သတင်းနှင့် လှုပ်ရှားမှုများ

            စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ရုံးမှ စစ်ဆေးရေးအရာရှိ ဦးသိန်းထွန်း နှင့် ဝန်ထမ်းများသည် အွန်လိုင်းစနစ်ဖြင့် ရောင်းချခြင်းလုပ်ငန်းများ မှတ်ပုံတင်လက်မှတ် စိစစ် ထုတ် ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/မရှိ လုပ်ငန်းလိပ်စာမှန် ကန်မှု ရှိ/မရှိ ကို (၁၇.၁.၂၀၂၅) ရက်နေ့ ၊နံနက်(၁၁:၀၀)အချိန်တွင် Food Product “Morning Yangon” စားသောက်ကုန်ပစ္စည်းများ Online Sale လုပ်ငန်း၊ အမှတ် -2၅ ၊ ဓမ္မသုခ လမ်းနှင့် ပိတောက်လမ်း၊ ဝေဘာဂီ(၇) ရပ်ကွက် ၊ မြောက်ဥက္ကလာပမြို့နယ်သို့ သွားရောက်၍ Online Sale မှတ်ပုံတင် မြေပြင်စစ်ဆေးခြင်းဆိုင်ရာ အချက်အလက်များ ကိုက်ညီမှု ရှိ/မရှိကို စစ်ဆေးခဲ့ကြောင်း သိရှိရပါသည်။

    ကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို ဆွေးနွေးရာ စီးပွားရေး နှင့် ကူးသန်းရောင်းဝယ်ရေးဝန်ကြီးဌာနအနေနဲ့ စားသုံးသူများကို အကာအကွယ်ပေးရန်နှင့် e-Commerce လုပ်ငန်းများ ဖွံ့ဖြိုးတိုးတက်စေရန် အွန်လိုင်းစနစ်နဲ့ ရောင်းချခြင်းလုပ်ငန်းများကို အရေးကြီးကုန်စည် ဝန်ဆောင်မှုအဖြစ် သတ်မှတ်ပြီး လုပ်ငန်းမှတ်ပုံတင်လက်မှတ်များကို ခွင့်ပြု ထုတ်ပေးလျက်ရှိကြောင်း၊ e-Commerce Registration စနစ်မှတစ်ဆင့် လျှောက်ထားလာသော အွန်လိုင်းစနစ်နဲ့ရောင်းချခြင်းလုပ်ငန်းများရဲ့ လျှောက်လွှာများနှင့် သက်တမ်းတိုးသော လျှောက်လွှာ များကို သက်ဆိုင်ရာတာဝန်ရှိသူများက အချက်အလက်များမှန်ကန်မှု ရှိ၊ မရှိ မြေပြင် ကွင်းဆင်း စစ်ဆေးပြီးမှသာ Online Sales လုပ်ငန်းမှတ်ပုံတင် လက်မှတ်များထုတ်ပေးသွားမှာ ဖြစ်ကြောင်း ပြောကြားခဲ့ပြီး၊ ဆက်လက်၍ လုပ်ငန်းသည်စားသောက်ကုန်လုပ်ငန်းဖြစ်သည့် အတွက်  စားသုံးသူ ကာကွယ်ရေးဥပ‌ဒေပါ အခန်း(၁၁) ၊ပုဒ်မ(၂၃)ပါ စီးပွားရေးလုပ်ငန်းရှင်၏ အာမခံချက်များပါ အချက် အလက်များကိုလည်းကောင်း ၊ စားသုံးသူကာကွယ်ရေးဥပဒေပါ အခန်း(၁၈)ရှိ ကုန်အညွှန်းအမှတ်အသားဖော်ပြခြင်းနှင့် ပတ်သက်၍  အသိပေးပြောကြားခဲ့ ကြောင်း သိရှိရပါသည်။

