မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၌ MYRO မှတ်ပုံတင်ထားသည့် ဆန်သိုလှောင် ရုံများ၏ ကုန်ရ၊ ကုန်ထုတ်၊ ကုန်လက်ကျန် စာရင်းများအား လစဉ် လဆန်း(၁)ရက်နေ့မှ (၇)ရက် နေ့အတွင်း MyRO Website တွင်  ဖြည့်သွင်းရန် ဆန် လုပ်ငန်းရှင်များအား ပခုက္ကူ ခရိုင်ဦးစီးမှူးရုံး အနေဖြင့် တွန်းအားပေး ကြပ်မတ်ဆောင်ရွက်လျက်ရှိပြီး စက်တင်ဘာလတွင် နည်းပညာအခက် အခဲရှိသော ဆန်လုပ်ငန်းရှင်များမှ ပခုက္ကူခရိုင်ဦးစီးမှူးရုံးသို့ လာရောက်၍ ဆန်လက်ကျန်များ ဖြည့်သွင်းခြင်းကို ကူညီဆောင်ရွက်ပေးလျက်ရှိကြောင်း သတင်းရရှိပါသည်။

DOCA(မကွေး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေး၊ အခွင့် အရေးနှင့်တာဝန်များအား သိရှိပြီး ဘေးအန္တရာယ်ကင်းရှင်းစေရန် ရည်ရွယ်၍ စဉ်ဆက်မပြတ် အသိ ပညာပေးဆောင်ရွက်လျက်ရှိပါသည်။

  ပခုက္ကူခရိုင်အနေဖြင့် စက်တင်ဘာလအတွင်း ခရိုင်ဦးစီးမှူးက ဦးဆောင်၍ ဒု-ခရိုင်ဦးစီးမှူး၊ ပခုက္ကူမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့်ဝန်ထမ်းများသည် ပခုက္ကူခရိုင်ရုံး၌ မိဘ ပြည်သူများအားလည်းကောင်း၊ အမှတ်(၄)၊ အခြေခံပညာအထက်တန်းကျောင်းနှင့် အခြေခံပညာ မူလတန်းကျောင်း၌ဆရာ /ဆရာမနှင့် ကျောင်းသား/သူများအားလည်းကောင်း၊ ဆိပ်ဖြူမြို့နယ် တာဝန်ခံမှ ရွာသစ်ကျေးရွာရှိ ဓမ္မစကူးကျောင်းနှင့် ရေလယ်ကျွန်းကျေးရွာရှိ အခြေခံပညာမူလတန်း ကျောင်း၌ ဆရာ/ဆရာမနှင့် ကျောင်းသား/ ကျောင်းသူ များအားလည်းကောင်း၊ ဂန့်ဂေါခရိုင်၊ မြို့နယ် တာဝန်ခံမှ မြောက်ကုန်းရပ်ကွက်နှင့် ပြည့်ဝကျေးရွာရှိ အခြေခံပညာအလယ်တန်းကျောင်း၌ ဆရာ/ ဆရာမနှင့် ကျောင်းသား/ ကျောင်းသူများအားလည်းကောင်း စုစုပေါင်း ပခုက္ကူခရိုင်(၅)ကြိမ်နှင့် ဂန့်ဂေါခရိုင်(၂)ကြိမ် စားသုံးသူကာကွယ်ရေးအသိပညာပေးဟောပြောဆွေးနွေးခဲ့ပြီး လက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်း ဒေသကြီး၊ တိုင်းဒေသကြီးဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စီးပွားရေးလုပ်ငန်းရှင်များအနေဖြင့် ဥပဒေပြဌာန်းချက်ပါကုန်အညွှန်း အမှတ် အသားများပြည့်စုံစွာ ထည့်သွင်းဖော်ပြလာခြင်းဖြင့် စားသုံးသူများဘေးအန္တရာယ်ကင်းရှင်းပြီး ဈေးကွက်များပိုမို ရရှိစေရန်ရည်ရွယ်၍ လုပ်ငန်းရှင်တွေ့ဆုံခြင်းများကို စဉ်ဆက်မပြတ် ကွင်းဆင်း ဆောင်ရွက်လျက်ရှိပါသည်။

