သတင်းနှင့် လှုပ်ရှားမှုများ

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့ သည် (၉.၁.၂၀၂၅)ရက်နေ့ နံနက်(၉:၄၀)အချိန်တွင် အင်းစိန်မြို့နယ်၊ အမှတ်(၃၆၄)၊ ACE သဲကွင်း(ပ/၄)လမ်း၊ မြို့သစ်(ဂ)ရပ်ကွက်ရှိ အွန်လိုင်းစနစ်ဖြင့် ရောင်းချလျက်ရှိသော စားသောက်ကုန် ပစ္စည်းနှင့်အလှကုန်ပစ္စည်းများရောင်းချနေသောနေရာသို့ အွန်လိုင်းမှတ်ပုံတင် လျှောက်ထားခြင်း ရှိ/မရှိ မြေပြင်ကွင်းဆင်းစစ်ဆေးခဲ့ပါသည်။

ထိုသို့ကွင်းဆင်းခဲ့ရာတွင် ဒေါ်နီလာဝင်း၊ ဦးစီးမှူးမှ Online စနစ်ဖြင့် ရောင်းချနေသော လိပ်စာတွင် မှတ်ပုံတင်လက်မှတ်လျှောက်ထားမှုနှင့်စပ်လျဉ်း၍ လုပ်ငန်းရှင်များ လျှောက်လွှာပုံစံ တွင် ဖြည့်သွင်းထားသည့်လိပ်စာအတိုင်း လုပ်ငန်းအမှန်တကယ်တည်ရှိခြင်းရှိ/မရှိ၊ မှတ်ပုံတင် လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည်(သို့)ဝန်ဆောင်မှု အမျိုးအစားအတိုင်း မြေပြင်တွင် အမှန်တကယ်ရောင်းချနေသော စာရင်းကိုက်ညီမှုရှိ/မရှိတို့ကို စစ်ဆေးခဲ့ပြီး စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်း အမှတ်အသား ဖော်ပြမှုတို့ကို မြေပြင်ကွင်းဆင်းခဲ့ကြောင်း သိရှိရပါသည်။

DOCA(ရန်ကုန်)

စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ တွံတေးခရိုင်၊ ကော့မှူးမြို့နယ်အတွင်း ဘိလပ်မြေအရောင်းဆိုင်များသို့ ပစ္စည်းပြတ်လပ်မှုရှိ/မရှိနှင့် ဈေးနှုန်းဈေးကွက် အခြေအနေအား ဇန်နဝါရီလ (၉)ရက်နေ့၊ နံနက်(၀၉:၀၀)နာရီအချိန်တွင် ကော့မှူးမြို့နယ်ရပ်ကွက်များရှိ  အိမ်ဆောက်ပစ္စည်း ဖြန့်ဖြူးရောင်းချလျှက်ရှိသောကုန်မာဆိုင်များသို့ ဈေးနှုန်းအတက်အကျဖြစ်ရသည့် အကြောင်းအရင်းအား သိရှိနိုင်ရန် ကွင်းဆင်းစစ်ဆေးခဲ့ကြောင်း သိရသည်။

ထိုသို့ဈေးကွက်အတွင်း ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန မြို့နယ်တာဝန်ခံ ဦးတင်မင်းသည် အမှတ်(၂၃၀) စည်ပင်လမ်းမကျီးတန်းရပ်ကွက်ရှိ နေအောင်ကုန်မာဆိုင်၊ အမှတ်(၂၂၆) စည်ပင်လမ်းမကျီးတန်းရပ်ကွက်ရှိ မြင့်မိုရ်ကုန်မာဆိုင်နှင့်အမှတ်(၁၉၆) ဗိုလ်ချုပ်လမ်းမြို့မရပ်ကွက်ရှိ အကယ်ဒမီကုန်မာ အိမ်ဆောက်ပစ္စည်း ဖြန့်ဖြူးရောင်းချလျှက်ရှိသော စီးပွားရေးလုပ်ငန်းရှင် ဆိုင်ပိုင်ရှင် များနှင့်တွေ့ဆုံပြီး ဘိလပ်မြေအမျိုးအစားအလိုက် လက်လီ၊ လက်ကားဈေးနှုန်း၊ ယခင်လ၊ ယခုလ ဈေးနှုန်း၊ ကွာခြားချက်ဈေးနှုန်း အတက်အကျဖြစ်သည့် အကြောင်းအရင်း၊ မြေပြင်လက်ကျန် အခြေအနေ၊ ပစ္စည်းပြတ်လပ်မှုရှိ/မရှိ ၊ ဈေးနှုန်းဈေးကွက်အခြေအနေတို့အား မြေပြင်ကွင်းဆင်း လက်ကျန်စာရင်းကောက်ယူခဲ့ပြီး ဆိုင်ပိုင်ရှင်များအား ဘိလပ်မြေအမှတ်တံဆိပ်အမျိုးမျိုးတို့အား ဝယ်ယူရရှိရမှုအခြေအနေ၊ ပစ္စည်းပြတ်လပ် မှုရှိ/မရှိနှင့် လက်ကျန်ပစ္စည်းများအား ဈေးကစားရန် ရည်ရွယ်ချက်ဖြင့် သိုလှောင်ထားခြင်းမျိုးများ မပြုလုပ်ကြရန် ဈေးနှုန်းအဆမတန်မြှင့်တင် ရောင်းချခြင်း မျိုးများ မပြုလုပ်ကြရန် စီးပွားရေးလုပ်ငန်းရှင် အသိပညာပေး ဆွေးနွေးပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

          ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ် စားသုံးသူရေးရာဦးစီးဌာနမှ မြို့နယ် တာဝန်ခံနှင့် ဝန်ထမ်းများသည် ဇန်နဝါရီလ (၉)ရက်နေ့၊ နေ့လည် (၁၃:၃၀)အချိန်တွင် မြို့နယ်စည်ပင်သာယာရေးအဖွဲ့နှင့် ပူးပေါင်း၍ ခရမ်းမြို့နယ်စည်ပင်သာယာမြို့မဈေးအတွင်းရှိ နို့နှင့်နို့ထွက် ပစ္စည်းအမျိုးမျိုးရောင်းချလျှက်ရှိသော ကုန်စုံဆိုင်များအား ကုန်စည်တွင်ထည့်သွင်း ဖော်ပြရမည့် ကုန်အညွှန်းအမှတ်အသားများ ပြည့်စုံမှုရှိ/မရှိ ဈေးကွက်စောင့်ကြည့် စစ်ဆေး ခဲ့ပါသည်။

          အဆိုပါ ဈေးကွက်စောင့်ကြည့်စစ်ဆေးရာတွင် ဈေးကွက်အတွင်းရောင်းချနေသော နို့နှင့် နို့ထွက်ပစ္စည်းအမျိုးမျိုးတွင် စားသုံးသူများ ဖတ်ရှု့၍ နားလည်စေရန် မြန်မာဘာသာဖြင့် ဖော်ပြရမည့် ကုန်အညွှန်းအမှတ်အသားများဖြစ်သည့် အမျိုးအမည်၊ အသားတင်ပမာဏ၊ သုံးစွဲသူနည်းလမ်း၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်များ ပြည်စုံ မှုရှိ/မရှိနှင့် ထုတ်လုပ်ရက်စွဲ၊ သက်တမ်းကုန်ဆုံးရက်စွဲ ဖော်ပြထားခြင်းရှိ/မရှိ စစ်ဆေးခဲ့ပြီး ဈေးကွက် တွင်ရောင်းချသော ကုန်ပစ္စည်းများတွင် ကုန်အညွှန်းအမှတ်အသား ပြည့်စုံစွာဖော်ပြထားသော ကုန်ပစ္စည်းများသာ ရောင်းချရန် ဆိုင်ပိုင်ရှင်များအား အသိပညာပေးခြင်း ဈေးကွက်စောင့်ကြည့်ခြင်း များ ပြုလုပ်ခဲ့ကြောင်း သိရသည်။

DOCA(ရန်ကုန်)

