သတင်းနှင့် လှုပ်ရှားမှုများ

စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံးမှ ခရိုင်ဦးစီးမှူး ဒေါ်ဇင်မာဦး သည် (၁၀.၁.၂၀၂၅) ရက်နေ့၊ နံနက် (၁၀:၀၀) နာရီအချိန်တွင် ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြု (Community Center) ခန်းမ၌ အသိပညာပေး Call Center (1535) တွင် စားသုံးသူနစ်နာမှုများနှင့် စပ်လျဉ်း၍ ၍ တိုင်းကြားနိုင်ရေး အသိပညာပေး Talk Show ကျင်းပပြုလုပ်ခဲ့ကြပါသည်။

 စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်ဇင်မာဦး က စားသုံးသူကာကွယ်ရေးဥပဒေပါ စားသုံးသူနှင့် စားသုံးသူကာကွယ်ရေး အဓိပ္ပာယ်အကြောင်း၊ စားသုံးသူကာကွယ်ရေးဥပဒေရေးဆွဲ ပြဌာန်းရသည့် ရည်ရွယ်ချက်များ၊ ကုန်စည်နှင့်ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုဖြစ်ပါ က တိုင်ကြားနိုင်သသည့် နည်းလမ်းများ၊  Call Center တည်ဆောက်ရသည့်ရည်ရွယ်ချက်များ၊ ကုန်စည်နှင့်ဝန်ဆောင်မှုများနှင့် ပတ်သက်၍ နစ်နာဆုံးရှုံးမှုဖြစ်ပါက Call Center (1535) ကို ဆက်သွယ်တိုင်းကြားနိုင်သည့်အပြင် ပြည်တွင်းကုန်သွယ်မှုနှင့် ပတ်သက်၍ သတင်းအချက်များကို လည်း ဖြေကြားပေးကြောင်း   ဆွေးနွေးပြောကြားခဲ့ ကြောင်း သိရှိရပါသည်။

DOCA(စစ်ကိုင်း)

စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးတို့ သည် ၂၇.၁.၂၀၂၅ ရက်နေ့ နံနက်(၁၀:၄၅)အချိန်တွင် မှတ်ပုံတင်လျှောက်ထားသည့် လှိုင်သာယာ မြို့နယ်ရှိ အမှတ်(က-၁၄၅၆)၊ ညောင်ပင်လမ်း၊ (၁၆)ရပ်ကွက်၊ အလှကုန်ပစ္စည်းများ ရောင်းချလျက် ရှိသည့် တင်ဇာလှိုင်အွန်လိုင်းလုပ်ငန်းသို့ မြေပြင်စစ်ဆေးခြင်း ဆောင်ရွက်ခဲ့ပါသည်။

ထိုသို့ဆောင်ရွက်ရာတွင် ဒေါ်နီလာဝင်း၊ ဦးစီးမှူးက အွန်လိုင်းစနစ်ဖြင့် ရောင်းချနေသော လုပ်ငန်းရှင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းဆောင် ရွက်ရာတွင် လျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ် တည်ရှိခြင်းရှိ/မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန် တင်ပြထားသော ကုန်စည် (သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ်ရောင်းချနေသော စာရင်း ကိုက်ညီမှုရှိ/မရှိ တို့ကို စစ်ဆေးခဲ့ပြီး၊မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/မရှိ၊ စားသုံးသူကာကွယ်ရေးဥပ‌ဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသား ဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

