သတင်းနှင့် လှုပ်ရှားမှုများ

            ဖျာပုံခရိုင်စားသုံးသူရေးရာဦးစီးဌာန၊ ခရိုင်ဦးစီးမှူးရုံးခန်းတွင်( ၇-၁-၂၀၂၅ )ရက်နေ့၊ နေ့လည် (၁၄:၀၀)နာရီအချိန်တွင် ခရိုင်ဦးစီးမှူးက ဦးဆောင်၍ မြို့နယ်တာဝန်ခံများနှင့် ခရိုင်ကုန်တင်ကားကြီး လုပ်ငန်းရှင်အသင်းတို့တွေ့ဆုံ၍ ကုန်တင်လွှာစနစ််ဖြင့်ဆောင်ရွက်နိုင်ရေးဆွေးနွေးခဲ့ကြသည်။

           အဆိုပါအခမ်းအနားတွင် ခရိုင်ဦးစီးမှူး ဦးထွေးသိမ်းက ကုန်တင်ကားကြီးများအနေဖြင့် မိမိတို့ ကားပေါ်တင်ဆောင်လာသည့် ကုန်စည်များသည် တရားဝင်ကုန်စည်များဖြစ်ဖို့လိုကြောင်းနှင့် သက်ဆိုင်ရာခွင့်ပြုချက်အထောက်အထားများပြည့်ပြည့်စုံစုံယူဆောင်ကြရန်မှာကြားပါသည်။

          ဖျာပုံမြို့နယ်တာဝန်ခံဦးမင်းဇော်က ကုန်စည်များသယ်ဆောင်သည့် ကုန်တင်ကာများအနေဖြင့် ကုန်တင်လွှာရယူပြီးမှ သာထွက်ခွာရန်နှင့်ဒေသကုန်ကားများအခက်အခဲရှိပါက အသင်းအနေဖြင့်ကူညီ ဆောင်ရွက်ပေးရမည်ဖြစ်ပြီး စည်းမျဉ်းစည်းကမ်းနှင့် အညီလုပ်ဆောင်သွားကြရမည်ဖြစ်သည်။ ကုန်ပို့လွှာတွင်သယ်ယူသည့်ရက်စွဲ၊ မည်သည့်နေရာကသယ်ယူပြီးမည်သည့်နေရာသို့ပို့မည်စသည့် အချက် အလက်များပြည့်ပြည့်စုံစုံထည့်သွင်းရမည်ဖြစ်သည်၊ ဆန်နှင့်ဆန်ထွက်ပစ္စည်း၏ စီးဝင်စီးထွက်စာရင်း ဌာနကိုပေးရမည်ဖြစ်ကြောင်း ဆွေးနွေးပြောကြားပါသည်။ တက်ရောက်လာသူများမှ တင်ပြဆွေးနွေး မှုအပေါ်တာဝန်ရှိသူများမှပြန်လည်ရှင်းလင်းဆွေးနွေးခဲ့ကြပါသည်။

            ထိုတွေ့ဆုံဆွေးနွေးပွဲသို့ ဖျာပုံခရိုင် ကုန်တင်ကားကြီး လုပ်ငန်းရှင်အသင်းမှတာဝန်ရှိသူ(၉)ဦး တက်ရောက်ကြကြောင်းသိရှိရပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ မအူပင်ခရိုင် ဦးစီးမှူးရုံး၊ ညောင်တုန်းမြို့နယ်ဦးစီးမှူး ဦးအောင်လွင်နှင့် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ၉.၁.၂၀၂၅ ရက်နေ့ နံနက် (၁၀:၀၀)နာရီအချိန်တွင်  ညောင်တုန်းမြို့နယ် ရေလဲကမ်းနားလမ်း အ.မ.က ကျောင်းသို့သွားရောက်၍ ကျောင်းသား/ သူများအား စားသုံးသူကာကွယ်ရေး အသိပညာပေး ဟောပြောခဲ့ပါသည်။

