သတင်းနှင့် လှုပ်ရှားမှုများ

ကော့မှူးမြို့နယ်၊ ဇန်နဝါရီလ  (၂၇) ရက်

ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ်ရှိ အိမ်ဆောက်ပစ္စည်း အရောင်းဆိုင်များတွင် ဘိလပ်မြေများပစ္စည်းပြတ်လပ်မှုရှိ/မရှိ၊ ဈေးနှုန်းကြီးမြင့်မှုရှိ/မရှိ အခြေအနေ အား စားသုံး သူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ ဇန်နဝါရီလ (၂၆)ရက်နေ့၊ နံနက်(၀၉:၃၀)အချိန်တွင် အိမ်ဆောက်ပစ္စည်းအရောင်းဆိုင်များသို့ ကွင်းဆင်းစစ်ဆေး ခဲ့ကြောင်း သိရသည်။

ထိုသို့ ဈေးနှုန်းဈေးကွက်စုံစမ်း ကွင်းဆင်းစစ်ဆေးခဲ့ရာတွင် ကော့မှူးမြို့နယ်စားသုံးသူ ရေးရာ ဦးစီးဌာန၊ မြို့နယ်တာဝန်ခံ ဦးတင်မင်းသည် အမှတ် (၁၁၉)စည်ပင်လမ်း ရွှေဖိုးတေ ကုန်မာဆိုင်၊ အမှတ် (၂၃၀)စည်ပင်လမ်း မကျီးတန်းရပ်ကွက် ဝနအောင်ကုန်မာဆိုင်၊ အမှတ်(၂၂၆) စည်ပင်လမ်း မကျီးတန်းရပ်ကွက်ရှိ မြင့်မိုရ်ကုန်မာဆိုင်၊ အမှတ် (၁၆၉) ဗိုလ်ချုပ်လမ်း၊ ပြည်တော်သာရပ်ကွက်ရှိ အကယ်ဒမီ အိမ်ဆောက်ပစ္စည်းအရောင်းဆိုင်များတွင် ဘိလပ်မြေများ ပစ္စည်းပြတ်လပ်မှုရှိ/မရှိ၊ ဈေးနှုန်းကြီးမြင့်မှုရှိ/မရှိ ဝယ်ယူရရှိမှုအခြေအနေနှင့် ပြန်လည်ဖြန့်ဖြူးရောင်းချနေမှုအခြေအနေတို့ အား ဆိုင်ပိုင်ရှင်စီးပွားရေး လုပ်ငန်းရှင်များအား မေးမြန်းစုံစမ်းခဲ့ရာတွင် ကော့မှူးမြို့နယ်အနေဖြင့် အိမ်ရာအဆောက်အဦးအသစ် တည်ဆောက် ခြင်းနှင့် ဘုန်းတော်ကြီးကျောင်းများ ပြန်လည်မွမ်းမံ တည်ဆောက်ခြင်း လုပ်ငန်းများကိုသာ ပြန်လည်ဖြန့်ဖြူးရောင်းချပေးလျက်ရှိသောကြောင့် ဘိလပ်မြေဝယ်ယူရရှိနေမှု လက်ရှိ အခြေအနေအရ မြို့နယ်အတွက်လုံလောက်မှုရှိပြီး ပြန်လည်ဖြန့်ဖြူး ရောင်းချပေးလျက်ရှိသော ဈေးနှုန်းအနေဖြင့်လည်း ဝယ်ယူရရှိသည့်ဈေးနှုန်းအပေါ်သယ်ယူစရိတ်ပါ အမြတ်ရာခိုင်နှုန်း အနည်းငယ်ဖြင့် ဖြန့်ဖြူးရောင်းချပေးလျက်ရှိကြောင်း ပြန်လည်ဖြေကြားပေးခဲ့ပြီး မြို့နယ်တာဝန်ခံ က ဘိလပ်မြေပစ္စည်းများအား ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ၊ ဈေးနှုန်းအဆမတန်မြှင့်တင် ဖြန့်ဖြူးရောင်းချခြင်းများ မပြုလုပ်ကြရန် စားသုံးသူကာကွယ်ရေး အသိပညာပေးပြောကြားခဲ့ပြီး ဈေးကွက်အတွင်းကွင်းဆင်းစုံစမ်းစစ်ဆေးခဲ့ကြောင်း သိရသည်။

