သတင်းနှင့် လှုပ်ရှားမှုများ

     စစ်ကိုင်းတိုင်းဒေသကြီး အစားအသောက်နှင့် ဆေးဝါးကြီးကြပ်ကွပ်ကဲရေးဦးစီးဌာနနှင့် စစ်ကိုင်းခရိုင် ပြည်သူ့ကျန်းမာရေးဦးစီးဌာနမှ ပူးပေါင်းဖွင့်လှစ်သည့် ကောင်းမွန်သော ဆေးဝါး ရောင်းချမှု ကျင့်စဉ်နှင့်အမျိုးသားဆေးဝါးဥပဒေဆိုင်ရာ အသိပညာပေးခြင်းအခမ်းအနားကို ၂၀၂၅ ခုနှစ်၊ ဩဂုတ်လ (၁၂) ရက်နေ့ နံနက် (၁၀း၀၀) နာရီအချိန်တွင် စစ်ကိုင်းမြို့ ကုတင်၂၀၀ဆံ့ ပြည်သူ့ဆေးရုံကြီး၌ စစ်ကိုင်းတိုင်းဒေသကြီး အစားအသောက်နှင့် ဆေးဝါး ကြီးကြပ်ကွပ်ကဲရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာနနှင့် မြို့နယ်အစားအ‌သောက်နှင့် ဆေးဝါးကြိးကြပ်မှုကော်မတီမှ တာဝန်ရှိသူများနှင့် စစ်ကိုင်းမြို့နယ်အတွင်းရှိ ဆေးဆိုင် (၆၀)ဆိုင်မှ ဆေးဆိုင်ပိုင်ရှင်နှင့် ဆေးဝါးရောင်းချသူများ၊ စားသုံးသူရေးရာဦးစီးဌာန၊ ခရိုင်ဦးစီးမှူးနှင့် ဝန်ထမ်းများ  တက်ရောက်ခဲ့ပါသည်။

     အဆိုပါအခမ်းအနားတွင် စစ်ကိုင်းတိုင်းဒေသကြီး အစားအသောက်နှင့်  ဆေးဝါး ကြီးကြပ်ကွပ်ကဲရေးဦးစီးဌာန၊တိုင်းဒေသကြီးဦးစီးမှူးက အစားအသောက်နှင့် ဆေးဝါး ကွပ်ကဲရေးဦးစီးဌာန ဖြစ်ပေါ်လာပုံ၊ မျှော်မှန်းချက်၊ ရည်မှန်းချက်များကို အဖွင့်အမှာစကား ပြောကြားပြီး ဆက်လက်၍ အမျိုးသားဆေးဝါးဥပဒေအရ တားမြစ်ချက်များ၊  မြန်မာနိုင်ငံ ဆေးဝါးမှတ်ပုံတင်အမှတ် ကြည့်ရှုစစ်ဆေးနည်း၊ဆေးဝါးအမျိုးအစားများ(၃) မျိုးရှိပါကြောင်း၊ ၎င်းတို့မှာ (၁)ဆရာဝန် ညွှန်ကြားချက်မလိုသော ဆေးဝါးများမှာ-ဓါတ်ဆားထုပ်များ၊ အားဆေး၊ အဖျားပျောက်ဆေး၊ သာမန်အကိုက်အခဲပျောက်ဆေး စသည့်ဆေးဝါးများကို ဝယ်ယူရရှိပါကြောင်း၊(၂) ဆရာဝန် ညွှန်ကြားချက်ဖြင့်သာ  သုံးစွဲရမည့် ဆေးဝါးများမှာ_ ငှက်ဖျားရောဂါ၊တီဘီ ၊ ခုခံကျရောဂါ ကုသဆေးများ၊ သွေးတိုးကျဆေးများ၊ နှလုံးရောဂါတွင် သုံးသောဆေးများ၊ ဆီးချို၊ သွေးချိုထိန်းဆေးများ၊ ထိုးဆေးများ၊ ကာကွယ်ဆေးများ၊ ရင်ကျပ်ရောဂါကုသဆေး၊ သန္ဓေတားဆေး စသည့်ဆေးဝါးများကို စနစ်တကျ ရောင်းချ ပါကြောင်း၊ (၃) ထိန်းချုပ်ဆေးဝါးများမှာ အိပ်‌ဆေးများကို စနစ်တကျ ဝယ်ယူသုံးစွဲရမည် ဖြစ်ပါကြောင်း၊ ပြည်သူများဆေးဝါးဝယ်ယူ သုံးစွဲရာတွင် သိရှိရမည့် အချက်များနှင့် ပြည်သူ တို့၏ ကျန်းမာရေးကို ဆိုးရွားစွာ ထိခိုက်စေနိုင်သည့် စပ်ဆေးတွဲများသုံးစွဲလျှင် ဘေးထွက် ဆိုးကျိုးများ ဖြစ်ပေါ်လာပါက နီးစပ်ရာ ကျန်းမာရေး၊ အစားအသောက်နှင့် ဆေးဝါးကွပ်ကဲရေး ဦးစီးဌာနသို့ သတင်းပေးပို့ ရမည်ဖြစ်ပြီး စသည့်အချက်အလက်များကို အကျယ်တဝင့် ရှင်းလင်းပြောကြားခဲ့ကြောင်း သိရှိရပါသည်။

