သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၂၂.၁.၂၀၂၅)ရက်နေ့ ၊ နံနက် (၁၁:၃၀)နာရီအချိန်တွင် သက်ဆိုင်ရာဌာနဆိုင်ရာများနှင့် ပူးပေါင်း၍ အင်္ဂပူမြို့ပေါ်ရပ်ကွက်ရှိ ဆန်အရောင်းဆိုင်များတွင် ဈေးနှုန်းမြှင့်တင်ရောင်းချမှုရှိ/ မရှိ ဈေးကွက်စောင့်ကြည့်စစ်ဆေးခြင်းကို ဆောင်ရွက်ခဲ့ကြောင်းသိရသည်။

          ထိုသို့ဆောင်ရွက်ရာတွင် မြို့နယ်တာဝန်ခံ ဦးဘိုဘိုမှ ဈေးကွက်အတွင်းရောင်းချနေသော ဆန်ဆိုင်ကြီးများတွင် ထိုင်းရက်(၉၀)ဆန် ဈေးနှုန်းမှာ (၇၃၀၀ဝိ/-) ကျပ်၊ ရွှေဘိုပေါ်ဆန်း ဈေးနှုန်းမှာ (၁၄၅၀၀ဝိ/-) ကျပ် ၊ ပုသိမ်ပေါ်ဆန်း ဈေးနှုန်း (၁၂၀၀၀ဝိ/-) ကျပ်၊ ဆင်းသုခဆန် (အဟောင်း) ဈေးနှုန်းမှာ (၈၅၀၀ဝိ/-)ကျပ် တို့ဖြင့်သာ ရောင်းချလျက်ရှိပြီး လစဉ်MRFမှထုတ်ပြန်ထားသော သတ်မှတ်ရည်ညွှန်းဈေးနှုန်းထက်ပို၍ ရောင်းချမှုမရှိကြောင်းနှင့် ဈေးနှုန်းများမှာလည်း ဈေးကွက်အတွင်း တည်ငြိမ်လျက်ရှိကြောင်း စိစစ်တွေ့ရှိရပြီး၊ ဆန်အရောင်းဆိုင်(၅)ဆိုင်အား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးနှင့်ဝန်ထမ်းများသည်(၂၃.၁.၂၀၂၅)ရက်နေ့ နေ့လယ်(၁၄:၀၀)နာရီအချိန်တွင် ဟင်္သာတမြို့၊ဈေးကလေးလမ်း၊ တာငါးဆယ်မြောက်ရပ်ကွက်ရှိ စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးရုံး အစည်းအဝေးခန်းမ၌ ဆီကြိတ်ခွဲထုတ်လုပ်သူ လုပ်ငန်းရှင်များနှင့် တွေ့ဆုံ၍ ဆီထွက်သီးနှံပဲပုပ်မှ စားဆီထုတ်လုပ်နိုင်ရေး  အသိပညာပေးဟောပြောခြင်းကို ဆောင်ရွက်ခဲ့ကြောင်းသိရသည်။

               ဟောပြောပွဲတွင် ပထမဦးစွာ စားသုံးသူရေးရာဦးစီးဌာန ဟင်္သာတခရိုင်ဦးစီးမှူး ဦးဇော်မင်းမှ အဖွင့်အမှာစကားပြောကြားခြင်း၊ ဆီထွက်သီးနှံပဲပုပ်မှ စားဆီထုတ်လုပ်နိုင်ရေး ရှင်းလင်းဆွေးနွေးခဲ့ပြီး၊ စားသုံးသူရေးရာဦးစီးဌာန၊ ဟင်္သာတခရိုင် ဒု-ခရိုင်ဦးစီးမှူး ဦးမောင်မောင်မြတ်ခိုင်က ဒေသထွက်ကုန် ဆီထွက်သီးနှံပဲပုပ်မှ စားဆီထုတ်လုပ်နိုင်ရေး Power point ဖြင့် လုပ်ငန်းရှင်များအား ရှင်းလင်းဆွေးနွေးခဲ့ပါသည်။ ဆက်လက်၍ ဆီထွက်ပစ္စည်းအမျိုးအစားအလိုက် ကြိတ်ခွဲမှုပုံစံများ၊ ဆီထွက်သီးနှံအမျိုးအစားအလိုက် ဆီပါဝင်မှုများအကြောင်း၊ ပဲပုပ်ဆီထုတ်ရာတွင် အသုံးပြုသော စက်ယူနစ်များအကြောင်း၊ ဆီထုတ်အိုးပုံစံနှင့် ဆီထုတ်ပြီး ကြိတ်ဖတ်ထားရှိမှု အိုးပုံစံများ ၊Condenser နှင့် Solvent Pump ထားရှိမှု၊ ဓါတ်ပျံဆီထားရှိမှု အခြေအနေများအကြောင်း၊ Colonial Boiler နှင့် ရေပန့်စက်များ တပ်ဆင်ထားမှုပုံစံများ၊ ဆီချောရရှိသည်အထိ ထုတ်လုပ်ပုံ အဆင့်ဆင့်အား အကျယ် တဝင့်ရှင်းလင်းဟောပြောခဲ့ပါသည်။ ထို့နောက် ဆီစက်လုပ်ငန်းရှင်များနှင့် အပြန်အလှန ညှိနှိုင်းဆွေးနွေးခြင်းများ ပြုလုပ်ခဲ့ပြီး နေ့လယ် (၁၅:၃၀) နာရီအချိန်တွင် တွေ့ဆုံဆွေးနွေးခြင်းကို ရုပ်သိမ်းခဲ့ကြောင်း သိရှိရပါသည်။