DOCA(ရန်ကုန်)

ရန်ကုန်တိုင်းဒေသကြီး၊ ကုန်ဈေးနှုန်းကောက်ယူမှု လုပ်ငန်းဆောင်ရွက်နိုင်ရေး လုပ်ငန်း ညှိနှိုင်းအစည်းအဝေး လမ်းညွှန်ချက်များအပေါ် အကောင်အထည်ဖော် ဆောင်ရွက်နိုင်ရေး အတွက် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၊ ပြည်တွင်းကုန်သွယ်ရေး ဖွံ့ဖြိုးမှုနှင့်သုတေသနဌာနခွဲမှ ဒေါ်ထူးမြတ်အိ(လက်ထောက်ညွှန်ကြားရေးမှူး)၊ ဒေါ်ခင်သီ (ဦးစီးအရာရှိ)၊  အရှေ့ပိုင်းခရိုင်ဦးစီးမှူးရုံးမှ ဦးလှစိုး(ခရိုင်ဦးစီးမှူး)နှင့် တာဝန်ရှိဝန်ထမ်း(3)ဦး၊ ဗဟိုစာရင်းအင်းအဖွဲ့မှ  တိုင်းဒေသကြီးဦးစီးမှူး ‌ဒေါ်တင်တင်လှနှင့် ဝန်ထမ်း(၂)ဦး၊  ပုဇွန်တောင် ဈေးစည်ပင်သာ ယာရေးကော်မတီရုံးမှ ဈေးတာဝန်ခံဦးစိုးနိုင်နှင့် တာဝန်ရှိဝန်ထမ်း(၂)ဦးတို့သည် ၂၃.၁.၂၀၂၅ ရက်နေ့၊   နံနက် (၉:၁၅ မှ ၁၀:၁၅) အချိန်ထိ ပုဇွန်တောင်ဈေးအတွင်းရှိ အခြေခံ စားကုန်(၂၃)မျိုး၏ ဈေးကွက်ဆိုင်ရာအခြေအနေနှင့် ဈေးနှုန်းအခြေအနေများကို  စာရင်းကောက်ယူ စုံစမ်း စစ်ဆေးခဲ့ကြကြောင်း သတင်းရရှိပါသည်။

          စာရင်းကောက်ယူခဲ့သည့် အခြေခံစားကုန် (၂၃)မျိုးမှာ ဆန်ကြမ်း/ဆန်ချော၊ ငစိန်ဆန်၊ ပဲဆီ၊ စားအုန်းဆီ၊ ကြက်သွန်နီ၊ကြက်သွန်ဖြူ(ရှမ်း)၊ ကုလားပဲ၊ အာလူး၊ ဆား၊ သကြား၊ ငရုပ်(ရှည်/ပု)၊ စီပီ(ကြက်)၊ မြန်မာကြက်၊ ဝက်သား၊ အမဲသား၊ ဆိတ်သား၊ ငါးကြင်း၊ ကြက်ဥ၊ ဘဲဥ၊ မျှင်ငပိနှင့် ငါးတံခွန်ခြောက်တို့ဖြစ်ကြောင်း သတင်းရရှိပါသည်။

