သတင်းနှင့် လှုပ်ရှားမှုများ

စားသုံးသူရေးရာဦးစီးဌာန ၊ ရန်ကုန်တိုင်းဒေသကြီးဦးစီးမှူးရုံး၏ တိုင်းဒေသကြီးကွပ်ကဲမှု အောက်ရှိ ခရိုင်ဦးစီးမှူးရုံးများအနေဖြင့် စက်မှုဇုန်များတွင် ပြည်တွင်းကုန်သွယ်မှုကဏ္ဏ  ဖွံ့ဖြိုး တိုးတက်ရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်ရန် ဆိုသည့်ဆောင်ပုဒ်နှင့်အညီ ပြည်တွင်းကုန်သွယ်မှုလုပ်ငန်းများ လုပ်ကိုင်ရာတွင် အခက်အခဲများမရှိ စေရေးအတွက် ခရိုင်အတွင်းစက်မှုဇုန်များရှိ စီးပွားရေးလုပ်ငန်းရှင်များနှင့် တွေ့ဆုံဆွေးနွေးခဲ့ကြ ကြောင်း သိရှိရပါသည်။

ကွင်းဆင်းစစ်ဆေးဆောင်ရွက်မှုများ ပြုလုပ်ရာတွင် ရန်ကုန်အရှေ့ပိုင်းခရိုင်ဦးစီးမှူး ဦးလှစိုး နှင့် ဝန်ထမ်းများသည်  ၇.၁.၂၀၂၅ ရက်နေ့ ၊နေ့လည် (၁3:၀၀) နာရီတွင် ဒဂုံမြို့သစ်ခရိုင်၊ တောင်ဒဂုံ မြို့နယ် စက်မှုဇုန်(3)၊ အမှတ်(င/၇၈)၊ လောပိတလမ်းရှိ Precision Engineering Group လုပ်ငန်းအား သွားရောက်စစ်ဆေးရာတွင် စက်မှုလက်မှု လုပ်ငန်း အမျိုးအစားဖြစ်ပြီး သက်ဆိုင်ရာ ဌာနများ၏ ထောက်ခံချက်များရယူထားခြင်းရှိကြောင်း၊ ကြုံတွေ့နေရသည့် အခက်အခဲတို့ကို မေးမြန်းခဲ့ကြောင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များအတိုင်း လိုက်နာဆောင်ရွက်လုပ်ကိုင်စေလိုကြောင်း၊ ကုန်အညွှန်းအမှတ်အသားနှင့်စပ်လျဉ်း၍ ဥပဒေပါ ပြဌာန်းချက်များအတိုင်း လိုက်နာဆောင်ရွက်ပေးရန် အသိပညာပေးခြင်းနှင့် မြေပြင်ကွင်းဆင်း စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ တိုင်းဒေသကြီးကွပ်ကဲမှု အောက်ရှိ ခရိုင်ဦးစီးမှူးရုံးများအနေဖြင့် စက်မှုဇုန်များတွင် ပြည်တွင်းကုန်သွယ်မှုကဏ္ဏ  ဖွံ့ဖြိုး တိုးတက်ရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားဖွံ့ဖြိုးတိုးတက်ရန် ဆိုသည့်ဆောင်ပုဒ်နှင့်အညီ ပြည်တွင်းကုန်သွယ်မှုလုပ်ငန်းများလုပ်ကိုင်ရာတွင် အခက်အခဲများ မရှိ စေရေးအတွက် ခရိုင်အတွင်းစက်မှုဇုန်များရှိ စီးပွားရေးလုပ်ငန်းရှင်များနှင့် တွေ့ဆုံဆွေးနွေး ခဲ့ကြ ကြောင်း သိရှိရပါသည်။

ကွင်းဆင်းစစ်ဆေးဆောင်ရွက်မှုများပြုလုပ်ရာတွင် ရန်ကုန်အရှေ့ပိုင်းခရိုင်ဦးစီးမှူး ဦးလှစိုး နှင့် ဝန်ထမ်းများသည်  ၆.၁.၂၀၂၅ ရက်နေ့၊ နံနက် (၁၀:၀၀ )နာရီတွင် ဒဂုံမြို့သစ်ခရိုင်၊ တောင်ဒဂုံ မြို့နယ် စက်မှုဇုန်(၁) ၊ အမှတ်(၆၅) ၊ လွိုင်ကော်လမ်းရှိ Shake မုန့်လုပ်ငန်းအား သွားရောက် စစ်ဆေးရာတွင် လုပ်ငန်းအမျိုးအစား၊ ကြိတ်ခွဲထုတ်လုပ်သည့်ပမာဏ၊ စက်ကြိတ် အား၊ လုပ်ငန်းလည်ပတ်မှုအခြေအနေ၊ သက်ဆိုင်ရာဌာနများ၏ ထောက်ခံချက်များ ရယူထား ခြင်း ရှိ/မရှိနှင့်  ကြုံတွေ့ရသည့်အခက်အခဲတို့ကို မေးမြန်းခဲ့ကြောင်း ၊ ပြည်တွင်းမှာသာ ဖြန့်ဖြူးရောင်းချခြင်း ဖြစ်သည့်အတွက် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင် ၏ တာဝန်များအတိုင်း လိုက်နာဆောင်ရွက်လုပ်ကိုင်စေလိုကြောင်း၊ ကုန်အညွှန်းအမှတ်အသား နှင့်စပ်လျဉ်း၍ ဥပဒေပါ ပြဌာန်းချက်များအတိုင်း လိုက်နာဆောင်ရွက်ပေးရန် အသိပညာပေး ခြင်းနှင့် မြေပြင် ကွင်းဆင်း စစ်ဆေးမှုများ ဆောင်ရွက်ခဲ့ကြောင်း သိရှိရပါသည်။