DOCA(ရန်ကုန်)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ လှည်းကူးမြို့နယ်တာဝန်ခံ ဦးထွန်းထွန်းဦး၊ ဒုကြီးကြပ်ရေးမှူးသည် ၂၃.၁.၂၀၂၅ ရက်နေ့ နံနက် (၉:၃၀)အချိန်တွင် လှည်းကူး မြို့နယ်အတွင်းရှိ ဆန်စပါးကုန်သည်၊ စက်ပိုင်များနှင့်တွေ့ဆုံ၍ ဆန်ကြိတ်ခွဲမှုနှင့် ဈေးကွက်အခြေအနေများအား တွေ့ဆုံဆွေးနွေးခဲ့ရာ ဆန်စက်များမှာ လုံးဝရပ်နားထားခြင်း မရှိကြောင်း၊ ယခင်ထက် မီးရရှိမှုလျော့နည်းလာခြင်းရှိပါကြောင်း၊ အရံမီးပေးစက်ဆောင် ထားရပါကြောင်း၊ မီးရရှိရန်နည်း၍ စက်သုံးဆီဖြင့်လည်ပတ်ရချိန်ကြာမြင့်ပါက တွက်ခြေကိုက်မှု နည်းနိုင်ပါကြောင်း၊ လျှပ်စစ်မီးပြတ် တောက်မှု ရေရှည်ဖြစ်ပေါ်လျှင် စပါးခွံဓါတ်ငွေ့(Gasifier) ဖြင့် မောင်းနှင်ခြင်း၊ ဆိုလာပြားများတွဲဖက် တပ်ဆင်အသုံးပြုခြင်းတို့ဆောင်ရွက် သွားရမည် ဖြစ်ကြောင်း၊ မိုးစပါးပေါ်ချိန်တောင်သူသည်ကွင်းထဲမှ ကုန်သည်၊ စက်ပိုင်တို့ထံ တိုက်ရိုက် ရောင်းချကြသည့်အတွက် တောင်သူထံတွင် မိုးစပါးလက်ကျန် သိပ်ပြီးမကျန်နိုင်ကြောင်း၊ တောင်သူကြီးများသာ လက်ကျန်ချန်၍ရောင်းသည့်အတွက် လက်ဝယ်အချို့အဝက် ကျန်ရှိ နိုင်ကြောင်းတို့ သိရှိဆွေးနွေးခဲ့ကြောင်း သိရှိရပါသည်။

DOCA(ရန်ကုန်)

          ဧရာဝတီတိုင်းဒေသကြီး၊ မအူပင်ခရိုင်  အစားအသောက်နှင့်ဆေးဝါးကွပ်ကဲရေးဦးစီးဌာန (ဆေးဝါးဌာနခွဲ) နှင့်  မအူပင်ခရိုင်၊ ဓနုဖြူမြို့နယ် စားသုံးသူရေးရာဦးစီးဌာန၊ စည်ပင်သာယာရေးအဖွဲ့ တို့သည် (၂၃.၁.၂၀၂၅)ရက်နေ့ တွင် ဓနုဖြူမြို့ပေါ်ရှိ ဆေးဆိုင် (၅)ဆိုင် နှင့် အလှကုန်ဆိုင် (၇) ဆိုင် သုံးစွဲသူ ပည်သူများ ဘေးအန္တရာယ် ကင်းရှင်းစွာ အသုံးပြုနိုင်ရန်အတွက် ဈေးကွက်စောင့်ကြည့် စစ်ဆေးခဲ့ကြသည်။