          အဆိုပါ အခြေခံစားကုန် (၂၃)မျိုးတွင် ဆန်ကြမ်း / ဆန်ချောနှင့် စားအုန်းဆီတို့မှာ သက်ဆိုင်ရာဌာန၊ အသင်းအဖွဲ့များမှ သတ်မှတ်ပေးထားသည့်ရည်ညွှန်းဈေးနှုန်းအပေါ် အခြေခံရောင်းချရသဖြင့် ဈေးကွက်အတွင်း ဈေးကွက်အတွင်း ဈေးနှုန်းအဆမတန် ကြီးမြင့်မှု မရှိတော့ဘဲ ဈေးနှုန်း သင့်တင့်မျှတစွာ ဝယ်ယူစားသုံးနိုင်သည်ကို စိစစ်တွေ့ရှိရပြီး ဘဲဥနှင့် ကြက်ဥတို့မှာလည်း အထွေထွေအုပ်ချုပ်ရေးဦးစီးဌာနနှင့် မြို့နယ်စည်ပင်သာယာရေးကော်မတီ တို့ ပူးပေါင်းကြီးကြပ်မှုအစီစဉ်ဖြင့် ရောင်းချပေးခြင်းနှင့် ဈေးစည်ပင်သာရေးကော်မတီ၏ စီစဉ်ကြီးကြပ်မှုအောက်တွင် ရောင်းချပေးခြင်းတို့ကြောင့် စားသုံးသူများအနေဖြင့် ဈေးနှုန်း ချိုသာစွာ ဝယ်ယူစားသုံးနိုင်ကြောင်း လေ့လာတွေ့ ရှိရပါသည်။ အလားတူ အခြားအခြေခံ စားသောက်ကုန်များအနေဖြင့် ဈေးကွက်အတွင်း ကုန်ပစ္စည်း

ပုံမှန်ဝင်ရောက်လျှက်ရှိနေခြင်းကြောင့် ပြတ်တောက်မှုမရှိဘဲ ဈေးငြိမ်လျှက်ရှိပြီး ယခုကဲ့သို့ မြေပြင် တွင် အမှန်တကယ်ဖြစ်ပေါ်နေသည့်ဈေးကွက်ဆိုင်ရာ အခြေအနေများကို သိရှိရသဖြင့် စားသုံးသူ ပြည်သူများအတွက် လိုအပ်သည်များကို ဖြည့်ဆည်းဆောင်ရွက်ပေးနိုင်စေရေး မျှော်မှန်းကာ သက်ဆိုင်ရာဌာန များနှင့်လစဉ်ပူးပေါင်းစားရင်းကောက်ယူသွားဖြစ်ကြောင်း သတင်းရရှိပါသည်။     

DOCA(ရန်ကုန်)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဝန်ထမ်းများသည် ၂၄.၁.၂၀၂၅ ရက် နေ့ နံနက်(၁၂:၁၀)အချိန်တွင် အမှတ်(၁၄/က)၊ ဦးစောဖိုးလမ်း၊ ပဲခူးရပ်ကွက်၊ ထောက်ကြန့်၊ မင်္ဂလာဒုံမြို့နယ်ရှိ အွန်လိုင်းမှတ်ပုံတင်ထားသော လုပ်ငန်းသို့ မှတ်ပုံတင်လျှောက်ထားရာတွင် ဖော်ပြ ထားသောအချက်များနှင့် မြေပြင်အချက်အလက်များ ကိုက်ညီမှုရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။

ထိုသို့ ကွင်းဆင်းစစ်ဆေးခဲ့ရာတွင် Chaw Su Cotton Fashion Online Sales မှတ်ပုံတင်ရာတွင် Daw Chaw Su အမည်ဖြင့် ထည့်သွင်းလျှောက်ထားလာသည့်အချက်များအား မြေပြင်သွား ရောက်စစ်ဆေးသည့်အချက်အလက်များနှင့်ကိုက်ညီမှုရှိ/မရှိ ကွင်းဆင်းစစ်ဆေး ခဲ့ပြီး စားသုံးသူကာ ကွယ်ရေးဥပဒေပါ စီးပွားရေးလုပ်ငန်းရှင်၏ လိုက်နာရမည့်တာဝန်များအား အသိပညာပေးပြောကြား ခဲ့ပါသည်။

