သတင်းနှင့် လှုပ်ရှားမှုများ

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ဈေးကွက်အတွင်း နို့နှင့်နို့ထွက်ပစ္စည်း အမျိုးမျိုးတို့တွင် ကုန်အညွှန်းအမှတ်အသားပြည့်စုံစွာ ရေးသားဖော်ပြထားခြင်းရှိ/မရှိ၊ စားသုံးသူရေးရာ ဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ ရန်ကုန်တိုင်းဒေသကြီးအတွင်း ဈေးကွက် စောင့်ကြည့် စစ်ဆေးခြင်း ဇန်နဝါရီလအတွင်း ဦးစားပေးကုန်စည်ဖြစ်သော နို့နှင့်နို့ထွက်ပစ္စည်းအမျိုးမျိုး တို့အား ဇန်နဝါရီ (၁၀)ရက်နေ့၊ နေ့လည် (၁၀:၀၀)နာရီအချိန်တွင် ကုန်အညွှန်းအမှတ်အသား ဖော်ပြ ထားခြင်း ရှိ/မရှိ၊ ကော့မှူးမြို့နယ်စည်ပင်သာယာမြို့မဈေးနှင့်ရပ်ကွက်များရှိ ဈေးဆိုင်များသို့ကွင်းဆင်း စစ်ဆေးခဲ့ကြောင်း သိရသည်။       ထိုသို့ဈေးကွက်စောင့်ကြည့်ကွင်းဆင်းစစ်ဆေးခဲ့ရာတွင် မြို့နယ် စည်ပင် သာယာရေး အဖွဲ့မှ မြို့မဈေး တာဝန်ခံနှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်း တို့သည် စည်ပင်သာယာမြို့မဈေး အပြင်တန်း အမှတ်(၁) ဒေါ်မိုးမိုးကုန်ခြောက်ဆိုင်၊ အရှေ့ဘက် အမှတ်(၂၁/၂၂) ဦးတင်ဝင်းကုန်ခြောက်ဆိုင် အပြင်တန်းအမှတ်(၃) ဦးသန့်ဇင်ဝင်းကုန်ခြောက်ဆိုင်၊ ရုံ(ဃ) အမှတ်(၁၄/၁၅/၁၆) ဒေါ်ချောစုကုန်စုံဆိုင်နှင့် အမှတ်(၁၁၄) စည်ပင်လမ်း ပြည်တော်သာ ရပ်ကွက်ရှိ ရတနာလွင်ကုန်မျိုးစုံဆိုင်၊ အမှတ်(၂၂၆) ဗိုလ်ချုပ်လမ်း မြို့မရပ်ကွက်ရှိ ဦးကိုလေးကုန်စုံဆိုင် တို့တွင် ဖြန့်ဖြူးရောင်းချလျှက်ရှိသော နို့နှင့်နို့ထွက်ပစ္စည်းအမျိုးမျိုးတို့ တွင် စားသုံးသူပြည်သူများ ဘေးဥပဒ် အန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေး တို့အတွက် ကုန်အညွှန်း အမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု (သို့မဟုတ်)တစ်ခုထက်ပို၍တွဲလျက်ဖြစ်စေ ရေးသားဖော်ပြရမည့်အချက်များ ဖော်ပြထားခြင်း ရှိ/မရှိ ကွင်းဆင်းစစ်ဆေးခဲ့ပြီး စီးပွားရေးလုပ်ငန်းရှင်ဆိုင်ပိုင်ရှင်များအား ဈေးကွက်အတွင်းဖြန့်ဖြူးရောင်းချ  လျှက်ရှိသော နို့နှင့်နို့ထွက်ပစ္စည်းအမျိုးမျိုးတို့တွင် ကုန်အညွှန်းအမှတ်အသားပြည့်စုံစွာဖော်ပြထားခြင်း မရှိသောအမှတ်တံဆိပ်နှင့် သက်တမ်းလွန်နေသော စံချိန်စံညွှန်းနှင့် မကိုက်ညီသော စားသောက်ကုန် ပစ္စည်းများအား ဝယ်ယူဖြန့်ဖြူးရောင်းချခြင်းများမပြုလုပ်ကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။     

DOCA(ရန်ကုန်)

တွံတေးမြို့နယ်ရပ်ကွက်များရှိ အိမ်ဆောက်ပစ္စည်းများ ဖြန့်ဖြူးရောင်းချလျှက်ရှိသော ကုန်မာဆိုင် များသို့ ဘိလပ်မြေပြတ်လပ်မှုရှိ/မရှိနှင့် ဈေးကွက်အခြေအနေများ၊ ဈေးနှုန်းအတက်အကျဖြစ်ရသည့် အကြောင်းအရင်းများအား သိရှိနိုင်ရန် စားသုံးသူရေးရာဦးစီးမှူးရုံး၏ ညွှန်ကြားချက်နှင့်အညီ ဇန်နဝါရီလ (၁၀)ရက်နေ့၊ နံနက်(၀၉:၀၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရသည်။