           အဆိုပါဟောပြောပွဲတွင် ဒေါ်ချိုမီဇင် ဒုဦးစီးမှူးမှ စားသုံးသူရေးရာဦးစီးဌာန၏ ရည်မှန်းချက်၊  မျှော်မှန်းချက်၊ ရည်ရွယ်ချက်တို့ကိုရှင်းလင်းခြင်း၊ စားသုံးသူကာကွယ်ရေးဥပဒေ ၂၀၁၉ ပါ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူ၏အခွင့်အရေးနှင့် တာဝန်များအကြောင်း၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား ကြည်ရှုပြီး ဝယ်ယူအသုံးပြုနိုင်ရန် ရှင်းလင်းခြင်း၊   စားသုံးသူများ နစ်နာဆုံးရှုံးမှုဖြစ်ပေါ်လာပါက တိုင်ကြားနိုင်ကြောင်းနှင့် တိုင်ကြားမှုပုံစံများအကြောင်းကို အကျယ်တဝင့်ရှင်းလင်းပြီး စားသုံးသူကာကွယ်ရေးလုပ်ငန်းစဉ်နှင့်ပတ်သက်၍ အသိပညာများကို သိရှိနိုင်ရန် ဥပမာပေး ကုန်စည်ထုတ်ကုန်များနှင့် ကျောင်းသား/ ကျောင်းသူများအာ ရွေးချယ်ပြသစေပြီး ဆုပေးစနစ်ပြုလုပ်ကာ အသိပညာပေးဟော ပြောခဲ့ကြောင်းသိရသည်။

            အဆိုပါ ဟောပြောပွဲသို့ ကျောင်းသား/ သူ(၁၀၀)ဦး ဆရာ/ ဆရာမ(၆) ဦးစုစုပေါင်း (၁၀၆)ဦး တက်ရောက်ခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ကြောင်းသိရှိရပါသည်။

DOCA (ဧရာဝတီ)

              စားသုံးသူရေးရာဦးစီးဌာန၊ တောင်ငူခရိုင်ဦးစီးမှူး ဦးမျိုးအောင်သည် တောင်ငူမြို့နယ် စည်ပင်သာယာရေးအဖွဲ့ ဦးစီးအရာရှိ ဦးအောင်ကိုကိုနှင့်အတူ (၁၁.၁.၂၀၂၅)ရက်နေ့ နေ့လယ်ပိုင်း တွင်တောင်ငူမြို့ပေါ်ရှိ ဆန်သိုလှောင်ရုံများနှင့် ဆန်အရောင်းဆိုင်များသို့ လည်းကောင်း၊ ရေတာရှည် မြို့နယ်တာဝန်ခံ ဦးဇော်ဇော်ထွေးသည် ရေတာရှည်မြို့ပေါ်ရှိ ဆန်သိုလှောင်ရုံများနှင့် ဆန်အရောင်း ဆိုင်များသို့လည်းကောင်း သွားရောက်၍ ဆန်သိုလှောင်ထားရှိမှုနှင့် ရောင်းချဖြန့်ဖြူးမှု အခြေအနေ များကို ကွင်းဆင်းစစ်ဆေးခဲ့ပါသည်။

              တောင်ငူခရိုင်အတွင်း ဆန်ပြတ်လပ်မှုနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေး အတွက် စားသုံးသူရေးရာဦးစီးဌာနမှ တာဝန်ရှိသူများသည် သက်ဆိုင်ရာဌာနဆိုင်ရာများနှင့်ပူးပေါင်း ၍ ခရိုင်အတွင်းရှိ ဆန်သိုလှောင်ရုံနှင့် ဆန်အရောင်းဆိုင်များသို့ ကွင်းဆင်းစစ်ဆေးပြီး ဈေးနှုန်းမြှင့် တင်ရောင်းချဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများ မပြုရန် သက်ဆိုင် ရာလုပ်ငန်းရှင်များအား အသိပညာပေးဆွေးနွေးပါသည်။

              တောင်ငူခရိုင်အတွင်းရှိ ဆန်ရောင်းချမှုမှာ ပုံမှန်အနေအထားအတိုင်းရှိကြောင်း၊ ဆန်စက် များအနေဖြင့် လျှပ်စစ်မီးပုံမှန်ရရှိခြင်းမရှိခြင်းကြောင့် ပုံမှန်ကြိတ်ခွဲနိုင်မှုမရှိသဖြင့် သိုလှောင်ရုံများ တွင် ဆန်မြောက်များစွာသိုလှောင်ထားခြင်း မရှိကြောင်း၊ လက်ကျန်ဆန်များကို ဈေးကွက်သို့ ပုံမှန်ဖြန့်ဖြူးပေးလျက်ရှိကြောင်း သိရှိရပါသည်။