DOCA(ရန်ကုန်)

          ၂၀၂၅ခုနှစ် ဇန်နဝါရီလ (၈)ရက်နေ့၊ နေ့လယ်(၁၂:၀၀)နာရီအချိန်တွင် ခရမ်းမြို့ရှိ ဆေးဆိုင်များတွင် ရောင်းချလျှက်ရှိသော တိုင်းရင်းဆေးဝါးများတွင် မှတ်ပုံတင်ထားခြင်းရှိ/မရှိ၊ ထုတ်လုပ်ခွင့် လိုင်စင်သက်တမ်းတိုးဆောင်ရွက်ခြင်းမပြုဘဲ ဈေးကွက်အတွင်းဆက်လက် ထုတ်လုပ်ရောင်းချခြင်း ရှိ/မရှိနှင့် တိုင်းရင်းဆေးဦးစီးဌာနမှ ထုတ်ပြန်ထားသော တားမြစ် ဆေးဝါးများ ရောင်းချမှုမရှိစေရေး တို့ကို မြို့နယ်တိုင်းရင်းဆေးဦးစီးဌာနမှ တိုင်းရင်းဆေးမှူး၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့များ ပူးပေါင်း၍ ကွင်းဆင်းစစ်ဆေးခဲ့သည်။

          ထိုသို့စစ်ဆေးရာတွင် ပစ်တိုင်းထောင်ဆေးဆိုင်၊ ဇူလိုင်ဆေးဆိုင်၊ စွယ်တော်ဆေးဆိုင်၊ လဝန်းအိမ်ဆေးဆိုင်နှင့် ရွှေကံ့ကော်ဆေးဆိုင်များတွင်ကွင်းဆင်းစစ်ဆေးခဲ့ပြီး ယင်းဆေးဆိုင် များတွင် ရောင်းချနေသောဆေးဝါးများတွင် တိုင်းရင်းဆေးဝါးမှတ်ပုံတင်အမှတ်များပါရှိပြီး ထုတ်လုပ်ခွင့် လိုင်စင်သတ်တမ်း ကျော်လွန်နေသော တိုင်းရင်းဆေးများ ရောင်းချမှုမရှိကြောင်း တွေ့ရှိရပြီး ဆေးဆိုင်များတွင်ရောင်းချသော ဆေးဝါးများတွင် စားသုံးသူများဘေးအန္တရာယ် ကင်းရှင်းစေရေးအတွက် ကုန်ညွှန်းအမှတ်အသားပြည့်စုံ၍ သက်တမ်းဆေးဝါးများတားမြစ်များ အား ရောင်းချမှုမပြုကြရန် ဆေးဆိုင်ပိုင်ရှင်များအား အသိပညာပေးခဲ့ကြောင်း သိရသည်။

DOCA(ရန်ကုန်)