အကြီးအကဲ၏လမ်းညွှန်ချက်အရ စားသုံးသူရေးရာဦးစီးဌာန၊ ရန်ကုန်အနောက်ပိုင်းခရိုင်ဦးစီး မှူးရုံးမှ ဦးစီးမှူး ဦးကျော်ခိုင်နှင့် ဝန်ထမ်းများသည် ကမာရွတ်ခရိုင်၊ ဗဟန်းမြို့နယ်၊ ဗဟန်းဈေး အတွင်းရှိ အမှတ်(၈/၉/၁၀) ဗဟန်းဈေးအတွင်းရှိ ဒေါ်ဟန်ယဉ်ယဉ်ဆန်ဆိုင်  နှင့်  အမှတ်(၁၅/၁၆)၊ နံရံကပ်၊ ဗဟန်းဈေးအတွင်းရှိ ဦးညီညီအောင်ဆန်ဆိုင်တို့အား ဗဟန်းဈေး တာဝန်ခံ ဦးတက်တိုးနှင့်အတူ ပူးပေါင်းပြီး ဆန်ရောင်းချမှုအခြေအနေများကို ကွင်းဆင်းစစ်ဆေးအသိပညာ ပေးမှုများအား ၂၈.၁.၂၀၂၅ ရက်နေ့တွင်သွားရောက်၍ ကွင်းဆင်းအသိပညာပေးမှုများ ဆောင်ရွက် ခဲ့ကြောင်းသိရှိရပါသည်။

ထိုသို့  ကွင်းဆင်းအသိပညာပေးရာတွင် ဆန်ဆိုင်များရှိ ရောင်းချနေသော ဆန်များသည် မြန်မာနိုင်ငံဆန်စပါးအသင်းချုပ်မှ သတ်မှတ်ထားသော ရည်ညွှန်းဈေးနှုန်းများအတိုင်း ရောင်းချခြင်း ရှိ/မရှိနှင့် ဆန်ဈေးနှုန်းကြီးမြင့်မှု မဖြစ်ပေါ်စေရေးအတွက် ဈေးကစားရန်အလို့ငှာ ဆန်များသိုလှောင် ထားခြင်းရှိ/မရှိတို့ကို စစ်ဆေးခဲ့ကြပြီး လိုက်နာမှုမရှိသော လုပ်ငန်းရှင်များကို အရေးကြီးကုန်စည်နှင့် ဝန်ဆောင်မှုဥပဒေအရ အရေးယူခံရမည်ဖြစ်ကြောင်း အသိပညာပေးဆောင်ရွက်ခဲ့ကြောင်း သိရှိရပါ သည်။

DOCA(ရန်ကုန်)

ရန်ကုန်တိုင်းဒေသကြီး၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ လမ်းညွှန်မှုအရ အလုံခရိုင်၊ မရမ်းကုန်းခရိုင်၊ ကျောက်တံတားခရိုင် တရားမဝင်ကုန်သွယ်မှုတိုက်ဖျက်ရေးအထူးအဖွဲ့ ဦးဇော်မင်းလတ် ခရိုင်ဦးစီးမှူး ဦးဆောင်သောပူးပေါင်းအဖွဲ့သည်  ၂၁.၁.၂၀၂၅ ရက်နေ့ မှ ၂၇.၁.၂၀၂၅ ရက်နေ့ အထိ ကမ်းရိုးတန်းသွားရေယာဉ်များဆိုက်ကပ်သည့် ဆိပ်ကမ်းများဖြစ်သော သိန်းဦးဆိပ်ကမ်း၊ ဝါးတန်း ဆိပ်ကမ်း၊ ထူးဆိပ်ကမ်း၊ နိုင်ဂရုဆိပ်ကမ်း၊ ဘုရင့်နောင်ဆိပ်ကမ်းများအား အကောက်ခွန်ဦးစီးဌာန၊ စားသုံးသူရေးရာဦးစီးဌာန၊ အထွေထွေအုပ်ချုပ်ရေးဦးစီးဌာန၊ စိုက်ပျိုးရေးဦးစီးဌာန၊ မြန်မာ့ဆိပ်ကမ်း အာဏာပိုင်၊ အမှတ်(၃) ရေကြောင်းရဲတပ်ဖွဲ့စသည့် ပူးပေါင်း အဖွဲ့များဖြင့်ပူးပေါင်း၍ ရေယာဉ်များတွင် တင်ဆောင်ထားသောတင်ဆောင်ကုန်များအား ရှောင်တခင် ဝင်ရောက်စစ်ဆေးခဲ့ပြီး လက်နက်ခဲယမ်းများ တင်ဆောင်မှုမရှိစေရေးအတွက် ရဲတပ်ဖွဲ့နှင့်ပူးပေါင်း၍ စစ်ဆေးမှုများပြုလုပ်ခဲ့ပါသည်။