DOCA(ရန်ကုန်)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ (၃)ဦးတို့ သည် မင်္ဂလာဒုံမြို့နယ်ရှိ အွန်လိုင်းမှတ်ပုံတင်ထားသည့်လုပ်ငန်းရှင် ရောင်းချနေသည့်လုပ်ငန်းနေရပ် လိပ်စာနှင့် ကုန်စည်များသည် မြေပြင်တွင် အမှန်တကယ်ကိုက်ညီမှုရှိ/မရှိ မြေပြင်ကွင်းဆင်းစစ်ဆေး ခြင်းလုပ်ငန်းကို ၂၄.၁.၂၀၂၅ ရက်နေ့ နေ့လည် (၁၂:၀၀)အချိန်တွင် ခိုင်သဇင်လမ်း၊ ပေါင်းကူရပ်ကွက်၊ ရွှေနံ့သာကျေးရွာအုပ်စု၊ မင်္ဂလာဒုံမြို့နယ်၊ အိုင်စမတ်အွန်လိုင်းလုပ်ငန်းသို့ သွားရောက်ကွင်းဆင်း စစ်ဆေးဆောင်ရွက်ခဲ့ပါသည်။

အွန်လိုင်းစနစ်ဖြင့် ရောင်းချသည့်လုပ်ငန်းမှတ်ပုံတင်ထားသည့် လုပ်ငန်းဖြစ်သည့် အီလက်ထ ရောနစ်ပစ္စည်းများအား အွန်လိုင်းရောင်းချခွင့်လုပ်ငန်းမှတ်ပုံတင်လျှောက်ထားစဉ်က ဖြည့်သွင်းထား သည့်နေရပ်လိပ်စာ၊ ရောင်းချရန်ကုန်စည်အမျိုးအစားစာရင်းများ ကိုက်ညီမှုရှိ/မရှိနှင့် အခြားလိုအပ် သည့်အချက်အလက်များအား မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

           စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည် (၂၂.၁.၂၀၂၅) ရက်နေ့ နံနက် (၁၀:၀၀) နာရီအချိန်တွင် ဟင်္သာတမြို့နယ်အတွင်းရှိ ဓါတ်မြေဩဇာဆိုင်များနှင့်စိုက်ပျိုးရေးဆေးဆိုင်များအား ရှောင်တခင်ကွင်းဆင်းစစ်ဆေးခဲ့ကြောင်းသိရသည်။

          ထိုသို့ကွင်းဆင်းစစ်ဆေးဆောင်ရွက်ရာတွင် ဟင်္သာတမြို့နယ်ဦးစီးမှူး ဦးမိုးကျော်က ဓါတ်မြေ ဩဇာအရောင်းဆိုင်များဖြစ်ကြသော ဟင်္သာတမြို့၊ဆေးရုံဟောင်းလမ်းရှိ ရွှေမြေ ဓါတ်မြေဩဇာ အရောင်းဆိုင်နှင့် ပန်းပဲတန်းရပ်ကွက်၊ နတ်မော်လမ်းရှိ ရွှေတောင် စိုက်ပျိုးရေး ဆေးဆိုင်များအား သွားရောက်၍ ဓါတ်မြေဩဇာအိတ်များ ဈေးကွက်အတွင်းပစ္စည်းပြတ် လတ်မှုရှိ/မရှိ စစ်ဆေးခြင်း၊ ဈေးနှုန်းမြှင့်တင်ရောင်းချမှုရှိ/ မရှိစစ်ဆေးခြင်း၊ ဓါတ်မြေဩဇာအိတ်များတွင် မြန်မာဘာသာဖြင့် ရိုက်နှိပ်ဖော်ပြထားသော သုံးစွဲပုံနည်းလမ်းနှင့် ထားသိုသိမ်း ဆည်းရန်အညွှန်းများပါ/ မပါစစ်ဆေးခြင်းများ ဆောင်ရွက်ခဲ့ပါသည်။ ဈေးနှုန်းများမှာလည်း ယခင်ဈေးနှုန်းများနှင့်ကွာခြားမှုမရှိဘဲ တည်ငြိမ်လျက်ရှိကြောင်း ရွှေမြေဓါတ်မြေဩဇာ အရောင်းဆိုင်နှင့် ရွှေတောင်စိုက်ပျိုးရေး ဆေးဆိုင်လုပ်ငန်းရှင်များ၏ ပြောကြားချက်အရ သိရှိရပါသည်။

DOCA(ဧရာဝတီ)