DOCA (စစ်ကိုင်း)

       ၂၀၂၅ ခုနှစ်၊ဩဂုတ်လ(၁၁)ရက်နေ့၊နံနက် (၁၀:၃၀)  အချိန်မှစတင်၍ ညနေ(၄:၃၀)အချိန် ထိစားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံး အစည်းအဝေးခန်းမ၌ ဝန်ထမ်းစွမ်းဆောင် ရည်မြှင့်တင်ရေး(Online) သင်တန်းဖွင့်လှစ်ခဲ့ရာ ပြည်နယ်ဦးစီးမှူးရုံးရှိ အရာထမ်းဝန်ထမ်း(၁)ဦး နှင့်အမှုထမ်းဝန်ထမ်း(၁၁)ဦး၊စုစုပေါင်း(၁၂)ဦး တက်ရောက်ခဲ့ကြပါသည်။

          အဆိုပါသင်တန်းတွင် စားသုံးသူရေးရာဦးစီးဌာန၊ ရုံးချုပ်၊ ထုတ်ကုန်လုံခြုံစိတ်ချရမှု ဌာနခွဲ ဒေါ်ဖြိုးသော်ဆက်(ဦးစီးအရာရှိ)က Onlineဖြင့် စားသုံးသူသတင်းပြန်ကြားရေးနှင့် တိုင်ကြားမှုလက်ခံ ဆောင်ရွက်ရေး စင်တာအကြောင်း သိကောင်းစရာများကို အကျယ်တဝင့်ရှင်းလင်း ဆွေးနွေးပို့ ချခဲ့ပါသည်။ ဆက်လက်၍ ခေတ္တပြည်နယ် ဦးစီးမှူးက ဝန်ထမ်းစည်းကမ်းဆိုင်ရာပြစ်မှုပြစ်ဒဏ်များ အားလည်းကောင်း၊ ငွေစာရင်းဌာနခွဲတာဝန်ခံက မြန်မာနိုင်ငံခရီးစရိတ်နည်းဥပဒေ အကြောင်း သိကောင်းစရာများအားလည်းကောင်း ဘာသာရပ်အလိုက်   သင်ကြားပို့ချပေးခဲ့ပါသည်။

          ဝန်ထမ်းစွမ်းဆောင်ရည်မြှင့်တင်ရေး(Online)သင်တန်း ဖွင့်လှစ်ဆောင်ရွက်ခြင်းဖြင့် ဝန်ထမ်းများ၏ လူ့စွမ်းအားအရင်းအမြစ်များ ဖွံ့ဖြိုးတိုးတက်၍ ဌာန၏ပင်မလုပ်ငန်းဖြစ်သော စားသုံးသူကာကွယ်ရေးဆိုင်ရာ လုပ်ငန်းများဆောင်ရွက်ရာတွင် အထောက်အပံ့များရရှိကြောင်းနှင့်ဝန်ထမ်းများသိရှိလိုက်နာစေရန်ရည်ရွယ်၍ သင်တန်းဖွင့်လှစ်ဆောင်ရွက်ရခြင်းဖြစ်ကြောင်း  သိရှိရပါသည်။