ထိုသို့ ကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန တွံတေးမြို့နယ်တာဝန်ခံ ရုံးမှ ဦးအာကာမင်းသည် အမှတ်(၃၃၆) ဗိုလ်ချုပ်လမ်း၊ ကွမ်းခြံရပ်ကွက်ရှိ လှလှရီ အုတ်၊ သဲ၊ ကျောက် အိမ်ဆောက်ပစ္စည်းရောင်းဝယ်ရေးဆို်ငနှင့် ဘုရားသုံးဆူကူတို့ဆိပ် ကွမ်းခြံရပ်ကွက်ရှိ ခြူးမြတ် အုတ်၊ သဲ၊ ကျောက် ရောင်းဝယ်ရေးဆိုင်တို့ရှိ ကုန်မာနှင့်အိမ်ဆောက်ပစ္စည်း ဖြန့်ဖြူးရောင်းချလျှက်ရှိသော ဆိုင်ပိုင်ရှင် များနှင့်တွေ့ဆုံ၍  ဘိလပ်မြေအမျိုးအစားအလိုက် လက်လီ၊ လက်ကားဈေးနှုန်း၊ ယခင်လ၊ ယခုလဈေးနှုန်း၊ ကွာခြားချက်ဈေးနှုန်း အတက်အကျဖြစ်သည့် အကြောင်းအရင်း၊ မြေပြင်လက်ကျန်အခြေအနေ၊ ပစ္စည်းပြတ် လပ်မှုရှိ/မရှိ၊ ဈေးနှုန်းဈေးကွက်အခြေအနေတို့အား မြေပြင်ကွင်းဆင်း စာရင်းကောက်ယူခဲ့ပြီး ဆိုင်ပိုင်ရှင် များအား လက်ကျန်ပစ္စည်းများကို ဈေးကစားရန်ရည်ရွယ်ချက်ဖြင့် သိုလှောင်ထားခြင်းမျိုးများ မပြုလုပ်ကြရန်နှင့် ဈေးနှုန်းအဆမတန်မြှင့်တင်ရောင်းချခြင်းမျိုးများ မပြုလုပ်ကြရန် စီးပွားရေးလုပ်ငန်းရှင် အသိပညာပေး ဆွေးနွေးပြောကြားခဲ့ပြီး ဈေးကွက်အတွင်း ကွင်းဆင်းစစ်ဆေးခဲ့ကြောင်း သိရသည်။

DOCA(ရန်ကုန်)

            စားသုံးသူရေးရာဦးစီးဌာန၊ စစ်ကိုင်းခရိုင်၊ ခေတ္တခရိုင်ဦးစီးမှူးမှ ဦးဆောင်၍ ခရိုင်ရုံးမှဝန်ထမ်း (၃)ဦးသည် မြို့နယ်စည်ပင်သာယာရေးအဖွဲ့မှ တာဝန်ရှိသူနှင့်အတူ ၂၀၂၄ ခုနှစ်၊ ဇန်နဝါရီလ(၈)ရက်နေ့ တွင် စစ်ကိုင်းမြို့၊ စိန်ကုန်းရပ်ကွက်ရှိ ဆန်၊ဆီနှင့်ကုန်မျိုးစုံရောင်းဝယ်ရေးဆိုင်  (၂)ဆိုင်၌  ဖြန်ဖြူး ရောင်းချနေသော ကုန်စည်များတွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ (၂/၂၀၁၉) ညွှန်ကြားချက်နှင့် ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးခဲ့ကြောင်းသိရသည်။

        ထိုသို့ ဈေးကွက်စောင့်ကြည့်စစ်ဆေးရာတွင် စစ်ကိုင်းမြို့၊ စိန်ကုန်းရပ်ကွက်ရှိ “စိုးစံ”ဆန်၊ဆီနှင့် ကုန်မျိုးစုံဆိုင်၊ “ကိုသူရ”ကုန်မျိုးစုံရောင်းဝယ်ရေးဆိုင်များ၌ ရောင်းချနေသော “MAX+” အမှတ်တံဆိပ် လိမ္မော်အရသာအချိုရည်(၁.၂၅လီတာ)ဘူးများသည် ညွှန်ကြားချက်(၂/၂၀၁၉)နှင့် ကိုက်ညီမှုရှိကြောင်း စိစစ်တွေ့ရှိရသည်။ စားသုံးသူရေးရာဦးစီးဌာနမှ တာဝန်ရှိသူက ဆိုင်ပိုင်ရှင်များအား စားသုံးသူကာကွယ်ရေးကော်မရှင်က ထုတ်ပြန်ထားသည့် ညွှန်ကြားချက်(၂/၂၀၁၉)ပါ ကုန်အညွှန်းအမှတ်အသား သတ်မှတ်ချက်များနှင့် ကိုက်ညီမှုရှိသော ကုန်စည်များကို တင်သွင်းရောင်းချကြရန် ဆွေးနွေးပြောကြားခဲ့ပြီး   စားသုံးသူကာကွယ်ရေးဥပဒေ အခန်း (၁၀)ပါ စီးပွားရေးလုပ်ငန်းရှင်၏ တာဝန်များ၊ ဥပဒေအခန်း (၁၁)ပါ ကုန်စည်နှင့်စပ်လျဉ်း၍ အာမခံချက်ပေးခြင်းဆိုင်ရာ အချက်အလက်များကို ‌ရှင်းလင်းပြောကြားခဲ့ကြောင်း သတင်းရရှိပါသည်။