            ကွင်းဆင်းစစ်ဆေးရာ စားသုံးသူရေးရာဦးစီးဌာနမှ ဦးဝင်းမင်းဦးစီးအရာရှိနှင့် အစားအသောက်နှင့် ဆေးဝါးကွပ်ကဲရေးဦးစီးဌာနမှ တာဝန်ရှိသူတို့က ဂန္ဓမာဆေးဆိုင်၊ မြို့မဈေး၊ ဦးစိန်ပိုင် (၄)ရပ်ကွက် ဆေးဆိုင်၊ သမာဓိဆေးဆိုင်၊(၅)ရပ်ကွက်၊ ဦးထွန်းအောင်ဆေးဆိုင်၊ ခိုင်ဝါဆေးဆိုင် ၊(၅)ရပ်ကွက်၊ ဦးမြင့်စိုး ဆေးဆိုင်နှင့် (၃)ရပ်ကွက်မှ ဝင်းဝင်း အလှကုန်စတိုးဆိုင်၊ မြတ်သွယ်ဦး အလှကုန်ဆိုင်၊ လင်းလင်းအလှကုန်ဆိုင်၊ မြင့်မြတ်အလှကုန်စတိုး၊ (၄)ရပ်ကွက်ရှိ သော်တာလင်း အလှကုန်ဆိုင်၊ လင်းရောင်ဦး အလှကုန်ဆိုင်ဆို့တွင် တားမြစ်ဓာတုပစ္စည်းပါဝင်သော အလှကုန် ရောင်းချမှု ရှိ/မရှိကို စစ်ဆေးခြင်း၊ အလှကုန်များတွင် သက်ဆိုင်ရာဌာနများ၏ ခွင့်ပြချက် ပါဝင်မှု ရှိ/မရှိ၊ တရားမဝင်ကုန်စည်းများ ရောင်းချနေမှု ရှိ/မရှိ၊ မြန်မာစာ ကုန်အညွှန်း အမှတ်အသား ဖော်ပြပါဝင်မှု ရှိ/မရှိတို့ကို စစ်ဆေးခဲ့ပြီး ဆေးဆိုင်များတွင်လည်း တရားမ၀င် ဆေးဝါး၊ စံမညီဆေးဝါး၊ သက်တမ်းလွန်ဆေးဝါး၊ဆေးဝါးအတုများ နှင့် ကောင်းမွန်သောဆေးဝါး ရောင်းချမှုကျင့်စဥ်(GPP)နှင့် အညီရောင်းချခြင်း ရှိ/မရှိ ဈေးနှုန်း တည်ငြိမ်မှု ရှိ/မရှိကို ကွင်းဆင်းစစ်ဆေးခဲ့ပြီး ဆိုင်ရှင်များကို သက်ဆိုင်ရာဌာနဆို့၏ သတ်မှတ်ချက်၊ အမိန့်ညွှန်ကြားချက်များအတိုင်း လိုက်နာ၍ ကုန်စည်များကို ရောင်းချရန်နှင့် ရောင်းချသော ကုန်စည် တစ်ခုခုကြောင့်၊ စားသုံးသူအခွင့်အရေး နစ်နာမှုရှိလာပါက စားသုံးသူကာကွယ်ရေးဥပဒေဖြင့် သော်လည်းကောင်း၊ သတ်တမ်းလွန်ကုန်စည် ရောင်းချနေခြင်း၊ ကုန်ဈေးနှုန်းကစားခြင်းများပြုလုပ်ပါက အရေးကြီးကုန်စည်ဝန်ဆောင်မှု ဥပဒေအရသော်လည်းကောင်း၊ သက်ဆိုင်ရာဌာနများ၏ ဥပဒေအရသော်လည်းကောင်း အရေးယူဆောင်ရွက်သွားမည်ဖြစ်ကြောင်း အသိပညာပေးပြောကြား စစ်ဆေးခဲ့ကြောင်း သိရှိရပါသည်။

DOCA (ဧရာဝတီ)

နတ်တလင်းခရိုင် ပေါင်းတည်မြို့နယ် မင်းကွက်(၁)ရပ်ကွက်၊ မင်းကွက် အ.ထ.ကကျောင်း တွင်(2၄.၁.၂၀၂၅)ရက်နေ့တွင် စားသုံးသူရေးရာဦးစီးဌာန မြို့နယ်ပြန်ဆက်ဦးစီးဌာန၊ မြို့နယ်ရဲတပ် ဖွဲ့နှင့် မြို့နယ်တရားသူကြီးတို့ ပူးပေါင်း၍ ဟောပြောပွဲပြုလုပ်ခဲ့ပါသည်။

