ရွက်ပေးစေလိုကြောင်း ပြောကြားခဲ့ပြီး ကျောင်းသား/သူ များအား (အခမဲ့)ဖြန့်ဝေသော ပုံနှိပ်စာအုပ်၊ ဗလာစာအုပ်၊ ခဲတံ၊ ဘောပင်များနှင့် ကျောင်းဝတ်စုံများအား တာဝန်ရှိသူများက အသီးသီးပေးအပ်ခဲ့ကြောင်း သိရှိရပါသည်။

             အခမ်းအနားသို့ မြို့နယ်စီမံအုပ်ချုပ်ရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးသက်နိုင်ဦး၊ မြို့နယ်ပညာရေးမှူး ဒေါ်အေးသန္တစိုး၊ အငြိမ်းစား ပညာရေးမှူးများ၊ အမျိုးသမီးရေးရာအဖွဲ့၊ မြို့နယ်မိခင်နှင့်ကလေးစောင့်စောင့်ရှောက်ရေး အသင်းမှကျောင်းအုပ်ကြီးများ၊ ဆရာ/ မများ၊ ကျောင်းသား/ သူများနှင့် မြို့နယ်ဌာနဆိုင်ရာ အကြီးအကဲများ တက်ရောက်ခဲ့ကြရာ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးတို့ အခမ်းအနားသို့ တက်ရောက်ခဲ့ကြောင်း သိရှိရပါသည်။

DOCA(ရန်ကုန်)

      ၁.၆.၂၀၂၅ ရက်နေ့တွင် မွန်ပြည်နယ်၊ ကျိုက်ထိုခရိုင်၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနပိုင် ကျိုက်ထိုမြို့နယ် (မြဲ-၉) သိုလှောင်ရုံတစ်ခြမ်း ငှားရမ်းနိုင်ရေးအတွက် ကျိုက်ထိုခရိုင်တာဝန်ခံနှင့် ကျိုက်ထိုမြို့နယ်တာဝန်ခံတို့သည် ကွင်းဆင်းစစ်‌ဆေးခဲ့ကြသည်။

    ထိုသို့စစ်ဆေးရာတွင် မွန်ပြည်နယ်၊ စားသုံးသူရေးရာဦးစီးဌာန၊ ကျိုက်ထိုမြို့နယ် (မြဲ-၉) သိုလှောင်ရုံတစ်ခြမ်း (၈၀’x၂၀’x၁၂’) အား (၃)နှစ်သက်တမ်း (၁) နှစ် (၁) ကြိမ်စာချုပ်ဖြင့် ငှားရမ်းနိုင်ရေး သက်ဆိုင်ရာဌာနများဖြင့် ကြမ်းခင်းဈေးသတ်မှတ်ရေးအဖွဲ့ ဖွဲ့စည်း၍ ကွင်းဆင်းစစ်ဆေးခဲ့ကြောင်း သိရပါသည်။

DOCA (မွန်)

            (၂၇.၅.၂၀၂၅)ရက်နေ့ နေ့လယ်(၀၃:၁၀) နာရီအချိန်တွင် မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေးပါ(၃)ဦး၊ အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူး၊ ဆီလုပ်ငန်းရှင်များအသင်းမှ အဖွဲ့ဝင်(၃)ဦးတို့လိုက်ပါလျက် တိုက်ကြီးမြို့နယ်ရှိ ဦးဝင်းအောင် စားအုန်းဆီလက်လီအရောင်းဆိုင်သို့ ကွင်းဆင်းစစ်ဆေးခဲ့ပါသည်။

           ထိုသို့ စစ်ဆေးခဲ့ရာတွင် မြို့မဈေး၊ ရုံ(၂၀) အခန်း(၈)ရှိ ဦးဝင်းအောင်မှ မိမိရရှိသောခွဲတမ်းကို စာအုပ်စနစ်ဖြင့် အိမ်ထောင်စုတစ်စုလျှင် (၅၀)ကျပ်သားနှုန်းဖြင့် တစ်လလျှင် (၂)ပိဿာပေးပါ ကြောင်း၊ ရပ်ကွက်အလိုက် စနစ်တကျရောင်းချပေးပါကြောင်း၊ ဈေးနှုန်းမြှင့်တင်ရောင်းချခြင်းလည်း မရှိဘဲ သတ်မှတ်ဈေးနှုန်းအတိုင်း ရောင်းချပေးပါကြောင်း လက်ကျန်လည်းမထားရှိပါကြောင်း၊ မိမိတို့ ဌာနမှလည်း သိုလှောင်ထားခြင်းများမရှိခဲ့လျှင် တရားဥပဒေအရ အရေးယူဆောင်ရွက်သွားမည်ဖြစ်ပါကြောင်း သိရှိရပါသည်။

DOCA (ရန်ကုန်)