          ရန်ကုန်တိုင်းဒေသကြီးအတွင်း ဒေသဆိုင်ရာ MSME အေဂျင်စီများအနေဖြင့် နိုင်ငံတော်မှ မတည်ရင်းနှီးထားသည့် ငွေကြေးအရင်းအနှီးကို Quality Loan အဖြစ်အမှန်တကယ် လိုအပ် သည့် MSME လုပ်ငန်းရှင်များထံသို့ အပြည့်အဝရရှိစေရေးနှင့်အကျိုးထိရောက်စွာ အသုံးပြု နိုင်ရေးစီမံ ကြပ်မတ်ဆောင်ရွက်လျက်ရှိရာ အမှတ်(၆6၉) ၊ မင်းရဲကောင်းပုံလမ်း ၊ (၁၀၅)ရပ်ကွက် ၊ ဒဂုံမြို့သစ် တောင်ပိုင်းရှိ ရွှေလပ်ကီး(မုန့်မျိုးစုံ) လုပ်ငန်းအတွက် MSME လျှောက်ထားသည့် လုပ်ငန်းရှင်အား  ၈.၁.၂၀၂၅ ရက်နေ့ ၊ နံနက်(၁၀:၃၀) တွင် ချေးငွေပံ့ပိုးပေးနိုင်ရေး ခရိုင်အထွေထွေအုပ်ချုပ်ရေးဦးစီး ဌာနမှ ဦးဆောင်၍ စားသုံးသူရေးရာဦးစီးဌာန ၊ ပြည်တွင်းအခွန် ၊ အလုပ်သမားဝန်ကြီးဌာန ၊ မြန်မာ့စီးပွားရေးဘဏ် ၊ ရဲတပ်ဖွဲ့ ၊ စက်မှုကြီးကြပ်နှင့်စစ်ဆေးရေးဦးစီးဌာနစသည့် သက်ဆိုင်ရာဌာန များပူးပေါင်းပြီး ကွင်းဆင်းဆောင်ရွက်ခဲ့ကြောင်း သိရှိရပါသည်။ 

ထိုသို့ကွင်းဆင်းဆောင်ရွက်ရာတွင် စားသုံးသူရေးရာဦးစီးဌာန၊ အရှေ့ပိုင်းခရိုင်ဦးစီးမှူးရုံး မှ ဦးလှစိုး (ခရိုင်ဦးစီးမှူး) က စားသုံးသူကာကွယ်ရေးဥပ‌ဒေပါ အခန်း(၁၃) ရှိ စီးပွားရေး လုပ်ငန်းရှင်သည် စားသုံးသူအပေါ်ဝန်ဆောင်မှုပေးရာတွင် (၁) မိမိဝန်ဆောင်မှု နှင့် စပ်လျဉ်း၍ အချက်အလက်များကို စားသုံးသူသိရှိစေရန်ကြိုတင်အသိပေးခြင်း၊ (၂) မှန်ကန်သော သတင်းအချက်အလက်နှင့်ပြည့်စုံသော ဝန်ဆောင်မှုအဆင့်အတန်းနှင့်အညီ ပြည့်ဝစွာပေးရမှာ ဖြစ်ကြောင်း အသိ ပညာပေးရှင်းလင်းပြောကြားခဲ့ကြောင်း သိရှိရပါသည်။

DOCA(ရန်ကုန်)

          (၈.၁.၂၀၂၅)ရက်နေ့ နေ့လည်(၁၃:၁၅)အချိန်တွင် မြောက်ပိုင်းခရိုင်ဦးစီးမှူးရုံးမှ တိုက်ကြီးမြို့နယ်ခွဲတာန်ခံ ဒေါ်တင်တင်ဌေး၊ ရုံးအုပ်သည် မြို့မဈေး၊ ဗောဓိကုန်းရပ်ကွက် နှင့်ပြည်လမ်းမပေါ်ရှိ ဆိုင်များတွင် နို့နှင့်နို့ထွက်ပစ္စည်းအမျိုးမျိုးရောင်းချနေခြင်းအား ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

          ထိုသို့ ဆောင်ရွက်ခဲ့ရာတွင် ဦးပြုံးမောင်မောင်၊ ဒေါ်မာမာဦး၊ ဒေါ်ပြုံးပြုံးကြည်နှင့် ဒေါ်အိအိမိုးဇင်ဆိုင်တို့တွင် ရောင်းချနေသော နို့နှင့်နို့ထွက်ပစ္စည်းအမျိုးမျိုးတို့တွင် ကုန်စည်၏အမျိုး အမည်၊ အရွယ်အစား၊ အရေအတွက်နှင့်အသားတင်ပမာဏသုံးစွဲပုံနည်းလမ်း၊ ထားသိုသိမ်းဆည်းမှု အညွှန်း၊ ဓါတ်မတည်ကြောင်းဖော်ပြချက်နှင့် ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု(သို့မဟုတ်)တစ်ခုထက်ပို၍ တွဲလျက်ဖြစ်စေ ဖော်ပြထားသည် ကို တွေ့ရှိရခြင်း၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်နှင့်တာဝန်များကို အသိပညာ ပေးဆွေးနွေးခဲ့ကြောင်း သိရှိရပါသည်။

DOCA(ရန်ကုန်)