DOCA(ပဲခူး)

              စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ တောင်ငူခရိုင်ဦးစီးမှူးရုံးရှိ ခရိုင်ဦးစီးမှူး၊ စားသုံးသူရေးရာဌာနခွဲတာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံ၊ မြို့နယ်တာဝန်ခံနှင့် တာဝန်ရှိသူတို့သည်  (၁၁.၁.၂၀၂၅) ရက်နေ့၊ နံနက် (၁၀:၀၀)နာရီတွင် တောင်ငူမြို့ပေါ်ရှိ စားအုန်းဆီ လက်လီ/လက်ကား ရောင်းချနေသော ကုန်စုံဆိုင်များအား သွားရောက်ကွင်းဆင်း စစ် ဆေးခြင်း ပြုလုပ်ဆောင်ရွက်ခဲ့ပါသည်။

              ကွင်းဆင်းဆောင်ရွက်ရာတွင် စားအုန်းဆီလက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာနများမှ ထုတ်ပြန်ထားသည့် အမိန့်၊ ညွှန်ကြားချက်များနှင့် အညီ ရောင်းချဖြန့်ဖြူးကြရန်တို့ကို ရှင်းလင်းပြောကြားခဲ့၍ စားအုန်းဆီခွဲတမ်းများကို သတ်မှတ် စည်းမျဉ်းစည်းကမ်းများနှင့်အညီ စနစ်တကျ ဖြန့်ဖြူးရောင်းချရန်၊ အချိန်အတွယ် မှန်ကန်စွာ ရောင်းချကြရန်နှင့် ခွဲတမ်းရရှိသည့်ဆိုင်များအနေဖြင့် ဈေးနှုန်းကို အများမြင်သာသောနေရာများတွင် မြင်သာသောစာလုံးအရွယ်အစားများဖြင့် Vinyl ချိတ်ဆွဲထားရှိရန် အသိပညာပေး ပြောကြားခဲ့ ကြောင်း သိရှိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ သာယာဝတီခရိုင် သာယာဝတီမြို့၌ ခရိုင်ဦးစီးမှူး၏ လမ်းညွှန်မှု ဖြင့် ၁၀.၁.၂၀၂၅ ရက်နေ့နံနက်(၁၀:၀၀)နာရီအချိန်တွင်မြို့မဈေးအတွင်းရှိကုန်စုံဆိုင်များအား ကုန်အညွှန်းအမှတ်အသားများ ပြည်စုံစွာဖော်ပြခြင်း ရှိ/မရှိ စားသုံး/ထုတ်လုံတာဝန်ခံ ဒေါ်ခိုင်ခိုင်ရီ၊ ပြည်တွင်းကုန်သွယ်ရေးဖွံဖြိုးမှုနှင့်သုတေသနဌာနခွဲ ဦးဝင်းထွဋ်လွင်နှင့်ဝန်ထမ်းများမှ ဈေးကွက် စောင့်ကြည့်စစ်ဆေးခဲ့ပါသည်။ စားသုံး သူများ တိကျမှန်ကန်ရှင်းလင်းသောသတင်းအချက် များသိရှိစေရန်၊ စားသုံးသူများ ဘေးအန္တရာယ် ကင်းရှင်းစေရန်၊စိတ်ကျေနပ်မှုရှိစေရန်အတွက် အာမခံချက်ပေးနိုင်သည့် အရည်အ သွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေး နိုင်စေရေးနှင့် စီးပွားရေး လုပ်ငန်း ရှင်များအနေ ဖြင့် စားသုံးသူကာကွယ်ရေးဥပဒေအား သိရှိလိုက်နာဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက် များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်းစာစောင် များ ဖြန့်ဝေခဲ့ပါသည်။

DOCA(ပဲခူး)