ထိုသို့ဟောပြောရာတွင် ပေါင်းတည်မြို့နယ် စားသုံးသူရေးရာဦးစီးဌာန မြို့နယ်တာဝန်ခံ ဦးနိုင်ဝင်သိန်းမှ စားသုံးသူရေးရာဥပဒေအကြောင်းနှင့် လတ်တလောဖြစ်ပေါ်နေသော ဘိတ်ရှုခြင်း အန္တရာယ်အကြောင်းအရာတို့ကို ဟောပြောခဲ့ပါသည်။ မြို့နယ်ပြန်ဆက်ဦးစီးဌာနမှ လူကုန်ကူးမှု အန္တရာယ်အကြောင်း ပြောကြားပြီး နံရံကပ်စာစောင်များကြည်ရှုစေကာ ကျောင်းသား/သူများအား အသိပညာဗဟုသုတများ ဖြန့်ဝေခဲ့ပါသည်။ မြန်မာနိုင်ငံရဲတပ်ဖွဲ့မှ မူးယစ်ဆေးဝါး အန္တရာယ်ဆိုးကျိုး များကို ကလေးသူငယ်များအနေဖြင့် လုံးဝမသက်ဆိုင်ပါကြောင်းနှင့် သုံးစွဲမိပါက တဘဝလုံးလူညွှန့် တုံးနိုင်ပါကြောင်း အသိပညာပေးခဲ့ပြီး မြို့နယ်တရားသူကြီးမှလည်း ဥပဒေအကြောင်း ဟောပြောခဲ့ ရာအဆိုပါ ဟောပြောပွဲသို့ ကျောင်းသား/သူဦးရေ (၈၀) တက်ရောက်ခဲ့ကြောင်း သိရပါသည်။

DOCA(ပဲခူး)   

ပဲခူးတိုင်းဒေသကြီး၊သာယာဝတီခရိုင်၊အုတ်ဖိုမြို့နယ် ဆီစက်လုပ်ငန်းရှင်များနှင့်ဆီကုန်သည်ကြီးများသည်မြို့နယ်အတွင်းစားသုံးဆီပမာဏဖူလုံအောင်ကြိတ်ခွဲထုတ်လုပ်ရောင်းချခြင်းနှင့်စားအုံးဆီများတင်သွင်းရောင်းချပေးခြင်းတို့ ဆောင်ရွက်လျက်ရှိပါသည်။

          ထိုသို့ရောင်းချရာတွင် ဈေးကွက်အတွင်း ကုန်အမှတ်တံဆိပ် ပြည့်စုံစွာပါဝင်မှု့မရှိသော တရားမဝင်စားသုံးဆီများ F.D.A ဌာနမှထုတ်ပြန်ထားသော ရောင်းချခွင့်မပြုသော စားသုံးဆီများ ဈေးကွက်အတွင်း ရောင်းချမှုမရှိစေရန်နှင့်အခြားရောနှောဆီများ ရောင်းချမှုမရှိစေရန်၊သတ်မှတ် ထုတ်ပြန်ထားသော ဈေးနှုန်းများအတိုင်းသာ ရောင်းချစေရန်တို့အတွက် အုတ်ဖိုမြို့နယ်မှ စားသုံးသူ ရေးရာဦးစီးဌာနမြို့နယ်တာဝန်ခံရုံးရှိ ဝန်ထမ်းများသည် မြို့နယ်စည်ပင်သာယာရေးအဖွဲ့ ဆီကုန် သည်အသင်းများနှင့်အတူ ရှောင်တခင်ဈေးကွက်စောင့်ကြည့် စစ်ဆေးလျက်ရှိပါသည်။

          ဈေးကွက်အတွင်းသတ်မှတ်ခွင့်ပြုထားသော စားသုံးဆီများသာ ရောင်းချလျက်ရှိပြီး ဇန်နဝါရီ တတိယပတ်အတွင်း မြေပဲဆီ တစ်ပိဿာလျှင် ၂၀၀၀၀ ကျပ်၊ နှမ်းဆီ(စစ်စစ်) တစ်ပိဿာ လျှင် ၂၀၀၀၀ ကျပ်နှင့် စားအုံးဆီတစ်ပိဿာလျှင် ၈၀၀၀ ကျပ်ဖြင့် ဖြန့်ဖြူးရောင်းချပေးလျက်ရှိကြောင်း တွေ့ရှိရပါသည်။

DOCA(ပဲခူး)