DOCA(ရန်ကုန်)

သုံးခွမြို့နယ်၊ ဇန်နဝါရီလ  (၂၇) ရက်

ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်ရှိ အိမ်ဆောက်ပစ္စည်းရောင်းချ သောအရောင်းဆိုင်များတွင် ဘိလပ်မြေများပစ္စည်းပြတ်လပ်မှုရှိ/မရှိနှင့် ဈေးနှုန်းကြီးမြင့်မှုရှိ/မရှိ အခြေအနေအား ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အညီ မြို့နယ်စားသုံးသူ ရေးရာဦးစီးဌာနမှ ဇန်နဝါရီလ (၂၆)ရက်နေ့၊ နံနက်(၁၀:၀၀)အချိန်တွင် အိမ်ဆောက်ပစ္စည်း အရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရသည်။

ထိုသို့ ဈေးနှုန်းဈေးကွက်စုံစမ်း ကွင်းဆင်းစစ်ဆေးခဲ့ရာတွင် သုံးခွမြို့နယ်စားသုံးသူရေးရာ ဦးစီးဌာနမှမြို့နယ်တာဝန်ခံ ဒေါ်စန်းစန်းမော်နှင့် ဝန်ထမ်းများသည် အမှတ်(၄)ရပ်ကွက် အောင်ဇေယျလမ်းရှိ ဦးအင်းရွှေနှင့်ညီမ ဒေါ်အေးကြည်ဆိုင်၊ အမှတ်(၄)ရပ်ကွက် အနော်ရထာ လမ်းရှိ ဦးမောင်မောင်ကြီးဆိုင်၊ အမှတ်(၇)ရပ်ကွက်ရှိ လေးကျွန်းမာရ်အောင်ဘုရားလမ်းရှိ က္ကုစာ္ဆသယ အိမ်ဆောက်ပစ္စည်းဆိုင်နှင့် မိဘမေတ္တာအိမ်ဆောက်ပစ္စည်းဆိုင်များတွင် ဘိလပ်မြေ များ ပစ္စည်း ပြတ်လပ်မှုရှိ/မရှိ၊ ဈေးနှုန်းကြီးမြင့်မှုရှိ/မရှိ၊ ဝယ်ယူရရှိမှုအခြေအနေနှင့် ပြန်လည်ဖြန့်ဖြူးရောင်းချ နေမှုအခြေအနေတို့အား ဆိုင်ပိုင်ရှင်စီးပွားရေး လုပ်ငန်းရှင်များအား မေးမြန်းစုံစမ်းခဲ့ရာတွင် မြို့နယ်အတွင်း အိမ်ရာအဆောက်အဦးအသစ် တည်ဆောက်ခြင်းနှင့် ပြန်လည်မွမ်းမံ ခြင်းများ အတွက် ဖြန့်ဖြူးရောင်းချပေးလျက်ရှိကြောင်း၊ဈေးနှုန်းအနေဖြင့်လည်း ဝယ်ယူရရှိသည့်ဈေးနှုန်း အပေါ်  သယ်ယူစရိတ်ပါ အမြတ်ရာခိုင်နှုန်းအနည်းငယ်ဖြင့် ဖြန့်ဖြူး ရောင်းချပေးလျက်ရှိကြောင်း ပြန်လည်ဖြေကြားပေးခဲ့ပြီး မြို့နယ်တာဝန်ခံမှ ဘိလပ်မြေ ပစ္စည်းများအား ဈေးကစားရန်ရည်ရွယ်ချက်ဖြင့် သိုလှောင်ထားခြင်းများ၊ ဈေးနှုန်းအဆမတန် မြှင့်တင် ဖြန့်ဖြူးရောင်းချခြင်းများ မပြုလုပ်ကြရန် စားသုံးသူကာကွယ်ရေး အသိပညာပေး ပြောကြားခဲ့ပြီး ဈေးကွက်အတွင်း ကွင်းဆင်း စုံစမ်းစစ်ဆေးခဲ့ကြောင်း သိရသည်။

DOCA(ရန်ကုန်)