DOCA(ကယား)

        စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ဝန်ထမ်း( ၃ )ဦးသည် ၂၀၂၅ခုနှစ်၊ ဩဂုတ်လ(၁၂)ရက်နေ့၊ နံနက်(၁၀:၀၀)နာရီအချိန်တွင် လွိုင်ကော်မြို့နယ်၊ အခြေခံပညာအထက် တန်းကျောင်း(ခွဲ)နမ့်ကွတ်၌ ကျောင်းသား/ကျောင်းသူ စုစုပေါင်း( ၂၀၀ )ဦးကို စားသုံးသူကာကွယ်ပေးရေး အသိပညာပေးဟောပြောဆွေးနွေးခဲ့ပါသည်။

          အဆိုပါဟောပြောပွဲတွင် စားသုံးသူရေးရာဦးစီးဌာန၊ ဦးကျော်ဇင်ထွေး(ဒုတိယဦးစီးမှူး)မှ စားသုံးသူကာကွယ်ရေးဥပဒေအကြောင်း ရှင်းလင်းဆွေးနွေးခဲ့ရာတွင် ကျောင်းသား/ကျောင်းသူ များအနေဖြင့် စားသုံးသူကာကွယ်ရေးဥပဒေပါ မိမိတို့၏အခွင့်အရေးကို အပြည့်အဝနားလည်ပြီး တောင်းဆိုရယူတတ်စေရန် စားသုံးသူအခွင့်အရေးများနှင့်တာဝန်များ၊ ကုန်ပစ္စည်းများဝယ်ယူသုံးစွဲ ခြင်းမပြုမီ သတိပြုရမည့်အချက်များ၊ နေ့စဉ်ဝယ်ယူသုံးစွဲသည့် ကုန်ပစ္စည်းများအပေါ်ပေး ထားသော ဝန်ဆောင်မှုများ အပြည့်အဝရရှိစေရေးကိုလည်းကောင်း၊ ကုန်ပစ္စည်း(သို့)ဝန်ဆောင်မှု များဝယ်ယူရာ တွင် နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေး ဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Websiteမှဖြစ်စေ၊ Doca Myanmar application များမှ ဖြစ်စေ ဆက်သွယ်တိုင်ကြားနိုင်ပါကြောင်း၊ MPT၊ Ooredoo၊ Atom၊ Mytel ဆင်းကဒ်များဖြင့်လည်း ၁၅၃၅ နံပါတ်များသို့ခေါ်ဆို၍ ကုန်စည်(သို့)ဝန်ဆောင်မှုနှင့်စပ်လျဉ်း၍ သိရှိ လိုသည်များမေးမြန်းခြင်း၊ နစ်နာဆုံးရှုံးမှုများအတွက် တိုင်ကြားခြင်းများပြုလုပ်နိုင်ကြောင်း အကျယ်တဝင့်ရှင်းလင်းဆွေးနွေးခဲ့ပြီး အသိပညာပေးလက်ကမ်းစာစောင်များဖြန့်ဝေခဲ့ကြောင်း ကျောင်းကျန်းမာရေးအဖွဲ့နှင့်အတူ ကျောင်းမုန့်ဈေးတန်းများပါတစ်ပါတည်း စစ်ဆေးဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

     စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေး လုပ်ငန်းများကို ဆောင်ရွက်လျက်ရှိကြောင်း၊ တာဝန်ခံ ဦးမျိုးဝင်းသန်းသည် ၂၀၂၅ ခုနှစ်၊ ဩဂုတ်လ ၁၃ရက် နံနက်(၁၀:၀၀)နာရီအချိန်တွင် ကန့်ဘလူမြို့၊ အမှတ်(၁)(အ.လ.က)ခွဲကျောင်းရှိ ဆရာ/မ များနှင့် ကျောင်းသား/သူများကို အသိပညာပေးဟောပြောပွဲ ဆောင်ရွက်ခဲ့ကြောင်း သိရှိရသည်။