ပခုက္ကူခရိုင်အနေဖြင့် စက်တင်ဘာလအတွင်း စားသုံးသူရေးရာဌာနခွဲ တာဝန်ခံနှင့်  ဝန်ထမ်း များသည် ပခုက္ကူမြို့ အမှတ်(၁၅)ရပ်ကွက်နှင့် လယ်ယာကျေးရွာရှိ ကိတ်မုန့်လုပ်ငန်းများ၊ အမှတ် (၈/၁၁)ရပ်ကွက်ရှိ စားသုံးဆီလုပ်ငန်းရှင်များထံသို့လည်းကောင်း၊ ဆိပ်ဖြူမြို့နယ်တာဝန်ခံအနေဖြင့် အနောက်ပိုင်းရပ်ကွက်ရှိ သောက်ရေသန့်နှင့် စားသုံးဆီရောင်းချသည့် လုပ်ငန်းရှင်များထံသို့ လည်း ကောင်း၊ ဂန့်ဂေါခရိုင်၊ မြို့နယ်တာဝန်ခံအနေဖြင့် စည်ပင်သာယာရပ်ကွက်ရှိ မုန့်မျိုးစုံရောင်းချသည့် လုပ်ငန်းရှင်ထံသို့လည်းကောင်း စုစုပေါင်း ပခုက္ကူခရိုင်(၇)ကြိမ်နှင့် ဂန့်ဂေါခရိုင်(၁)ကြိမ် ကွင်းဆင်း အသိပညာပေးဆောင်ရွက်ခဲ့ကြောင်း သိရှိရပါသည်။

DOCA(မကွေး)

     စစ်ကိုင်းတိုင်းဒေသကြီး၊ စားသုံးသူရေးရာဉီးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်း(၂)ဦးတို့သည် စက်တင်ဘာလ (၂၆) ရက်နေ့၊ နံနက် (၁၀) နာရီအချိန်တွင် မုံရွာမြို့၊ ပြည်ထောင်စုလမ်းမပေါ်ရှိ စိုးစက်သုံးဆီဆိုင်အား  စက်သုံးဆီဆိုင်သို့ ကွင်းဆင်းစစ်ဆေးခြင်းလုပ်ငန်း ဆောင်ရွက်ခဲ့ပါ သည်။

          ထိုသို့ကွင်းဆင်းစစ်ဆေးရာတွင် စက်သုံးဆီဆိုင်များတွင် စက်သုံးဆီရည်ညွှန်းဈေးတို့ကို အပတ်စဉ်သောကြောနေ့တိုင်း သက်ဆိုင်ရာဌာနများမှ ထုတ်ပြန်ပေးလျက်ရှိရာ သတ်မှတ် ဈေးနှုန်းများဖြင့်သာ ဖြန့်ဖြူးရောင်းချပေးကြရန်နှင့် ဈေးနှုန်းမြှင့်တင်ရောင်းချခြင်းမပြု လုပ်ကြရန်၊ သိုလှောင် ကန်များ၏လက်ကျန်အခြေအနေများနှင့် နေ့စဉ်ဆီဝင်ရောက်မှု အခြေအနေများကို သက်ဆိုင်ရာ ဌာနများသို့ စာရင်းများပေးပို့ရန် အသိပညာပေးဆွေးနွေးခဲ့ပြီး CCTV များမှ Control စနစ်ကောင်းမွန် ခြင်းရှိ/မရှိတို့အား ကွင်းဆင်းစစ်ဆေးဆောင်ရွက်ခဲ့ ကြောင်း သတင်းရရှိပါသည်။ 

DOCA(စစ်ကိုင်း)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူး နှင့် ဝန်ထမ်း (၂) ဦးတို့သည် (၂၄.၉.၂၀၂၅) ရက်နေ့ နံနက် (၁၀:၀၀) နာရီအချိန်တွင် မုံရွာမြို့၊ ကျောက္ကာလမ်းပေါ်ရှိ လူသုံးကုန်နှင့် စားသောက်ကုန်ပစ္စည်း အရောင်းဆိုင်များအား ဈေးကွက် စောင်ကြည့်စစ်ဆေးခဲ့ပါသည်။

       ထိုသို့စစ်ဆေးရာတွင် ခရိုင်ဦးစီးမှူးက ကုန်အညွှန်းအမှတ်အသားများ ပြည်စုံစွာဖော်ပြ ခြင်း ရှိ/မရှိ၊  စားသုံးသူများ တိကျမှန်ကန်ရှင်းလင်းသော သတင်းအချက်များသိရှိ  စေရန်၊ စားသုံးသူများ ဘေးအန္တရာယ် ကင်းရှင်းစေရန်၊ စိတ်ကျေနပ်မှုရှိစေရန်အတွက် အာမခံချက် ပေးနိုင် သည့် အရည်အသွေးမြင့်မားသော ကုန်စည်ဝန်ဆောင်မှုများဖော်ဆောင်ဖြည့် ဆည်းပေး နိုင်စေရေးနှင့် စီးပွားရေးလုပ်ငန်း ရှင်များအနေ ဖြင့် စားသုံးသူကာကွယ်ရေးဥပဒေအား သိရှိလိုက်နာ  ဆောင်ရွက်ရန် အသိပညာပေးခြင်း ကုန်စည် အမျိုးအစားအလိုက် သတ်မှတ်ချက် များနှင့်အညီ ပြည့်စုံစွာ ဖော်ပြခြင်းရှိ/မရှိ ဈေးကွက်စောင့်ကြည့် စစ်ဆေးခဲ့ပြီး လက်ကမ်း စာစောင်များ ဖြန့်ဝေ ခဲ့ကြောင်း သတင်းရရှိပါသည်။

DOCA(စစ်ကိုင်း)