DOCA(စစ်ကိုင်း)

              စားသုံးသူရေးရာဦးစီးဌာန၊ ပဲခူးတိုင်းဒေသကြီးဦးစီးမှူးရုံးရှိ စားသုံးသူရေးရာဌာနခွဲ တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် တာဝန်ရှိသူတို့သည်  ၂၀၂၅ခုနှစ် ဇန်နဝါရီလ ၁၅ ရက်နေ့၊ နေ့လည်(၁၂:၀၀)နာရီတွင် ပဲခူးမြို့အတွင်းရှိ စားအုန်းဆီ လက်လီလက်ကား ရောင်းချနေ သော ကုန်စုံဆိုင်များအား သွားရောက်ကွင်းဆင်း စစ်ဆေးခြင်း ပြုလုပ်ဆောင်ရွက်ခဲ့ပါ သည်။

              ကွင်းဆင်းဆောင်ရွက်ရာတွင် စားအုန်းဆီခွဲတမ်းများကို သတ်မှတ်စည်းမျဉ်းစည်းကမ်း များနှင့်အညီ စနစ်တကျ ဖြန့်ဖြူးရောင်းချရန်၊ ခွဲတမ်းရရှိသည့် ဆိုင်များအနေဖြင့် ဈေးနှုန်းကို အများ မြင်သာသောနေရာများတွင် မြင်သာသောစာလုံးအရွယ်အစားများဖြင့် Vinyl ချိတ်ဆွဲထားရှိရန်၊ စားအုန်းဆီလက်လီ/ လက်ကားရောင်းချလျက်ရှိသော လုပ်ငန်းရှင်များအနေဖြင့် သက်ဆိုင်ရာဌာန များမှ ထုတ်ပြန်ထားသည့် အမိန့်၊ ညွှန်ကြားချက်များနှင့်အညီ ရောင်းချဖြန့်ဖြူးကြရန်တို့ကို ရှင်းလင်း ပြောကြားခဲ့ကြောင်း သိရှိရပါသည်။

DOCA(ပဲခူး)

ရန်ကုန်တိုင်းဒေကြီး၊ တွံတေးခရိုင်၊ တွံတေးမြို့နယ်အတွင်းရှိ စားအုန်းဆီအရောင်းဆိုင်များသို့ စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ လမ်းညွှန်မှုနှင့်အညီ စားအုန်းဆီဖြန့်ဖြူးရောင်း ချနေမှုအခြေအနေအား ဇန်နဝါရီလ (၁၃)ရက်နေ့၊ နံနက်(၀၉:၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ ကြောင်းသိရသည်။

            ထို့သိုကွင်းဆင်းစစ်ဆေးခဲ့ရာတွင် စားသုံးသူရေးရာဦးစီးဌာန၊ တွံတေးမြို့နယ်တာဝန်ခံမှ ရပ်ကွက်များ အတွင်း စားအုန်းဆီဖြန့်ဖြူးရောင်းချလျှက်ရှိသော ဘုရင့်နောင် (၅)လမ်း၊ ရွှေဆံတော်ရပ်ကွက်၊ ဦးစိန်လင်း စားအုန်းဆီအရောင်းဆိုင်များသို့ သွားရောက်ခဲ့ပြီး တွံတေးရပ်ကွက် ကျေးရွာများရှိ စားသုံးသူပြည်သူများ ဈေးနှုန်းမှန်ကန်စွာဖြင့် အခက်အခဲမရှိ ဝယ်ယူစားသုံးနိုင်ရေးအတွက် သတ်မှတ်ခွဲတမ်းရ စားအုန်းဆီများအား လုံလောက်စွာ ချပေးထားခဲ့ပြီးဖြစ်၍ စားအုန်းဆီဈေးနှုန်းမှန်ကန်စေရေးအတွက် အပတ်စဉ်တနင်္လာနေ့တိုင်း စားအုန်းဆီသတ်မှတ်အခြေခံရည်ညွှန်းဈေးအား ထုတ်ပြန်ပေးလျှက်ရှိ၍ ဈေးကွက်အတွင်း ဈေးနှုန်းမြှင့်တင် ရောင်းချခြင်း၊ ဈေးကစားရန်ရည်ရွယ်ချက်ဖြင့် သိုလှောင်ထားမှု အပါအဝင် မသမာသည့် လုပ်ဆောင်မှုများ မပြုလုပ်ရန် စားသုံးသူကာကွယ်ရေးပသိပညာပေးဆွေးနွေး ပြောကြားခဲ့ပြီး မြေပြင်ကွင်းဆင်းစစ်ဆေးခဲ့ ကြောင်းသိရသည်။

DOCA(ရန်ကုန်)