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း၊ အပြင်နှင့်ရပ်ကွက်များရှိ စားသုံးဆီအမျိုးမျိုးကိုဖြန့်ဖြူးရောင်းချလျှက်ရှိသော ကုန်ခြောက်ဆိုင် များသို့ ဇန်နဝါရီလ (၇)ရက်နေ့၊ နေ့လယ်(၁၁:၃၀)အချိန်တွင် ရောနှောဆီအပါအဝင် အမှတ်တံဆိပ်ပါ ပြည်တွင်းထုတ်စားသုံးဆီများ ဖြန့်ဖြူးရောင်းချနေမှု အခြေအနေအား ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးခဲ့ရာတွင် မြို့မစည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှမြို့နယ်တာဝန်ခံတို့သည် ကော့မှူးမြို့နယ်ဈေးကွက် အတွင်းရှိ ဖြန့်ဖြူးရောင်းချလျှက်ရှိသော စားသုံးဆီအမျိုးမျိုးတို့တွင် စားသုံးဆီတင်သွင်း သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ ကျန်းမာရေးဝန်ကြီးဌာန၊ မြန်မာနိုင်ငံအစားအသောက် နှင့်ဆေးဝါးအာဏာပိုင်အဖွဲ့က ရောနှောဆီ (Blended Oil) ထုတ်လုပ်၊ သိုလှောင်၊ သယ်ယူ၊ ဖြန့်ဖြူးရောင်းချခြင်းနှင့်စပ်လျဉ်း၍ လိုက်နာဆောင်ရွက်ရန် အမိန့်စာအမှတ် (၂/၂၀၂၄) ဖြင့် (၂၉.၃.၂၀၂၄)ရက်နေ့တွင် ထုတ်ပြန်ခဲ့ပြီးဖြစ်သည့်အတွက် FDA ထောက်ခံချက်အပါအဝင် သတ်မှတ် စည်းကမ်းချက်များနှင့် ကိုက်ညီမှုရှိ/မရှိနှင့်ပြည်တွင်းထုတ် အမှတ်တံဆိပ်ပါ စားသုံးဆီများတွင် FDA ထောက်ခံရှိ/မရှိ မြေပြင်ကွင်းဆင်း စစ်ဆေးခဲ့ရာတွင် ကော့မှူးမြို့နယ် စည်ပင်သာယာမြို့မဈေး အတွင်း၊ အပြင်နှင့် ရပ်ကွက်များရှိ ကုန်ခြောက် ဆိုင်များတွင် ဖြန့်ဖြူးရောင်းချလျှက်ရှိသော ဗူးဆီများ တွင် သက်ဆိုင်ရာမှ ထုတ်ပြန်ထားသည့် သတ်မှတ်ချက်များနှင့် FDA ထောက်ခံချက်အပြည့်စုံ ပါရှိသော ရောနှောဆီအပါအဝင် အမှတ်တံဆိပ်ပါ ပြည်တွင်းထုတ် စားသုံးဆီများကိုသာ ဖြန့်ဖြူး ရောင်းချပေးလျှက်ရှိကြောင်း သိရှိရသည်။

DOCA(ရန်ကုန်)

           ၂၀၂၅ ခုနှစ်၊ ဇန်နဝါရီလ ၁၉ ရက်နေ့၊  ၀၉:၀၀ နာရီအချိန်တွင် ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ရတနာဦး ကားဂိတ်ယာဥ်ရပ်နားစခန်းသို့ မြန်မာနိုင်ငံဆီကုန်သည်နှင့်ဆီလုပ်ငန်းရှင်များ အသင်း၏ စီစဥ်မှုဖြင့် Kaung Hlyan New Asia Co,Ltd မှ စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၈၄) ပေပါကို ယာဥ်မောင်း ဦးအောင်ကျော်ကျော်၊ ယာဉ်အမှတ် 7M-2226/Hino အမျိုး အစားမော်တော်ယာဥ်ဖြင့်လည်းကောင်း အလားတူ ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိ ဟိုင်းဝေးကားဂိတ်ယာဥ်ရပ်နားစခန်းသို့ ယင်းနေ့ ၀၉:၃၀ နာရီအချိန်တွင် Myanmar Oil Alliance Co,Ltd မှ စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၉၀) ပေပါကို ယာဥ်မောင်း ဦးဇော်ဇော်၊ ယာဉ် အမှတ် 9K-9082/Hino အမျိုးအစား မော်တော်ယာဥ်နှင့် Yadanarbon Global Network Distribution Co,Ltd မှ  စားအုန်းဆီ ၁ ပေပါ လျှင် ၁၁၀ ပိဿာပါ စားအုန်းဆီ (၅၃) ပေပါကို ယာဥ်မောင်း ဦးညွန့်ဝင်း၊ ယာဉ်အမှတ် 3F-9719/ Nissan Diesel အမျိုးအစား မော်တော်ယာဥ်တို့ဖြင့် အသီးသီးရောက်ရှိလာရာ တိုင်းဒေသကြီး စားသုံးသူရေးရာဦးစီးဌာနမှ တိုင်းဒေသကြီးဦးစီးမှူးနှင့်တာဝန်ရှိသူများက သွားရောက် စစ်ဆေးခဲ့ပြီး အဆိုပါ ကုမ္ပဏီအသီးသီးမှ ရောက်ရှိလာသည့် စားအုန်းဆီ စုစု ပေါင်း (၂၂၇) ပေပါအား ကုမ္ပဏီ၏ လက်ကားအရောင်း ကိုယ်စားလှယ်မှတစ်ဆင့် ထားဝယ်မြို့၊ အိုးလုပ် ရပ်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင် အပါအဝင် အထိုင် ရောင်းချနေသည့် လက်လီဆိုင် ၁၅ ဆိုင်တို့မှ သတ်မှတ်ရည်ညွှန်း ဈေးအတိုင်း စားသုံးသူပြည်သူများသို့ ခွဲဝေရောင်းချပေးသွားမည်ဖြစ် ကြောင်း သိရှိရပါသည်။

DOCA(တနင်္သာရီ)