DOCA(ဧရာဝတီ)

၂၄.၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ ရန်ကုန်ရှေ့ပိုင်းခရိုင်ဦးစီးမှူးရုံးမှ ဒေါ်အေးအေးနွယ်-စစ်ဆေးရေးမှူးနှင့် ဝန်ထမ်းများသည် ဒေါပုံမြို့နယ်၊ Capital အတွင်းရှိ ရောင်းချသည့် လူသုံးကုန်ပစ္စည်းအမျိုးမျိုးအား ကုန်အညွှန်းအမှတ်အသားများ ပြည့်စုံစွာ ဖော်ပြပါရှိမှု ရှိ/မရှိ စစ်ဆေး ဆောင်ရွက်ရန် ဆိုင်တာဝန်ခံနှင့်တွေ့ဆုံခဲ့ကြောင်း သိရှိရပါ သည်။

အဆိုပါ လူသုံးကုန်ပစ္စည်းအမျိုးမျိုးအား စစ်ဆေးရာတွင်သွားတိုက်ဆေးအမျိုးမျိုး၊ ကိုယ်တိုက်ဆပ်ပြာအမျိုးမျိုး၊ ခေါင်းလျှော်ရည်အမျိုးမျိုးတို့တွင် ကုန်အညွှန်းအမှတ်အသား ပြည့်စုံ စွာဖော်ပြပါခြင်း ရှိ/မရှိ စစ်ဆေးခဲ့ကြရာ ကုန်အညွှန်းအမှတ်အသား ပြည့်စုံစွာ ဖော်ပြပါရှိသည်ကို စစ်ဆေးတွေ့ရှိခဲ့ပြီး သက်ဆိုင်ရာဌာနများ၏ ထောက်ခံချက်များလည်း ပါရှိသည်ကို စစ်ဆေး တွေ့ရှိခဲ့ကြောင်း  သိရှိရပါသည်။

DOCA(ရန်ကုန်)

          ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ် ရှိ အဝေးသင်တက္တကသိုလ် ခန်းမတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် တက္ကသိုလ်နယ်မြေတွင် စားသုံးသူ ကာကွယ်ရေးဥပဒေအရ စစ်ဆေးရေးအရာရှိ၏ လုပ်ငန်းဆောင်ရွက်ချက် သိကောင်းစရာအကြောင်း အသိပညာပေး ဟောပြောခြင်းကို ၂၂.၁.၂၀၂၅ ရက်နေ့ နံနက်(၁၃၃၀)နာရီ အချိန်က အသိပညာပေးဟောပြောခြင်းပြုလုပ်ခဲ့ကြောင်းသိရသည်။