         တာဝန်ခံဦးမျိုးဝင်းသန်းက ဟောပြောဆွေးနွေးရာတွင် စားသုံးသူ၏အဓိပ္ပာယ်၊ စားသုံး၏ အခွင့်အရေးနှင့်တာဝန်များအကြောင်း၊ စီးပွားရေးလုပ်ငန်းရှင်၏ တာဝန်များအကြောင်း၊ စားသုံးသူ နစ်နာဆုံးရှုံးမှုနှင့်စပ်လျဉ်း၍ တိုင်ကြားနိုင်သည့်နေရာနှင့် တိုင်ကြားရမည့်ပုံစံများအား အသိပညာ ပေးဟောပြောဆွေနွေးခြင်း၊ Online မှတဆင့်ဝယ်ယူရာတွင် လိမ်လည်မှုမခံရအောင် သိရှိရမည့် အချက်များကို ဟောပြောဆွေးနွေးခဲ့ကြောင်း၊ မည်သူမဆို အွန်လိုင်းစနစ်ဖြင့် ရောင်းချခြင်းလုပ်ငန်း ကိုမှတ်ပုံတင်လက်မှတ် လျှောက်ထားရရှိပြီးမှသာ လုပ်ကိုင်ရမည်ဖြစ်ကြောင်း ၊ လုပ်ငန်းရှင်များ အနေဖြင့် Online မှတ်ပုံတင်ခြင်းနှင့်ပတ်သက်၍ သိရှိလိုက်နာဆောင်ရွက်ရမည့်အချက်များ၊ မှတ်ပုံတင်လက်မှတ်ရရှိသူ၏ အခွင့်အရေးနှင့်တာဝန်များကို ဟောပြောဆွေးနွေး အသိပညာပေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိသည်။

DOCA (စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည်၂၀၂၅ ခုနှစ်၊ ဩဂုတ်လ ၁၃ ရက်၊ နံနက် ၁၁:၀၀ နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်း နှင့် ဒေါ်အိမွန်ကျော် အကြီးတန်းစာရေးတို့သည် ကန့်ဘလူမြို့၊ အမှတ်(၁)ရပ်ကွက်ရှိ  (အ.လ.က)ခွဲ ကျောင်း ကျောင်းမုန့်ဈေးတန်းရှိ မုန့်ဆိုင်များအား ခရိုင်ပြန်ကြားရေးနှင့်ပြည်သူ့ဆက်ဆံရေး ဦးစီးဌာနနှင့် ကျောင်းဆရာ/ဆရာမများနှင့် ပူးပေါင်း၍ ကျောင်းမုန့်ဈေးတန်းရှိ မုန့်မျိုးစုံဆိုင်များအား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးရာတွင် စားသုံးသူရေးရာဦးစီးဌာနက ဦးဆောင်၍  ကျောင်းအုပ် ဆရာကြီးနှင့် ဆရာ/မများပူးပေါင်း၍ ကျောင်းမုန့်ဈေးတန်းရှိ မုန့်ဆိုင်များတွင် ရောင်းချလျက်ရှိသည့် စားသောက်ကုန်စည်များတွင် ကုန်အညွှန်အမှတ်အသားများကို(၂/၂၀၁၉)နှင့်အညီ မြန်မာဘာသာ ဖြင့်ဖော်ပြထားခြင်း ရှိ/မရှိစစ်ဆေးခဲ့ကြောင်း၊ မြို့နယ်တာဝန်ခံက လုပ်ငန်းရှင်များအနေဖြင့် မိမိတို့ ရောင်းချသည့် ကုန်စည်များတွင် မြန်မာဘာသာဖြင့် ကုန်အညွှန်းအမှတ်အသားဖော်ပြထားသည့် ကုန်စည်များ၊ သက်ဆိုင်ရာဌာနများ၏ ထောက်ခံချက်ပါရှိသည့်ကုန်စည်များ စသည်တို့ကို ရောင်းချ ရန် အသိပညာပေးပြောကြားခဲ့ပြီး စီးပွားရေးလုပ်ငန်းရှင်၏တာဝန်များနှင့် စားသုံးသူ၏အခွင့်အရေး များပါ အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရသည်။

DOCA (စစ်ကိုင်း)