               ဟောပြောပွဲတွင် စားသုံးသူရေးရာဦးစီးဌာနမှ ခရိုင်ဦးစီးမှူးဦးဇော်မင်းက  စားသုံးသူကာကွယ်ရေး လုပ်ငန်းစဉ်အကြောင်းကို အသိပညာ ပေးခြင်း ဆိုင်ရာ ဗဟုသုတများကို ရှင်းလင်းပြီး စားသုံးသူကာကွယ်ရေး ဥပဒေ ၂၀၁၉ကို ရှင်းလင်းဆွေးနွေးခြင်း၊ စားသုံးသူအဓိပ္ပါယ်၊ စီးပွားရေးလုပ်ငန်းရှင်အဓိပ္ပါယ်၊ အခန်း(၆) စစ်ဆေးရေးအရာ ရှိလုပ်ငန်းဆောင်ရွက်ချက် အချက်(၁၁)ချက်ကို ရှင်းလင်းခြင်း၊ စစ်ဆေးရေးအရာရှိသည် ဈေးကွက်အတွင်း လူသုံးကုန်ပစ္စည်းအမျိုးမျိုးကို၊ ဆေးဝါး ၊အိမ်သုံးပစ္စည်း၊ စက်သုံးဆီ၊ စားဆီးအမျိုးမျိုး အထက်ဌာန၏ ၂၀၂၄-၂၀၂၅ခုနှစ် ဦးစားပေးကုန်စည် (၁၀)မျိုးတို့ကို  ဘေးအန္တရာယ်ရှိ/မရှိ စောင့်ကြည့်စစ် ဆေးနိုင်ခြင်း၊ သားသုံးသူများတိုင်ကြားလာပါက စုံစမ်းစစ်ဆေးနိုင်ခြင်း၊ ဈေးကွက်အတွင်း ဘေးအန္တရာယ်ရှိ ကုန်စည်များ ပပျောက်စေရေးကို စစ်ဆေးဆောင်ရွက်ရန် ခန့်အပ်ထားခြင်းဖြစ်ကြောင်း၊ စစ်ဆေးရေးအရာရှိ၏ စစ်ဆေးဆောင်ရွက်မှုများကို သက်ဆိုင်ရာ ဦးစီးဌာနသို့ တင်ပြပြီး စစ်ဆေးရေးအရာရှိ  လုပ်ငန်းတာဝန်များကို ဆောင်ရွက်ရာတွင် မြန်မာနိုင်ငံရဲတပ်ဖွဲ့၏ အကူအညီကို ရယူဆောင်ရွက်နိုင်ကြောင်းရှင်း လင်းခဲ့သည်။ အွန်လိုင်းစနစ်ဖြင့် ရောင်းချခြင်းနှင့် စပ်လျဉ်း၍ အမိန်ကြော်ငြာစာ အမိန့်အကြောင်း ကိုလည်းကောင်း၊ အရေးကြီးကုန်စည်နှင့် ဝန်ဆောင်မှုဥပဒေနှင့် စပ်လျဉ်း၍ အမိန့်ညွှန်ကြားချက်များအကြောင်းကိုလည်းကောင်း၊ စားသုံးသူအခွင့်အရေး နစ်နာဆုံးရှုံးရှုံးမှု ရှိလာပါက တိုင်ကြားလိုရသော နည်းလမ်းများအကြောင်း ကိုလည်းကောင်း၊ နည်းပညာတက္ကသိုလ် ဆရာ/ဆရာမများအား  (၃၀၀)ဦးတက်ရောက်ခဲ့ကြပြီး စားသုံးသူနစ်နာ ဆုံးရှုံးမှုနှင့် ပတ်သက်၍ တိုင်ကြားလိုပါက call center 1535သို့ ဆက်သွယ်၍ မေးမြန်းနိုငကြောင်းကို အကျယ်တဝင့်ရှင်းလင်းအသိပညာပေးဟောပြောခဲ့ကြောင်း သိရှိရပါသည်။

DOCA (ဧရာဝတီ)

၂၄.၁.၂၀၂၅ ရက်နေ့တွင် စားသုံးသူရေးရာဦးစီးဌာန၊ ရန်ကုန်ရှေ့ပိုင်းခရိုင်ဦးစီးမှူးရုံးမှ ဒေါ်လဲ့လဲ့ဌေး -စစ်ဆေးရေးမှူးနှင့် ဝန်ထမ်းများသည် ဦးစားပေးကုန် စည်များတွင် တစ်မျိုး အပါအဝင်ဖြစ်သော ရောနှောဆီများအား ဈေးစည်ပင်စည်ပင်သာယာရေး အဖွဲ့တို့နှင့် ပူးပေါင်း၍ ပုဇွန်တောင်ဈေးအတွင်းရှိ စားသုံးဆီအမျိုးမျိုး လက်လီ/လက်ကား ရောင်းချသည့် ကုန်စုံဆိုင်များအား စစ်ဆေးဆောင်ရွက်ခဲ့ပါသည်။

အဆိုပါ ရောနှောဆီများအား စစ်ဆေးရာတွင် သတ်မှတ်ညွှန်ကြားချက် အချိုးအစား  များနှင့် ကိုက်ညီမှုရှိသော စားသုံးဆီများကိုသာရောင်းချခြင်းရှိ/မရှိ၊ ကုန်အညွှန်းအမှတ် အသားပြည့်စုံစွာ ဖော်ပြပါရှိသောစားသုံးဆီများရှိ/မရှိ စစ်ဆေးခဲ့ကြရာ စျေးကွက်အတွင်း ရောင်းချနေသောဆီများသည် ကုန်အညွှန်းအမှတ်အသားပြည့်စုံစွာဖော်ပြပါရှိပြီး သက်ဆိုင်ရာ ဌာနများ၏ ထောက်ခံချက် များပါရှိသည်ကို စစ်ဆေးတွေ့ရှိခဲ့ကြောင်း  သိရှိရပါသည်။

DOCA(ရန်ကုန်)